Ana Sözü. Türkiye dışişleri Bakannıın açıklaması

Transkript

1 Ana Sözü Yaþa, benim Halkým! TM ANA SÖZÜ ( ) 27 Baba Marta (mart) 2015 Paası - 2 ley 50 bani İrina VLAH Gagauziya Başkanı ayırıldı Canabisi Gagauzluu ön plana çıkaracek mı? Baba Marta ayın 22-dä Gagauziya Başkan seçimnerin I-ci turunda Gagauziya Başkanı İrina VLAH ayırıldı. MSK açıklamalarına görä Canabisi seçimnerä katılannarın 51,11 % (32543 oy) oylarını aldı. Kalan kandidatlar arasında olylar bölä payedildi (alınan % görä): Nikolay DUDOGLO 19,06 % (12136 oy), Valeriy YANİOGLO 7,97 % (5080 oy), Dimitriy KROİTOR 6,22, % (3956 oy), Oleg GARİZAN 5,11 % (3251 oy), Aleksandr STOYANOGLO 4,98 % (3174 oy), Ruslan GARBALI 4,83 % (3075 oy), Leonid DOBROV 0,40 % (253 oy), Sergey ÇERNEV 0,19 % (122 oy), İlya ANASTASOV 0,13 % (84 oy). Gagauziyada eni Başkan seçildi. Nelär getirecek o Gagauziyaya hem Gagauziyanın insannarına? Genä kavga mı? Yalancılık mı? Brejnevizma mı? İkiüzlülük mü? Darmadaan hem bom-boş evleri hem sokakları mı? Ev kapamayca yanbancılaa kaçmayı mı? Osaydı eni yaşamak mı getirecek? İş erlerini hem şkolaları enidän mi açacek? İnsannık hem hristiannık paalılıklarını paaya kadırabilecek mi? Canabisi Gagauzluu ön plana çıkaracek mı? Gagauziyayı birleştirmää becerecek mi? Sekiz yılın içindä biri-birlerinä girän insanarı barıştıracek mı? Soruşlar, sincir gibi, biri-biri ardına gelerlär hem o soruşların sırası bitmeer. Cuvaplar da ölä, sincir gibi, biri-biri ardına, gelecek mi? Zaman gösterecek. İnsan da umutlan bekleyecek. PATRETTÄ: Tülüküülülär karıkoca Nadejda ZANFİR hem Nikolay ZANFİR da gelecää umutlan bakêrlar hem o islää gelecää saburlan bekleerlär. Arkadan bu bakışa katılêr onnarın gözäl, ama pek naalet beygirleri Albina da. İrina VLAH duudu 1974-cü yılın Küçük ayın (fevral) 26-da Komratta ci yılda başardı G.Gaydarcı adına Komrat teoretika liţeyini yıllarda Komrat Devlet Universitetın juridika fakultetında üürendi cı yıldan 2003-cü yıladan Çadır kasabasının vergi inspekţiyasında yurist işledi cü yılda Gagauziya İspolkomun juridika bölümünün başı oldu ci yıldan beeri Moldova komunistlär partiyasının listelerindän 5 kerä Moldova Parlamentın deputatı ayırıldı ci yıldan Moldova komunistlär partiyasının Komrat raykomun başı oldu ci yılda bilim doktoru disertaţiyasını korudu cu yılda Gagauziya Başkan seçimnerinä kandidat olarak katıldı cü yılda Moldova Parlamentın komunistlär partiyasının frakţiyasından hem taa sora partiyadan da çıktı ci yılın Baba Marta ayın 22- dä Gagauziya Başkanı ayırıldı. Bir kızın anası. Seçim oyları enidän sayılacek mı? Gagauziya Başkanına kandidatlar Nikolay DUDOGLO hem Sergey ÇER- NEV açıkladılar, ani isteerlär seçim oyları enidän sayılsın. Canabileri şüpä altına koyêrlar onu, ani Seçim Komisiyaları, sayarkana verilmiş oyları, hepsi dooru kertikleri kullanmadılar. Buna karşı Gagauziyanın MSKsı (Merkez Seçim Komisiyası) başı Valentin KARA açıkladı, ani büünkü günädän MSKya bu kandidatlardan ofiţial bir danışma olmadı. Türkiye dışişleri Bakannıın açıklaması No: 92, 23 Mart 2015, Moldova Cumhuriyeti Gökoğuz Yeri Özerk Bölgesi nde 22 Mart 2015 Tarihinde Düzenlenen Başkanlık Seçimleri Hk. Moldova Cumhuriyeti Gökoğuz Yeri Özerk Bölgesi başkanlık seçimlerinin 22 Mart 2015 tarihinde demokratik ve barışçıl bir ortamda gerçekleştirilmesinden memnuniyet duymaktayız. İlk turda yeterli oyu alarak Gökoğuz halkının tercihleri doğrultusunda Başkan olarak seçilen Sayın Irina Vlakh ı kutluyoruz. Seçimlerin Gökoğuz Yeri ve Moldova için hayırlı olması diliyoruz. Türkiye, yeni Gökoğuz Yeri Başkanı yla da evvelce olduğu gibi Moldova nın toprak bütünlüğü temelinde, soydaşlarımızın refah ve çıkarları istikametinde işbirliği içinde olmayı sürdürecektir. (Türkiye türkçesindä) Baba Marta ayın 25-dä Gagauziya Merkez Seçim Komisiyası (MSK) Başkan seçimnerin ofiţial sonuçlarını kabletti. İrina VLAH seçimnerdä enseyän kişi tanındı. Seçim organnarın protokolları hem da başka dokumentları Komrat Apeläţiya palatasına yollanacek, seçim sonuçları kabledilsin hem Gagauziya Başkanın kuvedi tanınsın deyni. Seçimnerindän fotoreportaj 4-cü sayfada Şindi Moldova Respublikasında da! Kişinevda açıldı Evropa standartlarına görä mediţina reabilitaţiyasında komplekslı izmetlär merkezi Neokinetica. 8-ci sayfa

2 Sonunda brejnevizma da üzä çıktı Gagauziyanın ofiţial sayatı bildirdi, ani Baba Marta ayın 23-dä Глава гагаузской автономии Михаил Формузал наградил членов Исполнительного Комитета орденами, почетными званиями и грамотами Башкана и Народного Собрания Гагаузии. Gözäl bir haber. Ama nekadar gözäl okadar fasıl da! Hiç bir şüpä altına koymêêrız o günü ordennar, şannı adlar, gramotalar kabledän insannarın ödüllär için haklarını. Kimileri iki ödülä birdän hak kablettilär. Bekim bu da dooru. Ama fasıl iş açan İspolkom kendisi ordennarı kurêr sora da kendi-kendilerinä onnarı verer! 