Hüquqi şəxslərin Elektron imza sertifikatı almaları üçün E-ərizə ilə müraciət xidməti üzrə İSTİFADƏÇİ TƏLİMATI
Mündəricat: 1. Giriş... 3 2. Elektron xidmətin məzmunu... 3 3. Elektron xidməti göstərən dövlət qurumunun adı... 3 4. Elektron xidmətin digər icraçıları... 3 5. Elektron xidmətin icra müddəti... 3 6. Elektron xidmətin növü... 3 7. Elektron xidmət üzrə odəniş... 3 7.1 Ödənişin məbləği və ödənişin müddəti... 3 8. Elektron xidmətin istifadəçiləri... 3 9. Elektron xidmətin göstərilməsi üçün tələb olunan sənədlər... 3 10. Elektron xidmətin göstərilməsi üçün inzibati prosedurlar... 4 11. Ərizənin doldurulma qaydası... 5 11.1 Təşkilat haqqında məlumat bölməsinin doldurulması... 6 11.2 E-imza almaq üçün müraciət edən şəxsin şəxsiyyət vəsiqəsinin məlumatları... 7 11.3 Şəxsiyyəti təsdiq edən sənəd bölməsinin doldurulma qaydası... 8 11.4 Əlaqə vasitəsi bölməsini doldurulması... 9 11.5 Ərizənin təsdiq edilməsi... 10 12. Sorğunu qəbulu... 10 Şəkillər Şəkil 1 Elektron ərizə üçün müraciət forması... 4 Şəkil 2 Ərizə forması... 5 Şəkil 3 Təşkilat haqqında məlumat... 6 Şəkil 4 E-imza almaq üçün müraciət edən şəxsin şəxsiyyət vəsiqəsinin məlumatları... 7 Şəkil 5 Şəxsiyyəti təsdiq edən sənəd... 8 Şəkil 6 Şəxsiyyət vəsiqəsinin fin kodu... 8 Şəkil 7 Şəxsiyyət vəsiqəsinin nömrəsi... 9 Şəkil 8 Şəxsiyyət vəsiqəsini verən orqanın adı... 9 Şəkil 9 Əlaqə vasitəsi forması... 9 Şəkil 10 Ərizənin təsdiq edilməsi forması... 10 2
1. Giriş Elektron imza sertifikatı almaq üçün E-ərizə ilə müraciət e-xidməti elektron imza sertifikatları alan zaman vaxtınızdan səmərəli istifadə etmək, yarana biləcək növbələrdə vaxt itirməmək və rahatlığınız məqsədi ilə Qeydiyyat Mərkəzlərinə getmədən birbaşa internet üzərindən müraciət edə bilməniz üçün nəzərdə tutulmuşdur. 2. Elektron xidmətin məzmunu E-ərizə ilə müraciət elektron xidməti Elektron imza sertifikatı almaq üçün e-ərizənin qəbul edilməsini nəzərdə tutur. 3. Elektron xidməti göstərən dövlət qurumunun adı Azərbaycan Respublikası Rabitə və Yüksək Texnologiyaları Nazirliyi Məlumat Hesablama Mərkəzi 4. Elektron xidmətin digər icraçıları Elektron xidmətinin digər icraçısı Golden Pay şirkətidir. 5. Elektron xidmətin icra müddəti Xidmətin göstərilməsinə görə nəzərdə tutulan ödəniş həyata keçirildikdən və bütün tələb olunan sənədlər təqdim edildikdən sonra sifariş verilən xidmət 3 iş günü ərzində həyata keçirilir. 6. Elektron xidmətin növü Elektron xidmətin novü İnteraktiv tiplidir. 7. Elektron xidmət üzrə ödəniş Elektron xidmət Ödənişli xidmət növüdür.ödənişi internet, PayPoint vasitəsilə və Poçt şöbələrində həyata keçirmək olar. 7.1 Ödənişin məbləği və ödənişin müddəti E-imza sertifikatının alınmasına görə ödənişlər MHM tərəfindən təsdiqlənmiş tariflərə əsasən nəzərdə tutulub. Sertifikatın müddəti 3 il, qiyməti 168 AZN-dir. Qiymətlərə ƏDV daxildir. 