KORAB SEJDIU për kryetar të Prishtinës. Programi zgjedhor

Transkript

1 KORAB SEJDIU për kryetar të Prishtinës Programi zgjedhor

2 Të ndëruar votues, Për të votuar AKR-në, kryetarin e komunës dhe asambleistët gjithsesi duhët të përdorni dy fletëvotime. Për kryetarin: Në fletëvotimin për kryetarë të komunës duhët të votoni numrin 89. Duke votuar numrin 89 keni votuar kandidatin e AKR-së, Korab Sejdiu, për kryetarë komune. Për asambleistin: Në fletëvotim për asambleistin, ju votoni së pari numrin 89 në anën e majtë të fletëvotimit dhe në anën e djathë të së njejtës fletë votoni numrin e kandidatit tuaj të preferua (vetëm nje kandidat). Duke votuar numrin 89, keni votuar edhe bartësin e listës (nr. 1), numër i cili nuk figuron në anën e djathtë të fletëvotimit. Komisioni Qendror i Zgjedhjeve Centralna Izborna Komisija Central Election Commission ZGJEDHJET PËR KRYETAR KOMUNE 2013 IZBORI ZA PREDSEDNIKA OPŠTINE 2013 BELEDİYE BAŞKANI SEÇİMLERİ 2013 Prishtinë Priština Priştine Shënoni kandidat - Označite SAMO kandidata SADECE VETËM NJË JEDNOG -B İR Siyasi kuruluşu işaret edin Komisioni Qendror i Zgjedhjeve ZGJEDHJET PËR KUVENDIN KOMUNAL 2013 Centralna Izborna Komisija IZBORI ZA SKUPŠTINU OPŠTINE 2013 Central Election Commission BELEDİYE MECLİSİ SEÇİMLERİ 2013 Shënoni VETËM NJË subjekt politik që nënkupton edhe votë për bartësin e listes së subjektit politik Označite SAMO JEDAN politički subjekat koji podrazumeva i glas za nosioca liste političkog subjekta Politik özne listesinin taşıyıcısına oy anlamını da taşıyan SADECE BİR politik özneyi işaret edin Prishtinë Priština Priştine Shënoni VETËM NJË kandidat Označite SAMO JEDNOG kandidata SADECE BİR adayı işaret edin SALI SALIHU IQ GRUPIMI TRADICIONAL SHQIPTAR SHPEND AHMETI LËVIZJA VETËVENDOSJE! IQ GRUPIMI TRADICIONAL SHQIPTAR SALI SALIHU KOSOVA TÜRK BIRLIGI - KTB NEVZAT HÜDAVERDI LËVIZJA VETËVENDOSJE! SHPEND AHMETI AAK-LDD ALEANCA PËR ARDHMËRINË E KOSOVËS LDD BESNIK TAHIRI NOVA SNAGA PETRIT HAKAJ BESNIK TAHIRI AAK-LDD ALEANCA PËR ARDHMËRINË E KOSOVËS LDD Partia e Drejtësisë - PD FETI MEHDIU LDK - LIDHJA DEMOKRATIKE E KOSOVËS ISA MUSTAFA ISA MUSTAFA LDK - LIDHJA DEMOKRATIKE E KOSOVËS KORAB SEJDIU AKR - ALEANCA KOSOVA E RE AKR - ALEANCA KOSOVA E RE KORAB SEJDIU KTAP - KOSOVA TÜRK ADALET PART S İ İ ERGYL BINÇE BSDAK - BOŠNJAČKA STRANKA DEMOKRATSKE AKCIJE KOSOVA FIKRETA KANDIĆ PDK - PARTIA DEMOKRATIKE E KOSOVËS LIRAK ÇELAJ KDTP - KOSOVA DEMOKRATİK TÜRK PARTİSİ CUNEYD USTAIBO AGIM ÇEKU PDK - PARTIA DEMOKRATIKE E KOSOVËS ADK - ALTERNATIVA DEMOKRATIKE E KOSOVËS FARUK SALIHU PSD - Partia Socialdemokrate e Kosovës KAQUSHA JASHARI 118. KAQUSHA JASHARI PSD - Partia Socialdemokrate e Kosovës Partia e Fortë - PF VISAR ARIFAJ Lëvizja Për Bashkim - LB BRAHIM MEHMETAJ 126. G.I.SRPSKA NENAD MILADINOVIĆ 120. VISAR ARIFAJ Partia e Fortë - PF 121. VALON MURATI Lëvizja Për Bashkim - LB

3 VOTO VOTONI ASAMBLEISTËT DHE KANDIDATIN PËR KRYETAR TË KOMUNËS TUAJ, TË PROPOZUAR nga

4 KORAB SEJDIU për asambleist të Prishtinës 01 AZIZ PACOLLI për asambleist të Prishtinës 02 REJHAN VUNIQI NAIM MAKOLLI për asambleiste të Prishtinës 03 për asambleist të Prishtinës 04 ISLAM PACOLLI VIOLETA GASHI për asambleist të Prishtinës 05 për asambleiste të Prishtinës 06 MILAZIM VITIJA XHEMSHIT CAKOLLI për asambleist të Prishtinës 07 për asambleist të Prishtinës 08 DONIKA SURDULLI për asambleiste të Prishtinës 09 BESART VLLAHINJA për asambleist të Prishtinës 10

5 SAMI BOROCI 11 ELHAME MAKOLLI 12 RAFET JASHARI 13 XHEMAJL GËRBESHI 14 KIMETE MAXHUNI 15 FETI GASHI 16 ARJANIT VLLAHIU 17 MIRLINDA SOPI 18 ANTONETE OSMANI 19 REMZI PACOLLI 20 për asambleist të Prishtinës për asambleiste të Prishtinës për asambleiste të Prishtinës për asambleist të Prishtinës për asambleiste të Prishtinës për asambleiste të Prishtinës për asambleist të Prishtinës për asambleist të Prishtinës për asambleiste të Prishtinës për asambleist të Prishtinës

6 VLERA GASHI 21 RAMADAN BEQIRI 22 NEHAT SELIMI 23 VERIANË BRUNÇAJ 24 GANI ZEKA 25 NAZIM BAJRAMI ARBEN GASHI URTINA SEJDIU 30 për asambleiste të Prishtinës për asambleist të Prishtinës për asambleist të Prishtinës FETIJE GJAKU-MURTURI për asambleiste të Prishtinës BASHKIM ISLAMI për asambleist të Prishtinës për asambleist të Prishtinës për asambleiste të Prishtinës për asambleist të Prishtinës për asambleist të Prishtinës për asambleiste të Prishtinës