8 yılın içindä İspolkomda işleyennerin hem başkanın çalışmalarınnan Gagauziya darmadaan oldu. İnsannar diri kalmak için aşırılara kaçêrlar. İş yok, bolniţaları yok ettilär, şkolaları kapadılar. Burada sa ordennar! Burada, gagauz halkın önündä dizçä çöküp, gagauzlar onnarı prost etsinnär deyni mitani yapsınnar lääzım. Onnar sa hiç utanmadaan ödülleri alêrlar. Hiç birisi demedi: Almêêrım, zerä utanêrım! Hepsi aldı! Bu esapsızlıı açıklamaa deyni laf etişmeer. Hiç bir laf ta etmeer! Taa doorusu eter, ama gazeta sayfaları o laflara dayanamayacek. Bilmeerim nasıl halk dayanır?! 8 yılın içindä İspolkomda işleyennerin bu ödüllerinä haklarını başka bir İspolkom yada eni Başkan tanıyaydı iş başka işti. Bölä sa iş brejnevizma ya benzeer. Etika soruşlarını hiç dürtmeeriz da. 27 Baba Marta 2015 Siriet-Prut-Nistru Birliin azalrı Gagauziyada toplandılar Baba Marta ayın 10-da Komratta oldu Siriet-Prut-Nistru Birliinä girän regionnarın öndercilerin toplantısı. Gagauziya bu Evroregionnar Birliinä 2015-ci yılın Büük ayın 1-dän aza oldu. Siriet-Prut-Nistru Birliin 23 regionun öndercileri Gagauziyada kultura, ekonomika hem infrastruktura soruşlarını inceledilär. Bu toplantıdan sora Gagauziyada var umut, ani Siriet-Prut-Nistru Birliin yardımınnan kabledilecek para gaz hem su sistemalarını genişletmää deyni. Siriet-Prut-Nistru Birlii kuruldu 2015-ci yılda. Bu Birlää girdilär Moldovanın 26 rayonu, Rumıniyanın 3 bölgesi Yaş, Prahov hem Vasluy. Birlik çalışêr ekonomika, infrastruktura, kultura, tabiat, turizm, çiftçilik, cümne uurlarında ci yılda Siriet-Prut-Nistru Birlii imzaladı işbirlii annaşmasını Nistru Evroregionunnan, angısına girerlär Ukraynanın Vinniţa bölgesi hem Moldovanın 7 rayonu. EB Büükelçileri kandidatları yola koydular Baba Marta ayın 9-da, Gagauziya Başkanına kandidatlarlan buluşmaa deyni, Komrata geldilär Moldovada bulunan Evropa Birliinin (EB) Büükelçileri. Buluşmada hepsi kandidatlar pay alamadılar, ama onnarın temsilcileri orada vardılar. Büükelçilär urguladılar, ani seçimnär lääzım demokratiçno geçsinnär hem annatılar o proektlar için, ani EB yardımınnan Gagauziyada yapılêr. Evropa Birliinin Büükelçileri sayêrlar, ani Gagauziyada 2015 Başkan seçimneri hem Gagauziya için, hem da Moldova için pek önemli. Mihail ÇAKİRin mezarı 15 yıl geeri bulundu Baba Marta ayın 10-da, taman Ana Sözü n geçän nomeri çıktıydı, redakţiyanın kapusu açıldı da içeri girdi çadırdan Protoierey Dimitri KİROGLU. Selämnaşıp, lafetmää başladık. Belliydi, ani Ay-Boba Dimitri pek duygulu. Bän, nicä herkerä, nereysä alatlardım. Kalktık ayaa. Ay-Boba Dimitri deer: - Todur, büük sevinmelik var! Bän sindi Ay-Boba Mihail ÇAKİRin mezarından gelerim! Şaş-beş kaldım: - Buldun mu? - Bän diil, - dedi. - Annaştıydım Merkez (Ermeni) mezarlıın bakıcısınnan. Çok aaradık. Da te büün verdi haber: mezarı bulmuşlar. Deerim: - Gidelim, göster. Bukadar yıl oldu aarêêrız. Aydınnadıcı Ay-Boba Mihail ÇAKİRin mezarını kim sadä aaramadı: Romıniyada yaşayan senseleleri da, Çadırdan Protoierey Dimitri KİROGLU da, Dionis TANASOGLU da, Stepan KUROGLU da, Todur ZANET ta, başkaları da. Ama buldu mezarı Moldova Bilim Akademiyasının zaametçisi Nikolay Andreeviç DEMÇENKO. Bu iş halizdän unudulmasın deyni hem yalancışarın aazlarını tıkamaa deyni, büün enidän tiparlêêrız mezarın bulunması için 2000-ci yılda ilk yazımızı. Ama dışarda karannıcak olardı. Ay- Boba Dimitri da Çadıra alatlardı. Annaştık, ani bu ayın 21-dä gelecek Kişinöva, da gidecez mezarlaa. Cumêrtesi 18-dä redakţiyada çalışardım. Bir da geldi Petri ÇEBOTAR. Gözleri şılêêr: - Todur, tanı neredän bän gelerim?! Bir soluk çekip başardı. Merkez mezarlıından. Deerim: - Mihail ÇAKİRin hem İrina ÇA- KİRin mezarından... Da annattım ona Ay-Boba Dimitriylän buluşmamı. Sora Petri annattı: - Bana mezarın bulunması için annattı Nikolay Andreeviç DEMÇEN- KO. Söledi nicä mezarı bulmaa da. Ama genä da bir-buçuk saat aaradım buluncak. Etiştik Baba Marta ayın 21-nä. Ama Ay-Boba Dimitri gelamedi Kişinöva, zerä adam suuklamış da yatêr hastalar evindä. Biz Petriylän, alıp yanımıza adeta görä bir şişä şarap, ekmek, mezä hem çiçek, yollandık Ay-Boba Mihail ÇAKİRin hem onun karısının İrina ÇAKİRin mezarına. Petri biraz ilerdä, yolu gösterer, bän da ardına giderim. Etiştik klişenin yanına. Petri deer: Say adımnarı. Cekettim saymaa, ama şaşırdım. Mezara yaklaştıkça ürääm sık-sık düülmää başladı. Bu yol bana ölä uzun göründü! Bir da Petri, durgunup, dedi: Te mezar. Yaklaştık. Seläm verdik. Okuduk: Aci se odihnesc Protoireu MIHAIL CEACHIR 27 IV IX 1938 şi soţia sa IRINA CEACHIR 5 V XII 1934 Dormiţi ın pace scumpi parinţi Petri deer: - Bak, Mihail dädu bir aaraştırma İnstitutun işini tek başına yaptı... Bulü İrina da yanında... Biraz sustuk. Sora çekettim patredä çıkarmaa. Duygulardan ellerim titirer. Petri ilktän kendini sıkardı, sora, bakêrım, onun da duyguları üzä çıkmaa başladı... Açtık şarabı. Stavrozumuzu yapıp, ilktän mezarlara şarap döktük. Sora dört filcana: iki filcanı mezarlar üstünä koyduk... Şaraptan dadaceykana dedik: - Topracıınız ilin olsun, Ay-Boba Mihail hem Matuşka İrina. Şükür Allaha, ani mezarlarınız da bulundu. Sizi unutmêêr gagauzlar... Topracıınız ilin olsun... Todur ZANET. Ana Sözü No.6, 2000 y.

