Ana Sözü. Kıpçak küüyündä tragediya: bayker şousu bir canı aldı

Transkript

1 Ana Sözü Yaþa, benim Halkým! TM ANA SÖZÜ ( ) 25 Ceviz ay (sentäbri) 2015 Paası - 4 ley 00 bani Kasım yortusu - Kasım ayın 7-dä! Gagauziyada bu yıl genä açıkladılar, ani Kasım yortumuz Kasım ayın 8-däymiş. Bu büük bir yannışılık, zerä herzamannar Kasım yortımuz Kasım ayın 7-däydi. Evellär gagauzlar yılı yarıya bölärmişlär Hederlezdän Kasımadan hem Kasımdan Hederlezädän. Hederlez yortusu düşer Hederlez ayın 6-na. Onuştan Kasım yortusu da düşer Kasım ayın 7-nä, diil 8-nä. Yıl yok nicä bir gününü atlatsın! Todur ZANETin adı Kongaz liţeyinä verildi Kongazın 1-ci teoretik liţeyin pedagogika Sovetin hem Kongaz küü Sovetinin Kararlarına görä Kongaz teoretik liţeyinä gagauz poetın, yazıcının, dramaturgun, araştırmacının, Gagauz Milli Gimnanın avtorunun Todur ZA- NETin adı verildi. Üürencilerin üüredicilerinä deyni avgust Konferenţiyası Nicä açıkladı redakţiyamıza Kongaz Todur ZANET adına teoretik liţeyin direktoru İordan Nikolaeviç YASIBAŞ: Liţeyin kollektivı bu kararı taa 2015 yılın Çiçek ayın (aprel) 28-dä aldı. Zerä kolektiv sayêr Todur ZANETi nicä bir dooru hem cuvapçı insanı, angısı halizdän kendi Vatanının bir patriotu. Onun yaratmalarının çoyu adanmış gagauz halkına hem Gagauziyaya. Onun yaratmalarından üürencilär hem gagauz milleti üürenerlär nicä lääzım sevmää kendi Vatanını, ilerletmää hem kaavileştirmää kendi kulturasını, ana dilini, korumaa adetleri hem sıraları. Canabisi başardı bizim liţeyi. O yıllar boyunca yardım eder liţeyä, pay alêr may herbir meropriyatiyalarımızda. Onuştan biz danıştık Gagauziya İspolkomuna, Halk Topluşuna, Üüredicilik Upravleniyasına, Kongaz küü Sovetinä, ani verelim liţeyimizä Todur ZANETin adını yılın Hederlez ayın (may) 22-dä Kongaz küü Soveti da, inceleyip bizim danışmamızı, bu iş için olumnu karar aldı. Sora da, ci yılın Orak ayın (iyül) 8-dä Moldova Respublikasının Devlet Registraţiya Kamerası geçirdi devlet Registraţiya yazılarına Kongaz Todur ZANET adına teoretik liţeyin yazısını. Ne iş için bizä Sertifikat verdi. Harman ayın (avgust) 25-dä Komratta oldu Gagauziya üüredicilerin avgust Konferenţiyası. Orada, şkolaların direktorlarından hem üüredicilerindän (hepsi 460 kişiydi) kaarä, pay aldılar Gagauziyanın Başkanı İrina VLAH, Halk Topluşu Başı Dimitriy KONSTANTİNOV, Moldovanın etnikarası Bürosunun direktoru Elena BELÄKOVA, Moldova Üüredicilik ministerliin temsilcisi Alla NİKİTÇENKO, GHT deputatları, Gagauziya İspolkomun azaları, yazıcılar, cümne insannarı. 6-cı sayfa Kıpçak küüyündä tragediya: bayker şousu bir canı aldı Harman ayın (avgust) 28-dä Kıpçak küüyün Kurban Günündä büük bir tragediya oldu: bayker şousunda 9 kişi yaralandı. Zerä, şou yaparkana, iki motoţikla uruldular. Onnarın birisi, tutuşup, siiredicilerin üstlerinä urdu. Gagauziyanın saallık hem soţial korumak Upravleniyanın başı Aleksey ZLATOV- ÇEN bildirdi, ani o 9 kişidän birisi, kıpçaklıyka Mariya KÖR, raametli oldu. İlktän Mariya KÖRu tutndular Çadır bolniţasında yılaçlamaa. Görüp, ani faydası yok, onu Kişinevun respublika bolniţasına geçirmişlär. Ama burada da insana yardım edämemişlär. Ceviz ayın gecesi Mariya KÖR raametli olmuş. Kıpçak küüyün primarı Oleg GA- RİZAN açıkladı ani, ne kendisi, ne da primariya bayker (motoţikla) şousu yapmaa izin vermemişlär. Poliţiya da bildirdi, ani onnardan da bu işä izin verilmemiş. Nicä da olsa Kıpçakta izinsiz bayker (motoţikla) şousu bir canı aldı. Kalan yaralı insannarın 8-zi da aar yaralı, yılaçlanêrlar. Onnarın arasında pek çok zarar görän 3 yaşındakı bir uşak ta. O aar durumda Kişinev bolniţasında bulunêr. Gagauziyada investiţiya Forumu olacek Gagauziya İspolkomun kararına görä Kasım ayın (noyabri) 6-7 günnerindä Komratta olacek halklararası investiţiya forumu «Инвестиции - основа развития Гагаузии». Onun neeti Gagauziyanın imicını göstermäk hem da burada investiţiya için kolaylıkları açıklamak. Forum programasında olacek konferenţiyalar, proektların konkursu, sergilär, kultura programası. Umut var, ani bu Forumda aşırıdan 250 insan pay alacek. Şarap yortusunu Kasımın 8-dä yapêrlar Gagauziya İspolkomu aldı karar, ani buyılkı Gagauz şarabın yortusu Gagauzların Kasım yortusunun ertesi günündä, Kasım ayın 8-dä olacek. Bu iş için maasuz tertip komitetı kuruldu. Onun başı Gagauziya Başkan yardımcısı Vadim ÇEBAN. Komisiya azaları da ilgili upravleniyaların başları hem rayonnarın predsedatelleri.