7 IMER LLAPASHTICA për asambleist të Prishtinës 31 ALI ALIU për asambleist të Prishtinës 32 HIDAJETE ABDULLAHU ARSIM KRASNIQI për asambleiste të Prishtinës 33 për asambleist të Prishtinës 34 LIRIDON MAKOLLI KRENARE SHEHOLLI për asambleist të Prishtinës 35 për asambleiste të Prishtinës 36 HASAN BUNJAKU SAMI SOPJANI për asambleist të Prishtinës 37 për asambleist të Prishtinës 38 VIOLETA SHEHU për asambleiste të Prishtinës 39 DEMUSH ISUFI për asambleist të Prishtinës 40

8 TEVIDE NOBRDALI 41 MERITA XHELADINI 42 SKENDER VITIJA 43 ALBULENA KAÇIU 44 SOFIJE KLLOKOQI 45 ALBERT MAKOLLI HEDIJE ALSHIQI NERXHIVANE VITIJA 50 për asambleiste të Prishtinës për asambleist të Prishtinës për asambleiste të Prishtinës MYRVETE SHURDHANI për asambleiste të Prishtinës ENIS HAVOLLI për asambleist të Prishtinës për asambleiste të Prishtinës për asambleiste të Prishtinës për asambleist të Prishtinës për asambleiste të Prishtinës për asambleiste të Prishtinës

9 SOFIJE BUNJAKU për asambleiste të Prishtinës 51 JAKUP ISMAILI për asambleiste të Prishtinës 52 REXHEP PACOLLI për asambleist të Prishtinës 53

10 Më 3 nëntor do të keni mundësinë që më në fund ta zgjidhni opsionin e ri e të vërtetë për një komunë më të mirë, më të zhvilluar dhe më të lumtur. Do të mund të votoni për kandidatin për kryetar komune dhe asambleistë, njerëz që burojnë nga qytetarët dhe janë për qytetarët, të cilët në mënyrë të palodhshme dhe të përgjegjshme do të punojnë për përmirësimin e cilësisë së jetës Tuaj, për Ju dhe për fëmijët Tuaj. Ngase ne qytetarët e meritojmë këtë! Aleanca Kosova e Re si parti politike, si kandidat për kryetar komune dhe ne si kandidatë per asamble komunale, kështu kemi vendosur t a japim kontributin tonë për një komunë më të pasur, më të pastër, më të bukur dhe më të shëndoshë.

11 I. Mirëqeverisja Në themel të vizionit tonë për qeverisjen e Komunës së Prishtinës është përmirësimi dhe modernizimi i qeverisjes vendore. Shkaku kryesor i problemeve që ka Prishtina dhe Kosova është keqqeverisja nga politikanët që vrapojnë pas pasurimit personal dhe të familjeve të tyre dhe pas shkëmbimit të favoreve për vota e mbështetje politike. Ne do ta kthejmë Komunën në shërbim të qytetarit. Për këtë arsye, ne do të ndërmarrim reforma të thella strukturore që do të përqëndrohen në tri drejtime kryesore: Forcimi i sundimit të ligjit. Ne do të çrrënjosim korrupsionin, nepotizmin dhe familjarizimin. Do të depolitizojmë administratën dhe do të fusim sistemin e meritokracisë pa asnjë diskriminim partiak, fetar, gjinor, krahinor. Do të zbatojmë me rreptësi ligjin për të gjithë, që nga drejtuesit e komunave deri te qytetarët e thjeshtë. Garantimi i transparencës dhe përfshirja e qytetarëve në qeverisje. Ne do të ofrojmë informacion të plotë dhe të vazhdueshëm për çdo aspekt të punës së komunave, përfshirë të gjitha vendimet, planet, programet dhe politikat. Do të përfshijmë publikun në vendim-marrje përmes dialogut dhe konsultimit me shoqërinë civile dhe qytetarët në procesin e hartimit të politikave komunale. Do të lehtësojmë qasjen e qytetarëve në administratën komunale, përmes takimeve periodike si dhe krijimit të linjave të posçame të komunikimit përmes teknologjisë së informacionit. Modernizimi i menaxhimit. Komuna do të qeveriset me të njejtat koncepte menaxheriale si komunat e tjera europiane. Ne do të riorganizojmë strukturat organizative dhe procedurat e punës për të siguruar eficencën dhe efektivitetin e administratës lokale. Do të prezantojmë metoda bashkëkohore të menaxhimit publik. Do të prezantojmë metodat e menaxhimit bazuar mbi sistemet moderne të teknologjisë së informacionit. Do të reformojmë sistemin e rekrutimit dhe të karrierës duke e shndërruar atë në një sistem meritokratik.

12 II. Punësimi dhe zhvillimi i biznesit Papunësia është problem më i rëndësishëm më të cilën ndeshen qytetarët e Prishtinës dhe gjithë Kosovës. Statistikat zyrtare e deklarojnë papunësinë në nivelin 30 përqind, por në realitet papunësia është më shumë se 40 përqind. Mes të rinjve dhe grave papunësia është në nivele akoma më alarmante, në mbi 60 përqind mes të rinjve dhe pothuajse 80 përqind mes grave. Deri më sot komuna ka patur një rol pothuajse inekzistent në mbështetjen e punësimit dhe qëndrimi real ka qënë punësimi është punë e qeverisë nuk është puna e Komunës. Në qeverisjen tonë ky qëndrim do të marrë fund: Punësimi do të jetë prioriteti dhe përgjegjësia kryesore e qeverisjes së komunës. Punësimi mund të arrihet vetëm përmes zhvillimit të bizinesit. Biznesi është gjeneratori kryesor i vendeve të punës. Për këtë arsye, i gjithë fokusi i përpjekjeve të Komunës do të jetë tek zvillimi biznesit, pa lënë mënjanë ndihmën direkte përsonave që kërkojnë punë. Përmirësimi i politikave të biznesit Komuna do të fuqizojë kapacitetet e saj në hartimin dhe zbatimin e politikave për mbështetjen e zhvillimit të biznesit dhe investimeve në Komunën e Prishtinës. Masa krysore në këtë drejtim do të jetë krijmi i Zyrës për Nxitjen e Biznesit dhe Investimeve, e cila do të jetë përgjegjëse për hartimin e politikave dhe programeve për mbështetjen dhe nxitjen e ndërmarrësisë dhe investimeve, si dhe për hartimin dhe mbikqyrjen e investimeve permes partneritetit publiko-privat. Komuna do të lehtësojë të gjitha procedurat dhe rregullat burokratike në ofrimin e shërbimeve ndaj biznesit, përfshirë rregullat për dhënin e lejeve dhe licensave. Çrrënjosja e korrupsionit dhe rritja e transparencës dhe aksesit në informacion do të jenë faktorë të tjerë lehtësues ndaj biznesit. Ne do të krijojmë një one-stop-shop për shërbimet ndaj biznesit në Komunën e Prishtinës, e cila është aktualisht e vetmja komunë që nuk e ka një të tillë. Fondi për Zhvillimin e Sipërmarjes dhe Punësimit Projekti më i rëndësishëm në fushën e punësimit do të jetë themelimi i Fon-