3 27 Baba Marta 2015 Komratta M. Maruneviç adına Bilim-aaraştırma Merkezindä Baba Marta ayın 25-dä oldu bilim-praktika konferenţiyası: Роль СМИ в развитии гагаузского языка и достижении межэтнического согласия в обществе ( Gagauz dilinin ilerlemesindä Masa- İnformaţiya Kolaylıklarının rolü hem insan topluluunda etnika arası annaşmasının başarı kazanması gagauzçası Bilim-aaraştırma Merkezin). Bilim-praktika konferenţiyasını Bilim-aaraştırma Merkezinnän otrak hazırladı Gagauziyanın Radio hem Televideniye Cümne kuruluşu. Konferenţiyada pay aldılar bilim insannarı, yazıcılar hem gazetacılar, cümne hem kultura insannarı. Bilim-praktika konferenţiyası çerçevesindä, plenum oturuşundan kaarä, iki sekţiyada çalışmaklar yapıldı: I-ci sekţiya Роль и значение СМИ в функционировании языков в Гагаузии ; II-ci sekţiya Особенности феномена политической корректности в СМИ Республики Молдова. İnsan topluluuna deyni bilim lääzım M.V. Maruneviç adına Bilim-aaraştırma Merkezinin direktoru, istoriya bilgilerindä doktor Pötr PAŞALI annadêr bilim aaraştırmaların, bilimin soţial potenţialının praktika önemlilii için, Merkezin 2014-cü yılının işleri hem 2015-ci yıla plannarı için. Pötr Mihayloviç, geçti bir yıl, nicä Canabin Gagauziyanın Bilimaaraştırma Merkezin direktoruysunuz. Kolektivınız için bu yıl nicä geçti? Şindi başarılar* için zor sölemää, ama kısadan bölä söleyecam. Bizim kolektivımız ancak ayaa kalkêr. Hepsi taa olmêêr nicä isteerim olsun, neçinki dolay yanımızda çok problema var. Ama bir yılın içindä, Gagauziya İspolkomunnan barabar, biz kolektivi kurduk hem may boş erdä material bazasını kurduk: odaları arendaya aldık, mebel, kompyuter tehnikası, biblioteka, arhiv. Biz bulunêrız Komratta, Pobeda sokaa, 58, 4-cü kat Komrat-Siti binasında. Ama en meraklı, ki kurulêr genç aaraştırmacıların şkolası, angısında var üüsek uurlu aaraştırma proektları istoriya hem etnografiya, dil hem lingvistika, ekonomika hem elzanaatı aaraştırmalar, ţivil topluluu alayında. Bir küçük analiz: kolektivda 18 kişi işleer. Onnarın 14-dü yaşêêr hem işleer burada, Gagauziyada, 3 kişi Komrada Kişinevdan geler, ikisi Türkiyedä hem Bulgariyada magistraturada üürener. Milletlik tarafından bilim aaraştırmacıların arasında var 12 gagauz, 2 bulgar, 2 ukrain hem 2 rus. Onnarın orta yaş uuru 45 yıl. Bizä deyni pek meraklı hem paalı o fundamental aaraştırmalar, angıları gagauz halkının istoriyasına, onun dedelerinä hem Büük Kırın teritoriyasında devletliin formalarına baalı. Afetsin beni okuyucu, ki burada vererim Gebelsin, tiranın, anılmış laflarını, angılarında görüner büünkü moldovan politikasının özü:...al halktan onun istoriyasını, da bir evladboyundan sora o bir sürü olacek, ama taa bir evladboyundan sora onu olacek nicä hayvan sürüsünü gibi önetmää*.... Pek tanınmış bir situaţiya, diil mi? Bezbelli, biz çoktan çırak olduk da bunu hiç tä esap almadık! Haliz dä, bizdä az vakıt kaldı. Bu yalan denizindä lääzım birleştirmää en ii fikirli adamnarı da Vatanı, halkı, uşakları hem unukaları kurtarmaa. Yok halk istoriyasız, nicä dä yok istoriya halksız. Meraklıydır yaptıkların, ama laflar bişey diil. Bilim-aaraştırma Merkezin strukturası nesoy? Merkezdä dört bölüm var: İstoriya hem etnografiya bölümü, Dil, literatura hem folklor bölümü, İnformaţiyatiparlamak bölümü. başı Hepsinin onnarın başları anılmış hem avtoritetli insannar. Büün şüpesiz olur demää, ki herkezi annêêr: insan topluluuna deyni bilim lääzım. Başka laf hazır mı topluluk aaraştırmaların başarılarını kullanmaa hem nekadar o hazır bilimaaraştırmalara yatırmaa*. Bak, büük sekret diil, ki çoyunda evdä kompyuter var, may herkezindä mobilmıy telefon var, İNTERNET var, biz üüreneriz mal satın almaa, evdän çıkmadaan hepsi bunnar bilimin başarılarıydır. Ama medalin ters tarafı da var: soruşlar hem problemalar, angıları peyda olêrlar halkın migraţiyasına görä, aylelär hem evlär daalêrlar, bizim saalıımıza imäk malların zararı, dinnerin arasında cenklär h.b. Bu soruşları lääzım derindän üürenmää, lääzım ekspertiza yapmaa, aaraştırmaa hem rekomendaţiya vermää, angıları politikacıların hem devlet öneticilerin* masalarına koyulêrlar. Bilim-aaraştırma Merkezinin ne problemaları var hem nicä Canabinä uygun çıkêr İspolkomnan hem Gagauziya Halk Topluşunnan işbirliktä bulunmaa? Bilim Merkezi Gagauziya İspolkomun evladı. Gagauziya Halk Topluşun başı D.G. Konstantinov, bücet komisiyasının başı G.İ. Morar devamnı Sonu 7-ci sayfada Bilim-aaraştırma Merkezin şaşılacek kalendari M. Maruneviç adına Bilim-aaraştırma Merkezi bildirdi, ani hazırlamış hem tipardan çıkarmış «Календарь Научно-исследовательского центра Гагаузии на 2015 год» hem Merkezin saytında bulêrız bu şaşılacek kalendari. Gözäl hazırlanmış, ama naşey bu: adanmış «365 дней в истории гагаузского народа» kalendarin erinä kablettik kalendari, angısına «помещены краткая историческая справка и портреты людей внёсших особый вклад в становление и развитие гагаузской автономии». Bu halizdän mi ölä? Bana geler iş biraz tersinä. Çünkü bu gözäl bir iş olaceydı, herliim o insannarın arasında, ani koydular особый вклад в становление и развитие гагаузской автономии olmayıdı adamnar, ani yaşadılar ozaman, açan avtonomiyanın kokusu da yoktu hem onnar, kimin adlarını avtonımiya kurularkana insan hiç işitmedi da. Neçin sa Kalendarä unutmuşlar koymaa haliz insnnarımızı, ani sade GA- GAUZLAR için ömür boyunca çalıştılar hem GAGAUZLUU korudular. Bu insannar belli ki aydınnadıcılarımız, yazıcılarımız, poetlarımız, dramaturglarımız, folklorcularımız hem bilim aaraştırmacılarımız Nikolay BABOGLU hem Todur ZANET. Herliim M. Maruneviç adına Bilim-aaraştırma Merkezin Kalendari aslıdan olaydı «краткая историческая справка и портреты людей внёсших особый вклад в становление и развитие гагаузской автономии» o insannarın arasında mutlaka lääzımdı olsunnar bu iki yazıcı da. Ama Kalendardä, GAGAUZLAR hem GAGAUZLUK erinä bir sürü kişi