2 Büük Artist Mihai VOLONTİR topraa verildi Ceviz ayın (sentäbri) 17-dä Kişinevun merkez mezarlıında topraa verildi Moldovanın en Büük artistı, rejisöru, sţenaristı, Modovanın hem Sovetlär Birliin halk artistı Mihai VO- LONTİR ( ). Mihai VOLONTİR, büük hem aar bir hastalıın beterinä, raametli oldu Ceviz ayın (sentäbri) 15-dä. Canabisini kurtarmaa deyni savaştılar en anılmış doktorlar, ama, yazık, becerämedilär. Büük bir kayıp. Moldovanın hem dünneyin Büük Artistı sonsuzlaa vardı. Mihai VOLONTİRin gitmesinnän sonuna vardı o ceneraţiya da, angılarına deyärdilär Moldova kulturasının altın ceneraţiyası. Maêstronun son hatırı için Ceviz ayın (sentäbri) 17-dä Moldova bütün gün yas tuttu. Canbisinnän prost olmaa deyni, Mihail VOLONTİRin sandıı Kişinevun N.Sulak adına kultura Sarayına koyuldu. Binnärlän insan Büük Maêstroylan prost oldular, başlayıp onun 50 yıl verdii Belţ kasabasının V.Aleksandri teartusundan kolegalarından hem başka kultura adamnarından, başarıp Moldova politikacılarınnan, öndercilerinnän hem sıradan insannarlan. Mihail VOLONTİR, devlet hem insannar tarafından Moldovada bilindi nicä XX-ci yılın en Büük Artistı Büük artistin Mihail VOLONTİRin topracıı ilin olsun! 25 Ceviz ay 2015 Bilgilär Günündä şkolalara baaşışlar Ceviz ayın (sentäbri) 1-dä şkolalarda üürenmäk yılı başladı. Adetä görä bu gündä, üürencileri hem üüredicileri kutlamaa deyni, gimnaziyalara hem liţeylerä musaafirlää gelerlär analar-bobalar, politikacılar, kultura hem cümne insannarı, veterannar hem başka anılmış insannar. Belli ki onnar boş ellän gelmeerlär. Bu yıl Gagauziya şkolaların arasında en büük baaşışlardan birisi geldi Çadır kasabasının V.Moşkov adına liţeyä ikinci klaslarda üürencilerä deyni üürenmäk masalarınnan skemnä komplektları. Baaşladı onnarı liţeyä Gagauziya Başkanı İrina VLAH Canabisindän karä, Çadır kasabasının V.Moşkov adına liţeyindä üürenmäk yılın çeketmesinä adanan yortulu lineykada pay aldılar hem nasaat ettilär Gagauziya Halk Topluşun deputatları Georgiy LEY- ÇU hem Oleg KAYKI, Çadır rayonun başı Valentin KARA. V.Moşkov adına liţeyin direktoru Lübov TOR- ZENOVA şükür etti sölenän hepsi ii sözlär için hem baaşışlar için da hodulluklan açıkladı, ani V.Moşkov adına liţeyi moldovanın 315 liţeyin arasında 68-ci eri tutêr. Onun 95% vıpusknikleri bu yıl Universitetlara üürenmää girdilär, ne gösterer, ani bu liţeydä islää pedagogika kolektivı çalışêr. Meydanda angı devleti geeri isteerlär? Ceviz ayın (sentäbri) 6-da beeri Kişinevda, Moldova öndercilerinä karşı, protest mitingları geçer. En büük protest mitingını başlattı cümne kuruluşu Platforma Civică Demnitate şi Adevăr (DA). Bu Platforma meydana çıkarttı onnarca bin insan, kurdu meydanda Çadır kasabası hem durmamayca, gecä-gündüz, protest eder. DA Platforması açıkladı, ani bu miting diilmiş, ama Marea Adunare Naţională (Büük Milli Toplantısı) toplantısıymış. Mitingçılar, Devleti geeri isteeriz hem Miliardı geeri çevirin baarıp, durmamayca Moldova öndercilerinä karşı lozunglar baarêrlar. Açıklêêrlar hem isteerlär, ani oligarh sistemasını hem Moldova Prezidentı Nikolae TİMOFTİ işindän atılsın, ani Vladimir PLAHOTNÜKu esaba çekmää, pravitelstvoyu diiştirmää, eni seçimnerä gitmää. Bundan kaarä Platforma istedi, ani insannarın karşısına çıksınnar Prezident Nikolae TİMOFTİ, Parlamentın Predsedateli Andrian KANDU hem Premyer-ministru Valeriy STRELEŢ. İlk günü, bu kişilerin üçündän mitingçıların temsilcilerinnän buluştu sadä Valeriy STRELEŢ. Taa sora, açan artık mitingçılar prokuraturanın, Milli bankanın hem Prezidenturnın önündä protest etmää başladılar, onnarlan buluştu Nikolae TİMOFTİ da. Ama buluşma kof çıktı. Sade Moldova Milli bankasının guvernatoru kendisi işindä atıldı. Mitingçılar ayırdılar Büük Milli Toplantısının Konsiliumunu (orayı girdilär o kişilär kim insannarı meydana çıkardı) hem mitingın rezolüţiyasını kablettilär, angısında açıkladılar kendi istediklerini. Mitingçılar açıkladılar, ani kalêrlar meydanda öndercilär onnarın istediklerini taa esaba almayınca. Not. Bakmadaan ona, ani mitingçıların bir lozunguydu Devleti geeri isteeriz pek diildi belli angı devleti: Moldovayı mı Romıniyayı mı? Çünkü mitingta bu iki devletin bayrakları dalgalanardı hem Romıniyaylan birleşmäk plakatları vardı. Bundan kaarä nasaat edennerin çoyunun sözlerindä dä bu fikir ortaya atılırdı. Baamsızlık Günü Romıniya bayraa altında geçti Sora meydana Romıniyanın büük bayraanı getirdilär da taa ötää baamsızlık Günü yortusu bu bayraan altında geçti. Bu bayraan önündä kutlama sözlerinnän vatandaşlara danıştılar Moldovanın öndercileri da: Parlamentın başı Andrian KANDU, kultura ministrusu Monika BABABUK hem başkaları. Kutlama sözlerindän sora, hepsi ansamblilär tutundular da oynadılar meydanda büük bir Hora Mare. Nedän sora sţenadan büük bir konţert başladı, angısında pay aldılar Moldovanın herbir köşesindän gelän ansamblilär. Bu konţertta pay aldı Kadınca ansamblisi (önderci Avraam KÖSÄ) hem onun solistkası Mariya KISA. Karannık çöktüynän meydanda konţertın ikinci payı başladı: simfonika hem estrada muzıkası hem nomerleri. Baamsızlık Günü başarıldı yortulu feyerverklan. Harman ayın (avgust) 27-dä Moldova Respublikası kendi baamsızlık Gününü kutladı. Bu pek paalı bir yortu, zerä 24 yıl geeri, 1991-ci yılda bu gündä Moldova Respublikasının Parlamentı kabletti baamsızlık için Deklaraţiyayı da Moldova kendi başına bir devlet oldu. Kutlamalar başladı Moldova öndercilerinin Ştefan şel Mare pamätniinä hem Kişinevun Etirnitate aşker şan Memorialına çiçek hem venok koyulmasından. Sora, baamsızlık Gününnän ilgili yortulu sıralar Kişinevun baş meydanında geçtilär. Sıralar milli kostümnarın paradından çeketti. Bu paradta Gagauziyadan Kadınca ansamblisinin artistları da pay aldı.

