TÜRKÜN (ilk) RUHANİYYAT OCAĞI İNAM ATANIN (Asif Atanın) MÜTLƏQƏ İNAM OCAĞI

Transkript

1 TÜRKÜN (ilk) RUHANİYYAT OCAĞI İNAM ATANIN (Asif Atanın) MÜTLƏQƏ İNAM OCAĞI

2 2

3 İNAM ATA MÜTLƏQƏ İNAM PEYĞƏMBƏRİ 3

4 4

5 İNAM ATA (Asif Ata) ON KUTSAL BİTİQ (Mütləqə İnam Fəlsəfəsi və Ruhaniyyatı) KUTSAL QURUCULUQ (Beşinci Bitiq) Atakənd 35 Qanun

6 Az 2 Nəşrə hazırlayanlar: SAFRUH, Mütləqə İnam Ocağının Ruhani Başçısı İŞIQLI ATALI, Mütləqə İnam Ocağının Yükümlüsü YOLRUH ATALI, Mütləqə İnam Ocağının Evladı İNAM ATA (Asif Ata). ON KUTSAL BİTİQ (On Müqəddəs Kitab) (Mütləqə İnam Fəlsəfəsi və Ruhaniyyatı) KUTSAL QURUCULUQ (Beşinci Bitiq) (Atakənd. İnam Evi. 35-il). Bakı, Qanun nəşriyyatı, 2013, 472 səh. Yaradıcısının Adı ilə İnam Ata Sivilizasiyası, mahiyyətinə görə Mütləqə İnam Sivilizasiyası, ulus al kimliyinə görə Türk Sivilizasiyası adı ilə yeni ümumbəşər sivilizasiyası yaranmasına səbəb olacağı düşünülən dünyabaxışın fəlsəfəsi və ruhaniyyatı təqdim olunur. Kutsal Quruculuq İnamın beş Müqəddəs Kitabını özündə birləşdirir: Yol. Ata Sözü, Sədaqət, Ruhani Sənədlər, Ruhani Hökmlər və Müqəddəs Kəlamlar. ISBN Yolruh Atalı (İmaməliyev Soltan Qalib oğlu), 2013 Qanun,

7 Mütləqim, Müqəddəsim, Peyğəmbərim İnam Ataya Ali Səcdəylə! Önsöz: KUTSAL QURUCULUQ Onun Quruculuğu Sizif işiydi Sizifin növbəti Nuhçuluğuydu... Kutsal (Müqəddəs) Quruculuqla bağlı düşüncə və qayğılarımı kağıza danışmağa başlayıram. Haqqında danışmaq istədiyim Quruculuq yalnız İnam Atanın Əməyi olduğuna görə yox, özü bütövlükdə müqəddəsdir kutsaldır, çünki o əmək insanın əzəli, əbədi yaradıcısı və gərəyidir. O Əmək insanın yaradıcısıdır! (O Əməyin insanın yaradıcılığı olması bundan az önəmlidir, çünki insanın başqa yaradıcılıqlarından biridir). İnsanı isə, demək olar, hər dövrdə, məs., yüz iki yüz ildə bir yenidən yaratmaq lazım gəlir. Ata Ocağı yaradır qurur; Ocaq Xalqın öz dəyərləri (Yeddi İçsəs) üzərində (yenidən) qurulmasına yardımçı olur. (Ocaq Evladlar birliyi, gələcəyin Ruhsal Birliyi, Mütləqə İnam sisteminin Dördüncü İdeyası; Evladlar xalqın yenidən yaranması gedişinin öyrətmənləri, carçıları, yönətmənləri). Bunun (Bir İnsanın başqalarını yaratma çabasının) icraçısı, faili Ruhani İradə, səbəbi insanın həmin dövrdə müşahidə olunan böhran keçirməsi, çöküşüdür. Bütün humanitar sahə bunu nəzəri həll eləyir. Toplumu, zamanı, insanı getdikcə daha dərindən öyrənməklə həll eləyir. Ancaq o həllərin ən doğrusu tapılanda belə, problem həll olunmur, çünki nəzəri həllin yaradıcısı, dahisi olur, daşıyıcısı və faili (həyata keçirəni) olmur. Dünyanın, dünyada ədalətin, doğrunun, ləyaqətin, hətta bunlara sadəcə sayğının gündən-günə geri getməsi bunu göstərir. Nəzəriyyə, düha, istedad, bəzək (dizayn), sərgi (nümayiş), hətta maddi bolluq yaranır,... pardaxlanır, cilalanır, göz qamaşdırır. İnsan isə, (ən aşağı pillədəki insan birliyi olan) ailə isə, millət isə, dövlət isə... gündən-günə geri gedir, mənəvi aşınmaların qarşısında aciz qalırlar. Anti-insanilik inkişaf eləyir, gəlişir, üstümüzə yeriyir özünün bütün parlaq (gerçəkdən parlaq) uğurlarıyla! Nəyə dəyər (və ya dəyməz), məsələn, burada oturub Avstraliya banklarından pul çəkmək! Rerkordlar kitabına düşmək! Kimin ağzı var soruşsun o rekordçu hansı yuvanın quşudur?! Anti-insaniliyin gəlişməsi göyərtəsində yüzlərcə qırıcı təyyarə olan hərb gəmisidir, pilotsuz qırıcıdır; pilotsuz qırıcı qırıb qırılmayan deməkdir, bunun üstünlüyü qırılanın başqası olmasıdır. Bu, insana 7

8 nifrət sənayesidir. Çağımızda hamı və hər kəs bu sənaye nazirliyinin başqanı (naziri) olmaq istərdi. Anti-insaniliyin gəlişməsi doğuşda cinsləri nəzarətdə saxlamaqdır, klonlama, orqan alveri və qaçaqmalçılığı məhşəridir; robotların musiqi yazması, rəsm çəkməsi, körpələrə dayəlik etməsidir; sol gözün sağ gözə, sağ əlin sola al qırmızı xəyanəti və kimsədən gözün üstə qaşın var eşitməməsidir; cinsi azlıqların öz qanunlarını çoxluğa diktə etməsidir və bütün bunları Avropa insan haqları və azadlıqlarının beynəlxalq səviyyədə qoruması, dəstəkləməsidir. Bu haqlar topluma katarsis haqqı tanımır... Ona görə də... Sonuc: total simasızlıq insani, milli, dövləti, bəşəri; bacarana baş qurban, hamı hamıya qarşı kimi səslənən və dünənə qədər pislənən fəlsəfələrin ağarması, normalaşmasıdır. Toplumda coxçeşidli sivil heyvanlığın hakim mövqeyə çıxmasıdır... Bunu dünyanın azmanları, super gücləri belə önləyə bilmirlər, məs., sıravi, passiv Ocaqçı qədər də. Çünki güclər, superləri ilə birlikdə, üzüzə yatan canavar sürüsüdür. Ata bunun önlənməsi yolunu canlı, konkret, ayrı-ayrı insanlarla iş aparmaqda və onları bir qurumda birləşdirməkdə görürdü özündəki canavarlığı, tülkülüyü, ilanlığı, əqrəbliyi öldürən fərdlərin əlbirliyində ta ruhani dövlətə qədər. İnam Ata bunu incələməklə, buna fərdi dahi qırımı və inandırıcılığıyla yox deməklə yetərlənmədi. İncələyənləri incələdi. (Ondan qalmış qalaqqalaq konspekt dəftərləri Onun axtarışları, əsərləri kimiydi). Ayrılaq dedi Ata: Cəmiyyətdən, şər gedişdən. Mütləqə İnam üstə, öz inamımız üstə qurulaq, Ocaqlaşaq, Ailələşək. Tamam yeni dünya gərək, tamam yeni insan gərək, tamam yeni qan gərək! dedi. Burada söhbət nədən, kimdən gedir? İnam Ocağının Evladı (Zərdüştçülüyün ilkin öyrətməni, Buddaçılığın bhikşusu, İsaçılığın apostolu, İslamın İmamı...) bunun üzərində baş sındırmalıdır, Mütləqə İnam Ocağı isə qırmalara və qıranlara qarşı ruhani mübarizə aparmalıdır; öz mübarizəsini Uluyurdda Ruhani Dövlətlə başa çatdırana qədər. İnam Atanın (Asif Atanın) ideyası budur, çağırışı bunadır. Atanın Evlad, Ocaq üzərindəki işi belə bir kutsal quruculuqdur ruhani döyşçünü, insanı qurmaqdır. Və onun idarə edəcəyi qurumu qurmaqdır. Ata bunun daşıyıcılarını və gerçəyə gətirənlərini yaratmaq üçün çalışırdı. Sıravi, sadə, hətta aşağı adamlar arasından. Onları Özünün qurduğu sistemdə Özünün düşündüyü işlərə buyurur, icraların gedişini və hər məqam üçün sonucunu yoxlayır, dəyərləndirirdi. Ən uca, ən incə, ucu-bucağı görünməyən, ortada örnəyi, bənzəri olmayan işlərə sıravi, sadə, hətta aşağı (savadsız, istedadsız) adamları, ulusal meydanda bu yöndə tarixi təcrübəsi, biliyi, bütövlükdə müstəqil idraki-ruhani iş aparmaq 8

