Clima East: Avropa Qonşuluq Siyasəti Çərçivəsində Rusiya və Şərq Ölkələrində İqlim Dəyişmələrinin Təsirinin Yumşaldılması və Adaptasiyaya Dəstək Layihəsi Azərbaycanda Nəzərdə tutulan milli səviyyədə müəyyən edilmiş töhfələrin hazırlanası üzrə Milli Seminar/ İşçi Qrupunun 3-cü iclası
СО 2 tullantısı miqdarının avtonəqliyyat vasitələrinin sürətindən asılılığı qrafiki İri qabaritli nəqliyyat vasitələri Minik avtomobilləri Nəqliyyat vasitələrinin hərəkət sürəti azaldıqda СО 2 tullantısının miqdarı artır, yol hərəkətinin optimallaşdırılması tədbirləri nəticəsində tıxacların aradan qaldırılması və nəqliyyat vasitələrinin hərəkət sürətinin artırılması, bütövlükdə zərərli tullantıların azlmasına səbəb olur.
Avtomobil yollarının layihələndirmə və tikinti zamanı plan və uzununa profil elə seçilir ki, nəqliyyat vasitələri sabit sürətlə hərəkəti təmin olsun. Yolun tikintisi və istismarı zamanı onun ətraf mühitə təsir dərəcəsi müəyyənləşdirilir, yolun landşaftla uyğunluğu nəzərə alınır və ətraf mühitə minimum təsir göstərən layihə həllinə üstünlük verilir. Avtomobil yollarına aid torpaqları mənfi təbii, antropogen və texnogen hallardan mühafizə etmək üçün bu ərazilərdə ağac və kol bitkiləri əkilərək yaşıllıq zolaqları salınır ki nəticə etibarı ilə atmosferdəki zərərli tullantıların azalmasına xidmət etmiş olur. Avtomobil yolları tikilən zaman tikinti zonasında yerləşən və tikinti üçün yararlı olan sənaye tullantılarından, həmçinin tikinti zamanı təkrar emal olunmuş asfalt-beton və dəmirbeton tullantılarından istifadə edilməsi xam mal ehtiyatlarına qənaət etməklə yanaşı materialların istehsalı üçün sərf olunan enerjiyə də qənaətə imkan yaradır.
Nəqliyyatı İntellektual İdarəetmə Mərkəzi Bakı şəhərində Nəqliyyatı İntellektual İdarəetmə Sisteminin tətbiqi ilə nəqliyyat axının orta hərəkət sürətinin 8-10 km/saat artırılmasına nail olunmuşdur. Sistemin tətbiqi avtobus nəqliyyatı ilə sərnişin daşımalarındakı bir sıra problemləri həll etməklə, keyfiyyətli və rahat xidmətin təmin olunması nəticəsində vətəndaşlar tərəfindən tələbatlarının ödənilməsində fərdi nəqliyyat əvəzinə ictimai nəqliyyatdan istifadə etmələrinə üstünlük vermələri də öz növbəsində ətraf mühitin qorumasına xidmət etmişdir.
Avtomobil nəqliyyatı ilə yük və sərnişin daşımaları sahəsi üzrə Avtomobil nəqliyyatı ilə yük və sərnişin daşımalarında istismar olunan nəqliyyat vasitələri parkının müasirləşdirilməsi, istehsal və texnoloji proseslərin təkmilləşdirilməsi istiqamətində böyük işlər görülmüş və bu işlər davam etdirilməkdədir. Sərnişin daşımalarında istifadə olunan xırda tutumlu avtobuslar iri tutumlu avtobus nəqliyyat vasitələri ilə əvəz edilmişdir. Sərnişin daşıma marşrut sxemlərinin optimallaşdırılması işləri həyata keçirilmişdir. Nəqliyyat Nazirliyi tərəfindən sərnişin və yük daşımalarını yerinə yetirən daşıyıcılar tərəfindən sərəncamında olan avtonəqliyyat vasitələrinin texniki vəziyyətinin reysqabağı yoxlanılması, həmçinin daşıyıcılara məxsus avtonəqliyyat vasitələrinin rübdə bir dəfə texniki, istismar, təhlükəsizlik və ekoloji tələblərə uyğunluğuna dair müayinə təşkil edilmişdir.
Dəmir yolu nəqliyyatı təsərrüfatı üzrə Dövlət dəmiryolu QSC-nin balansında olan dəmir yollarının istismar uzunluğu 2079 km-dir. Yolun ümumi istismar uzunluğunun 1241 km-i və ya 60 %-i elektrikləşdirilmiş. Dəmiryolunun xətlərinin elektrikləşməsi istilik lokomotivləri tərəfindən istifadə olunan yanacağın miqdarının azaldılmasına və sabit cərəyandan dəyişən cərəyanlı dartı sisteminə keçirilməsi elektrik enerjisinin qənaətinə xidmət edir. Bu məqsədlə Bakı - Böyük-Kəsik sahəsində 3 kvt-luq sabit cərəyandan 27,5 kvt-lıq dəyişən cərəyanlı dartı sisteminə keçilməsi istiqamətində işlər icra edilir və digər layihələr üzrə müvafiq hazırlıq işləri aparılır.