3 25 Ceviz ay 2015 Tankları toplayıp muzey yapaceklar Ceviz ayın (sentäbri) 16-da Moldova askerin Kişinev Ştefan şel Mare motostrelkovıy brigadasının aulundan çıkardılar T-34 sovet tankını. Bu iş oldu Moldovanın korunmak ministrusunun Anatol ŞALARUnun emirinä görä. Anatol Şalaru, maamilä surat, söledi, ani tankı şindilik Kişinevun asker kulturası Merkezinä koyêrlar da ilkyaza bu eksponatların temelindä sovet okupaţiyası muzeyi açılacek. Publika. md kanalı bildirdi, ani Anatol ŞALARU danışacek kultura ministerliinä tekliflän, ki Moldovada bulunan hepsi sovet tank pamätniklerini bu muzeyä toplasınnar. Ölä bir pamätnik var Komratta da, ani koyulu kurtarıcı sovet askerinä. Belli, ani o tankı çıkarmaa denediynän, Gagauziyanın halkı ayaa kalkacek. Bekim ministru Şaları bunu da isteer? Bu iniţiativaya hemen cuvap verdi Moldovanın Belţ kasbasının primarı Renato USATIY, angısı açıkladı, ani Belţ kasabasında tank pamätnii durdu hem daymaların-daymalarında duracek postamentta. Not. Anatol ŞALARU Moldovanın Romıniyaylan birleşmäk isteyän hem kendi unionist bakışlarını hiç saklamayan kişilerdän birisi. Dimu ERİBAKAN, Foto publika.md Belţ sözünü söledi. Komrat susêr. Moldovayı Romıniyaylan birleştirmäk isteyän unionist ministrusunun Anatol ŞALARUnun teklifinä, ani Moldovada sovet okupaţiyası muzeyi açsınnar hem Moldovada bulunan hepsi tank pamätniklerini bu muzeyä toplasınnar Belţ kasbasının primarı Renato USATIY hemen cuvap etti. Renato USATIY açıkladı, ani Belţ kasabasında tank pamätnii durdu hem daymaların-daymalarında duracek postamentta. Komratta da bir T-34 tankı pamätnii var. Ama gazeta tipara hazırlanarkan ne Gagauziya öndercileri, ne bir obşçestvennıy deyatel, ne da Komrat primarı tankın demotajı için hem sovet okupaţiyası muzeyi için açıklama yapmadılar. REKVİEM kiyadı XXIV-cü Kiyat Salonun ödülünü aldı 2015-ci yılın Harman ayın (avgust) 31-dän Ceviz ayın (sentäbri) 3-dän Moldova Respublikasının Milli Bibliotekasında XXIV-cü Halklararası Kiyat Salonunu gecti. Bu yılkı Salon baaşlandı onun kurucusuna, bibliologa, y a z ı c ı y a hem poeta, Milli Bibliotekasının direktoruna, filosofiya bilgilerindä d o k t o r a Aleksey RÊUya. Canabisi bıldır raametli oldu. XXIV-cü Halklararası Kiyat Salonda sergilendi 8 bin kiyada yakın, angılarını 15 devlettän basım evleri getirdilär. Salonun kapanış günündä en meraklı hem en islää kiyatların avtorlarına hem basım evlerinä Salonun ödülleri verildi. Ödül alannarın arasında oldu gagauz yazıcısı hem poetı Todur ZANET ta, angısına verildi ödül Benim bir kabaatsız kırılan GAGAUZ Halkıma REKVİEM için. Şan aleyasında barbarlık, ama bu işin aması da var! Ceviz ayın 1-dä Komrattan geldi haber, ani Şan Aleyasında çekist Nikolay TUKANın pametniini erä yıkmışlar. Belli ki bu bir barbarlık. Hem kabaatlıları bulsunnar lääzım. Ama bu işin aması da var! Nikolay TUKANın pamätnii artık ikincilää barbarlaa düşer. Neçin acaba? Bekim bu adamın biografiyasını taa derindän açıklasak bu iş üzä çıkacek. Aleyada yazêr, ani Nikolay TU- KAN büük военный деятель. Ama bu yalan! Zerä Nikolay TUKAN çekist. Naşêy o çekist? Açêrız enţiklopediyayı da okuyêrız: ЧЕКИ СТ. Работник ЧК а также вообще работник органов государственной безопасности. Сотрудник Всесоюзной чрезвычайной комиссии по борьбе с контрреволюцией и саботажем (ЧК) и её подразделений на местах. Ne yapardı çekistlär? Maamilä surat kontrrevolüţiyaylan hem sabotajlan düüşeräk, milionnarlan insanı kabaatsız yok edärdilär. O çekistlerin arasında çekist Nikolay TUKAN da vardı. Nikolay TUKAN onnardan birisiydi, ani gagauzları kabaatsız kapana atardı, evlerdän ekini alıp, insannarı aaçlıktan ölsünnär brakardı. Sora da diri kalannarı Sibirä kaldırardı. Da siz isteersiniz o zavalıların evlatboyları raat hem uslu mu baksınnar dedelerinin çellatına? Bana geler, ani bu insanın pamätnii (var orada başka pamätniklär da) GA- GAUZ Şan Aleyasında diil lääzım olsun. Zerä koydular onu orayı ÇKanın başka bir agentın çalışmalarınnan. Ama bu da başka bir tema. Ko yatsın Nikolay TUKAN kendi mezarında, orada neredä onu yakınnarı anêr hem neredä onnun günahlarının prost edilmesi için kim sa dua eder. Er prost edilirsä o günahları, zerä bu tarafta çok yanmış cannar betva ederlär. Todur ZANET Foto - gagauzmedia.md Tomayda Belarus traktorları toplanacek Ceviz ayın 17-dä Bobruysk kasabasında imzalandı annaşma, angısına görä Gagauziyanın Tomay küüyündä Belarus traktorları toplanacek. Onu imzaladılar Bobruysk traktor zavodun direktoru Aleksandr AGRANOVİÇ (patrettä ortada), Gagauziyanın dış ilişkilär Upravleniyanın başı Vitaliy VLAH (patrettä saada) hem Bucakagroservis firmanın direktoru İvan NEDOV (patrettä solda). Annaşmaya görä, önümezdeki ayın içindä, Gagauziyaya geleceklär Bobruysk traktor zavodun speţialistları, işi erindä görmää hem traktorların toplanmasında yardımcı olmaa. İki taraf ta annaştılar, ani herliim iş islää örüyärsä, ozaman ortak bir firma açılacek hem traktorların servisı için stanţiya kurulacek. Bucakagroservis firmanın direktoru sayêr, ani Tomayda toplanan traktorlar olaceklar 15-20% taa ucuz onnardan, angılarını hazırdan alêrlar doorudan Belarusiyadan. Not. Gagauziyadan delegaţiya Belarusiyada bulundu Ceviz ayın günnerindä. Yukarda açıklanan kişilerdän kaarä, delegaţiyada taa vardılar Kıpçak küüyün başı Oleg GARİZAN, GHT deputatı Nikolay DRA- GAN hem başka işadamnarı.