var, ani «становление и развитие гагаузской автономии» işlerinnän hiç ilgileri da yoktu. Düşünün kendiniz: Nikolay BA- BOGLUnun erinä burada koyulu onnar, ani raametli oldular avtonomiyanın adı taa neetlerdä da yokkana. Onnar, kim avtonomiyanın zamanında hiç mırklamardılar da. Onnar, kim sonundan, yıllar geçtiynän, istoriyaya sokulmaa savaşêr. Taa bir iş: M. Maruneviç adına Bilim-aaraştırma Merkezindä Dionis TANASOGLUnun duuma ayını bilmeerlär. Adam duudu Orak ayında (iyül). Kalendarda sa onun duuması Kirez ayında (iyün) yazılı. Bileriz, Bilim Merkezin öndercileri hemen cuvap edeceklär: Yannışlık oldu. Bunu beki inanaceydık, insanız, hepsimiz yanılêrız, herliim Dionis TANASOGLUnun biografiyasında olmaydı yazılı sade gagauz yazıcısı hem peetçisi. Neçin sa unutmuşlar yazmaa, ani Dionis TANASOGLU Profesor, bilim Doktoru, halizdän cümne insanı hem aydınnadıcımız. Diil mi onuştan, ani küçültmää deyni raametlinin BÜÜKLÜÜNÜ da savaşmaa üzä çıkarmaa kalan kişileri, angıları için bu kalendardä yazılı üünmä, çok kerä boş hem kof laflar: профессор, выдающийся ученный, общественный деятель hem taa başka. Kalendarä koyulu o insannar, ani bütün yaşamalarında GAGAUZ- LAA karşı gittilär hem gagauz dilindä sündük lafı için не ругательство, а слово с положительным смыслом yazêrlar. Nicä da olsa, Kalendarä analiz yaparak, annêêrsın, ani M. Maruneviç adına Bilim-aaraştırma Merkezi savaşêêr silmää o GAGAUZ bilim adamnarını, o yazıcıları hem poetları, ani gagauz literaturasına hem biliminä Türk dünnäsı istoriyasından, kulturasından hem literaturasından bakêrlar. Da üzä genä çıkarêrlar bu işlerä slav bakışınnan bakannarı hem kiminsa dostlarını, senselelerini hem yakınnarını. Kalendarä koyulu rus generalın İvan İNZOVun patredi. Yazılı, ani İvan İN- ZOV попечитель болгарских и гагаузских Задунайских поселенцев. Bu iş için te ne isteerim annatmaa: ozamannar o sade попечитель болгарских Задунайских поселенцев muş. Te nicä yaşarmışlar гагаузские поселенцы ozamannar:...aktı gözümün kannı yaşı... Altımızda kuru hasır......işittirämeeriz padişah uzak, Annadamêrız Allah üüsek (Gagauz halk türküsü Kiyat geldi ) Kalendari incelärkana hep bir fikir iyer içini: Nekadar taa var nicä GA- GAUZLARIN parasınnan GAGAUZ- LARA bukadaradan yalan yazmaa, gagauzların haliz istoriyasına bukadaradan falsifikaţiya yapmaa! Herliim M. Maruneviç adına Bilim-aaraştırma Merkezi bir ufak kalendarindä falsifikaţiyalardan hem yannışlıklardan başladısa, ozaman nesoy BİLİM için laf var nicä gitsin? Sergey MANASTIRLI, Türkiye/Ankara, Gagauziya/Kıpçak Redakţiyadan Not: Kalendarin sonunda yazılı, ani Ни одна из частей этого календаря не может быть воспроизведена в какой бы то не было форме без письменного согласия владельцев авторских прав. Onuştan gazetada Kalendarin patretlerini verämeeriz, ama Canabinizlär var nicä onu göräsiniz internettä bu adresta uncategorised/66-kalendar.

4 27 Baba Marta 2015 Başkan seçimnerindän fotoreportaj 2015 yılın Gagauziya Başkan seçimneri istoriyaya vardı. Bölä hıstırıcı hem esapsız seçimnär Gagauziya görmedi taa. Ama esaba alarsak Moldova Parlamentına bıldırkı seçimneri, artık bişeycää yok ne şaşmaa: vardı kimdän örnek almaa. Bundan kaarä Evropa Birliin Büükelçileri da, Komrada gelip, kandidatları yola koydular. Bakmadaan ona, ani şindiyädan, seçimneri taradan 9 kandidattan biricii sudlara danışmadı, lääzım kabletmää onu, ani o kandidatlar tanıdılar enseyenin taramasını. İstoriyada kalacek bir çok önemli iş: açan Başkannaa bir kandidatın arkasında durêr Rusiya gibi dev devlet, onun baskı mehanizmasına, açık hem saklı kuvetlerinä, para kesesinä karşı biri koyamaz. Diil salt o 9 kandidat, ani seçimnerdä tarattılar, ama Moldova devleti da, ani bu hıstırıcı baskıya karşı bişey koyamadı hem koymaa istämeer. Nicä da olsa sefaa ayırılan kandidat adadı, ani birleştirecek Gagauziyanın cümnesini hem insannarı. Bu gözä hem pek islää neet. Allaa versin, onun arkasında durannar eni Başkanı köstekleyämesinnär, payvantlayamasınnar. Beni hepsindän pek azarladı o, ani taman seçim günündä, benim büüdüüm kliseyä, maamilä surat yardım için, eni seçilän Başkanın adamı 50 bin ley verdi. Bana kalsa, bu lekä hiç bir kerä silinmeyecek 2015-ci yılın Başkan seçimneri günündän hem o paralar haram olarak verildi, sayêrım. İrina VLAHa da deerim: Başkan seçilmeniz kutluca olsun hem geçteki başkan gibi kinni olmayınız! Todur ZANET. Fotolar avtorun. PATRETLERDÄ: Avdarma, Baurçu, Kongaz, Tomay küülerindän hem Komrat kasabasından insannarı (nicä da kalan Gagauziyada yaşayannar) seçimnerdän bir tarafta kalmadılar. Onnar pek büük meraklıklan, havezlän hem cuvapçılıklan Başkannaa kandıdatlara kendi oylarını verdilär.

5 27 Baba Marta 2015 Neyi saklêêr Vasiliy İVANÇUK? G a g a u z i y a hem türk dünnäsı lääzım bilsin neçin, açan GA- G A U Z L A R I türk dünnäsına yada dünneyä tanıtmaa lääzım, orayı MOLDOVAN melodiyalarınnan yollêêrlar MOLDOVAN artistını İgor PODGOREANUyu. Hem bunu Gagauziya Kultura Upravleniyası (oku Gagauziya başkanı hem İspolkomu) hep saklıdan yapêr. Maamilä surat bu adam Düz Ava ansamblisindä işleer. Şükürlär hem saalık ona! Ama HERERİ hem HERKERÄ onu yollêêrlar. Bizdä ne başka naycı mı yok? Var! Ama o naycıların cannarında GAGAUZLUK var, da, onnar sţenaya çıktıynan, Parijlarda, Bakularda, Ankaralarda, Almaatılarda, Bişkeklerdä hem taa çok çok kasabalarda GAGAUZ havalarını çalaceklar. Bu iş Gagauziya öndercilerinä diil lääzım! Onnara ya rus, ya moldovan kulturasını göstermää lääzım Şindi da Ankaradan geldi haber, ani Parija, Nevruz bayramı kutlamalarına GENÄ İgor PODGOREANu gider. İlin yol ona. Ama neçin sa bunu cümne insandan saklêêrlar? Gagauzmediya.md saytına intervyuda Gagauziya Kultura Upravleniyasının başı Vasiliy İVANÇUK bölä dedi: «В рамках фестиваля «Навруз» несколько человек выезжали в Англию, в этом году выезжаем во Францию. Коллектив в основном гастролирует по Турции, а во Францию выезжаю