9 alışqanlığı olmayan bir ulusun (millətin) mənsublarına, ucdantutma yoxsul, çox yoxsul ailələrdən gəlmiş oğlan və qızlara belə iş buyurmaq; onlardan uğur gözləmək həm ilk yaradıcı xislətidir, düzünə qalsa, həm də yaşamamaq deməkdi. (Ata da yaşamırdı ci il sentyabrın 23-də Safruhla söhbətində Özü belə deyirdi: Mən yaşamıram, mən mübarizə aparıram. (Başlanğıc, s.29). Ocaq Evladlarından ən yaşlısı, ən savadlısı o vaxtlar mən idim. Ata mənə Ocağın ilk Ata Günü Mərasiminin gedişatını (ssenari) yazmağı tapşırmışdı ( Başlanğıc, s. 232), mən bu ibtidai işi bacarmadım, onu yaşı hələ 20-yə çatmamış başqa bir Ocaqçı (Elxan-Əsil) yazdı. Atanın Safruh (Evlad) quruculuğundan daha bir xırdaca cızqı (24.XII.1982): Bu gün işə gedəndə Şaumyan (indiki Xətai) adına mədəniyyət sarayının qabağında avtobusdan düşüb yolun qalanını ayaqla getdim. İşdən çıxanda isə evə qədər... ayaqla gəldim... Yol boyu Atanın ideyaları başımda dolaşırdı. Düşünürdüm ki, saxta işlərdən, yalanlardan, qondarmaçılıqdan, xırdalıqdan, ikiüzlülükdən və bu kimi başqa qüsurlardan yaxa qurtarmalıyam ( Başlanğıc, s. 43). Bu (V) Bitiqdə təqdim olunan Bəlgələrdə Atanın Evladlara dair ən uca Sözü kimi, ən acı qınağı da Safruha yönəlikdir. Bununla belə, Asif Ata Ömrünün ölməz şah əsəri olan Mütləqə İnam Yolunun (Evladlar arasında) baş yazarı, Atanın ilk (və hələlik tək) bioqrafı oldum. Ata Səcdəsində kitabımın başqa bir adı da Safruhun yaradılması dır. İndi təqdim olunan Bitiqdə Atanın bu yaradıcılığa çəkdiyi əməyin üzücülüyü aydın görünür. Bugündən baxanda görürəm ki, mən yaranmamışam, yarana bilməmişəm, mən yalnız yonulmuşam və O, məni Özünün qurduğu Məbədin bir yerinə tir kimi qoyub, mən orada öz üzərimə düşən yükü çəkirəm; mən Onun bu cür yonub-yaratdıqlarından biriyəm. Onlarca başqa Evladlara da bu cür əməklər çəkib. Onlara dair Bəlgələr bu Bitiqdə! Qısaltmalarla bir-iki örnək: LEQAL FƏALİYYƏT HAQQINDA Amalımıza Mütləq Sədaqət ruhunda, İnam naminə, Xalqın xeyrinə leqal fəaliyyətdə bulunmaq rəsmi təsir vasitələrindən, icazəli görüşlərdən, Mühazirələrdən, Müsahibələrdən və s. istifadə etmək. Şərt: Mətbuat, Radio, Televizor, Tədris Şərini daim, ardıcıl, barışmaz ifşa etmək. 3 Dözüm günü, Ata Ayı, 8-ci il. (bu nəşr, səh. 157). QƏLBİ ÜÇÜN Ata Günü nə qədər Amalımızın Tərənnümünü yazırsan. (Ata haqqında Sözlə bərabər). 9

10 Bayatı Biçimində. 40 sətir. 10 Bayatı. ( Əzizim rədifinə ehtiyac yoxdur). Atanın, Amalın, Sabahın, Mütləqiliyin, Müqəddəsliyin Mahiyyətini vəsf edirsən, Şərin Qəbahətini Döyürsən. 8 Arzu günü, Ata Ayı, 8-ci il. (bu nəşr, səh. 158). SAFRUHA 1. Safruh tərcümə məsələsində Ataya şübhə izhar etməkdən əl çəkmir, Ata Mütləqiliyinə xilaf çıxır. 2. Ata hökm eləyir: İradəsinə Sahibliyi bacarmayan Safruh 3 ay ərzində Ata hüzurundan Məhrum olunur (Od Ayının 29-na qədər) ay ərzində İradəsinə Yiyələnə bilməsə Safruh Amala qayıtmır ay ərzində Safruh Amal işlərindən tam azad olunur. Ata Sözü Mütləqdir! 6 Dözüm günü, Çiçək Ayı, 10-cu il. Bakı. (bu nəşr, səh. 192). ƏSİLƏ SƏFƏR ƏMƏLİ 1 1. Özünlə Müqəddəs Kitablardan Mütləqə İnam, İnsana çatmaq, Ruhani Cəmiyyət, Müstəqil Xalq, Ləyaqətli Şərq haqqında Kəlamlar, Şeir Bədiiyyatı aparırsan, oxuyursan. 2. Anladırsan ki, Atayurdda Ata var, Amal var, Evladlar var. 23 Murad günü, Çiçək Ayı, 10-cu il. Bakı. (bu nəşr, səh. 195). Müxtəlif, çox önəmli tapşırıq və tövsiyələri özündə birləşdirən, 6 bənddən ibarət bu Bəlgə ilə ruhani səfərə göndərilən Evlad səfərdən qayıtdıqdan sonra Ata onun Əməlini dəyərləndirir: ƏSİLİN SƏFƏR ƏMƏLİ Əsilin Səfər Əməli Ruhani Yönü, Məzmun və Üsul ciddiyyəti, Duyğu Hərarəti, Təhlükəylə öcəşmə Qətiyyəti Təqdir olunur. Yurdumuzun Ailələşmə Aqibətinə Qovuşur Əməl. Qaranlıqlar Yarılsın! 28 Murad günü, İşıq Ayı, 10-cu il. Bakı. (bu nəşr, səh. 195). ATAYLA GÖRÜŞLƏR 1. Evladım Göylünün əməliylə yaranan Bakının 36 nömrəli məktəbində keçirilən Görüşdə Amal İşığı düşdü ürəklərə, Amal çağırışı səsləndi, Amal Ünvanı bilindi. 1 Buyuruq anlamında. (Cızqılar qeydlər Safruhundur). 10

11 2. Tovuzda Evladım Əsillə birgə keçirilən Atayla görüşdə Amal öyrənildi, Əməl çatdırıldı, Evladlar manşırlandı. Qaranlıqlar Yarılsın! 22 Dözüm günü, Günəş Ayı, 11-ci il. Bakı. (bu nəşr, səh. 212). Ata Özünün yaratdığı ruhani mübarizə qurumu olan Ocağın və Ocaq Ailələrinin işlərini də beləcə qurur və yönəldirdi. Bu mərhələdə Evlad (fərd, ruhani döyüşçü) tərbiyəsi möhtəşəm əməli iş vasitəsilə aparılır. Bununla da tərbiyə olunan həm həyatın, yaşamın həşirindən ayrılır, həm də özü yeni psixologiyanın, yeni dəyər və ideyaların yayıcısına və yaradıcısına çevrilir. Mütləqə İnam Ocağının ən ali yığıncağı olan və daim Özünün idarə etdiyi Mərasimlərin quruluşunu, savad səviyyəsini yuxarıda xatırlatdığım insanlara Evladlara tapşırırdı. Bu yöndəki Buyruqlarına ilk çağlarda xırdaca yönəldici, məzmun daşıyıcı işarələr qoşurdu. (Sonralar bunu bütünlüklə Evladın öhdəsinə buraxırdı). Örnəklər: ONUNCU İL ATA GÜNÜ BAYRAMI 1. Bayram Yol kitabı üstə qurulur. Kitabın əsas İdeyaları Yazılır və Bayramda səsləndirilir. Bayram Kitabla başlayır və qurtarır. 2. Ata haqqında Söz Atanı dərk etmə Yönündə deyilir 4. Bayramın Gedişatını Evladım Safruh yazır, təşkilatçılıq Evladım Əsilə həvalə edilir. 21 Od Ayı, Mərhəm günü, 10-cu il. Bakı. (bu nəşr, səh.197). 10-cu İL, ATA GÜNÜ HAQDA 1. Bayram Evladların Amallaşma inkişafını təsdiq etdi. 2. Safruhun, Qəlbinin təlimçiliyi, Əsilin təşkilatçılığı Təqdir olunur. 3. Naqisliklər: Vaxt Qanununun pozulması, ssenariyə tam riayət olunmaması, Bütövün iştiraksızlığı. Qaranlıqlar Yarılır! 26 Arzu günü, Ata Ayı, 10-cu il. Bakı. (bu nəşr, səh. 202). EVLAD GÜNÜ MƏRASİMİ 1. Mərasim Atanın Evladlar haqqında Sözüylə başlayır, Evlad qəbuluyla davam edir, Ruhani Sənədlərin oxunuşuyla sona çatır. 2. Vaxt 2 saat. Tarix Şölə Ayının Biri. 3. Mərasim Sadiqimin evində keçirilir. 4. Mərasim Gedişatının Yazısı Qəlbiylə Layiqə tapşırılır: İşıq Ayının 20-də Ataya təqdim edilir. 5. Mərasim nöqsansız keçirilməlidir! 11

12 Qaranlıqlar Yarılsın! 5 Qismət günü, İşıq Ayı, 11-ci il. Bakı. (bu nəşr, səh. 216). ÖZÜMLÜNÜN TƏMSİL ETDİYİ ATA AİLƏSİNİN VII AİLƏ GÜNÜ HAQQINDA 1. Ailə Müqəddəslik Yoluyla irəliləyir, Fədakarlıq nümunəsi göstərir. 2. Fikir Evi vasitəsiylə Ailənin İşığını camaatın üstünə salmalı. 3. Mütləqə İnam Ruhaniyyatını bütün dərinliyi, incəliyiylə mənimsəməli və xalqa çatdırmalı. 4. Rayonda Ailənin nəzdində Sorğular-Cavablar Evi yaratmalı, camaatı Ruhaniləşdirməli Ümid günü, Ata Ayı, 11-ci il. Bakı. (bu nəşr, səh. 247). EVLADIM DOĞMANIN TƏMSİL ETDİYİ FİKİR EVİ nin QARDAŞLARINA BACILARINA Asan Yol seçməyin Çətin Yol seçin! Yaxın Yol seçməyin Uzaq Yol seçin! Mütləqə İnanın, İnandırın Yurdumuzun, Şərqimizin, Dünyamızın xilası bu İnamdadır. Özünüzlə Döyüşün, Başqalarını özüylədöyüşə çağırın Yurdumuzun, Şərqimizin, Dünyamızın xilası bu Döyüşdədir Daxilinizdəki Mütləq sizə Yar olsun. Yükümüzdən Böyük Fərəhimiz yoxdur! 27 Qismət günü, Çiçək Ayı, 12-ci il. Bakı. (bu nəşr, səh. 266). EVLADIM ELUCANIN TƏMSİL ETDİYİ ATA AİLƏSİNİN HESABATI HAQQINDA 1. Hesabat Təqdir olunur. 2. Müqəddəslik üstə köklənməli, Müqəddəsliyə çağrılmalı, Müqəddəslik çağırmalı! 3. Amallaşma İnsanlaşma Xalqlaşma Birliyinə Yüksəlməli! 4. Ataya Təzə Evlad Yetirmək! 5. Dərgini Bənzərsizlik səviyyəsinə çatdırmaq, yaymaq! Nurlanın, Nurlandırın! 15 Dözüm günü, İşıq Ayı, 13-cü il. Bakı. (bu nəşr, səh. 313). EVLADIM ODTƏKİNİN TƏMSİL ETDİYİ ATA AİLƏSİNİN HESABATI HAQQINDA 1. Hesabat Təqdir olunur. 2. Odtəkinin Təmsilçilik Yükü Təqdir olunur. 12