4 25 Ceviz ay 2015 Kongazın Todur ZANET teoretik liţeyindä Ceviz ayın (sentäbri) 11-dä Kongaz küüyün Todur ZANET adına liţeyindä mini-futbol meydanının ofiţial açılışı yapıldı. Mini-futbol meydanının ofiţial açılışına toplandı liţeyin hepsi üürencileri hem üüredicileri. Açılışta pay aldılar Gagauziya Başkanı İrina VLAH, Türkiye Moldova Büükelçisi Mehmet Selim KARTAL, Kişinev TİKA ofisın koordinatoru Canan ALPAS- LAN hem koordinator yardımcısı Mustafa KICIR, Moldova futbol Federaţiyasının (MFF) protokol Departamentın başı Mirça KOJOKAR, Komrat rayonun başı Vladimir GARÇEV, Gagauziyanın dış ilişkilär Upravleniyanın başı Vitaliy VLAH, Kongazın primarı Mihail ESİR, ploşçadkayı yapan stroy firmanın temsilcisi Şaban AGKIRAN, poet hem yazıcı Todur ZANET. Bu mini-futbol meydanı yapıldı Moldova futbol Federaţiyasının Toţi împreună ( Hepsimiz birliktä ) programasına görä, da üzä çıkarıldı birliktä çalışmaklarlan: Türkiye TİKA agenstvosu verdi bu iş için 400 bin leydän zeedä, Moldova futbol Federaţiyası baaşladı ploşçadkanın üst kilimini, ani yaklaşık 200 bin ley tutêr. Gagauziya da bir tarafa kalmadı, verip bu iş için 90 bin ley. Açılış programası başladı Moldovanın, Gagauziyanın hem Türkiyenın Gimnalarından, angılarını seslän çaldılar liţeyin üürencileri hem musaafirlär. Nedän sora liţeyin üürencileri Ana KOMUR hem Stepan İKİZLİ sport yortulu açılışın konusunnan ilgili peetleri okudular. Sora, ofiţial açılışın programasını götürän, liţeyin terbietmäk uurunda direktor yardımcısı Ekaterina Genadyevna DERİVOLKOVA söz verdi liţeyin direktoruna İordan Nikolaeviç YASI- BAŞa. İordan Nikolaeviç YASIBAŞ annattı nicä bu sport proektı başladı hem ömürä geçirildi. Canabisi urguladı, ani liţeydä büük futbol adetleri var. O hodulluklan söledi, ani 2010-cu yılda liţeyin komndası, Gagauziyada ilk olan, Modova Premyer-ministrusunun furbol Kuboonu aldı. Nedän sora da bu mini-futbol meydanını kurmaa karar alındı. Liţeyin direktoru şükür etti hepsinä, kim yardımcı oldu bu proektın aslıya çıkmasında: Türkiye Respublikasına, Türkiyenin Moldova Büükelçisinä Mehmet Selim KAR- TALa, Kişinev TİKA ofisın koordinatoruna Canan ALPASLANa, Moldova futbol Federaţiyasına hem onun predsedatelinä Pavel ÇEBANUya, Gagauziya Başkanına İrina VLAHa hem Gagauziya öndercilerinä, ploşçadkayı yapan stroy firmanın temsilcisinä Şaban AGKIRANa, poet hem yazıcı Todur ZANETä. İordan Nikolaeviç annattı liţeydä yapılan milionnarlan leyä proektlar için (liţeyin duvarlarını dışardan kaplamak, örtüyü diiştirmäk, biotualet yapmak), angılarında yardımcı olêr Gagauziya Başkanı hem öndercileri. Sözünü başardıktan sora, liţeiyn direktoru, mini-futbol meydanın yapılmasında yardımnar için, liţeyin adından baaşladı Şükür Kiyatlarını Mehmet Selim KARTALa, Canan ALPASLANa, Mustafa KICIRa, İrina VLAHa, Pavel ÇEBANUya, Mihail ESİRä, Şaban AGKIRANa, Todur ZA- NETa. Bundan sora Kongazın Troiţa klisesinin baş popazı Ay-boba İVAN (Lesniçenko) hem ikinci popaz Ay-boba İVAN, kısa bir dua okuyup, mini-futbol meydanını ayozladılar hem burada bulnan insannara ayazma serptilär. Onnarlan bilä göklerdän dädu Bojika da, yaamur damnasınnan, hepsinä ayazma serpärdi. Bu ayozlu sıradan sora, mini-futbol meydanın açılış şiridini kesmää deyni, meydanın ortasına buyur edildi gelsinnär Başkan İrina VLAH, Büükelçi Mehmet Selim KARTAL, koordinator Canan ALPASLAN hem liţeyin futbol komandasının futbolcusu Peti KOVRİKOV. Meydanın açılış şiridi kesildiktän sora, açılışta bulunan hepsi insannara hem uşaklara deyni, Kongaz kultura Evin Altıncık ansamblisi (önderci Viktor GRADİNAR) bir gagauz oyunu oynadı. Ondan sora da üürenciyka Elena PAÇİ gagauzça türkü çaldı. Sora söz verildi açılışın musaafirlerinä. Gagauziya Başkanına İrina VLA- Ha. Canabisi şükür etti hepsinä kim yardımcı oldu bu sportlan ilgili gözäl olay üzä çıksın hem urguladı, ani kendisi da aylesindä futbol ruhu altında büümüş. Çünkü bobası futbolcuymuş. Başkan urguladı, ani Gagauziyada sportlan ilgili çok işlär yapılêr. Zerä Gagauziyanın öndercileri annêêrlar, ani sport bu insannarın hem gelän evlatboyların saalııdır. İrina VLAH açıkladı, ani Gagauziyada üürencilerä deyni Gagauziya Başkanı futbol Kuboo turnirı kurulêr. Sözünü başararak, Canabisi baaşladı liţeyin futbol komandasına bir komplekt futbol forması hem teklif etti gençlerimizä, ani onnar Gagauziyada üürensinnär hem Gagauziyada kalsınnar. Türkiye Büükelçisi Mehmet Selim KARTAL, konuşmasının başında, kutladı poetı hem yazıcıyı Todur ZANE- Ti onunnan, ani Kongaz 1-ci teoretik liţeyinä Canabisinin adı verildi. Sora Büükelçi söledi, ani Türkiye Respublikası baaşlayarak bu mini-futbol meydanını tekrar gösterer, ani o herzaman kendi kan kardaşları gagauzların yanın-