13 dit për Zhvillimin e Ndërmarrësisë dhe Punësim, si një entitet i pavarur me mbështetjen e Komunës dhe Institucioneve të tjera. Fondi do të drejtohet nga një bord, i cili do të përbëhet nga përfaqësuesit e Komunës dhe përfaqësues të donatorëve të fondit. Ai do të financohet nga burime të Komunës, donatorëve të huaj dhe bizneseve. Për të lancuar këtë iniciativë, do të organizojmë brenda 3 mujorit të parë një konferencë ndërkombëtare me pjesëmarrjen e gjërë të institucioneve qeverisëse, përfaqësuesve të qeverive të huaja, organizatave donatore, shoqërisë civile, medias dhe biznesit. Në këtë Konferencë do të prezantohet dhe promovohet Fondi për Zhvillimin e Ndërmarrësisë dhe Punësimit dhe do të kërkohet mbështetja dhe kontributi i pjesëmarrësve në këtë nismë. Komuna do të financojë çdo vit rreth 2 milionë Euro në Fond dhe do të kërkojë bashkëfinancimin e donatorëve për të rritur objektivin e 5 milionë eurove në vit. Një burim i rëndësishëm i financimeve të fondit do të jenë të ardhurat nga pjesëmarrja e Komunës në projektet e partneritet publiko-privat. Qëllimi kryesor i aktivitetit të Fondit do të jetë të përmirësojë qasjen e bizneseve në financim. Për këtë arsye një pjesë e fondeve do të shkojë për të ofruar garanci për bizneset fillestare, dhe në përgjithësi bizneset e vogla për të siguruar mikro-kredi deri në 20 mijë euro nga bankat tregtare. Garancia do të përdoret gjithashtu për të ulur kamatat e kredive të ofruara nga bankat për biznese të ndryshme. Fondi do të ofrojë gjithashtu asistence dhe konsulencë falas për bizneset e vogla dhe të mesme për t i ndihmuar në hartimin e planeve të biznesit, aplikimin për fonde, etj. Fondi do të operojë si një institucion i pavarur publik në përputhje me ligjet në fuqi për fondet publike në fushën e financave. Ai do të menaxhohet nga një strukturë menaxheriale profesionale, dhe do të drejtohet nga një Bord në përbërje të të cilit do të jenë përfaqësues të Komunës, biznesit dhe sektorit bankar. Nxitja e investimeve Komuna do të ofrojë një sërë masash nxitëse për investimet, përfshi ofrimin e aseteve publike si tokës e ambjente të tjera në pronësi të Komunës për investimet që krijojnë vende pune. Prioritet i veçantë do t i kushtohet tërheqjes së investimeve të huaja. Për shkak të fuqisë së kualifikuar por të lirë punëtore, Prishtina mund të arrijë të tërheqë një sërë investimesh të huaja veçanërisht në fushën e outsource të shërbimeve të biznesit, të tilla si call centers ; në

14 fushën e montimit të makinerive apo pajisjeve; apo në fushën e prodhimit të tekstileve dhe produkteve të lëkurës për eksport. Suksesi i Shqipërisë në këtë drejtim mund të shërbejë si një shembull që mund të rikrijohet në komunën e Prishtinës. Sikurse u theksua më sipër, Komuna do të vërë në shërbim të këtij qëllimi të gjitha asetet e saj të patundshme. Një nga politikat kryesore të Komunës për nxitjen e biznesit dhe investimeve do të jetë pjesëmarrja e Komunës në projekte dhe investime me parneritet publiko-privat. Komuna do të ofrojë në këto skema investimi asetet e saja publike përkundrejt pjesëmarrjes me aksione në to. Mbas një faze të caktuar, Komuna do të tërhiqet nga pronësia dhe fondet e shitjes së aksioneve do të kalojnë në buxhetin e Komunës. Komuna do të hartojë cdo vit një doracak Të bërit biznes në Prishtinë (Doing business in Prishtina), i cili do të ofrojë një pasqyrë të të gjitha mundësive që ofron Komuna e Prishtinës në fushën e biznesit dhe investimeve, informacione në lidhje me kuadrin ligjor dhe procedurat për krijimin e biznesit, një listë të biznesve egzistuese, si dhe informacione të tjera të dobishme për ndërmarrësit dhe investitorët. Fuqizimi i infrastrukturës mbështetse për biznesin Komuna do të mbështesë ngritjen e një qëndre panairesh dhe kongresesh, përmes partneritetit publiko-privat, e cila do të ketë gjithë infrastrukutrën e nevojshme për organizimin e panaireve dhe aktiviteteve promovuese të biznesit. Funksionimi i qendrës do të plotësojë një boshllëk në fushën e promovimit dhe marketimit të biznesve dhe produkteve të Komunës së Prishtinës dhe mbarë Kosovës. Në mënyrë të veçantë, funksionimi i kësaj qendre do të ofrojë më shumë mundësi për prezantimin dhe njohjen e këtyre bizneseve dhe produkteve në rajon dhe më gjërë. Komuna do të mbështesë zhvillimin e parqeve industriale dhe qendrave tregtare. Politika kryesore në këtë drejtim do të jetë ofrimi i koncensioneve mbi tokën dhe i infrastrukturës së nevojshme për zhvillimin e këtyre qendrave të rëndësishme ekonomike. Parqet industriale jo vetëm që do të ofrojnë kushte më të favorshme për ushtrimin e biznesve dhe realizmin e investimeve, por gjithashtu do të mundësojnë një zhvillim të harmonizuar dhe të qëndrueshëm ekonomik dhe urban të Komunës së Prishtinës. Komuna në bashkëpunim me sektorin privat do të krijojë inkubatorë biznesi në fushën e teknologjisë, veçanërisht teknologjisë së informacionit. Kjo iniciativë do të krijojë mundësi veçanërisht për të rinjtë e talentuar në fushat