я и еще один музыкант». Kimmiş o еще один музыкант acaba? Bu iş dünneyä saklı diil. TÜRK- SOYun pres-relizında yazılı ani Gagauziyayı Parijda İgor PODGOREANU gösterecek. Gagauziyaya hem Moldova cümnesindän sa bunu Vasiliy İVAN- ÇUK saklı tutêr. Neçin sanki? Parijda UNESCOda Nevruz bayramı Baba Marta ayın 24-dä Franţiyanın başkasabasında Parijda UNESCOnun sţenasına TÜRKSOY (türk dünnäsının UNESCOsu) getirdi Nevruz bayramı şenniklerini. O günü UNESCOnun ştab-kvartirasında Nevruz bayramı kutlamalarınnan konţert gösterildi. Konţertta türk dünnäsından 100 artist pay aldı (Azerbaycan, Kazahstan, Kırgızstan, Uzbekistan, Türkmenistan, Türkiye, Mangoliya, Gagauziya (Moldova), KKTC (Poyraz Kıbrıs Türk Respublikası), Sincan Uygur avtonom Bölgesi (Kitay), Tebriz (İran) hem Rusiyadan: Başkurtistan, Tatarstan, Altay, Tıva, Saha Yakutiya, Hakasiya, Karaçay-Balkariya, Dagestan. Yortuyu kutlama çerçevesindä TÜRKSOY gösterdi Novruz boyaları patret sergisini. Bu yıl, Franţiyadan kaarä, Nevruz TÜRKSOY 18 jurnalistı bireri topladı 2015-ci yılın Küçük ayın (fevral) günnerindä TÜRKSOY, Türkiyenin Halklararası türk kulturası kuruluşunnan, Türkiye Respublikasının Başbakannık Basın yayın informaţiya Genel müdürlüü hem Başbakannık Cümne diplomatikası koordinatorluunnan işbirliindä, türk dünnesindän jurnalistlerä deyni bir programa yaptı. Programaya 18 seçilmiş jurnalist 10 devlettän katıldı: Azerbaycan, Kazakistan, Kırgızistan, KKTC (Pyraz Kıbrıs Türk Respublikası), Türkmenistan, Makedoniya, Başkiriya (RF), bayramı kutlamaları Germaniyada (Köln kasabasında) hem Avstriyada (Vena kasabasında) oldu. Dagestan (RF), Hakasiya (RF) hem Tatarstan (RF). Programaya görä jurnalistlerä buluşmalar yapıldı TÜRKSOYda, YTBda (Yurtdışı Türklär hem Akraba Türkiyedä da bu ilkyaz yortusu 20 kasabada bakılacek. O yortularda 20 devlettän 150 artis pay alacek. Topluluklar Başkannıı), TİKAda (Türk İşbirlii hem Koordinaţiya Agenstvosu), TRTda (Türkiye Radyo hem Televideniye Kuruluşu), Başbakannık Afet hem acil durum önetimi Başkannıında hem Dışişleri Bakannıında. Küçük ayın (fevral) 24-dä, TÜRK- SOY Haldun Taner yılı açılışı yapıldı. Açılışta yabancı devletlerdän 18 hem Türkiyedän 5 jurnalistä 'TÜRKSOY Basın Onur Ödülleri verildi. Ofiţial programalardan sora kultura programası yapıldı: Kapadokiya hem Nevşehir erlerinä gezi. Bundan kaarä İstanbulda da bir iş hem kultura programası yapıldı. Orada buluşmaklar oldular Türk dili konuşan devletlär işbirlii Konseyindä (Türk Keneşi), Devlet arhivleri Genel müdürlüündä, Osmannı arhivleri bölümü Başkannıında hem Türk dünäsı primariyalar Birliindä. Not. Bu yıl Gagauziyadan jurnalistlär TÜRKSOYun bu programasında pay almadılar. Benim tarafım resimcilik konkursunda prizörlar Küçük ayın 21-dä Moldovada Rusiyanın bilim hem kultura merkezindä Benim tarafım resimcilik konkursunda enseyän genç resimcilerä ödül verildi. Bu konkurs Halklararası Ana dili Gününä baaşlandı. Benim tarafım resimcilik konkursunda pay aldılar Moldovanın çeşitli rayonnarından hem Gagauziyanın hem Pridnestrovyenın genç resimcileri. İlk basamakta konkursun jürisi (jüri azaları Kişinevdan, Tiraspoldän hem Komrattan oldular) ayırdılar 60 resim, angılarını II-ci etapa kolverdilär. Bu resimnerin temaları sınırlı diildi. Onnarda vardı nicä görmää patret, peyzaj, natürmord, halk masallarına hem legendalara resim. Konkursun sonuçları açıklandıynan belli oldu, ani bu konkursta pay alan Komrat D. SAVASTİN resimci şkolasının üürencileri genä üüsek erleri aldılar. I-ci erdä: Natalya KINEVA hem Diana GUZUN; II-ci erdä: Aleksandra DEÇEVA; III-cü erdä: Natalya PALAÇAR. Komrat resimci şkolasının direktoru Sergey SAVASTİN konkurs için bölä dedi: Belliki bizim şkolanın resimnerin kendi özellii vardı, zerä bizim adetlerimiz, sıralarımız hem ornamentlarımız başka türlü, diil nicä başka milletlerdä. Onuştan da, bezbelli, biz okadar başarılı olduk. 60 resimdän onbiri eraldı. Bu 11-rin arasında da bizim uşakların dördü oldu. Bizim uşakların resimnerini pek metettilär. Biz da buna sevineriz! Göreriz, ani çalışmamız diil boşuna. Mihail KULEV Teartu festivali Baba Marta ayın günnerindä Komrat kultura Binasında seftä «Свободная сцена» teatru festivali geçer. Hazırladılar onu birliktä S.Kösä adına teatru hem komradın primariyası. Festivaldä pay alêrlar: Çadırdan D.Tanasoglu teatrusu ( Boyacı pyesası), Taraklıdan «Смешен петък» teatrusu («Отель двух миров» pyesası) hem Komrattan S.Kösä teatrusu ( Bir adam bütün küüyä pyesası). Komrat teatrunun öndercisi Denis PINTÄ açıkladı, ani bu festival maasuz Bütündünnä teatru gününä (bakılêr Baba Marta ayın 27-dä) baaşlanêr.

6 Kaç üzlü kutlama? Başkan nezaman aslısını söledi: metedärkan mı, kötülärkan mı? Gagauziya ofiţial saytı bildirdi, ani Gagauziya sportsmennarı kutlarkana Gagauziya başkanı Mihail FORMU- ZAL pek metetmiş sportsmennarı hem onnarın trenerlarını hem demiş: «Ни один политик не может так быстро прославить свой народ, как это могут сделать выдающиеся спортсмены, которые выигрывают чемпионаты. Это гордость за страну. Это пропаганда здорового образа жизни». Pek üüsek sözlär hem, inanêrız, ani onnar candan sölenmä! Esaba alarak onu da, ani respublika hem dünnä çempionatlarında, Olimpiadalarda hem spartakiadalarda en çok medali aldılar Komrat sport liţeyin üürencileri hem vıpusknikleri, biz annamadık Mihail FORMUZALın hep orada sölenän bu laflarını: «У нас есть спортивный лицей, на который мы тратим очень серьезные деньги. Миллионы мы туда вкладываем. А отдачи нет. В том же футболе. Покажите нашу какую-то звездочку из Гагаузии, которая играет в мадридском «Реале» или в «Челси». Нету. У нас 22 тренера, мы платим зарплату. Это огромные деньги. Мы в последние годы много выделяем». Belliki, ani bu bir kaç üzlü bir kutlama oldu. Ama diil belli başkan nezaman aslısını söldi: metedärkan mı, kötülärkan mı? Todur ZANET Dünnä rekordu Gagauziyadan sportsmenda Küçük ayın 22-dä Kişinevun baş