13 3. Ata Hökmləri həyata keçməli: Ailə Böyüməli; Fikir Evi Ucalmalı; Ruhani Əməl Xalqlaşmalı. 4. Mütləq özümləşmə Məqsədinə çatmalı. Qaranlıqlar Yarılsın! 2 Ümid günü, Günəş Ayı, 15-ci il. Bakı. (bu nəşr, səh. 386). (Qeyd: Odtəkinin təmsil etdiyi Ailə ona qədər Özümlünün təmsil etdiyi Ailə idi). Ata Azərbaycanda özümlü düşünən xalq yaratmaq istəyirdi. Evladlara gündəlik yazmaq, özünü öyrənmək (özüylədöyüş dəftəri tutmaq) buyurmuşdu vaxtaşırı (ildə bir dəfə) Özü onları gözdən keçirməklə. ÖZÜYLƏDÖYÜŞ ƏMƏLİ 1. Evladlar özüylədöyüş üçün xüsusi dəftər ayırırlar, müntəzəm surətdə kamilliyə doğru Yolun gedişatını, məqamlarını, nəticəsini həmin dəftərə yazırlar Hər il Ata Günü Bayramından əvvəl özüylədöyüş Dəftəri Ataya təqdim edilir və Ata ona qiymət verir. Həmin qiymət Mərasimdə oxunur. 17 Qismət günü, Köçəri Ay, 11-ci il. Bakı. (bu nəşr, səh. 208) Evladlara ailə qurmağa tələsməyin deyirdi. Yurdun ən gözəl oğlan və qızları Ocağımıza gələcəklər, onda evlənərsiniz deyirdi. Evlənməklə, ailə qurmaqla Ocağa Evlad gətirin, Evlad gətirə bilməsəniz, dost gətirin, dost gətirə bilməsəniz, yağı da gətirməyin deyirdi. Ailə quranlara uğurlama (xeyir-dua) yazırdı. Ocaqçıların cismani ailələrində doğulan körpələrə Mütləqə İnam yönlü ruhsal, ulusal adlar verirdi, onları ata-analarıyla birlikdə Atalılar soyu adlandırırdı. Bu Bitiqdə Kutsal Quruculuğun həmin qolunun da bəlgələri var. Atanın bu yöndə yeritdiyi xətt İnamçı Türk Ulus`u yaratmaq məqsədi daşıyırdı: birləşdirici-bəlirləyici Şəxs, Sima (Özü) Ulus`al kök (7 İçsəsdəki ardıcıllıq) Öyrəti (Öz Ruhaniyyatı Mütləqə İnam) Tərbiyə, Yönəltmə vasitəsi (Ocaq) Adlandırma Soylandırma özgün İlsıra, Günsıra (Tarix, Təqvim) Əlifba Rəqəm Geyim Görüşmə (Salamlaşma) Ayrılma sözləri ( Ürəyində Ata Günəsi olsun! Atamız var olsun! ), Bayramlar... Beləliklə, O bizə ulus`al özümlü yaşam fəlsəfəsi, yaşam tərzi verirdi fərddən başlayıb Ocaqdan keçib Ulusda sonuclanan hədəfinə yetən fəlsəfə. Bugün bu Əməklər geniş ictimaiyyət içində bəhrəsiz qalmış kimi görünə bilər, ancaq heç də belə deyil! Bu Ulu Əmək Azərbaycanda öz kimliyi üzərində öz mənliyi uğrunda ruhani-idraki mübarizə aparan Bilinc 13

14 (Şüur) yaratmışdır. Ata bulağından su içmişlərin ən öləziyi, ən dönüyü, ən suçlusu belə, öz şüurunun ya önündə, ya altında həmin Bilincin işartılarını daşıyır. Biz bu Əməklərə söykənib, İnamın Gəlişi kitabını yazdıq və orada Azərbaycan xalqını hər hansı dinin daşıyıcısı (mənsubu) kimi deyil, məhz Mütləqə İnam Xalqı kimi görüb təsbit etdik. Xalq deyir: Qoyun ayağı qısalır, quzu ayağı uzanır. Kimlərsə də buna və bunun davamı olan əməklərə söykənib, Azərbaycan Xalqının Gəlişi ni yaza bilər. Beləliklə də Kutsal Quruculuq davam edər. İctimaiyyət arasına, eləcə də mətbuata çıxışı yasaqlanan illərdə Onunla təsadüfən qarşılaşanların Niyə görünmürsünüz? Nə ilə məşğulsunuz? sualına Ata adətən belə cavab verirdi: Qabaqlar çoxlu balaca qazanlar qaynadırdım, indi bir Böyük Qazan qaynadıram. Bu Bitiq Ata Sözünün təsdiqidir. Bütövlükdə Onun Bilinci lap başlanğıcdan quruculuq üstə olmuşdur. Onda araşdırıcılıq (öyrənmə, dolğunlaşma) zamanca və məcburən öncə gəlsə də, önəmcə ikincidir, quruculuq üçün alt yapıdır. Araşdırıcılığın özü də, bir araşdırıcılıq olaraq, tək istək (hədəf) deyil, onun gərəkli Dağıdıcılıq kimi də bir içəriyi (tərkib hissəsi, komponenti ) var. OCAQLAŞDIRMA ƏMƏLİ Ocaqçı Yurdumuzu, Şərqimizi, Dünyamızı Din Ateizm, Kapitalizm Sosializm, Demokratiya Totalitarizm Dairəsindən çıxarmaq üçün Ocaqlaşdırma Əməlinə sarılır. 1. Dini Ayinlər, Mərasimlər əvəzi Mütləqə İnam Biliyi öyrədilir Xalqa. 2. Toy Dəllallığı əvəzi Ocağın Ailə Qaydaları öyrədilir Xalqa. 3. Yas mövhumatı əvəzi Ocağın Matəm Sözləri öyrədilir Xalqa. 4. Yığıncaqlar, Seçki Oyunu, Parlament Qanunları əvəzi Ruhani Cəmiyyət İdealı öyrədilir Xalqa. 5. Qərbçilik əvəzi Özümlü Şərq İdealı öyrədilir Xalqa. 6. İctimai Tərbiyə əvəzi İnsanlaşma öyrədilir Xalqa. 7. Dini Bayramlar əvəzi Ocaq Bayramları camaatla birgə Ümid günü, Ata Ayı, 14-cü il. Bakı. (bu nəşr, səh. 369). Ata İdrakı, Ata Bilinci quruculuqla qaynayır. Yol. Ata Sözü, Sədaqət kitabları özəllikcə Sədaqət ə daxil olan, 1984-ilin oktyabrında yazılmış Əməl Əsəri. Həmin Əsər belə başlanır: Asif Hərəkatı: Asif Ata Hərəkatın yaradıcısı, hərəkata məsul. Asifçilik: 14

15 Asif İnamı Mütləqə İnam... Asifçilər: Asif İnamına yüksələnlər... Evlərdə, müəssisələrdə Asif Ailələri yaranır. Onlar Asifçilər çağırılır. Hər həftənin bir günü Müqəddəs Gün sayılır və həmin gün Asif Amalına həsr olunur. (bu nəşr, səh. 91). Bundan bir il sonra yazılmış Müqqəddəs Əməl Əsərinin ( Kutsal Quruculuq da elə Müqəddəs Əməl deməkdir) başlanğıcı da bu başlanğıcın ( Əməl inkinin) üzvi davamıdır: Evladlara: 1. Müqəddəs Amal yarandı. Ata öz borcunu yerinə yetirdi. Müqəddəs Əməl yaranmalıdır. Evlad öz Müqəddəs borcunu yerinə yetirməlidir. (bu nəşr, səh.96). Budur, 35 ildir (Atadan sonra 16-cı ildir) ki, Evladlar öz Müqəddəs borclarını yerinə yetirməkdədirlər, demək olar ki, uğurla. Və bu zaman Atanın Buyuruqlarına meyarlanırlar. Belə Buyuruqlar Ruhsal Bəlgələr yüzlərcədir bu Bitiqdə 500-dən artıqdır! Demək asandır! Onlarca naşı ilə illərcə işləmək, onların bilməzliklərinə qatlanmaq, yerişlərini izləmək, böyümələrini gözləmək, zaylara çəkilən əməyin itməsinə dözmək, hər bilməz ilə bu yolu yenidən başlamaq!.. Bunlar hələ o Quruculuğun bir bölümüdür beşdə bir, onda bir!.. Aydındır ki, biz beləsinə deyə bilərik, deməliyik peyğəmbər, Peyğəmbərimiz Atamız. Mütləqə İnam sivilizasiyasının, Ruhani Birliyin ilkin xəmiri nə qədər su apararmış! Bunu anlayanlar, Ata Quruculuğunun hər zərrəsini qızıla tutmaq istəyənlər olacaq yəqin ki... Nəyə gərək o Əmək? Azərbaycan türk xalqının inanmasına ki, onun belə bir yaradıcılığı olub, var və hansısa bəhrəni verib və verməkdədir. Bu baş veribsə, bu xalq artıq o xalq deyil; o özünün var olduğunu, var olmaq (Peyğəmbər, yeni fəlsəfə, yeni dünyabaxış, Müqəddəs Kitab, Mütləq İdrak, Mütləq İradə... yetirmək) imkanı daşıdığını sezmiş xalqdır; hər cümləqurana (ayə`çiyə) bel əyən, baş əyən noxulular, Batıya ləbbeyk deyən idraki əzbərçilər yığını deyil. Bu Sezinti İnam Ata Əməyinin bəhrəsidir: Xalq sonsuz Mətanət, Əzab-Əziyyət bahasına öz bənzərsizliyini, Bəşəri Ləyaqətini saxlayırsa, özündəki Mütləqə yaxınlaşır. 15