15 kompjuterike, të cilët do t i kenë në disponim hapësirat e punës dhe paisjen teknologjike të ofruar nga komuna, ku të rinjtë do të mund të punojnë në disejnimin dhe realizimin e projekteve të tyre ideore. Në fushën e teknologjisë, Komuna gjithashtu do të punojë për krijimin e një infrastrukture moderne, në mënyrë të veçantë duke nxitur investimet në rrjetet e fibrave optike dhe rrjeteve informatike në të gjithë komunën: nuk do të ndërtohet asnjë rrugë e re apo infrastrukurë tjetër pa përfshirë futjen e kabllove optikë në të, apo të infrastrukturës së teknologjisë së informacionit. Mbështetja për bujqësinë Bujqësisë do t i kushtohet një vëmëndje e veçantë pasi ndër të tjera është një sektor që ka potencial të lartë për krijimin e vendeve të punës. Brenda gjashtë muajve të parë, ne do të hartojmë një studim mbi mundësitë e zhvillimit të bujqësisë dhe blegtorisë në Komunën e Prishtinës, në bazë të të cilit do të hartohen politikat përkatëse komunale, veçanërish do të përcaktohen drejtimet më efektive të përdorimit të burimeve bujqësore veçanërisht tokës. Fermerët dhe ndërmarrësit do të mbështeten më asistencë të specializuar veçanërisht në gjithë ciklin e prodhimit veçanërisht për kontrollin e cilësisë së produkteve, paketimin dhe marketimin e tyre. Fermerët do të përfitojnë gjithashtu nga mbështetja me mikro-kredi përmes Fondit për Punësim dhe Zhvillim të Biznesit. Do të shikohet përparësia, mundësia e mbështetjes direkte të fermerëve me të hyra, përfshi fara, vaksinime, etj. Mbështetja direkte ndaj punëkërkuesve Komuna do të mbështesë një sërë programesh dhe projektesh që synojnë të rrisin aftësitë e fuqisë punëtore. Prioriteti kryesor në këtë drejtim do t i kushtohet fuqizimit të shkollave profesionale. Po ashtu do të krijohen programe të vecanta për trajnimin e punëkërkuesve veçanërisht të rinjve. Përmirësimi i informacionit dhe ndërmjetësimit për punësim do të marrë një rëndësi të veçantë. Ndër të tjera Komuna do të ndërtojë një portal komunal të informimit për punë, i cili do të lehtësojë shkëmbimin e informacionit dhe koordinimin midis punëdhënësve dhe punëkërkuesve.

16 III. Zhvillimi i integruar urban i qytetit Gjendja kaotike dhe degradimi urban është një nga problemet më kritike me të cilat ballafaqohet Komuna e Prishtinës, e në veçanti pjesët e saj urbane. Ndërtimet e paligjshme, ndërtimet në shkelje të kushteve dhe standarteve të lejura, uzurprimi i hapësirave publike, ndërtimet e paharmonizuara me veçoritë ekonomike e sociale të zonave ku ndërtohet janë disa nga tiparet më shqetsuese të gjendjes egzistuese. Kjo situatë është rezultat jo vetëm i mungesës së planit për zhvillimin urban dhe ekonomik të kryeqytetit por edhe mos zbatimi të ligjit për interesa korruptive dhe politike. Ndalimi i ndërtimeve pa leje Prioriteti i parë i komunës në fushën e urbaizmit do të jetë ndalimi i menjëhershëm i cdo lloj ndërtimi të paligjshëm apo në shkelje të standarteve për të ndalaur degradimin e mëtejshëm urban të qytetit. Qasja kryesore për ndalimin e ndërtimeve të paligjshme në të ardhmen do të jetë parandalimi i tyre. Parandalimi është shumë i rëndësishëm. Një ndërtim që fillon të ndërtohet në kundërshtim me rregullat është vetëm një objekt i paligjshëm gjatë kohës që ndërtohet. Por nëse ai lejohet të përfundojë dhe të vihet në shfrytëzim, ai shndërrohet në më shumë sesa problem ligjor në problem social. Një godinë e paligjshme në ndërtim e sipër, mund të ndalohet dhe mund të prishet dhe kostoja e kësaj bie vetëm mbi shkelësin e ligjit. Por nëse ka përfunduar dhe apartamentet apo hapësira u janë shitur qytetarëve apo bizneseve, atëhere problemi është shëndrruar në një problem social, pasi zbatimi i ligjit do të prekë edhe qytetarët që banojnë apo punojnë aty. Parandalimi do të arrihet përmes punës së institucioneve të specializuara të inspektimit por njëkohësisht me ndihmën e qytetarëve. Çelësi i suksesit në parandalim është identifikimi sa më herët, dhe veprimi i menjëhershëm për çdo shkeljeje të ligjit. Për këtë arsye Komuna do të vendosë një linjë të dedikuar telefonike dhe do të ndërtojë një webfaqe për denoncimin e ndërtimeve pa leje.

17 Plani i integruar i zhvillimit të qytetit Komuna do të hartojë, në një kohë sa më të shkurtër të mundshme, një plan të integruar të zhvillimit urban të komunës i cili do të përcaktojë jo vetëm drejtimet, kriteret dhe standartet e shtrirjes dhe zhvillimit të ndërtimeve të qytetit, por do të integrojë gjithashtu edhe gjithë infrastrukturën dhe shërbimet sociale e ekonomike. Prishtina nuk ka nevojë thjesht për një plan urban, por një plan që integron nevojat për ndërtime, për shërbime sociale dhe ekonomike të popullsisë. Vizioni ynë për zhvillimin e ardhshëm të Prishtinës është ai i një qyteti policentrik të qytetit, pra një qytet që nuk ka vetëm një qendër ku duhet të vinë të gjithë qytetarët për shumicën e nevojave të tyre, por një qytet që ka disa qendra të cilat përmbushin nevojat dhe ofrojnë shërbimet e nevojshme sociale, kulturore, ekonomike. Koncepti ynë është që qyteti për njerëzit nuk është vetëm bulevadi qëndror, nuk është vetëm sheshi qëndror. Por është lagjja e tyre, është trotuari para shtepisë, është rruga e përditshme. Qyteti për cdo njeri duhet të fillojë tek dera e shtëpisë së tij. Nëse vazhdojmë me konceptin e tanishëm ne do kemi një bulevard kryesor pa qytet. Ky plan do të parashohë gjithashtu zgjerimin e ardhshëm të qytetit për të përballuar rritjen demografike dhe ekonomike të tij. Ai do të ofrojë zgjidhje të analizuara për rialokimin e një sërë institucionesh ekzistuese, të cilat ose bllokojnë resurse me potenciale më të mëdha ekonomike ose kanë humbur eficensën e ofrimit të shërbimeve cilësore për shkak të zhvillimeve kaotike të qytetit. Plani i zhvillimit të integruar do të hartohet nga specialistët më të mirë të Europës që do të përzgjidhen përmes një konkursi ndërkombëtar. I gjithë procesi i zhvillimit urban të qytetit, vecanërisht ndërtimet në të ardhmen, do të bazohen në këtë plan dhe ligjet në fuqi. Për të rritur transparencën dhe për të lehtësuar investimet private, i gjithë plani i integruar i zhvillimit urban do të jetë i dixhitalizuar dhe publikuar në internet. Gjithashtu të gjitha procedurat teknike dhe ligjore për lejet e ndërtimit do të jenë të publikuara dhe të aksesueshme lehtësisht. Lehtësimi i problemeve të së kaluarës Komuna nuk do të rrijë indiferente përballë problemeve urbane që janë shkatuar nga ndërtimet e paligjshme të deritanishme. Ndërtimet e paligjshme të së shkuarës do të trajtohen në mënyrë të veçantë me qëllim