meydanında Gagauziyanın Başküüyü (Kirsovo) küüyündän sportsmen Rodion SUKMAN dünneyin eni rekordunu kurdu biri-birinä baalı 10 maşinayı 4,5 metraya sürüdü (eski rekord Litvadan sportsmenın 3 metraydı). Rekordun gününü maasuz ayırdılar, ani o düşsün Büük orucun Prost körpä güreşçilär Vasiliy TAUKÇU (750 ley), Nikolay KOLESNİKOV (750 ley); kadetlär arasında güreşçilär Georgiy PASKALOV (750 ley), Maksim KARABACAK (750 ley); greko-rim güreşçileri Vadim TER- Zİ (750 ley), Segey JOPAN (750 ley); üürencilerin arasında güreçşilär Stepan DRAGOY (750 ley), Grigoriy KARASTOYAN (750 ley); kızların arasında sambo Tatyana ÇAKAL (750 ley); kız kadetların arasında dou güreşlerindä Darya KAZANI (750 ley) hem Kseniya KAZANI (750 ley). Boksörların arasında: büük boksörlar Valeriy SIRBU (1500 ley); genç boksörlar İvan PETROV (1000 ley), körpä boksörlar İlya ÇERNİ- OGLU (750 ley), Nikolay POPOV (750 ley), Kiril ŞAŞU (750 ley). Para premiyalatrını kablettilär trenerlar da. Güreşçilerin trenerları Valeriy KUZNEŢOV (3000 ley), Anatoliy ROMANOV (2250 ley), Genadiy TULBA (1550 ley), Nikolay KAZANI olma gününä. Bu gözäl sport olayını yapmaa deyni fikiri Moldovada Rusların cümnesi hem Moldova halkların Asambleyası ortaya koydu. Ona arka oldular Rusiyanın büükelçilii, Moldovada Rusiyanın bilim hem kultura merkezi, etnikaarası Büro, Moldovanın studentların hem gençlerin Birlii, Kişinev primariyası hem primariyanın üürediciliktä Baş upravleniyası. Rodion SUKMAN yakutların milli sportunda mas-restling ta (sopayı üstünä çekmää) dünnä koboonda gümüş prizöru, 3 kerä Strong man (kaavi adam) yarışlarında hem 5 kerä pauêrlifting (aarlık kaldırmak) yarışlarında Moldovanın çempionu oldu. Not. Rodion SUKMAN duudu 1986-cı yılın Harman ayın (avgust) 17-dä Gagauziyanın Başküüyü (Kirsovo) küüyündä. Kendi kuvedi için hem kuvetli sportlarda çeşitli başarıları için Moldovanın en kaavi insanı sayılêr. 27 Baba Marta 2015 Gagauziya sportsmennarı kutlandı Gagauziya sportsmennarı 2014-cü yılın içindä sadä respublika çempionatlarında 38 medali kazandılar. Bu sportsmennarı hem onnarın trenerlarını kutlamaa deyni Küçük ayın 20-dä Komratta bir toplandı yapıldı. Bu insannara medalilär, kuboklar, şan gramotaları hem para premiyaları verildi. Maasuz onnar için bir konţert ta oldu. Kutlamada pay aldılar Gagauziyanın Gençlär hem sport baş Upravleniyasının naçalniin yardımcısı Petr KURU, Gagauziya başkanı Mihail FORMUZAL hem onun sovetnii Stepan TOPAL, Moldovanın boks federaţiyasının baş sekretari Nikolay ŞAŞKOV, başka cümne hem sport insannarı. Kutlamada ilkin ödül kablettilär Gagauziyanın futbol çempionatında futbol komandaları: 1-ci er Oguz-sport (Bucak küüyü, 5000 ley); 2-ci er Kolos (Kıpçak küüyü, 3000 ley); 3-cü er Saksan-2 (Baurçu küüyü, 1500 ley). Para premiyaları kablettilär serbest güreştä studentların arasında dünnä çempionnarı Evgeniy NEDÄLKO (20 bin ley) hem Petr YANULOV (20 bin ley). Onnarın trenerları Valeriy KUZNEŢOV hem Födor FRANJU kablettilär 5000-är ley. Dimitriy ÇAKUSTA (10 bin ley) hem Nikolay GRAHMEZ (10 bin ley) serbest güreştä dünnä çempiontında 3-cü erlär için. Onnarın trenerları İgnat ÇAVDAR, Genadiy TULBA hem Vladimir GOTİŞAN kablettilär 5000-är ley. Dimitriy ÇAKUSTA kabletti taa 30 bin ley Evropa çempionatında II-ci er için hem kadetların arasında Olimpiadada IIci er için. İvan ZAMFİROV (15 bin ley) kadetların arasında Evropa çempionatında I-ci er için. Onun trenerı Anatoliy ROMANOV kabletti 5 bin ley. Veterannarın arasında dünnä çempionatında dzüdoda I-ci er için hem samboda II-ci er için Petr KURU 40 bin ley kabletti. Serbest güreştä Evropa genclik çempionatında eri için İvan PANFİ- LOV 15 bin ley kabletti. Respublika çempionatlarında erleri alannar kablettilär ley arası para. Güreşçilerin arasında: büük güreşçilär Aleksanr ROMANOV (1500 ley), Vladimir GOTİŞAN (1500 ley), Andrey ROMANOV (750 ley); genç güreşçilär Evgeniy NEDÄLKO (1500 ley), Georgiy BORİÇİK (1500 ley), Nikolay DUŞKOV (1000 ley); (800 ley), Fedor TUKAN, İlya ESİR, İlya TELPİZ, Petr KURU hem Vasiliy ESİR 400-zär ley kablettilär. Boksörların trenerları Şaralin TURGUNOV (750 ley), Marat TUR- GUNOV (400 ley), Sergey TODOROV (400 ley), İlya ÇERNİOGLU (400 ley). Bundan kaarä 5 trener Gagauziyanın fizkultura hem sport uurunda Şannı zaametçi adlarını kablettilär: Sergey TÜLÜ, Valkaneş Speranţa voleybol komandasının trenerı; Boris DEÇEV, Komrat sportşkolasının aar atletikada trenerı; Anatoliy DİMÇOGLU, Çadır sportşkolasının basketbolda trenerı; Petr KURU, Komrat uşak sportşkolasının samboda hem dzüdoda trenerı; Anatoliy ROMANOV, Komrat uşak sportşkolasının serbest güreştä trenerı. Not. Hepsi bu ödüllär için Gagauziya İspolkomun kararınnan Gagauziyanın BÜCETINDAN 250 bin ley dolayında para verilmiş. Dimu ERİBAKAN Foto gagauzmedia.md Alina MİHAYLOVA şahmatada çempionka Küçük ayın günnerindä Moldovada kızlar arasında şahmata çempionatı oldu. 12 yaşınadan kızların arasında, 7 oyundan altısını tarayıp, 10 yaşındakı komratlıyka Alina MİHAY- LOVA çempionka oldu. Alina MİHAYLOVA şahmata dünnäsında bilinän birisi. Bakmadaan ona, ani Alina sadä 3 yıl şahmata şkolasına gider, O etiştirdi pay almaa diil salt Moldova, ama Evropa hem Dünnää çempionatlarında da. Onun artık 16 medalisi var taa çoyu birinci erlär için. Foto gagauzinfo.md