16 Kutsal Quruculuq baxımından, Onun şah əsəri Onun Ocağıdır canlı, diri, konkret Evladlar Birliyidir. Bu Ocağın nəliyi, kimliyi aydın olmalıdır özünə də, xalqa da. Onun bütöv adı belədir: Türkün (ilk) Ruhaniyyat Ocağı İnam Atanın (Asif Atanın) Mütləqə İnam Ocağı. Adın canı, yönü, fəlsəfi-ruhani kimliyi son üç sözdədir: Mütləqə İnam Ocağı. Ocaq arasıkəsilməz gündəlik iş aparan, öz içində qaçılmaz ruhani iyerarxiyası olan (qarşılıqlı səcdəli ilişkilərə əsaslanan) qurumdur. O öz ilsırası (tarixi), günsırası (təqvimi) ilə yaşayır. Onun öz Bayrağı, Gerbi, Himni, öz əlifbası, rəqəmləri var. Onun iç quruluşu (strukturu), öz iş kuralları var. Öz Kutsal ünvanı İnam Evi var; bu Ev bütün İnamçıların, eləcə də İnam Ata xalqının ruhani Mərkəzidir. Ocaq Evladlarının özlərinə məxsus ruhani geyimləri var və s... Bu müəyyənliklərdən qıraqda Ocaq, Ocaqçı yoxdur. Hər bir Ocaqçı həm də İnamçıdır (Mütləqə İnam Ocağının Evladıdır); hər İnamçı isə Ocaqçı deyil, yalnız İnam Ata Dünyabaxışını daşıyan şəxsdir. Azərbaycanda Güney olsun, Qüzey olsun, bütöv olsun yalnız bir Ocaq var və yalnız bir Ocaq ola bilər, Ulu Sözünün qüvvəti əgər o ikidirsə, demək o yoxdur. Çünki o, Türkün mənəvi-ruhani birliyinə yetilməsi üçün qalanıb. (Bir də yada salaq ki, Onun ümuminsanlığa xidməti bu yol ilədir, ulusal simalaşma Onun üçün vasitədir. Həm də bu, Onun hər bir xalqa təklifi önəri`sidir). Əgər o da bölünmüşlük yaradacaqsa, sönsə yaxşıdır və 1+ lik onun elə sönmüşlüyü yoxluğu demək olardı. Düşüncə, axtarış ayrılığı başqa məsələdir bir Ocaq içində mümkündür. Böyük, tək-tək, ələdüşməz (nadir) kişilərin Həqiqət axtarışı Həqiqətdən sapma ilə də sonuclana bilir, Həqiqəti tapma ilə də. Sapanların Həqiqətə dönüşü yaxarışla baş verir. (İslamda buna tövbə və ya istiğfar deyilir). Böyük, tək-tək, ələdüşməz kişilər Həqiqətdən sapmanı özləri üçün ölüm sayırlar. Yaxarış (tövbə) süçdan ölmüşün dirilmə yalvarışıdır. Mən bugün Mütləqə İnam Ocağının Ruhani Başçısı olaraq, suçu bağışlamıram, keçmirəm suçdan. Suç var ki, ölümə təndir keçilməz; keçdin oldun suçluya tay, suça güzəştli, öyrəncəli. Əmək suçu yumur, arıtmır, ağartmır. Suç ayrı, xəyanət ayrı. Xəyanətçiyə yönəlik Atanın qənaəti belədir: Xəyanətçiyə yaşamaq haqqı verilmir, özünü öldürmək haqqı verilir. (Yəni Ocaqdan çıxmaq, çıxarılmaq). Bağışlana, yuyula biləsi suç isə suç yiyəsinin ölüb-dirilməsindən yaxarışından keçir. İnsanın mənəvi-ruhani çöküşünü önləmə qurumunun, Ruhani Dövlət carçısı olan, Mütləqə İnam Sivilizasiyasına haylayan qurumun özəyində 16

17 Ocaqda suç, suçlu ola bilməz! İnsanın mənəvi-ruhani çöküşünün səbəbi elə bənzər qurumların suça qarşı barışmazlıqdakı mütləqsizliyi olmuşdur. İnamın Yaradıcısı belə deyir. Bu Ocaqdan çoxlu ayrılanlar olub suçlu, suçsuz. Qayıdanlar da olub yaxarışla. Atanın sağlığında Qəlbi (İlham Heydərov) qayıdıb, Ata onun yaxarışını qəbul eləyib: Qəlbini Evladlıqda saxladım. Tövbəsi qəlbiydi (Bax: bu nəşr, səh. 150). Göylü-Əminə və Layiq-Vələddin də Ocaqdan ayrıldıqdan sonra qayıtmaq istəmişdilər, Ata yox demişdi. Bu gənclər (ailə...) məndən xahiş etmişdilər ki, onların qayıtmaları üçün mən də Atadan diləkdə bulunum. Mən bunu Ataya deyəndə Ata: Zamin olursanmı? deyə soruşdu. Mən zamin olmadım. Onlar da bərpa olunmadılar. Atadan sonra da Ocağa bəzi qayıdışlar olub. (Sadiq, İşıqlı, Yolruh). Qayıdışın sorumluluğunu üstlənənlər özlərini Ata qarşısında hiss etmiş və Atanın ola biləsi qərarına əsaslanmışlar. Onların da tövbələrində yaxarışlarında qəlbləri olubmu? Bunu onların yazılı yalvarışları göstərir. (Bax: Yolruh Atalı. Ocağa qayıdış... İnam Ata və Ocağı özəl buraxılışı, 25 Ata ayı 27-ci il 25.IX.2005, s.14; İşıqlı Atalının yaxarışı olaraq, 30-cu ilin Ruhani Səfər Günü Mərasimindəki çıxışına bax; Sadiq Atalı. Ölmüşdüm Dirildim İnama Doğru dərgisi, Günəş Ayı 34-il Mart 2012, N1(19), s.12,13). İndi onlar Ocağın işində İnam Atanın Kutsal Quruculuq cəbhəsində fərəhli yük çəkməkdədilər. İşıqlı Atalı isə 31-ci (2009) ildən Ocağın Yükümlüsü, qardaşı Amaldaşı Yolruhla birlikdə Ocağın qoşa qanadı kimi iş aparmaqdadırlar. Sabah necə olacaqlar deyə bilmərəm. Yəni mən bu adlar altında mütləq dəyər sunmuram. Hər kəsin sonunu sonu göstərər. Bugün Azərbaycanda Ocaq halının bütöv mənzərəsi Safruhun İnam Atanın Ocaq İrsi içsəsində göstərilən kimidir. (Bax: İnama Doğru dərgisi, N11(29), Qar-34-il Yanvar 2013). Daha dəqiqi, Safruh. Ruhani İnsan uğrunda kitabı). İnamın (Atanın) Əməyi sayəsində Ocaqçı sözü bu xalqın özümlü idraklılarının, özümlü qeyrətlilərinin adıdır, onu ifadə eləyən termindir. Həmin termin daşıyıcısının dahiyanə yazılmış yaşam eyləm, iş döyüş tərzi var Ocaqçının Həyat Tərzi adında. Ata daim kamikadze, samuray deyib dururdu. Ataya qədər bizdə bu sahədə gözəl nağıllar vardı, konkretləşmə yox idi. Ata konkretləşdirdi. Həm də ruhsal sahədə cəbhələrin ən çətinində, ən ucasında. Çirkini (gözəl olmayanı) gözəllik yaratmağa göndərdi, üstündə dayandı ondan Ocaq Evladı Ocaqçı yetirənə qədər! Kutsal Quruculuq budur. 17

18 Əməyi kutsal olanın özü kutsal olmaya bilir. Kutsallıqda əməyimizlə birliyə çağırırdı Ata bizi... Allahı (İdeyanı) anlamağa, Onu öz şəxsimizdə şübhələrdən, çeynənməkdən qurtarmağa çağırdı. Ata bizdə böyüklüyə, birüzlüyə zövq yaratdı. Kutsal Quruculuq budur. Böyük olmaqdan qorxmamaq, həm də şişməmək öyrətdi. Böyük olmağa can atmaq Müqəddəs olmağa can atmaqdır. Ata öyrətdi bunları bizə. Öz örnəyində. Ata bizim üçün həm Öyrətmən idi, həm Yönətmən! Həm Məbud idi, həm Məbəd! Biz də Ocaq Evladları olaraq, bəşər içində Torpağın qumlaşmasına qarşı döyüşçüləriyik İnamımızın! Bunun gerçəkləşməsi yolu kimi, biz dünyaya aşağıdakıları önəririk: Simalı kişi, simalı qadın simalı ailə; Simalı Ulus, simalı Yurd simalı Dövlət; Xalqın birinciliyi, beynəlxalqın bundan törəməliyi; İnsanların, xalqların müstəqil iradələrini məhdudlaşdırmaqla onları simasızlaşdıran dini və dünyəvi təmərküzləşmələri dayandırmaq 1- ləşmə lərin tündlüyünü 1-1-ləşmə ilə azaltmaq; Əhali artımının stimullaşdırılmasını yasaqlamaq; Yarışmaq, yortuşmaq (idman) psixologiyasını Yaşamın ana xəttindən çıxartmaq Yavaş Yaşam tərzinə keçmək; Ruhani qurum olub (bizdə bunun adı Mütləqə İnam Oçağıdır) yuxarıda deyilənləri gerçəkləşdirmək. İndi Azərbaycanda fəaliyyət göstərən istənilən inanc, fəlsəfə daşıyıcısının şüurunda, öz inancı və fəlsəfəsi ilə yanaşı, Mütləqə İnam obrazı da var. Və bu Obraz o biriləri ilə deyişmə dialoq aparmaqda, onları etkiləməkdə, dirsəkləməkdə, sınağa çəkməkdədir: idrakilik-əfsanəlik sınağına, haqlılıq: yerlilik yersizlik, doğmalıq yadlıq sınağına, yaşarılıq, ucaldıcılıq aşağılayıcılıq sınağına... Bu, İnam Atanın xidmətidir. Bu, Azərbaycan xalqını var etmək, türkü, bütün türk soyluları tarixdə izli etməkdir. İnam Atanın, Mütləqə İnamın Gəlişindən sonra heç bir dünyabaxış Ata Yurdumuz Azərbaycanda, Ulusumuz içində ağalıq eləyə, birinci sayıla bilməz. Kimlərsə bunun Ulusa, Yurda xidmətliyini birinci kimi başa düşər. Əslində isə o, ikincidir. Onun, insanı gələcəyə umudsuzluq aşınmasından ( deqradasiyadan ) qorumaya xidmətliyi birincidir. Baxışın Yiyəsi 18