18 riparimin apo korrigjimin e dëmeve që janë shkaktuar. Prioritet parësor do t i jepet lirimit të hapësiave të domosdoshme publike. Parimet kryesore për këto veprime korrigjuese do të jenë: Identifikimi, analizimi dhe kategorizimi i të gjitha ndërtimeve të paligjshme. Bashkëpunimi me qeverinë dhe parlamentin për të përgatitur kuadrin e nevojshëm ligjor për trajtimin e këtyre ndërtimeve. Marrja parasyh e kostos sociale të çdo ndërhyrje në këtë drejtim dhe vënia e interesave të qytetarëve në vënd të parë. IV. Infrastruktura dhe shërbimet komunale 1.Trafiku Prishtina është shëndrruar në një qytet me kaos të madh të trafikut. Shkaqet e kësaj gjendje janë infrastruktura e papërshtatshme veçanërisht në hyrjet e qytetit, transporti publik i kufizuar dhe me cilësi të dobët, mungesa e parkingjeve, keqorganizimi i trafikut. Gjendja e trafikut ka rritur koston e lëvizjes dhe transportit për qytetarët dhe bizneset, si dhe ka shtuar rreziqet ndaj jetës së qytetarëve. Në mënyrë të veçantë, trafiku dhe gjendja e papërshtatshme e infrastrukturës urbane ndikon në cilësinë e jetës së njerëzve me nevoja të veçanta apo grupeve të caktuara të popullsisë, si të moshuarit dhe fëmijët. Ne besojmë se problem i trafikut është plotësisht i zgjdhshëm brenda një mandati. Kjo kërkon investime në infrastrukturë, përmirësimin dhe fuqizimin e transportit publik, si dhe përqafimin e qasjeve dhe politikave moderne në menaxhimin e trafikut. Disa nga ndërhyrjet kryesore që ne do të realizojmë janë: A) Parkingu Ndërtimi përmes partneritet publiko-privat të disa parkingjeve publike nëntokësore në disa pika kyce të qytetit, fillimisht në zo-

19 nën e Hotel Grandit dhe të Përmendores së Bardhë. Ndërtimi i parkingjeve në tre hyrjet kryesore të kryeqytetit, në Bardhosh, në kahje të Fushë Kosovës dhe në Kahje të Veternikut. Parkingjet do të realizohen në një periudhë afatmesme, Prezantimi i parkimit publik me pagesë në të gjitha pikat kryesore publike, përfshi zonat kryesore argëtuese, sociale dhe tregtare të qytetit. Pajisja me licensë të veçantë parkingu, banorëve apo biznesve në këto zona. Ndalimi rreptësisht i parkimit në trotuaret e qytetit. Kushtëzimi që çdo ndërtim i ri rezidencial apo tregtar në zonat kryesore të qytetit të përfshijë parking të brendshëm. b) Transporti publik Futja e linjave të reja të transportit publik nga parkingjet që do të ndërtohen në tre hyrjet e qytetit, për në qëndër të qytetit. Shtimi i linjave të transportit publik, veçanërisht futja e linjave në lagjet që nuk kanë transport publik Zëvendësimi gradual i autobusëve të amortizuar ekzistues me autobusë të rinj në të gjitha linjat që shërbehen nga ndërmarja komunale e transportit publik. Renovimi i sinjalistikës rrugore, përfshi zëvendësimin e semaforëve të amortizuar ekzistues dhe shtimin e tyre në kryqëzime ku mungojnë. Përmirësimi i menaxhimit të kompanisë së transportit publik. Rishikimi i kontratave të kompanive që menaxhojnë transportin publik dhe futja e kushtit për nivelin teknik dhe tipologjinë e autobusave të trafikut urban. 2. Furnizimi me ujë Mungesa e ujit të vazhdueshëm, është një nga shqetësimet më të mëdha të qytetarëve të kryeqytetit. Arsyeja kryesore e mungesës janë humbjet teknike dhe jo teknike në rrjet, për shkak të rrjetit të amortizuar të ujësjellësit dhe të kyçjeve të paligjshme në rrjet nga individë dhe biznese. Përgjegjësia për furnizimin me ujë të kryeqytetit është e përbashkët midis qeverisë dhe komunës. Ndonëse ndërmarrja rajonale e ujësjellësit është në varësi direkte të qeverisë, roli i komunës në menaxhim

20 e ndërmarrjes, u fuqizua së fundmi kur ligji detyron qeverinë, që të paktën gjysmat e drejtorëve në bordet e ndërmarrjeve rajonale të ujit të emërohen nga komunat përkatëse. Komuna do të bashkëpunoj dhe do të bëjë të gjitha përpjekjet dhe presionin e duhur që të fillojë zbatimi i projektit investues për reduktimin e humbjeve dhe për prodhimin e ujit. Për këtë projekt janë premtuar financim hua dhe grante më shumë se 40 milionë euro nga qveria gjermane dhe donator të tjerë: 20 milionë për fabrikën e Shkabajt dhe më shumë se 20 milionë për rinovimin e gypave, vendosjen e matësave dhe përmirësimin e aftësive menaxhuese. Komuna do të kontribojë në mirëmenaxhimin e ndërmarrjes së ujësjellësit përmes drejtorëve të saj në bordin e kompanisë. Menaxhimi do të përmirësohet përmes rekrutimeve profesionale, dhe futjes së metodave bashkëkohore të menaxhimit, përfshi përdorimin e IT-së në menaxhim. Një element i rëndësishëm i punës së Komunës do të jetë zbatimi i rreptë i ligjit kundër shkelësve, veçanërisht kyçësve ilegalë në rrjet dhe mospaguesve. Fuqizimi i inspektoriatit të komunës do të japë efektet të mirë në këtë drejtim. V. Mirëqënia dhe mbështetja sociale Niveli i ulët i mirëqënies sociale dhe në veçanti varfëria, kanë prekur të gjitha shtresat dhe grupet shoqërore në Prishtinë dhe gjithë vendin, duke goditur më rëndë fëmijët, të moshuarit, gratë dhe personat me nevoja të veçanta. Kosova është vendi më i varfër në Evropë. Rreth 48 përqind e popullsisë së vendit tonë jeton nën kufirin e varfërisë (më pak 1.42 euro në ditë) ndërsa 18 përqind e popullsisë jeton nën kufirin e varfërisë së skajshme (më pak se 0.93) euro në ditë. Shërbimet sociale, përfshirë arsimin dhe shëndetësinë, janë përgjithsisht jo eficente dhe me cilësi të dobët. Kjo situatë është rezultat i mungesës së zhvillimit ekonomik, politikave jo eficente, cilësisë së dobët të shërbimeve sociale dhe mungesës së financimit të mjaftueshëm.