5 25 Ceviz ay 2015 Dostluk mini-futbol meydanını açtılar Türkü bittiynän mini-futbol meydanın ortasına, bu ploşçadkada seftä topa urmaa deyni, teklif edildilär Gagauziya Başkanı İrina VLAH, Türkiye Moldova Büükelçisi Mehmet Selim KAR- TAL, Moldova futbol Federaţiyasının (MFF) protokol Departamentın başı Mirça KOJOKAR. Bu insannar topa raspasovka yapıp, son pası liţeyin futbolcusuna Dimitriy KOSTONDAya verdilär da o bir uruşlan vorotalara gol yaptı. Bundan sora Altıncık ansamblisi bir moldovan oyunu oynadı hem üürenci Marina KARASENİ moldovan estrada türküsünü çaldı. Liţeyin futbol komandası da ustalıını gösterdi Kapandı mini-futbol meydanın da var hem var olacek. Mehmet Selim KARTAL şükür etti hepsinä, kim omuz koydu bu proekt başarılsın deyni hem danıştı Kişinev TİKA ofisın koordinatoruna Canan ALPASLANa tekliflän, ani yardımcı olsun Türkiyedän bir liţeyin futbol komandasını Kongaza kardaş futbol matçlarına getirmää. Hem adadı, ani Todur ZANET adına liţeyin futbol komandası Gagauziya Başkanı futbol Kuboonu kazanırsa, o komandayı Türkiyeyä yollamaa. Kişinev TİKA ofisın koordinatoru Canan ALPASLAN nasaatında kısadan anatı TİKAnın bu uurda proektları için hem büük hodulluklan urguladı, ani Kongazda yapılan bu proekt pek önemniydi hem o büük can sıcaklıı içindä geçti. Canabisi söledi, ani uşaklar için, üürencilär için yapılan proektlar herkerä sevinmelik getirer yapannara da, onnara da, kimin için onnar yapılêr. Canan ALPASLAN açıkladı, ani inanêr onu, ki bu minifutbol meydanında üürencilär havezlän oynayaceklar hem büük başarılara saabi olaceklar. Moldova futbol Federaţiyasının (MFF) protokol Departamentın başı Mirça KOJOKAR annattı Moldova futbol Federaţiyasının Toţi împreună ( Hepsimiz birliktä ) programası için hem urguladı, ani bu programa çerçevesindä Moldova liţeylerindä artık 240-tan zeedä mini-futbol meydanı kuruldu. Onnarın birisi da büün açılêr. Canabisi söledi, ani getirdi seläm hem kutlamaklar Moldova futbol Federaţiyasının predsedatelindän Pavel ÇEBANUdan, angısı gelämedi bu açılışa, çünkü Moldovanın dışında bulunêr. Ama, Mirça KOJOKAR urguladı, ani MFF predsedateli Moldova futbol Federaţiyasının adından yolladı voro- talara setka hem 5 futbol topu, angısınnarlan oynêêr Moldova milli futbol komandası. Bundan kaarä Canabisi teklif etti, ani hepsi insannar Moldova milli futbol komandası için Hay, Moldova! baararak, taraftar olsunnar da baaşladı üüsek musaafirlerä Moldova milli futbol komandasının şarflarını. Mirça KOJOKAR dedi, ani umut eder ona, ani liţeyin genç futbolsuları da çeşitli yaşlarda Moldova milli futbol komandaları için oynayaceklar. Kongazın primarı Mihail ESİR şükür etti hepsi insannara hem kuruluşlara o yardımnar için, ani yapıldı bu ploşçadkanın açılıçı için. Canabisi şükür etti Gagauziya Başkanına, ani herbir başlanan iştä yardımcı olêr. Ayrıca şükür etti Türkiye Respublikasına, onun Büükelçisinä hem TİKA koordinatoruna o yardımnar için, ani yapıldı liţeyä hem Kongaz küüyü için yapılêr. Sözün sonunda Kongazın primarı umut etti, ani gelecek vakıt ta Kongaza futbol oynamaa geleceklär Türkiyenin ölä anılmış komandaları nicä Galatasaray, Fenerbahça hem başka. Paalı musaafirlerin nasaatları bittiynän söz verildi 2-ci klasın üürencilerinä Mihail VILÇUya, Alöna MİHNAya, Denis BUZACIya hem Valentina KARASENİya. Onnar okudular sport için peetleri. Nedän sora futbol için türküyü çaldı Andrey KOLEV. açılış yortusu Kongaz küüyün Gimna türküsünnän Benim Kongazım (laflar Todur ZANET, muzıka İlya FİLEV). Çaldı onu liţeyin muzıka terbiedilmesindä üüredici Dimitriy Petroviç DÜVENCİ. Büük sevinmeliklän lääzım urgulamaa, Kongaz Todur ZANET adına liţeyin mini-futbol meydanın açılış yortusu pek gözäl hem halizdän can sıcaklıınnan geçti. İvanna UZUN, Todur Zanet adına liţeyin istoriyada üüredicisi Fotolar Dorina BESARAB hem fmf.md Kongazda mini-futbol meydanın aşılması Türkiye mas-mediyasının büük ilgisini çekti Moldova Respublikasında TİKA programaların Kişinev kordinatorluk Ofisin açıklamasınnan, Dostluk futbol meydanın açılması için haber Türkiye Respublikasının mas-mediyasının büük ilgisini çekti. Bu linklerdän o haberleri var nicä okuyasınız: moldova-da-kongaz-dostluk-sahasihizmete-ankara-yerelhaber / moldovada-kongaz-dostluk-sahasihizmete-acildi h.htm haber-moldovada-kongaz-dostluksahasi-hizmete-acildi haber-tika-dan-moldova-ya-futbolsahasi-destegi / moldova-ya-futbol-sahasi-destegi haberi/ genel/moldovada-kongaz-dostluksahasi-hizmete-acildi-h68158.html tikadan-moldovaya-futbol-sahasi html moldovada-kongaz-dostluk-sahasihizmete-acildi-h html

6 Çeketmesi 1-ci sayfa Konferenţiyanın önündä, gagauz milli rubalarına giimni üürencilär çiçeklän karşladılar Gagauziyanın Başkanını hem Moldovanın etnikarası Bürosunun direktorunu. Sora başlangıç klasların üürencileri zalda toplanan insannarın önündä gagauzça, rusça hem moldovanca peetleri okudular. Konferenţiya Moldovanın hem Gagauziyanın Gimnalarınnan başladı. Nedän sora Gagauziya İspolkomun predsedatel yardımcısı Olesä TANA- SOGLU reglament için söz tuttu. Reglament kabledildiktän sora da, doklad için, söz verildi Gagauziya üüredicilik Upravleniyanın başına Sofya Mihaylovna TORLAKa. Canabisinin nasaatı açıkladı Gagauziyada üüredicilik uurunda durumu. Sofya TORLAK bildirdi, ani büünkü gündä Gagauziyada üüredicilik kuruluşlarında üürener üürenci. Onnarın arasında: romun dilindä 579, rus dilindä 14075, angliyca 159 (moldo-türk liţeylerin klasları). Ortalama bir klasta 22 üürenci var. Başlayıp ön