19 Yaradıcısı nə deyir: İnsanlaşın!.. İstənilən Yurdu, Ulusu simalı saxlamaq insan işidir və bunu yalnız ruhani insan istər və bacarar. Bunu seçmə insanlar seçkinlər, qəhrəmanlar, pəhləvanlar eləmir yalnız, sıravilər də eləyir. *** Türk ilsırasının ən böyük ruhaniyyat Yaradıcısı qarşısında yenə də bir ilk Evlad ərki və sonərki: Birikmə O mənə Safruhum deyərdi, mən Ona İnamım. *** Qarşılıqlı gözləntilərimiz qarşılıqlı sevgilərimiz qədər idi, qarşılıqlı inamımız, güvənimiz də eləcə. Ancaq O Ata boyda idi, mən Evlad boyda. *** Mənə adı O vermişdi, Ona Adı mən verdim. *** Safruh İnamın Safruhudur, İnam Safruhun İnamı. *** O, Ata idi, mən oğul. Biz Ata oğuluq əbədi. *** O, Ata idi, mən türk. Biz Ata Türkük əbədi. *** Bir soydan idik soylardan biri idik. *** Soylardan biri kimi Yol başladıq Pir Soy olduq, Ulu Soy olduq. *** Cünki hər kəsə bu imkanı tanıdıq və hər kəsi öz ululuğuna səslədik Bəşərin Ləyaqəti naminə. *** Atamız var olsun! SAFRUH Mütləqə İnam Ocağının Ruhani Başçısı 06 Söngü 05 Ata Ayı 35-il. Atakənd. İnam Evi. (Avqust sentyabr. 2013). 19

20 20

21 İNSANLAŞMAQ Zəmanə İnamını İnamsızlıq saydım. İnam yaratdım. Zəmanə İdrakını İdraksızlıq saydım. İdrak yaratdım. Zəmanə Mənəviyyatını Mənəviyyatsızlıq saydım. Mənəviyyat yaratdım. Zəmanə İradəsini İradəsizlik saydım. İradə yaratdım. Zəmanə Amalını Amalsızlıq saydım. Amal yaratdım. Zəmanə Əməlini Əməlsizlik saydım. Ocaq qaladım. Təqiblərə yüksəldim. Ata çağırıldım. Bəşərin nicatı İnsanlaşmaqdadır. İnsanlaşın İnsanlaşdırın... Şölə Ayı, 7-ci il. Bakı. (İyun, 1985-ci il). 21

22 22

23 YOL. ATA SÖZÜ (Üçüncü Müqəddəs Kitab) 23

24 24

25 DOĞMALARIMA Siz Sirli, Sehrli, Qədim və Müqəddəs Dünyanın zərrələrisiniz. Sizin Təbiət Dünyanızda Dərin və Uca Səmalar, Vüqarlı və Müdrik Dağlar, Günəş Şəfqəti, Meşə Hekayəti, Qar Nağılı, Gecə Möcüzəsi, Səhər Təbəssümü, sonu görünməyən, ürəyimizi özü ilə aparan, Ruhumuzu çağıran Yollar, Qürub Çağının Kədərli Məlahəti, Şimşək Nərəsi, Sel Əzəməti var Sizin Analıq, Məhəbbət və Dostluq Dünyanızda beşik başında oxunan Layla Qüdsiyyəti, Ürəklərdən-ürəklərə axan İşıq, Yerin-Göyün Mehr, Heyrət, Vəcd şəfəqinə bürünməsi, Duyğu Bulağının qaynaması, Özünü başqasında tapmaq Səadəti var. Sizin Tarix Dünyanızda Qəhrəmanlıq Müdrikliyi, Özündənkeçmə Ülviyyəti, Qorxu hissinin ölümü, İnsanın İlahi Qüvvələrlə Yarışı, Babəkin tikə-tikə doğranılan bədəni və Xəlifəliyi sarsıdan Ruhu, Əzabdan alınan Fərəh, Fədakarlığın əvəzsiz Nəşəsi var. Sizin Ruh Dünyanızda Zərdüştün Hürmüzdü, Füzulinin Məcnunu, Mənsur Həllacın Mütləqə qovuşmaq arzusu, Buddanın İmtinası, Muğamın Ülvi Ehtizazı var Sizin Xalq, Vətən Dünyanızda əsrlərin sınağından çıxmış Ağsaqqallıq, Varislik, Valideynlik, Həya, İsmət, Qeyrət Ənənəsi, Qədimliyə pərəstiş, Babaların Müqəddəs Ruhuna İnam var. Siz həmişə özünüzü böyük Dünyada hiss edin. Onda kimliyinizi anlarsınız. Dünyasızların Ürəkləri kordur. Onlar Ülviyyəti görmürlər. Dünyasızlarla döyüşün Dünyanızı təsdiq etmək üçün! Öz Daxilinizdəki naqisliyi öldürün Dünyanıza layiq olmaq üçün. Ürəyinizə baxın orada Sabahı görəcəksiniz! OCAQ MƏRAMI Dünyada, Həyatda, Xalqımızda Əsilliyə, Mənəvi Kamilliyə, Ruhani Zənginliyə sonsuz Ehtiras yaşayır. Ocaq həmin Ehtirasdan yaranmışdır! Dünyada, Həyatda, Xalqımızda Süniliyə, Bəsitliyə, Yalana sonsuz Nifrət yaşayır. Ocaq həmin Nifrətdən yaranmışdır! Dünyada, Həyatda, Xalqımızda ölməz Ənənələrə, Ali Mənəvi sərvətlərə sönməz Məhəbbət yaşayır. Ocaq həmin Məhəbbətdən yaranmışdır! 25

26 Dünyada, Həyatda, Xalqımızda Müqəddəsliyə alovlu bir Pərəstiş yaşayır. Ocaq həmin Pərəstişdən yaranmışdır! Dünyada, Həyatda, Xalqımızda Bütöv, Parlaq, Gözəl İnsan Şəxsiyyətinə Çağırış yaşayır. Ocaq həmin Çağırışdan yaranmışdır! Dünyada, Həyatda, Xalqımızda Hərarətli və Dərin, Əzəmətli və Zərif, Ehtizazlı və Müqəddəs Şərq Ruhuna atəşli Meyil yaşayır. Ocaq həmin Meyildən yaranmışdır! Dünyada, Həyatda, Xalqımızda Qeyrət ilə Alçaqlıq, Ləyaqət ilə Qəbahət, Cəngavərlik ilə Mənəvi Zəlillik, Vətənpərvərlik ilə Vətənsizlik döyüşür. Ocaq bu Döyüşün ön sırasındadır! Dünyada, Həyatda, Xalqımızda Yanar Zəkanın Övladı olan, Dünya Fikrinin Mahiyyətini özündə təcəssüm etdirən, Bədiiyyatla nəfəs alan, Mənəviyyatı Həqiqət Odunda təmizləyən Qanadlı, Hissiyyatlı, Cəsarətli İdraka zəruri Ehtiyac yaşayır. Ocaq həmin Ehtiyacdan yaranmışdır! XX əsrin bayquşları İnsana İnam Bayrağını tapdalamağa çalışırlar. Biz həmin Bayrağı başımızın üzərinə qaldırırıq. İnsan hər bir mühitdə İnsan olaraq qala bilər. O, hər bir şəraitdə öz zəifliyi üzərində qələbə çala bilər. İnsan özünü daim təkmilləşdirməlidir. Bu, onun özü qarşısında ən böyük borcudur. Bütün çirkinlikləri daxildən silib atmaq olar. Pisliyin bəraət imkanı yoxdur Ocaq İnsana İnam ideyasına əsaslanır, Kamil İnsan yaratmağı öz məqsədi sayır. Dünyada, Həyatda, Xalqımızda yenilik pərdəsi altında əxlaqsızlıq, yırtıcılıq, bədbinlik, eybəcərlik təbliğ edən sənət ə qarşı ikrah hissi yaşayır. Ocaq pozğun, çirkin, bayağı qeyri-sənətlə döyüşündə ardıcıl, amansız olacaqdır. Dünyada, Həyatda, Xalqımızda müasir əxlaq, müasir gözəllik, müasir həyat tərzi libasına bürünmüş, öz Əsilliyindən, Qədimliyindən, Xəlqi Mahiyyətindən ayrılmış təcavüzkar, fəal, azğın qüvvələr yaşayır. Onların puç və zərərli əqidəsini Ocaqda yandırıb külə döndərmək lazımdır. Biz gələcəyə keçmişimizin meyidi üzərindən adlayıb keçmirik. Biz gələcəyə Müqəddəs keçmişimizin geniş Yollarıyla gedirik. Biz Qərb solçuları kimi gələcəklə keçmiş arasında uçurum görmürük, ya gələcək, ya da keçmiş demirik. 26