21 Mënyra më efektive dhe më e qëndrueshme e rritjes së mirëqënies sociale është zhvillimi ekonomik që siguron hapjen e vendeve të reja të punës dhe përmirësim të pagesave. Pikërisht politika e punësimit përmes nxitjes së zhvillimit të biznesit, veçanërisht atij të vogël e të mesëm, është prioriteti numër një i programit tonë qeverisës për Komunën e Prishtinës. Nga ana tjetër Komuna do të përmriësojë politikat dhe projektet e saj në drejtim të grupeve të caktuara sociale. 1. Përmirësimi i ndihmës sociale Brënda 6 muajve të parë të punës, ne do të ndërmarrim një vrojtim të posaçëm për vlerësimin e gjendjes së varfërisë në Komunën e Prishtinës, i cili do të ofrojë një pasqyrë dhe analizë të detajuar të situatës. Kjo do të na ndihmojë të kuptojmë shkaqet kryesore të varfërisë dhe të identifikojmë familjet dhe individët që jetojnë në varfëri, veçanërisht ata që jetojnë në varfëri ekstreme me më pak se dy euro në ditë. Ky studim do të shërbejë si bazë për hartimin e politikave dhe projekteve komunale për zbutjen e varfërisë. Gjithashtu, ai do të jetë një udhëzues i mirë edhe për shoqatat humanitare dhe donatorët e huaj që ofrojnë mbështetje financiare dhe teknike në këtë fushë. Studimi do të shërbejë gjithashtu edhe për përmirësimin e bashkëpunimit me qeverisjen qëndrore në këtë fushë. Komuna do të rishikojë gjithë sistemin e ofrimit të ndihmës sociale për Komunën e Prishtinës. Në bazë të këtij rishikimi do të bëhen përmirësimet e nevojshme për të rritur efikasitetin e ndihmës, mes të cilave: Do të hiqen nga sistemi të gjithë personat fiktivë apo që nuk plotësojnë më kushtet për ndihmë dhe do të përfshihen persona të tjerë, kushtet e të cilëve janë përkeqësuar. Do të prezantohet një mekanizëm i ri për të rritur aktivitetin dhe dinjitetin e përfituesve të ndihmës sociale, duke ju ofruar të gjithë përfituesve që janë në gjëndje të aftë pune të përfshihen në projektet/programet e Komunës për pastrimin e qytetit, gjelbërimin dhe aktivitete të tjera publike apo sociale; Familjet që jetojnë nën nivelin e varfërisë do të përjashtohen nga pagesa për të gjitha shërbimet që ofron Komuna.

22 Komuna do të nxisë bizneset për të kontribuar në përmirësimin e jetesës dhe ambientit të qytetarëve në zonat e lokacionit të këtyre bizneseve. Bizneseve të mëdha do t ju kërkohet veçanërisht mbështetja për rinovimin dhe pajisjen me mjete të nevojshme të çerdheve dhe shkollave, qendrave të kujdesit social, etj. 2. Kujdesi për të moshuarit dhe pensionistët Pensionistët dhe të moshuarit janë ndër grupet më në nevojë të popullsisë. Ata meritojnë dhe do të kenë një përkujdesje të veçantë nga ana e komunës. Disa nga masat kryesore në mbështetje të tyre do të jenë: Komuna do të garantojë zbatimin efektiv të të gjitha lehtësirave që ligji iu jep të moshuarve, në mënyrë të veçantë marrjen falas të barnave esenciale dhe vizitat mjekësore pa pagesë. Komuna do t u ofrojë falas të moshuarve çdo shërbim komunal, përfshirë marrjen pa pagesë të çertifikatave, vërtetimeve, dëshmive apo dokumentave të tjerë. Të moshuarit do të përjashtohen nga tarifat për pastrimin dhe mbledhjen e mbeturinave. Transporti urban do të jetë falas për çdo të moshuar. Do të zgjerojmë kapacitetin dhe do të përmirësojë kushtet e Shtëpisë së Pleqëve, ku jetojnë të moshuarit që nuk kanë përkujdesje familjare. 3. Mbështetja për veteranët e luftës Ne e kosniderojmë detyrim të jashtëzakonshëm dhënien e çdo lloj kontributi për përmirësimin e jetesës së invalidëve, veteranëve dhe familjeve të dëshmorëve, shumica e të cilëve ndodhen në gjendje të vështirë ekonomike. Ne do të zbatojmë pa asnjë përjashtim vendimin që i përjashton veteranët dhe familjet e dëshmorëve nga të gjitha pagesat për shërbimet komunale, transportin publik, shërbimet shëndetësore. Ata do të kenë përparësi të veçantë në të gjitha politikat dhe projektet sociale të Komunës. 4. Mbështetja për personat me nevoja të veçanta Qeverisja e Komunës do të udhëhiqet nga sensibiliteti ndaj nevojave të grupeve me nevoja specifike. Qëllimi i politikave komunale do të jetë in-

23 tegrimi në jetën normale Ky objektiv do të realizohet përmes një sërë masash, si: Zbatimi i të gjitha ligjeve dhe rregullave që sanksionojnë të drejtat e personave me nevoja të veçanta; Imponimi i realizimit të një infrastrukture të përshtatshme për të siguruar akses të përshtatshëm në të gjitha ndërtesat e reja; Ofrimi i lehtësirave të nevojshme për akcesin në transportin publik të personave me aftësi të kufizuara; Punësimi i kujdestarëve të veçantë ose punonjësve socialë pranë shkollave në të cilat studiojnë fëmijë me aftësi të kufizuara, për të ndihmuar mbarëvajtjen e tyre në shkollë dhe për të mbështetur mësuesit në edukimin e tyre. Komuna do të forcojë bashkëpunimin me shoqatat në mbështetje të personave me nevoja të vecanta dhe do të përfshijë në buxhetin e saj një fond të vecantë për mbështetjen financiare të projekteve të këtyre organizatave. Në politikat e saj Komuna do t i kushtojë rëndësi të posaçme mbështetjes për arsimim dhe punësim personave me nevoja të veçanta. 5. Përmirësimi i gjendjes dhe fuqizimi i gruas Gjendja dhe roli i gruas në shoqërinë tonë është në nivel të mjerueshëm. Papunësia mes grave është në shifra skandaloze, vetëm pak më shumë se 20 përqind e grave janë të punësuara. Familjet që kryesohen nga gratë janë familjet më të varfëra në Kosovë. Rolit të gruas në jetën ekonomike është pothujase i papërfillshëm vetëm rreth 10 përqind e bizneseve në Kosovë janë në pronësi të grave. Pozita e gruas është po aq e mjerueshme në qeverisje dhe administratën publike ku gratë në pozicione drejtuese janë rast shumë i rrallë. Gjendja e gruas do të ndryshojë në Komunën e Prishtinës. Unë do të angazhohem me gjithë kompetencat që më jep ligji dhe me gjithë autoritetin e Kryetarit të Komunës për heqjen e çdo pengese për përfshirjen e gruas në politikë, biznes, shoqëri civile dhe në çdo fushë të shoqërisë. Ne do të punojmë për të krijuar të gjitha kushtet për arsimimin dhe zhvillimin intelektual të gruas, e sidomos për fuqizimin e tyre në ekonomi dhe në postet e rëndësishme menagjeriale.