7 27 Baba Marta 2015 GRT peet konkursu açtı Gagauziya televideniyası cümne kompaniyası (GRT) açêr temalı peet konkursu Aklında tutmak çannarı, angısı baaşlanêr Büük Vatan Cengindä Enseyişin 70-ci yıldönümünä. Konkursun kurulması hem geçirilmesi patriotizma, kolaylık, insan paalılıklarına öncelik, vatandaşlık, kişinin serbest büümesi prinţiplarına görä yapılêr. Konkurs iki basamakta olacek: I-ci tur seçmä turu, olacek Çiçek ayın (aprel) 27-dä; II-ci tur final, olacek Hederlez ayın (may) 4-dä. Katılannar iki yaş boyunda uşaklar: I-ci boy 12 yaşına kadar; II-ci boy (16 yaş girer) arası. Konkursantlar kendi danışmalarını iki yollan yapêrlar: - poçtadan: Komrat, Lenin sokaa, 134, GTR; grt.concurs.mail.ru; - yaratmaklarını GRTya kendileri getirerlär. Konkursun haber-reklama kompaniyası 2015-ci yılın Baba Marta ayın 15-şi - Çiçek ayın (aprel) 27-si arası yapılêr. Konkursun sonuçları jüri tarafından tele hem radio kolverimnerindä açıklanacek da Konkursta enseyennerä baaşışlar hem diplomalar verilecek. Çakirlär kiyadın I-ci tomu çıktı Komratta, Bilim-aaraştırma Merkezin kanadı altında, çıktı Çakirlär kiyadın I-ci tomu Ay-Boba Mihail ÇAKİR. Kiyadı avtoru Viktor KO- PUŞÇU. Nicä bildirdi avtor, bu kiyatta annadılêr Ay-Boba Mihail ÇAKİRin yaşaması hem onun senseleleri için. Şindi hazırlanacek taa bir kiyat bu seriyadan, neredä neettä var toplamaa Ay-Boba Mihail ÇAKİRin hepsi yaratmaklarını, yazılarını hem çevirmelerini. Kiyadın I-ci tomun tirajı 500 taanä. Lingvistika terminnerin danışma sözlüü Baba Marta ayın 12-dä Moldova Bilim Akademiyasında prezentaţiya oldu kiyada Gagauzça-rusçaromınca lingvistika terminneri danışma sözlüü. Hazırladılar onu filologiya bilgilerindä doktorlar Evdokiya SOROCEANU hem Tatiana ŞARŞOV. Prezentaţiyada pay aldılar Moldova Bilim Akademiyasının başı George DUKA, Türkiye Büükelçisi Mehmet Selim KARTAL, TİKA koordinatoru Canan ALPASLAN, gagauz bilim hem cümne insannarı. Sözlüktä 3 bölüm var: gagauzça-rusça-romınca, русско-гагаузко-румынский, român-rus-găgăuz. Kiyat tiparlandı Türkiyenin Yurtdışı Türklär hem Akraba Topluluklar Başkannıın (YTB) parasınnan. Yıliya KURDOGLUnun peet kiyadı Türkiyedä Türkiyenin Hendek primariyasının katkılarınnan tiparlandı genç gagauz poetın Yuliya KURDOGLUnun peet kiyadı. Kiyat anılmış gagauz resimcinin Dimitri SAVASTİNın resimnerinnän bol-bol donaklı. Yuliya KURDOGLU duudu 1984-cü yılda Aydarmada. Bu günä kadar peetleri Ana Sözü gazetasında hem Aker sel gücü kiyadında tiparlandıydı. İnsan topluluuna deyni bilim lääzım Sonu. Çeketmesi 3-cü sayfada yardım ederlär bilgiçlerä, ana tarafını aaraştıran insannara, aaraştırmacılara. Bu işin pozitiv tarafı. Ama problemalar var bizdä dä, nicä dä hepsindä. Deyecez, 2013-cü yılda Bilim Merkezi danıştı Komradın kasaba Sovetinä versin sotka toprak, Gagauziyanın bilim hem kultura evi ni yapma deyni. Adadılar, ama şindilik vermedilär. Bak biz lääzım yaşayalım diil sade büünkü günnän, ama gelän evladboyları için dä lääzım düşünmää. İkinci soruş. Bütün dünnäda, Kişinevda da, bilimin finanslaması prioritet erini kaplêêr. Nekadar verdilär yılın sonunda gelän yıla deyni, ne yaparsan yap, ama garantilä. Bizdä sä ters olêr: Bilim Merkezinä finansları vererlär o paralardan, angıları kaldılar bücet sferasının hepsi başka organizaţiyalarına verdiktän sora. Çinovniklär durmamayca parayı keserlär, onnarı da, angılarını deputatlar verdilär. Bölä davranışlarlan, haliz, açan uçrejdeniye henez ayaa kalkmaa başladı, yok nicä kayıl olmaa. Bilim Merkezin Bilgiç Sovetinä uyêr, ama dooru, ki büük zorluklarlan, toplamaa bilim kadralarını. Şükür, ani bulunêr insannar, angıları bizä halizdän yardım ederlär. Gagauziyanın Bilim Merkezin direktoru İspolkomun azası diil bu bir paradoks. Bizi teklif etmeerlär Halk Topluşun toplantılarına, nicä lääzım olsun zakona görä. Gagauziya Başkanın izininä görä bän her afta giderim planörkalara, aparatın toplantılarına, ama statusum yok. Birdän, nicä beni Bilim Merkezinä direktor koydular, Moldovanın Bilim Akademiyasının Prezidenti G.Duka bir kiyat yolladı, angısında yazılı, ani Gagauziya Bilim Merkezin direktoru Bilim Akademiyasının Üüsek Sovetinin azası olêr. Eer bu işleri Kişinevda annarsaydılar, neçin Komratta annamaa istämeerlär? Hepsi bu adımnarı lääzım diil sabaa, ama büün doorutmaa Avtonomiyanın kaavilemesinä. Bölä diil mi? Sekret diil, ki gelecek zamannarda Gagauziyada lääzım kurulsun kendi Bilim Akademiyası, ko ilkin Moldovanın Bilim Akademiyasının filialı gibi. Demäk, regional bilimi ilerlesin deyni, lääzım olsun zakon bazası. Var başka da soruşlar. Siz, bezbelli, esap aldınız, ki, açan Kiril Gaburiç Premyer-Ministr olmaa deyni kandidattı, o Moldova Bilim Akademiyasına gitti da orada bilgiçlärlän buluştu. Bundan sora Pravitelstvonun programasında peyda oldu bir bölüm, angısının adı Bilimä yardım hem inovaţiyalar. Şindi söläyiniz bana, bizim kuvet organnarımızda bölä punktlar var mı? Şindilik yok. Umut ederiz, olaceklar. Gagauziyada bilim doktorları var mı? Elbetki, bizim halkımızda talantlar var. Avtonomiyada genç bilgiçlerin pleyadası büüyer. Bizdä işleer 6 genç bilim doktoru. Komrat Devlet Universitetindä işleer yakın 30 doktor, Moldova Respublikasının Bilim Akademiyasında da gagauz hem bulgar bölümnerindä onnar var, yabancı devletlerdä dä. Geçän yıl bizim üç bilim zaametçımız bilim derecelerini* kablettilär. Pek az bizdä o bilgiçlär, angıları kultura arası komunikaţiya problemalarınnan, üüretmäk standartların işlendirilmesinnän zanaatlanêrlar. Bizä etişmeer diil sade bilim doktorları, bizä lääzım politika menecerları, zakonnara görä işleyennär, kultura, turizm sferalarında işleyennär, energosnabjeniye uurunda injenerlär hem başka da inovaţiyalı dallar. Bizim çalışmamız hem bilgiçlerin aaraştırmaları için herkezi var nicä üürensin bu saytta: Gagauziyanın Bilimaaraştırma Merkezinin en yakın zamanda plannarında: mardın 25-dä 2015-ci yılda hazırlanacek hem geçirelecek bilim-praktika konferenţiyası bu temaya görä: Gagauz dilinin ilerlemesindä Masa-İnformaţiya Kolaylıklarının* rolü hem insan topluluunda etnika arası annaşmasının başarı kazanması. Sizin partnörlarınız kimdir, neredä onnar taa çok hem neçin? Bizim temel partnörlarımız: Moldovanın Bilim Akademiyasının institutları (Kultura zenginniklerin İnstitutu), enţiklopediya bilgilerin İnstitutu, Komrat Devlet Universiteti, Rusiya Bilim Akademiyasının Etnologiya hem Antropologiya İnstitutu. Biz aarêêrız partnörları Germaniyada, Türkiyedä, Kazahstanda, Bulgariyada, Vengriyada, Ukrainada, Belorusiyada, orada, neredä