27 Biz belə hesab edirik ki, müasir İnsanın Qəlbində Məcnun Alovu yaşamalıdır, Nəsimi Ənəlhəqqi səslənməlidir, Zərdüşt İşığı parlamalıdır, Muğam Hikməti, Saz Əzəməti səslənməlidir. Biz mədəni bədbinlərin İnsan məhv olur hay-küyünə inanmırıq. İnsan öz böyüklüyünə qayıda bilər, qayıtmalıdır və Ocaq bu ümumbəşəri tarixi vəzifəyə xidmət edir. Biz geriyə yox, irəliyə gedirik. Fəqət biz irəliyə keçmişimizlə bərabər gedirik. Biz Bəşərin Ülvi Ruhunu Ürəyimizdə gəzdiririk. Həmin Ruh bizi Müqəddəsləşdirir və biz bu Müqəddəsliyi Dünyaya, Həyata, Xalqa qaytarırıq. Dünya gözəlləşir, İnsan paklaşır, Əzəmət, Ülviyyət gəlir Həyata, Mehr, Məhəbbət bəzəyir Dünyanı, Qeyrət, Namus cilalayır Mənəviyyatı, Fikrə Ənginlik, Duyğuya Təravət bəxş olunur. İnsan öz üzərində çaldığı qələbəni bayram edir. Biz azərbaycanlıyıq, Şərq dünyasının bir hissəsiyik. Muğamlarımızla, Şerimizlə, Adət-Ənənələrimizlə Şərqə bağlıyıq, Füzulilərimiz, Nəsimilərimiz Cəlaləddin Rumilərə, Hafizlərə qohumdur. Şərq mədəniyyətinə qovuşmuşuq, onun Ruhuna Ruhumuzu calamışıq. İtirməmişik Böyümüşük, Yüksəlmişik, həm də Yüksəltmişik. Şərqin ikinci Füzulisi yoxdur, Muğamları da ən kamil şəkildə biz qoruyub saxlamışıq və ifa etmişik. Biz həm də Qərbdən bəhrələnmişik. Ancaq heç vaxt qərbçi olmamışıq. Sənətimizdə, Fəlsəfi Fikrimizdə, Musiqimizdə təsdiq olunan Ruh Hərarətli, Müdrik Şərq Ruhudur. Biz həm də türkdilli xalqların bir hissəsiyik. Ancaq bu xüsusiyyətimizi bütün Şərqə qarşı qoymuruq. Biz türkdilli xalq olsaq da, ən çox Şərqi xalqıq. Bizim Mənəviyyatımızda ümumi Şərq Mahiyyəti çox güclüdür. Adət-Ənənələrimiz, Cəngavərliyimiz hamıya bəllidir. Belə bir xalq özünəməxsus Mənəviyyat Fəlsəfəsi yaratmalıdır. Tarix onun qarşısında bu vəzifəni qoyub. Ocaq həmin Zəruriyyətdən yaranıb! Füzulilərin, Nəsimilərin, Muğamatın, Sazın, Şərq Ruhunun, ümumən Dünya İdrakının davamı olan Mənəviyyat Fəlsəfəsini Ocaq mütləq yaradacaq! Biz Dünyanı və İnsanı daha Gözəl və Kamil görmək istəyirik. Dünyanın Aqibəti İnsanın əlindədir. Gözəl İnsanlar Gözəl Dünya yaratmağa qadirdirlər. Azərbaycanın sinəsində yanan bu Ocaq Xalis, Qeyrətli, Pak İnsanlar yetişdirəcək, Gözəl İnsan yaratmaqla Gözəl Dünyaya xidmət edəcək. 27

28 Qoy bir an da Qəlbimizdə Ülviyyət Odu azalmasın! Qoy bir an da Gözlərimizdə Heyrət İşığı azalmasın! Əzmimiz, Gücümüz, Cəsarətimiz, Fədakarlığımız Məqsədimizə bərabər olsun! Ocağın Müqəddəs Ruhu sönməzdir! Bakı, 1980-ci il. OCAQÇININ HƏYAT TƏRZİ 1.ÖZÜ İLƏ DÖYÜŞ Dünyanı, İnsanı, Həyatı dəyişən, Kamilləşdirən, Ülviləşdirən Ocaqçı öz Mənəviyyatında, İdrakında yaşayan eybəcərliyi, naqisliyi, natamlığı öldürməlidir. Ocaqçının qazandığı ilk Qələbə özünün üzərində çaldığı Qələbə olmalıdır. Ocaqçı bilməlidir ki, bəşər övladı Məxluq kimi dünyaya gəlir, Adam kimi mövcud olur, İnsan kimi yenidən doğulur. Məxluqun başqa canlılardan fərqi azdır. O, cismani tələbləri ödəyir, nəsil artımında iştirak edir, Həyata uyğunlaşır, özünü qoruyur, ibtidai nəşələrdə səadət tapır. Təbiət tərəfindən bəxş olunan nadir Qüdrət Ağıl həmin məqsədlərə xidmət edir. Dostluq əvəzinə faydalı ünsiyyət, Məhəbbət əvəzinə şəhvani asılılıq, Vətənpərvərlik əvəzinə məişətsevərlik yaranır. Məxluq üçün Vicdan, Həqiqət, Fədakarlıq, Ülviyyət yoxdur. Məxluq Dünyanı, Bəşəri, Vətəni görmür. Çünki Mənəvi Aləmi dardır, Qəlbi sönükdür, İdrakı cılızdır. Məxluq özünü dəyişdirməyə can atmır, çünki özünü tanımır, özünə qayıtmır, öz əsil Mahiyyətinə yaddır. O, daim bayağı fəaliyyətdədir. Onun öz daxili Dünyasına enməyə meyili, həvəsi, vaxtı yoxdur. O, bəsit həyat axarında adi bir damladır. Məxluq İradəsini, Ağlını, Mənəviyyatını cılız cismani mövcudluğa qarşı qoymağa cəhd göstərmir. Çünki bu mövcudluqdan kənara çıxa bilmir, ona pərçimlənir. Məxluq özünün indiki vəziyyəti ilə kifayətlənir, bayağı Həyatın meyvələri ona dadlı gəlir, çünki başqa meyvə tanımır və tanımaq istəmir, başqa meyvənin olacağına inanmır. 28

29 O, Dünyadan yalnız cismani faydalanır. Məxluqun başını qaldırıb Dünyaya baxmağa vaxtı və ehtiyacı olmur. Özünü dəyişdirmək üçün özünü öyrənməlisən. Məxluq özünə heç yaxınlaşmır da. Ali Duyğulara tələb yaranmır. Çünki hissiyyat div yuxusuna qərq olub. Dəhşətli bir naşılıq törəyir. Günəş bədəni isidən səma cismi, Torpaq qarnı doyduran mətbəx, Vətən birgəyaşayış yeri, Çay böyük hovuz, Dağ torpaq, daş və gil yığını sayılır. Məxluqun taleyi yoxdur, çünki Mənliyi yoxdur. Məxluq Zəmanənin daxilində olsa da, Zəmanəni görmür, çünki Zəmanədən fərqlənmir. Məxluq Əqidə tanımır, çünki heyvaniliyi xoşbəxtlik sayır. Məxluq İdrak tanımır, çünki şüur onun cismani tələblərini tam ödəyir. Məxluq Müqəddəslik tanımır, çünki heyvanilik səddini aşa bilmir. Ocaqçı Qəlbində, Düşüncəsində, Həyat Tərzində təzahür edən məxluqluğa qarşı ardıcıl şəkildə vuruşmalıdır. O, anlamalıdır ki, Mənəvi naqislik öz-özünə aradan qalxmır, Kamilliyə nail olmaq istəyən şəxs Daxili Aləmin dərin qatlarına enməli, oradakı çirkabı Ürəkdən silib atmalıdır. Ocaqçı Həyat Dəftərinə özünün səciyyəvi müsbət və mənfi cəhətlərini, özü ilə döyüşün nəticələrini yazmalıdır. Mən bu gün necə yaşadım, hansı mənfi keyfiyyətlərdən xilas ola bildim? Mənəvi Kamilləşmə Yolunda hansı yeni addımlar atmalıyam? Dostluğum, Məhəbbətim əsildirmi? Yalana, saxtalığa meyil etmirəm ki? Vətən haqqında düşünürəmmi? Qəlbimdə xəbislik ilanı yatmır ki? Bu gün hansı xeyirxah iş gördüm? Əqidəm uğrunda ölməyə hazırammı? Əzabdan, cəzadan qorxmuram ki? Başqasında özümü görə bilirəmmi? (Bu qəbildən olan suallara cavab Həyat Dəftərində əks olunur və hər altı aydan bir Ocağa təqdim edilir, Ata tərəfindən qiymətləndirilir.) Ocaqçı bilməlidir ki, İnsan Həyata kamil, nöqsansız gəlmir, Təbiət insanı İdeal səviyyədə yaratmır. Ona görə də şəxsiyyət özünü yenidən yaratmalı, ardıcıl şəkildə dəyişdirməli, İdeala yaxınlaşdırmalıdır. Yalnız özü ilə amansız döyüşən, özü üzərində yüksələn şəxs Ocaqçı adına layiq ola bilər! Özü ilə Döyüş qurtaran yerdə Ocaqçılıq Ləyaqəti qurtarır. 29