24 Një pjesë e mirë e stafit të lartë të Komunës së Prishtinës, përfshirë këtu edhe drejtimin e drejtorateve të Komunës do të jenë gra. Përparësi e veçantë do t i jepet punësimit të grave në të gjithë aktivitetet që realizohen apo menaxhohen nga Komuna. Në të gjitha projektet e Komunës, veçanërisht ato në fushën e nxitjes së biznesit, do tu jepet përparësi mbështetjes dhe përfshirjes së grave. Komuna do të bashkëpunojë ngushtë me të gjitha shoqatat e grave dhe organizatat jo-qeveritare që operojnë në fushën e të drejtave të gruas dhe përmirësimit të gjendjes së saj. VI. Arsimi dhe shëndetësia 1. Arsimi Arsimi në qytetin e Prishtinës vuan përgjithësisht nga cilësia e dobët, keqmenaxhimi dhe mungesa e infrastrukturës së përshtatshme. Investimet e pamjaftueshme, rekrutimi mbi baza partiake, mungesa e programeve për kualifikimin e vazhdueshëm të personelit janë disa nga arsyet kryesore për këtë gjendje. Ne do të synojmë një sistem arsimor të menaxhuar mirë, që fokusohet në kërkesat e tregut të punës për të mundësuar punësim më të lehtë për të gjithë. Qëllimi ynë do të jetë përmirësimi i kushteve të shkollave dhe cilësisë së mësimdhënies, por edhe shndërrimi i tyre në qendra të formimit të gjithanshëm të fëmijëve dhe të rinjve përmes përfshirjes së tyre në aktivitete sportive, artistike dhe kulturore. Personeli arsimor do të kenë mundësinë e zhvillimit të vazhdueshëm profesional që të jenë më të përgatitur për tu ballafaquar me sfidat e vazhdueshme në vendet e tyre të punës Prioritetet dhe politikat kryesore për zhvillimin e arsimit në Komunën e Prishtinës janë: Rritja e numrit të çerdheve por edhe shkollave duke ndërtuar objekte apo duke përshtatur objektet ekzistuese në mënyrë që çdo lagje të ketë qasje të afërt në çerdhe dhe shkolla. Krijimin dhe furnizimin e laboratoreve me pajisje për punë praktike të nxënësve. Përmirësimi i vazhdueshëm i cilësisë së mësimdhënies përmes kon-

25 trollit të cilësisë në arsimin fillor dhe të mesëm. Futja e sistemit të meritokracisë në rekrutimin e personelit mësimdhënës dhe ndalimit të praktikave të punësimit partiak dhe nepotik. Trajnimi i vazhdueshëm i personelit mësimdhënës të shkollave; Krijimi i programeve për identifikimin dhe avancimin e talenteve të rinj, përmes rritjes së përfshirjes së sportit dhe arteve në mësimdhënie dhe përmes aktiviteteve jashtë mësimit. Forcimi i sistemit të sigurisë në shkolla dhe kopshte, dhe shkollat e mesme do të pajisen me kamera sigurie. Përfshirja e psikologut në çdo shkollë fillore dhe të mesme. 2. Shëndetësia Gjendja aktuale në shërbimin shëndetësor primar në komunën e Prishtinës nuk është në nivelin e dëshiruar. Sistemi, vuan nga një sërë problemesh, përfshirë mungesën e sistemit të sigurimeve shëndetësore, mungesën e spitalit të qytetit; menaxhimin e dobët në shëndetësinë primare, përkatësisht në QKMF dhe QMU në kryeqytet, mungesën e vizionit për zbatimin e sistemit të integruar informativ shëndetësorë në shëndetësinë primare (SISH), mungesa e ekipeve mobile të shërbimit të mjekësisë së urgjencës para-spitalore dhe të shërbimeve shëndetësore shtëpiake. Ulja e buxhetit komunal për shëndetësi primare nga qeverisja lokale nga 6.5 milionë Euro në 4.5 milionë Euro e ka përkeqësuar më shumë situatën e shëndetësisë. Ne do të ndërmarrim një paketë masash efektive për të përmirësuar cilësinë e kujdesit shëndetësor në Komunën e Prishtinës. Disa nga masat kryesorë do të jenë: Rritja graduale e buxhetit për shëndetësinë në Komunën e Prishtinës. Fondet shtesë do të përdoren kryesisht për të zgjeruar listën e barnave esenciale, rritjen e pagesave për punonjësit shëndetësore dhe përmirësimin e inventarit të pajisjeve mjekësore. Sigurimi falas i barnave për pacientët e moshuar me sëmundje kronike. Krijimi i një sistemi modern të kartelave digjitale të qytetarëve, i cili do të eleminojë sistemin e kartelave të thjeshta dhe fletëzave kompjuterike. Pajisja e të gjitha QMF-ve dhe QKMF-ve me aparatura të ndryshme