açıklamalardan hem ekzamennerin verilmesindän, Gagauziya üüredicilik Upravleniyanın başı detalli bilgilär verdi üüredicilik sis- 25 Ceviz ay 2015 Üürencilerin üüredicilerinä avgust Konferenţiyası temasında, pedagogika kadrolarında, üürenmenin kalitesindä, predmet olimpiadaları uurunda, üürenmäk proţesın informatizaţiyasında, üüredicilik uuruna finans verilmesindä hem başka. Bundan kaarä o annattı Upravleniyanın işbirlii partnörları hem ortakları için da. Belli ki, o günü yoktu nicä sölämemää problemalar için da. Canabisi bu uurda 12 punkt açıkladı. Onnarın arasında en büükleri: demografiya beterinä üürencilerin aazalması, kimi disţiplinalarda pedagogika kadroların kıtlıı, dil problemaları hem başka. Sofya TORLAKın dokladın uşak başçaları, başlangıç klaslar, gimnaziyalar, liţeylär için bölümnerini, açıkladılar bu uurda en islää zaametçilär hem direktorlar. Ölä nicä Aydar küüyün F.Angeli adına gimnaziyanın direktoru Nadejda KOÇANCI, Komrat G.Gaydarcı adına liţeyin direktoru Lidiya DİMOVA, Kırlannar (Kotovskoe) küüyün gimnaziyasının direktoru Georgiy ÇEBANOV, üüredicilik Upravleniyanın psihopedagogika yardımnarında izmetin pedagogu Anjela ZLATOVÇENA, Komradın 9-cu uşak başçasının romın dilindä üüredicisi Lidiya OSTAŞ. Doklad pek meraklıydı. Bunu gösterdi o, ani 1,5 saadın içindä (bukadar vakıt sürttü doklad hem sodokladlar) Komrat kultura Evin zalında hiç bir kıpırdamak ta olmadı. Dokladtan sora, Konferenţiyada pay alan insannarın önündä nasaat etti Gagauziya Başkanı İrina VLAH. Canabisi urguladı: bakmadaan ona, ani üürenci sayısı düşer, Gagauziya İspolkomu vermeyecek kolayını Gagauziyada kapansınnar gimnaziyalar hem liţeylär. Biz brakmayacez, ölä demäk üüredicilik uurunda optimizaţiya olsun, te nicä Moldovanın başka regionnarında. Komşu küülerindä biz çok örnek gördük, açan şkolaların kapanması küüyün soţial degradaţiyasına hem ölmesinä getirer. Büünkü şkola bu diil salt üüredicilik kuruluşu, ama önemni bir cümne institutu, erindeki cümnenin ruh hem kultura dirää. Gagauziya Başkanı annatı o proektlar için, ani Gagauziya üüredicilik uurunda yapılêr. Onnarın arasında Türkiyenın TİKA tarafından yapılan yardımnar hem gelecektä büük bir üüredicilik merkezin hem 24/24 saat işleyän uşak başçasının düzülmesi, Türkmeniyanın Çöşmä küüyüyndä uşak başçasının düzülmesi, Moldova ANTEM yardımınnan uşak başçalarında romun dilin üürenmesi h.t.b. Avgust Konferenţiyasında pay alannara nasaatlan danıştı Gagauziya Halk Topluşun Başı Dimitriy KONS- TANTİNOV da. Canabisi açıkladı, ani kendisi da, Halk Topluşu da her zaman üürdicilerin yanında bulunêr. Dimitriy KONSTANTİ- NOV urguladı: hepsimiz göreriz, ani bütün dünnäda, Moldovada hem Gagauziyada da, büük diişilmeklär olêr. Lääzım yapalım ölä, ani bu diişilmeklerdän geeri kalmamaa deyni, Gagauziyanın insanı bilgilärlän zenginnesin. Sadä bölä var nicä Gagauziyayı ilerledelim. Konferenţiyada üürediciliktä saalık durumu için nasaat etti Gagauziya İspolkomun predsedatel yardımcısı Olesä TANASOGLU. Üürediciliktä istoriya kiyatların hazırlanmasında hem Moldova üüredicilik Ministerlii tarafında bu uurda kösteklär için annattı bilim merkezin başı Pötr PAŞALI. Konferenţiyada pay alannara kısa nasaatlarlan danıştılar Moldovanın etnikarası Bürosunun direktoru Elena BELÄKOVA, Moldova Üüredicilik ministerliin temsilcisi Alla NİKİT- ÇENKO. Konferenţiya başarıldı gözäl sözlärlän, ani Gagauziya için gagauzça söledi Valkaneştän gagauz dilindä üüredici Dora ONOFREY. Komrat hem Bränsk işbirlik hem kardaşlık için annaştılar Harman ayın (avgust) 28-dä Bränsk kasabasında imzalandı annaşma, angısına görä Gagauziyanın başkasabası Komrat hem Rusiyanın Bränsk kasabası kardaş oldular hem onnarın arasında işbirlii kuruldu. Annaşmayı imzaladılar Komratın primarı Sergey ANASTASOV (patrettä saada) hem Bränsk kasabasının başı Aleksandr HLİMANKOV. Moldova Milli bankasının guvernatoru işindän atıldı Ceviz ayın 21-dä Moldova Milli bankasının guvernatoru Dorin DRAGUŢANU hem onun birinci yardımcısı Marin MOLOŞAG işlerindän kendileri atıldılar. Bu olaylan ilgili olarak, Canabileri bir pres-konferenţiya yaptılar hem orada işlerindän kendilerinin atılmasını açıkladılar. Dorin DRAGUŢANU urguladı, ani bu adımı yapêr o üzerä, ki onnara büük politika baskısı var. Politika baskısını yapan insannarı o açıklamadı, ama Canabisinin laflarına analiz yaparak, göreriz, ani laf var nicä gitsin Moldova Premyer-ministrusu Valeriy STRELEŢ için. Bu açıklamaları esaba alarak, Moldova Parlamentın predsedateli Andrian KANDU da bir açıklama yaptı, angısına görä belli oldu, ani Canabisi danışmış Halklararası valüta Fonduna tekliflän ki Moldovadan 1 miliard doların çalınması zamanında Moldova Milli bankasının çalışmasına baamsız bir ekspertiza yapılsın. Dorin DRAGUŢANUnun açıklamasının ardına Moldova Premyerministrusu Valeriy STRELEŢ ta hemen bir açıklama yaptı, neredä söledi, ani politikacıların Milli bankasının yada devletin bir başka kuruluşun öndercilerindän esabı sormak bu sıradan bir iştir. Not. Umut var, ani Dorin DRAGUŢANUnun iştän atılması getirmeyecek ona, ani Moldova leyi dipsiz bir kuyua düşecek.