Bakı Metropoliteni Əhalinin rahat, maneəsiz və sürətlə daşınmasında mühüm yer tutan və ekoloji cəhətdən ən təmiz nəqliyyat növü olan metropolitenin təkmilləşdirilməsi və genişləndirilməsi diqqət mərkəzində olmuş və bu istiqamətdə də xeyli iş görülmüşdür. Təsdiq edilmiş Konseptual İnkişaf Sxemi Bakı Metropoliteninin mövcud şəbəkəsinin 2030-cu ilədək olan müddətdə mərhələlərlə genişləndirilməsini və nəhəng metro şəbəkəsinin yaradılmasını nəzərdə tutur. Bakı Metropoliteni Xətlərinin Konseptual İnkişaf Sxeminə uyğun olaraq tikiləcək yeni metro stansiyalarının yaxınlığında müntəzəm şəhərdaxili avtobus marşrutlarda istismar olunan avtobusların dayanması və durması üçün yerlərin ayrılması və yeni nəqliyyat qovşaqlarının yaradılması nəzərdə tutulmuşdur.
Bakı Beynəlxalq Dəniz Ticarət Limanı Azərbaycan Respublikasının ərazisindən Şərq-Qərb və Şimal-Cənub beynəlxalq nəqliyyat dəhlizləri üzrə keçən tranzit və ölkə iqtisadiyyatı üçün tələb olunan yüklərin qəbul edilməsində və daşınmasında Bakı Beynəlxalq Dəniz Ticarət Limanı həlledici rola malikdir. Bakı-Tbilisi-Qars yeni dəmir yolu bağlantısı layihəsinin həyata keçirilməsi nəticəsində gözlənilən yük həcmlərinin artımı ilə bağlı zəruri tədbirlər görmək, habelə Bakı şəhərinin mərkəzi hissəsində yerləşən liman ərazisinin ekoloji baxımdan sağlamlaşdırılmasını və milli parkın ərazisinin genişləndirilməsini, şəhərdə nəqliyyat sıxlığının qismən aradan qaldırılmasını təmin etmək üçün mövcud liman kompleksinin bu ərazidən köçürülməsinin vacibliyini nəzərə alaraq Bakı şəhəri Qaradağ rayonunun Ələt qəsəbəsinin ərazisində yeni Beynəlxalq Dəniz Ticarət Limanı kompleksi tikintisi başlanılmışdır. 22 sentyabr 2014-cü il tarixində limanın tikintisinin birinci mərhələsi çərçivəsində bərə terminalının açılışı olub.
Atmosfer havasını çirkləndirən amillərə qarşı və milli səviyyədə qəbul edilmiş töhfələrin hazırlanmasında aşağıdakı tədbirlər təklif olunur: Avtonəqliyyat vasitələrinin utilizasiyası qaydalarının hazırlanması; Yeni tikilən avtomobil yollarında velosipedlərin hərəkəti üçün xüsusi zolaqların salınması; Ekoloji və təhlükəsizlik tələblərinə cavab verməyən avtobusların sərnişindaşıma xidmətlərindən kənarlaşdırılması, avtobus parkının müasirləşdirilməsi məqsədilə AVRO 4 və daha yuxarı standartlara uyğun yeni avtobusların sərnişin daşımalarına cəlb edilməsi; Bakı-Sumqayıt istiqamətində mövcud dəmiryolu xəttində yenidənqurma işlərinin aparılması və yeni tərkibli elektrik qatarları ilə sürətli sərnişin daşımalarının təşkili; Şəhərətrafı elektrik qatarları ilə göstərilən xidmətlərin keyfiyyətinin artırılması məqsədilə dəmir yollarının yol, işarəvermə və rabitə infrastrukturunun təkmilləşdirilməsi, elektrik qatarlarının yenilənməsi; Sərnişin daşımalarının təşkilində Metrobus (BRT) sisteminin tətbiq edilməsi, Tramvay, Monorels (LRT) və digər müasir sərnişindaşıma sistemlərinin tətbiq edilməsi üçün təkliflərin hazırlanması; Müxtəlif nəqliyyat növlərindən istifadə edən sərnişinlərin yerdəyişmələri üçün mövcud nəqliyyat qovşaqlarının müvafiq nəqliyyat infrastrukturu ilə təmin edilməsi, yeni nəqliyyat qovşaqlarının yaradılması;
Avtomobil yollarında müntəzəm şəhərdaxili marşrutlar üzrə hərəkət edən avtobusların, sərbəst və təhlükəsiz hərəkətlərinin təmin edilməsi məqsədilə xüsusi hərəkət zolaqlarının yaradılması; Nəqliyyatı İntellektual İdarəetmə Mərkəzinin əhatə dairəsinin genişləndirilməsi; Avtomobil yolları şəbəkəsinin inkişafı və avtomobil yollarının yenidən qurulması; Dəmir yolu xətlərinin elektrikləşməsi və dəyişən cərəyanlı dartı sisteminə keçirilməsi.
Diqqətinizə görə təşəkkür edirəm!!!!