26 moderne diagnostike. Rritja e numrit të ekipeve shëndetësore shtëpiake nga dy ekipe në të paktën katër ekipe. Rritja, gjithashtu, e numrit të ekipeve mobileve të mjekësisë urgjente nga tre në pesë ekipe, për t ju përgjigjur numrit në rritje të urgjencave për shkak të rritjes së numrit të banorëve në kryeqytet. Trajnimi i vazhdueshëm profesional i punonjësve shëndetësorë. Një prioritet i veçantë do t i jepet trajnimeve dhe edukimit të vazhdueshëm të punonjësve të mjekësisë familjare. VII. Kultura dhe sporti 1. Kultura Komuna ka buxhet të kufizuar përballë nevojave të shumta të qytetit. Por kjo nuk mund të justifikojë kurrsesi fondet dhe mbështetjen minimale për kulturën, artin dhe sportet. Gjendja aktuale e artit dhe sportit është fatkeqe. Edhe në ditë më të vështira për popullin tonë, edhe kur kultura jonë ishte nën censurën dhe dhunën serbe, ne kemi prodhuar e kemi shijuar më shumë art, kulturë dhe sport. Qëllimi ynë është ringjallja kulturore e Kryeqytetit pasi e kosniderojmë kulturën element të rëndësishëm të mirëqënies së njeriut. Kultura është gjithashtu një element i rëndësishëm i indenditetit tonë kombëtar. Kultura mund të kontribojë më së miri për objektivat madhore të kombit tonë: për integrim në gjirin e familjes së vendeve të zhvilluara europiane. Ndërsa eknomia e Kosovës do të dojë shumë investime dhe shumë vite të modernizohet dhe fuqizohet në nivelin europian, ne nuk na mungon asgjë që të integrohemi në Europë përmes artit, kulturës dhe sportit. Puna e komunës do të përqëndrohet në këto drejtime kryesore: Përmirësimi i menaxhimit të institucioneve kulturore në varësi të komunës. Struktura organizative e këtyre instituioneve do të përmirësohet, dhe këto institucione do të drejtohen nga njerëz të fushës së menaxhimit të artit. Hapja e këtyre institucioneve edhe

27 për trupat private artistike. Rritja e fondeve të Komunës për kulturën, por do të vëmë edhe shumë burime të tjera jo-monetare në shërbim të kulturës. Të gjitha hapësirat publike në administrim të komunës do të vihen në dispozicion të kulturës dhe sportit që nga rrugët dhe sheshet e qytetit e deri tek shkollat fillore dhe të mesme. Nga ana tjetër, Komuna mund të ndihmojë në ngritjen e fondeve nga donatorët, një potencial krejtësisht i pashfrytëzuar deri më sot. Komuna do të ofrojë gjithashtu asistencë për shoqatat e kulturës dhe artit përmes ofrimit të mjediseve për zyra etj. Mbështetjen e kreativitetit, veçanërisht mes të rinjëve. Komuna e harxhon buxhetin e kulturës për koncerte klishe përvjetorësh e festash. Deri më tani, artistët janë trajtuar si mëditës dhe jo si krijues. Ndaj ne do t i përqëndrohemi në nxitjen e kreativitetit, veçanërisht mbështetjen e krijimtarisë së artistëve të rinj. Në këtë kuadër, Komuna do të përkrahë pjesëmarrjen e artistëve të Prishinës në aktivitete apo konkurime ndërkombëtare kulturoreartistike. Përfshirjen e arteve në programet e shkollave fillore dhe të mesme. Kjo gjë mund të realizohet jo vetëm përmes aktivitetete jashtë-shkollore por edhe si pjesë e programit mësimor të shkollave fillore dhe të mesme. Artet mund të bëhen motivim për nxënësit dhe studentët. Përmes artit ata mund të përmriësojnë edhe performancën akademike. Kjo do të krijojë mundësi edhe për zbulimin e talenteve që në moshë të re, duke rritur mundësinë për suksesin e tyre të mëtejshëm. 2. Trashëgimia kulturore Qyteti i Prishtinës me rrethinën e saj është i pasur me trashëgimi kulturore, kryesisht monumente që i përkasin qytetërimeve të periudhave të ndryshme historike. Në vetë qytetin e Prishtinës kemi mjaft objekte të trashëgimisë, si fetare (xhamitë monumentale si Xhamia e Madhe apo e Fatiut, Xhamia e Çarshisë, e Jashar Pashës, Teqja), ashtu edhe civile publike (Hamami i Madh a i Vjetër, Hamami i Pashës, Kulla e Sahatit, Hani i Vjetër, objekti i Muzet të Kosovës, shatërvanët si pjesë të komplekseve të xhamive). Ndër objektet e banimit më interes është Kompleksi i Emin Gjikut i cili

28 me përmbajtjen dhe formën e saj përkujton arkitekturën dhe mënyrën e jetës në shekujt XVIII dhe XIX. Kjo trashëgimi e pasur në formë dhe histori është dëmtuar ndër vite, dhe rrezikon të shkatërrohet më tej. Shumë objekte u shkatëruan para Pavarsisë, por të tjera janë degarduar në dekadën e fundit. Qëllimi ynë është që t i japim kësaj pasurie që mishëron qytetërimin dhe identitetin tonë, vëmendjen dhe rëndësinë që i takon duke e ndaluar degradimin dhe duke siguruar ruajtjen dhe pasurimin e saj. Ne do të mbrojmë, restaurojmë dhe konservojmë objektet historike duke i ruajtur në mjediset e tyre. Ne do të bashkëpunojmë ngushtë me institutet përkatëse dhe ekspertët e lëmisë të mbrojtjes së monumenteve, në trajtimin e ktyre monumenteve. Planet e ardhshme për zhvillimin urban do të marrin parasysh trashëgiminë kulturore-historike të qytetit dhe nuk do të cënojnë atë. Ne do të rrisim inventarin e objekteve me rëndësi historike dhe kulturore. Përveç rritjes së fondeve të Komunës në këtë drejtim ne do të bashkëpunojmë me donatorët e huaj dhe organziatat ndërkombëtare në fushën e kulturës dhe trashëgimisë kulturore për të rritur mbështetjen dhe financimin në këtë fushë. 3. Sporti Sikurse kultura edhe sporti në Komunën e Prishtinës vuan nga mungesa e politikave eficente dhe investimeve. Sporti amtor pothuajse është shuar krejtësisht, kurse sporti profesionsit është reduktuar vetëm në një numër të vogël disiplinash. Shqetësues është gjëndja e sportit për femra ekipet profesoniste të femrave janë jashtëzkonsiht të pakta, kurse sporti amator për femra pothuajse nuk ekziston. Mungojnë politikat dhe mbështetja specifike për sportistët e sukseshëm vecanërisht të sportistëve që kanë arritje ndërkombëtare. Disa nga ndërhyrjet kryesore të planifikaura në fushën e sportit, janë: Krijimi i një programi të veçantë për mbështetje të posaçme financiare dhe teknike për sportistët me arritje ndërkombëtare. Ndërtimi i një qendre multifunksionale konventash me partneritet

29 PPP (parashikuar edhe si mbështetje për aktivitete të promovimit të bisnesit). Kjo qendër do të ofrojë infrastrukturë moderne për aktivitete artistike, sportive, panaire, ekspozita etj. Ndërtimi i stadionit të qytetit sipas parametrave të FIFA-s, gjithashtu përmes partneritetit PPP. Ndërtimi i terreneve sportive për sportin amator. Themelimi i ligave të sportit në shkollat fillore dhe të mesme.

30 PëR NDRYSHE

31

32 korabsejdiu.com