7 25 Ceviz ay 2015 Gagauziya Sankt-Peterburg: işbirlii annaşması ilerleer Ceviz ayın 23-dä, Gagauziya delegaţiyası Rusiyanın Sankt- Peterburg kasabasında bulundu. Vizit zamanında, Gagauziya Başkan İrina VLAH başkannıında delegaţiya buluştu Sankt-Peterburg kasabanın gubernatorunnan Georgiy POLTAV- ÇENKOylan. Buluşmada urguandı, ani iki taraf arası ekonomikaylan alış-veriş, bilimnän tehnika hem kultura ilişkileri ilerleerlär. Annaşıldı, ani Sankt-Peterburgta Gagauziyanın temsilcilii açılacek. İkili işbirlii annaşmasını ömürä geçirmää deyni kuruldu bir iş grupası. Ceviz ayın 23-dä da bu iş grupasının ilk toplantısı oldu. Nadejda KOÇANCInın, Aydar küüyün F.Angeli adına gimnaziya direktorunun avgust Konferenţiyasında nasaatı Büünkü gündä Gagauziyada herbir üüretmäk basamaanda götürüler predmetlär Gagauz dili hem literaturası hem Gagauz halkın istoriyası, kulturası hem adetleri, neredä üürenicilerdä var kolaylık derindän tanışmaa, üürenmää hem kullanmaa halkımızın zenginniini. Gagauz dilinin hem literaturasının baş neeti budur: İlerletmää üürenicilerin baalantılı sözünü, taa ii düzmää onnarın söz kompetenţıyasını, üüreniciyä komunikativ yolunu vermää. Bu yolu açerlar, elbetki, üüredicilär. Onnarın profesional uurları hem patriotik duyguları olêrlar ii temel gibi gagauz dilinin üüretmesinin kalitesini yıl yıldan taa üüsek uura kaldırmaa deyni. Bizim üüredicilerä hem üürenicilerä var çok kolaylıklar, angılarını onnar uygun kullanêrlar. Alalım örnek gibi: Metodika kolaylıkları/kiyatları 1-9 klaslar için; Didaktika hem artistika kiyatları bibliotekalarda hem şkolanın kafedralarında; Zamandaş tehnologiyaları hem tehnika tedarlıkları. Konferenţıyanın temasını açıklayarak var nasıl çizmää, ani herbir pedagog bütün kuvedini koyêr, ki uşaklarda gagauz dilinä, literaturasına, kulturasına, adetlerinä sevgi hem saygı oluşturmaa deyni. İnceleyelim bu fikiri. TİKA Çadırda uşak başçasında remont yapêr TİKA proektına görä Çadır kasabasının 7-ci uşak başçasının imek yapılan blokunda ana remont işleri başladı. Remont 1,5 ayın içindä başa çıkarılacek. İlktän neet vardı remontu bir ayın içinä başarmaa. Ama işä başladıynan belli oldu, ani, tehnologiyalara görä, işin zamanı uzayacek. Çünkü tavanın bir plitası Gagauziyanın Genel Üüretmäk Müdürlüün planına görä dolay hem şkola uurunda kaliteli işleer üüredicilerin Metodika toplumnarı. Orada belli oldu, ani üüredicilär islää bilerlär hem kullanêrlar enilenmiş kurikulumun genel kolaylıklarını hergünkü uroklarda. Bu uygun görgülär açıklandılar respublika hem region uurunda seminarlarında da, angıları, olarak tradiţıya, geçer her yıl. Üüretmäk Müdürlüü dooruttu üüredicileri kullanmaa praktikada informaţiya uurunda zamandaş tehnologiyalarını. Bu uurda: İşleer üüredicilerin yaradıcılık grupası, angısı çalışêr hem kurêr metodika uurunda kolaylıkları. Onnarın işleri buydur: - gagauz dilindä 2 uurlu programa düzüldü, - kalendar plannarı enilenmiş kurikuluma görä, - gagauz yazıcıların biografiyaları, yaratmak yolları sıralandı, klaslara deyni hrestomatiyalar, - alfabet Gagauz dili (plakat), - diktant toplumnarı küçük klaslara deyni, - didaktika işleri uşak başçalarına deyni. Yaradıcılık grupanın azaları pay aldılar laflıkların kurulmasında: Sinonimnär gagauz dilindä, Lingvistika terminneri. Danışma sozlüü gagauzça-rusça-rumınca. Çalıştılar orfografiya hem punktuaţiya proektin düzülmesindä. Tipardan çıkêr lurnal Gagauz dili hem literaturasıı, angısı üüredicilerä bir uygun metodika sızıntısı oldu yıldan beeri çıktı 24 jurnal. Gagauz dilindä üüredicilerä sayt açıldı, neredä herbir üüredici var nicä kendibaşına zenginnetsin hem kaldırsın kendi profesional uurunu. Bu yaptıklar Üüretmäk Müdürlüü tarafından aynalanêr hem gerçeklener uşak başçası, gimnaziya hem liţey uurlarında da. Gagauz dili üüredicileri, koyup bütün ürektän havezlerini, oluşturêrlar üüsek uurda türlü meraklı işleri: Geçiriler gagauz dilin hem literaturasının dekadaları, neredä şıralı hem uygun öter dilimiz, açıklanêr adetlerimiz. Yapılêr aaraştırmak işleri, neredä üürenicilerä olêr kolaylık meraklı proektlerdä pay almaa. Talantlı uşakları belli etmää deyni, oluşturmaa onnarda meraklık hem havez derindän üürenmää dilimizi, literaturamızı, kulturamızı hem adetlerimizi bu neetlän heryıl geçer regional hem respublika olimpiadaları. Olimpiadanın jüri azaları nışannadılar, ani yıl yıldan taa üüsek uura çıkêr üürenicilerin bilgileri gagauz dilindä hem literaturasında. Uyandırmaa deyni üürenicilerdä havez yapmaa aaraştırmakları, region uurunda heryıl geçer bilim-praktika konferenţıyası, neredä pay alêrlar üürenicilär 9-12 klaslardan. Bu yıl hazırlandı 3 proekt gagauz dilindä. Ama ii tarafların yanında var zorluklar da: Predmettä didaktika hem tehnika mehanizmaları az; Tipardan çıkmadılar üüretmäk kiyatları Gagauz halkın istoriyası, kulturası hem adetleri predmetindä 3-9 klaslar için; Yok metodika kolaylıkları kantarlamak/notalamak uurundan; Kimi grupalarda uşakların sayısı pek büük üüreniciyadan. Bu oluş vermeer kolaylık notalamayı diferenţial etmää; Gagauz dilindä gramatika bölümündä, üüredicilerin bakışına görä, uşaklara deyni biraz zeedä informaţıya. Gücendirer te bu olay da: - Analar-bobalar, pek siirek pay alarak şkolanın yaşamasında, annamêêrlar çatlak çıktı. Onu enidän dökmää deyni lääzım oldu erleri sökmää da, taa maazadan temelä beton döküp, eni direkleri kaldırmaa. Beton tutulduktan sora da o direklerin üstünä eni plita dökmää. Nicä bildirdi redakţiyamıza TİKA programaların Kişinev kordinatorluk Ofisin koordinatoru Canan ALPAS- LAN TİKA kendi tarafından çalışêr, ani işlär dooru hem kaliteli yapılsın. Uşak başçasının imäk yapılan blokunda ana remont dünnää