var gagauz diasporası hem islää bilim tradiţiyaları ci yılda başlêêrız realizaţiyaya koymaa Estoniyadan kolegalarımızlan bir proektı. Bilimin sınırları yoktur. Biz hazırız işbirliktä bulunmaa ekonomika, istoriya, dil, kadraların hazırlamasında sferalarında. Bir bilgicä sormuşlar Neredä Er üzünün ortası? O 10 adım yapmış da göstermiş: Burada, eer inanmarsaydınız, ölçünüz!... Bliţ soruşlar: Adetçä angı duygularlan uyanêrsınız? Koşucu* duygusunnan. Günün zamanında okadar çok lääzım yapmaa. En meraklı: seni ufak işlärlän oyalamasınnar. Siirek, ama bölä günnär uyêr geçirmää. Hep bu zamanda bän aftanın sonunu bekleerim, dostlarımnan dinnenmää deyni. Eer sän büünkü gündä islää formasındaysan, sän kaçêrsın. Ama eer formanı kaybettiseydin, taa ii olacek vakıdında gidäsin. Neyä lääzım davranmaa şakasız? Profesiyaya. Profesiya stabilliin garantiyası. Eer adam profesionalsaydı, o korkmêêr yannışlıklardan hem zorluklardan, o kendi yannışlıklarını annayabiler hem doorudabiler. Yaşamak yok nicä olsun düz hem kolay. Yok nicä olsun kompromissiz dä. Yazdı Elizaveta ANDREEVA SÖZLÜK insan topluluu (Bilim Merkezin termini) человеческое общество önetmää (Türküye türkçesindän) управлять yatırmaa (Türküye türkçesindän) вкладывать önetici (Türküye türkçesindän) управленец devamnı (Türküye türkçesindän) durmamayca derece (Türküye türkçesindän) уровень işbirliktä bulunmaa сотрудничать evlad детище garantilemää обеспечивать uygun çıkmaa удаваться başarı kazanmaa (Türküye türkçesindän) достигать Masa-İnformaţiya Kolaylıkları (Bilim Merkezin termini) Средства Массовой Информации koşucu (Türküye türkçesindän) бегун

8 Mediţina reabilitaţiyasında komplekslı Evropa standartlarına görä mediţina reabilitaţiyasında komplekslı izmetlär Büünkü günädän Moldovada reabilitaţiya mediţinası uurunda kimsey bir erdä komplekslı izmetlär hastalara vermäzdi. Neokinetica mediţina merkezi bu işi becerdi. Kişinevun Çokana rayonunda bulunan eni binada reabilitaţiya mediţinası uurunda en islää speţialistleri çalıştırıp, reabilitaţiya için cat eni hem son tehnologiyalı oborudovaniyayı kullanıp, Neokinetica mediţina merkezi en aar travmalardan sora sizi, komplekslı izmetlärlän, ayaa koyacek. Reabilitaţiya mediţinasında en islää speţialistlär reabilitaţiya mediţinası uurunda en islää speţialistlär çalışêrlar: profesorlar, bilim doktorları, Evropanın en islää klinikalarında staj görän speţialistlär. İnsult, operaţiya yada eklerinizin çeşitli travmalarından sora Canabinizlerä teklif ediler en faydalı hem efektli reabilitaţiya programaları herbir hastaya deyni ayırı reabilitaţiya programası kullanılêr. İnsult, operaţiya yada eklerinizin çeşitli travmalarından sora reabilitaţiya mediţinası uurunda komplekslı izmetlär veriler. Bu verer kolayını en kısa zamanda ayaa kalkmaa hem soţial yaşamanızı ilerletmää. Sade bizdä bel kemikleri arası grıja operaţiyasız ilaçlanêr bel kemikleri arası 1 hem 2 stadiyalı grıja operaţiyasız ilaçlanêr. Bu stadiyaların simptomnarı belinizdä sancılar hem o sancıların ayaklarınıza uzaması. Bu hastalıı ilaçlamaa deyni Neokinetica mediţina merkezindä şu terapiyalar kullanılêr: a) fizproţedura (fizproţedurada 3 adım var: 1. interferent toku sancıyı kaldırma efektı için; 2. TENS kasların spazmalarını almaa deyni; 3. LA- ZER azma karşı efekt için); b) manual terapiyası güüdenin bütün kasların doorudulması için; c) David Spine Concept güüdenin 27 Baba Marta 2015 izmetlär şindi Moldova Respublikasında da! Neokinetica eni mediţina merkezindä: 1. Evropa standartlarına görä mediţina reabilitaţiyasında komplekslı izmetlär. 2. Reabilitaţiya mediţinasında en islää speţialistlär. 3. İnsult, operaţiya yada eklerinizin çeşitli travmalarından sora Canabinizlerä teklif ediler en faydalı hem efektli reabilitaţiya programaları. 4. Sade burada bel kemikleri arası grıja operaţiyasız ilaçlanêr. 5. Çiçek ayın (aprel 30-dan) kineziterapevtın parasız konsultaţiyasına şindi yazılın. Telefon: Evgeniy AGAPİİ, bilim Doktoru, baş kineziterapevt, Neokinetica mediţina merkezin kineziterapiya bölümün öndercisi. Zanaatı bel kemii reabilitaţiyası. Kineziterapevt bu reabilitolog, masajist hem ilaçlamak gimnastikasında usta. Bu insan biler nicä, kullanıp gimnastikanın çeşitli kolaylıklarını, yardımcı olmaa güüdeyä ensemää o hastalıı, ani zorladêr kıpırdatmak hem örümäk funkţiyalarını. Bu doktora, hastalıklara diagnostika yapmaa deyni, diil lääzım ne priborlar, ne da tertiplär. Kasların, sinirlerin, eklerin, damarlarda kan örümesinin hem energiya akıntıların durumuna görä kineziterapevt annêêr insanın psihoemoţiya sferasını hem iç organnarının durumunu. bütün kasların tonusunu dengelemäk için (David Spine Concept Moldovada şindiyadan benzerisi olmayan diagnostika hem reabilitaţiya sisteması. Bütünnä bel kemiinin, beldän taa ensä kökünädän, kompyutorlu uzatma hem protokollu reabilitaţiya kolaylıını verer). Sade bu Merkezdä Anti-Gravity Teadmill (gravitaţiyaya karşı örümäk yolu) tertipi var insulttan, travmadan hem operaţiyadan sora dizlerin, kalçaların hem belin reabilitaţiyası için. Uşak bölümü uşakların reabilitaţiyası için ayırı bir bölüm kurulu. Bu bölümdä uşakların taa duuma günündän beeri dooru büümesindä hem reflekslarına profilaktika yapılêr. Kalan uşaklara deyni ortopediya, operaţiya sonu, nevrologiya hastalıkların ilaçlaması, kendinä gelmesi yada kendi başına soţializaţiyaya maximum adaptaţiya yapılêr. Neokinetica merkezi çalışêr: Pazertesi Cumaa saat 8:00-21:00 arası. Neokinetica mediţina merkezinnän baalantı kurmaa deyni: Hotline: info@neokinetica.md Adres: Chşinău, bd. Mircea cel Bătrîn, 33/3. (Material reklama maanasında verili) ANA SÖZÜ Gagauz dilindä gazeta Çıkêr beeri Kurucu ANA SÖZÜ S.R.L. Sertifikat No Todur ZANET Baş redaktor İndeksi - PM Gazeta Universul basım evindä basılêr Tiraj 3000 ekz. Sımarlamak No: YAZIŞMA ADRESİMİZ: RM 2028, Moldova, Kişinêu, c/p Nr Tel/fax: todur.zanet@gmail.com zanet@anasozu.com