30 Adam Məxluqdan üstün, İnsandan aşağıdır. Məxluqdan fərqli olaraq, Adamda Ruhani Gözəlliyə, Yüksək Həyat Tərzinə meyil var. Ancaq həmin meyil güclü ehtiras səviyyəsinə qalxmır. Çünki Ali hisslərlə yanaşı, Adamın bulanıq daxili aləmində çirkin, cılız duyğular da yaşayır. Adam Vətəni sevir, ancaq Vətən yolunda Əzaba qatlaşmır, Ölümə getmir, çünki Vətənsevərliyi ömrün mənasına çevirməyib, güclü İradəyə malik deyil, Mənəviyyatını qorxu kabusu bürüyüb, yetkin mətanətli Şəxsiyyət deyil. Adam Müqəddəsliyi qiymətləndirə bilir, ancaq Müqəddəsliyə qovuşa bilmir. Çünki Ruhani Qüdrət sahibi deyil, xilqətində Böyüklük yoxdur. Adam Məhəbbətə, Sədaqətə biganə qalmaz, ancaq çətin anda Məhəbbətdən, Sədaqətdən qaçar. Çünki Məhəbbətlə yanaşı, daxilində Xudpəsəndlik də yaşayır. Adam Dostluğa can atar, lakin onun ağırlığını çiynində gəzdirə bilməz. Çünki çiyni zəifdir. Adam Əxlaqi Təmizliyi bəyənər, ancaq hərcayi ehtiraslarını cilovlamağa iradəsi çatmaz, Əxlaqsızlıq bataqlığına yuvarlanar. Adam ani Cəsarət göstərər, fəqət sonra Qorxu hissinin pəncəsində çabalayar, Qorxaqlığı İgidliyini üstələyər. Adam Qəhrəmanla, Fədakarla, Özündənkeçənlə bir neçə addım yol gedə bilər, ancaq yarı yoldan qayıdar. Adam əsil İdraka, Sənətə biganə qalmaz, ancaq süni və bəsit sənəti, İdrakı da sevər, onlara daha çox bağlanar. Adam Təmənnasızlığı qiymətləndirər, ancaq şəxsi həyatında ondan qaçar. Adam eybəcər mühitə lənətlər yağdırar, ancaq mühitlə təmasda özünü onun timsalı kimi aparar və son nəticədə mütiləşər, Üsyanından, Hiddətindən heç nə qalmaz. Adam Leyli axtarar, Məcnun olmaq istəməz, Böyüklük axtarar, Əzab istəməz, ölçülü yaşayar, ona görə də yaşamaz. Adamda müsbət keyfiyyətlər mənfi keyfiyyətlərlə qaynayıb qarışar, öz qüdrətini itirər. Ocaqçı öz Mənəviyyatında, İdrakında, Həyat Tərzində Adam natamlığını, naqisliyini aradan qaldırıb, İnsan Kamilliyinə çatmalıdır. İnsan Müqəddəsliyə, Həqiqətə, Vətənpərvərliyə, Qəhrəmanlığa, Bəşərsevərliyə, İdeala, Məhəbbətə, Qədimliyə, Ruhani Ülviyyətə, Cəngavərlik Siqlətinə qəlbdən bağlanan, ömrünü Yüksək Arzulara həsr edən, Səadətini onda tapan Şəxsiyyətdir. Ocaqçının Məqsədi İnsan olmaqdır! Bunun üçün o, özüylə daim mübarizə etməlidir. Ocaqçı Ürəyindən Qorxu duyğusunu silməlidir. 30

31 Ocaqçı Mənəviyyatından Paxıllığı qovmalıdır. Ocaqçı Əxlaqından Heyvani Şəhvaniliyi murdar yük kimi atmalıdır. Ocaqçı Bədxahlığı Daxili Aləminə qoymamalıdır. Ocaqçı tənbəllik, fəalsızlıq eybəcərliyini məhv etməlidir. İradəsizlik Ocaqçının qəddar düşmənidir. Namus bəndini aşan ehtirası ürəyə qoymazlar. Ocaqçı Mənəviyyatında Müxənnətliyə yer yoxdur. Dilində Yalan gəzdirən Ocaqçı lənətə layiqdir. Ocaqçının saxta Fərəhə ehtiyacı yoxdur. O, araq, şərab adlanan murdarlığı dilinə vurmur, mənəvi zəlillərin pənah gətirdiyi içki ehtirasını rədd edir. Ocaqçı İdrakından lüzumsuz bilikləri atıb, dəyərli bilikləri saxlamalıdır. Müqəddəslik duyğusunu Mənəviyyatının əsasına çevirməyən şəxsdən Ocaqçı olmaz. İnsan olmaq çətin peşədir! İnsan sözü əsil qiymətini itirib. Ocaqçı onun ləyaqətini bərpa etməlidir. Özü ilə döyüşən Ocaqçı Ocaqdan güc alır. Ocağa müraciət edir. Ocaqçının Ocağa Səhər Müraciəti belə olmalıdır: Ocağım, Ülvi Qüdrətini məndən əsirgəmə! Mənə kömək et! Heç bir naqisin təsirinə düşməyim, pis hərəkətə yol verməyim, ürəyimdə çirkin duyğular oyanmasın. Xeyirə xidmət edim. Kamillik Yoluyla gedim. Sənə layiq olum. Kömək et mənə, Ocağım! Ocaqçının Ocağa Günorta Müraciəti belə olmalıdır: Səhərimi başa vurdum. Saf Ürəklə, Təmiz Niyyətlə. Sən istədiyin kimi. Mənəviyyatıma çirk qonmadı. Hərəkətlərimdə qəbahət olmadı. Xeyirə qulluq göstərdim. Şəri yaxına buraxmadım. Kamillik Yolunda büdrəmədim, çünki səninləydim. Ocaqçının Ocağa Axşam Müraciəti belə olmalıdır: Ürəyimdə İşıq yandır, Ocağım, Qaranlıqlar çəkilsin! İradəmə güc ver, daxilimdəki Çirkabları əritsin! 31

32 Saflığına bir addım da yaxınlaşdım. Sabahıma apar məni! Mənimlə ol! Yoxuşlarda büdrəməyim! And içirəm, Sabahım bu günümdən daha Kamil olacaq! Ocağından bir an da ayrılmayan Ocaqçının özü ilə döyüşdə qələbə çalacağına Ata İnamı böyükdür! 2. HƏYATDAKI EYBƏCƏRLİKLƏ DÖYÜŞ Ocaqçının ən böyük düşməni Vətənsizlikdir. Vətənsizlik Xalqına İnanmamaq, Xalq Ruhuna, İdrakına yad olmaq, özgələşmək deməkdir. Vətənsizlik Qərbi yamsılamaq, təqlid etmək və bu miskinliklə öyünmək, onu müasirlik, qabaqcıllıq timsalı saymaqdır. Vətənsizlik Kökündən, Qədimliyindən, Tarixindən ayrılmaq, süniləşmək, müflisləşməkdir. Vətənsizlik Xəlqi Düşüncəni, Mənəviyyatı gerilik, ibtidailik nişanəsi saymaq qəbahətidir. Vətənsizlik ardıcıl, təcavüzkar, açıq əxlaqsızlıqdır, əxlaqsızlığı hörmətə mindirmək cəhdidir. Vətənsizlik fəndgirliyin, mənsəbpərəstliyin, minsifətliyin, mədəni alçaqlığın, nəcib cəlladlığın həyatımıza müdaxiləsidir. Vətənsizlik idealsız, antixəlqi, yarışərq, yarıqərb, müti və pozğun ziyalı qrupunun, elitasının peyda olmasıdır. Vətənsizlik sadə Vətən övladlarına təşəxxüslü və saxta münasibətdir. Vətənsizlik taleyini, səadətini, gələcəyini özündə yox, özündən uzaqlarda axtarmaq bəlasıdır. Ocaqçı Vətənsizliklə həmişə, hər yerdə vuruşmalıdır. Əgər Ocaqçının yanında Vətənsizlik təbliğ olunursa və o, bədnam əqidəni ifşa etmirsə, onun Ocaqçı adını daşımağa haqqı yoxdur. Əgər bu və ya digər əsərdə Vətənsizlik əlaməti görünürsə, Ocaqçı ona öz münasibətini mütləq bildirməlidir. Ocaqçı Vətənsizlik haqqında Ocağın fikrini xalqa şərh etməlidir. Ocaqçı öz mühitini Vətənsizlik çirkabından təmizləməlidir. Ocaqçı olan yerdə Vətənsizlik toxumu bar verə bilməz. Ocaqçı Vətənsizlik adlanan yağı ilə bir an da barışmamalıdır. Həyat Ocaqçı üçün Vətənsizliklə döyüş meydanına çevrilməlidir. 32

33 Ocaqçı öz Həyat Dəftərində bu sözləri yazmağa haqq qazanmalıdır: Mən Vətənsizliklə həmişə döyüşürəm. Vətənsizliklə Mübarizənin çeşidləri müxtəlifdir. Müəllim dərslərində, qələm əhli əsərlərində, işçi müəssisələrdə, tələbə auditoriyada, yataqxanada Vətənsizliyi ifşa etməlidir, Vətənsevərliyi təbliğ etməlidir. Ocaqçının ikinci düşməni Məhəbbətsizlikdir. Həyatımızda İnsana Məhəbbət azalıb, İnsan Ləyaqəti tapdanır. Müqəddəslik duyğusunun sönməsi nəticəsində İnsani əlaqələrdə Gözəllik, Şeiriyyət yoxa çıxmaqdadır. İnsana Heyrətli münasibət tükənir. Sevgi ucuzlaşıb, bayağılaşıb, nəşəsevərlik aşiqliyi üstələyir. Övladın Valideynə, Qadının Ərə, Bacının Qardaşa münasibətində biganəlik, soyuqluq, yadlıq görünür. Həyat Gözəlliyini, Cazibədarlığını itirir. Nəsimilərin, Füzulilərin atəşin, ehtizazlı Ruhu ürəkləri tərk edir. Qəddarlıq, Yırtıcılıq, didib-parçalamaq Ehtirası Dünyanı bürüyüb. Qeyrətsizliyə, İsmətsizliyə, Xəyanətə qarşı Nifrət duyğusu azalıb. Qəbahətə alışmaq təhlükəsi meydana çıxıb. İnsan öz böyüklüyündən ayrılmaqdadır. Ocaqçı dəhşətli Məhəbbətsizlik çirkabının Ürəklərə axmasına biganə baxa bilməz. O, Məhəbbət uğrunda, İnsan uğrunda döyüşməlidir. O, ətrafındakıları başa salmalıdır ki, Məhəbbətsizlik Həyatın normal vəziyyəti deyil, xəstə vəziyyətidir. Məhəbbətsiz İnsan heç yarıminsan da deyil. Məhəbbəti itirən Dünya Antidünyadır. Ocaqçı Məhəbbətsizlik Kahinlərinin çürük fikirlərini ifşa etməli, Xalqı murdar təsəvvürlərin təsirindən xilas etməlidir. Ocaqçı Ümumdünya, Şərq və Azərbaycan İdrakının, Bədiiyyatının Qüdrətini Məhəbbətsizliyə qarşı qoymalı, Ülvi Gözəllik vasitəsilə mənfur eybəcərliyi rədd etməlidir. Ocaqçı Məhəbbətsizliklə həm də öz şəxsi Həyatında vuruşmalıdır. Məhəbbətsizlik səfsəfəsinə uyana Ocaqda yer yoxdur! Ocaqçının üçüncü düşməni Yalandır! Yalanın çeşidləri çoxdur, ancaq o, hər çeşiddə eybəcərdir. Yalana tapınan Həyat Ölən Həyatdır! Ocaqçı hər cür Yalanla döyüşməlidir: Müəllimin dilindən çıxan Yalanla. Kitabda yazılan Yalanla. Tərif şəkilli Yalanla, yaxud tənqid şəkilli Yalanla. Yalançı Məhəbbətlə, Yalançı Mədəniyyətlə. 33