standartlarına uygun olacek, zerä burayı eni tertiplär hem oborudovaniye kurulacek. Not. Çadır kasabasının 7-ci uşak başçası 1968-ci yılda açıldı. Ozamandan beeri burada ana remont yapılmadı. İlkyazın, romın grantına görä, bu uşak başçasında yısıtma sisteması, kanalizaţiya hem su boruları diişildi. gagauz dilinin paalılıını, önemniini uşaan ilerlemesindä. Şkola bu olayda olêr bir kanatlı. Biz kalêrız yalnız havezlendirmää uşakları lafetmää gagauz dilindä, düzmää onnara deyni lafetmäk ortalıını. Nesoy çözmää/sökmää bu dolaşık problema kelebini? Açıklayalın bakışımızı ilerletmäk perspektivalar için. Öncä açıklanan predmetlerin gerçeklenmesinin kalitesi taa yukarı kalksın deyni lääzım: Üüseltmää hem ilerletmää üürenicilerin söz kulturasını, neetlendirmää onnarı pay almaa türlü konkurslarda, konferenţıyalarda, proektlerdä, olimpiadalarda hem başka islerdä. İlerletmää hem üüseltmää üüredicilerin profesional uurunu. Yaradıcı üüredicilerä, onnarın çalışmasına görä vermää motivaţiya, stimul. İlerletmää üüredicilerin informativ kompetenţiyasını, zenginnedärkän şkolayı tehnika mehanizmalarınnan. Çalışmaa ötää dooru da tiparlamaa metodika dergisini Gagauz dili hem literaturası, lääzımnı kiyatları. Çalışmaa zenginnetmää profesional saydın içindeliini, ki o olsun pedagogika sızıntısı, neredä peydalanacek eni bakışlar metodika uurunda. Şkola uurunda kafedralarda kurmaa mediatekaları. Taa sık teklif etmää anaları-bobaları, soţial dolaydan insannarı şkolanın çalışmasına. Düzmää üüretmäk hem terbietmäk proţesini te bu sincirin arasında: üüredici-üürenici-analar/bobalar. Bu soruşların çözülmesi bizim elimizdä, ama yukarkı problemalı uurları oluşturmaa deyni, mutlak, lääzim katılsın Bilim-aaraştırmak merkezi hem Üüretmäk Ministerlii. Çalışalım da çözelim problemalı daavaları barabar, birliktä! Nadejda Panteleevna KOÇANCI, Aydar küüyün F.A.Angeli adına gimnaziyanın direktoru

8 Lüdmila TUKAN üç video-klip baaşladı Geçennrdä anılmış gagauz türkücüykası Lüdmila TUKAN kendi siiredicilerinä hem sesleycilerinä üç Nicä açıkladı Avdarma tenis klubun başı Elena KARAMİT, uşaklar üç yaş boyuna görä yarıştılar: Red Court (Kırmızı kort), Orange Court (Turuncu kort), hem Green Court (Eşil kort). Yarışmalar ilk iki gün, elemä eni video-klip baaşladı. Onnarın birisi gagauz dilindä Bucaam halkım, ikisi da rus dilindä «Взаимная любовь» hem «Я тебе подарю любовь». Nicä bildirdi türkücüyka, gagauzça türkü hem klip yazılı hem yapılı Lüdmila TUKAN çoktankı işbirlii ortaanın İvan KURDOGLUnun laflarına hem muzıkasına görä. Oranjirovkayı bu türküya yaptı Gagauziyanın genç kompozitoru Konstantin DUŞKU. Anılmış türkücüykamız açıkladı, ani rusça türkülerin bir klipında pay aldı onun kocası Vasiliy hem küçük kızı Margarita (patrettä). Lüdmila TUKAN bir şüpesiz sayêr, ani büünkü tehnologiya asirindä video-kliplar vererlär tükülerä eni yaşamak hem kolaylık, sesliycilerin cannarına etişmää deyni. Avdarma Open Cup tenis turnirı oldu Ceviz ayın (sentäbri) günneri arası Avdarma küüyündä uşaklar arasında seftä halklararası büük tenis turnirı Avdarma Open Cup ( Avdarmanın Açık Kuboo ) oldu. Turnirda pay aldı 70 körpä tenisçi Moldovadan, Romıniyadan hem Ukraynadan. sistemasına görä, grupalarda oldular. Sora, üçüncü günü, yarıfinal hem final matçları geçti. Turnirda ensedilär hem Avdarma Open Cup kuboklarınan Iphone 6 telefon baaşışlarını aldılar: Red Court kategoriyasında Liliya BELİBOVA (Kişinev); Orange Court kategoriyasında Aleksandr MARİNOV (Avdarma); Green Court kategoriyasında (kızlarda) Yuliya GERMAN (Kişinev); 25 Ceviz ay 2015 Pötr FAZLInın sergisi Ceviz ayın (sentäbri) 16-da Gagauziyanın regional resim Galereyasında gagauz resimcinin Pötr FAZLInın sergisi açıldı. Sergidä gösterilän resimnär avangardist stilindä yapılı. Sergi Canavar ayın (oktäbri) 12- dän açık olacek. Green Court kategoriyasında (çocuklarda) İlya KAZAK (Kişinev). Nominaţiyada «Юное дарование» bir maasuz baaşış Samsung Galaxy S6 Edge telefonu verildi kişinevluykaya Elena ZABOLOTNAYAya, ani oynadı Orange Court kategoriyasında. Hep turnirın üçüncü günündä, Ukraynadan profesional tenisçilär Maks BAKUNİN hem İvan ANİKONOV oynadılar pek gözäl bir master-klas matçını. Hep gösteri matçını oynadılar 16 yaş kategoriyasında Ekaterina İVAŞKO hem Vlada MEDVEDKOVA da. Avdarma Open Cup turnirın kapanışında pay aldılar hem kutlama nasaatlarını tuttular Gagauziya Başkanı İrina VLAH, Moldova tenis Federaţiyasının başı Marina TAUBER, Avdarma tenis klubun kurucularından birisi Vladimir SİMONENKO hem Avdarma tenis klubun başı Elena KARAMİT. Not. Avdarma Open Cup turnirın sponsorları oldular küüyün meţenatları Kazmalı kardaşları. Foto avdarma.md Gagauz türküsü festivali Ceviz ayın (sentäbri) 13-dä Çadır kasabasının Pobeda parkında geçti XV-ci Gagauz türküsü festivali. Şindiyadan bu festivaldä pay aldılar sadä o artistlär, ani türkülerini gagauz dilindä çalêrlar. Bu yıl, türkülerdän kaarä, gaguz imekleri hem gagauz aul içi konkursları da yapıldı. Onnarda pay aldılar Çadır kasabası (SPTU-14), Çadır uşakların yaratmak Evi, Gagauziyanın halk ustaları, Aydar, Baurçu, Beşgöz, Kazyak hem Tomay küüleri. Festival başladı milli rubalaran giimli insannarın hem kolektivların paradınnan hem büük bir Horu oyununnan. Not. Gagauz türküsü festivalindä pay alannara baaşış para, el yapmalı suvenirlar, ödüllär, gramotolar hem diplomalar verildi. Kurakta da alaflar vakıdında hazırlandı ANA SÖZÜ Gagauz dilindä gazeta Çıkêr beeri Kurucu ANA SÖZÜ S.R.L. Sertifikat No Todur ZANET Baş redaktor İndeksi - PM Gazeta Universul basım evindä basılêr Tiraj 3000 ekz. Sımarlamak No: YAZIŞMA ADRESİMİZ: RM 2028, Moldova, Kişinêu, c/p Nr Tel/fax: todur.zanet@gmail.com zanet@anasozu.com