34 Yalançı Alimliklə, Yalançı Şairliklə. Rütbələrin pərdələdiyi Yalanla. Yalançı Andlarla. Yalançı Qəhrəmanlıqla. Yalançı Heyranlıqla. Yalançı Xalqsevərliklə. Yalançı Savadla. Yalançı Bəşərsevərliklə. Yalançı Sənətlə. Yalançı Qeyrətlə. Yalançı Gözəlliklə. Yalançı Sədaqətlə. Ocaq Yalanı Həyatdan qovmalıdır! Ocaq Yalana alışmaq bəlasını dəf etməlidir! Dünyada Yalana alışanlar, Həyatı Yalansız təsəvvür edə bilməyənlər var. Onların düşüncələrini tar-mar etmək gərəkdir! Çünki bədbinlik zəlilliyi Yalana müqavimətsiz qələbələr gətirir. Ocaqçı sübut etməlidir ki, Yalana heç cür bəraət qazandırmaq olmaz, əsil Həyatın Yalana ehtiyacı yoxdur, Yalan heç vaxt Bəşəriyyətə gərək olmayıb, Yalana tapınmaq əxlaqsızlıqdır, Yalanın yayılması Mənəvi Böhran əlamətidir. Ocaqçı göstərməlidir ki, Yalan vasitəsilə əldə edilən Nailiyyət əslində Məğlubiyyətdir, çünki burada İnsani Ləyaqət məhv olur. Ola bilsin ki, Yalançının Qəbahətini heç kim bilməsin, ancaq özü bilir. Ləyaqətini qurban verir, sonra Ləyaqətsizliyə alışır və Mənən ölür. Ocaqçı ətrafdakılara başa salmalıdır ki, Yalançı Ziyalı Tüfeylidir, çünki İdraka, Həqiqətə, Vətənə heç nə vermir. Onun Rütbəsi parlaqdır, Ağlı yox. Ocaqçı sübut etməlidir ki, Yalançı Sənət Sənət deyil, çünki onda Təbii Hiss və Ağıl yoxdur, Oyun var. Ocaqçı Söz ilə İş arasında, Əlamətlə Mahiyyət arasında olan fərqi görməli və göstərməlidir. Ocaqçı böyük Sözlərin kiçik Niyyətlərə qurban verilməsinə dözməməlidir. Ocaqçının digər düşməni Ədalətsizlikdir. Nə üçün Pislər Yaxşıları üstələyə bilsinlər? Nə üçün Yaltaqlar, Azğınlar Həyat nərdivanına dırmaşa bilsinlər? Nə üçün Sünilik Təbiiliyi kölgədə qoysun? Nə üçün Təmiz Yoxsul olsun, Pozğun Varlı? 34

35 Niyə Əyyaş, Qeyrətsiz, Vətənsiz Namuslunun, Fədakarın Taleyini həll eləsin? Niyə vəzifəyə və pula hörmət Ağıla və İstedada Hörməti geridə qoysun? Niyə Müqəddəslik məsxərəyə qoyulsun, Eybəcərlik dağ başına çıxsın? Niyə armudun yaxşısını ayı yesin? Niyə özünə bənzəmək Qəbahət sayılsın? Niyə Mütilik Sədaqət sayılsın? Niyə Mənsəbpərəstlik Dahilik hesab olunsun? Tüfeylilər niyə bu qədər çoxalıb? Ənənəni inkar etmək niyə Qəhrəmanlıq adlandırılsın? Bu kimi suallar Ocaqçının Qəlbində səslənməlidir. Ocaqçı Ədalətsizliyin Qənimi olmalıdır! Ocaqçı bilməlidir ki, Ədalətin tapdanması Dünyaya, Həyata, İnsana İnamın alçaldılması, İnsanın Həyatdan küsməsi, Gözəlliyin təhqir olunması deməkdir. Ədalətsizlik yalnız ürəkləri qanatmır, Həyatı Zülmətə qərq edir, Şəri yüksəldir, Xeyiri alçaldır. Ədalətsizlik bərqərar olubsa deməli, Həyatın təbii axarı, ahəngi pozulub. Bəşəri təhlükədən xilas etmək üçün Ədaləti bərqərar etmək lazımdır. Ocaqçı həmişə və hər yerdə Ədalətsizliyi ifşa etməli, onun mənfur simasını açıb göstərməli, başqalarında buna qarşı dərin Nifrət duyğusu yaratmalıdır. Ocaqçının ardıcıl düşmənlərindən biri də Meşşanlıqdır. Bütün təbəqələrə sirayət edən bu eybəcərlik Həyatda güzərandan, məişət nemətlərindən başqa heç nə tanımır. İdeal Niyyətlər, Ali Duyğular ona yaddır. Meşşanlıq harada peyda olursa, orada nasiranəlik, bəsitlik, qanadsızlıq hökm sürür. Əgər Meşşan işçidirsə, onu işin Gözəlliyi yox, Qazancı maraqlandırır. Əgər Meşşan elm adamıdırsa, onu İdrakın verdiyi Səadət yox, İmtiyazlar cəlb edir. Əgər Meşşan musiqiçidirsə, onu ifa etdiyi sənətin Mahiyyəti yox, tamaşaçıların alqışı düşündürür. Əgər Meşşan vəzifə sahibidirsə, onu Xalqın mənafeyi yox, mənsəb pillələri cəlb edir. Meşşan Həyat tərzini görəndə elə bilirsən ki, müqəddəs kitablar yazılmayıb, Qəhrəmanlar ömürlərini İdeallarına qurban verməyiblər, dahi sənətkarlar Ülvi Duyğuları vəsf etməyiblər. 35

36 Meşşan üçün Dünya böyük masadır. Meşşan həmişə özünü böyük masa arxasında hiss edir. Meşşan üçün yaşamaq yemək, geymək, vardövlət yığmaq, gün görməkdir. Vətən haqqında düşünmək, Bəşərin dərdinə qalmaq, Ali Duyğularla yaşamaq meşşan Həyat tərzinə yaddır. Meşşan yaşamır, dolanır. Dünyadan təcrid olur, əsil Həyatı görmür. Ancaq öz Həyatını əsil Həyat sayır. Onu təbliğ edir. Onunla öyünür. Ocaqçı bilir ki, İnsan Dünyaya var-dövlət yığmaq, kef çəkmək üçün yox, Müqəddəs İdeallara xidmət etmək üçün gəlib. Dünyada ən böyük xoşbəxtlik Fədakarlıqdır, geyim əsiri olmaq quyruğu ilə qürrələnən quş olmaq kimi bir şeydir. Ömrü dolanmağa həsr eləmək amalsızlıqdır, məişətə yapışıb qalmaq ölməkdir. Ocaqçı anlayır ki, Meşşan öz əhvali-ruhiyyəsini Həyatın bütün sahələrinə yayır. Dünyada Ticarətçi Meşşanla yanaşı, Xanəndə Meşşan da var, Tələbə Meşşanla yanaşı, Akademik Meşşan da var, Sürücü Meşşanla yanaşı, Şair Meşşan da var. Ocaqçı onu dərk edir ki, Meşşanlıq mikrobu daxili aləmə bəzən gizli daxil olur. Mənəviyyata gözlənilməz şəkildə sirayət edir. Bu səbəbdən də Ocaqçının Həyat Dəftərində Mən Meşşanlıqdan azadammı?, Meşşanlıqla daxilimdə vuruşurammı? sözləri əhəmiyyətli yer tutmalıdır. Ocaqçı daim özünü yoxlamalı, Mənəviyyatını Ruhani Həkim gözü ilə müayinə etməli, onu təmiz saxlamalıdır. Ocaqçı bilir ki, Meşşan öz həyat tərzinə bəraət qazandırmağa ciddi cəhd göstərir. Dünya beş gündür, mən bir də həyata gəlməyəcəyəm, Dünyadan nə aparacağıq? Meşşanın dəlilləri bunlardır. Ocaqçıya gün kimi aydındır ki, əsil nəşə İdeal Niyyətlərin, Ülvi Arzuların, Duyğuların, Düşüncələrin Mənasıyla yaşamaqdır. Dünya beş gündürsə, Ömür qısadırsa Xeyir İşığı salmağa, Ali hisslərə qovuşmağa tələs! Ölümə məhkumuqsa Ömrümüzü Ölümsüz İdeallara həsr edək! Dünya və tarix miqyasında kiçiyiksə Bəşərin Möhtəşəm Qəhrəmanlıq, İdrakilik, Mənəvi Ülviyyət Ənənəsinə qovuşaq! Xoşbəxtlik diləyiriksə Müqəddəs Ehtirasların çağırışını dinləyək, ona qovuşaq! Sevinc istəyiriksə Özündənkeçmə Yüksəkliyinə tapınaq! Ocaqçı öyrətməlidir ki, Meşşan Həyati Fərəhlərin ən bəsitiylə, ibtidaisiylə kifayətlənir. Meşşan Həyatında Mənəvi Gərginlik çatışmır, ona görə də o, Gözəllikdən məhrumdur. 36