8. Elektron xidmətin istifadəçiləri Azərbaycan Respublikasının qanunvericiliyinə uyğun olaraq hüquqi şəxs statusunda yaradılmış müəssisə və təşkilatların işçiləri istifadə edə bilər 9. Elektron xidmətin göstərilməsi üçün tələb olunan sənədlər - Səlahiyyətli şəxsin təyin olunması barədə sənəd; - MHM ilə hüquqi şəxs arasında müqavilə - 2 nüsxədə. Tərəfinizdən imzalanmış və möhürlənmiş ərizə MHM-SXM tərəfindən imzalanaraq 1 nüsxəsi elektron imza məhsulu zərfində Sizə göndəriləcəkdir. Elektron imza zərfində elktron imza smart kartı, FİN və PUK kod zərfi, MHM ilə hüquqi şəxs arasında imzalanmış müqavilənin 1 nüsxəsi və əlavə sifarişdən asılı olaraq kart oxuyucu qurğusu təqdim edilir. 3
- Hüquqi şəxsin Azərbaycan Respublikası qanunveriçiliyinə uyğun qeydiyyatdan keçməsini təsdiq edən sənədlərin notarial qaydada təsdiq olunmuş surətləri (Hüquqi şəxsin qeydiyyatı haqqında şəhadətnamə, Dövlət reyestrindən çıxarış); - Hüquqi şəxsin Bank rekvizitləri haqqında rəsmi arayış; - E-imza sertifikatının alınmasına müraciət olunan işçilərin hüquqi şəxs tərəfindən təsdiq olunmuş siyahısı və həmin işçilərin şəxsiyyət vəsiqələrinin surətləri; - Elektron imza sertifikatı alacaq rəhbər şəxsin tutduğu vəzifəni təsdiq edən əmrdən çıxarış; - Rəhbər şəxsin möhürünü təsdiq edən sənəd. 10. Elektron xidmətin göstərilməsi üçün inzibati prosedurlar Şəkil 1 Bu səhifədə istifadəçi E-müraciət üçün müqavilə şərtləri və İstifadəçi üçün təlimat ilə tanış olduqdan sonra, şəkildə ğöstərilən təhlükəsizlik kodunu daxil edərək istifadəçi qaydalarını qəbul edirəm seçib DAVAM ET düyməsini sıxaraq Hüquqi şəxslərin elektron imza sifarişi üçün E-ərizə ilə müraciət formasına keçid alır. 4
11. Ərizənin doldurulma qaydası 1 2 3 4 5 Şəkil 2 5
11.1 Təşkilat haqqında məlumat bölməsinin doldurulması 1 Şəkil 3 E-ərizənin ilk hissəsində yerləşən bu bölmədə təşkilat haqqında məlumat müvafiq xanalara doldurulmalıdır. Təşkilatın adı: Bu sahəyə hüquqi təşkilatın adı daxil edilir. Daxil ediləcək simvolların sayı 30-dan çox olmamalıdır. Bunun üçün hüquqi təşkilatın qısaldılmış adının daxil edilməsi məqsədəuyğundur. Məsələn: MHM MSXM Vöen: Bu sahəyə təşkilatın rəsmi VÖEN-i daxil edilir. Məsələn: 6521346597 SUN: Təşkilatın sosial sığorta nömrəsi. Məsələn: 34564254694 Rəhbərin adı, soyadı, atasının adı: Bu sahəyə təşkilatın rəhbərinin adı, soyadı, atasının adı haqqında informasiya doldurulur. Məsələn: Arif Mayılov Qeyd: Şəxsiyyət vəsiqəsində atasının adı sahəsində ata adından sonra "qızı" və ya "oğlu" sözləri varsa mütləq qeyd olunmalıdır (əks halda qeyd olunmasın). Məsul şəxs: Bu sahəyə əlaqələndirici şəxsin adı, soyadı, atasının adı haqqında informasiya doldurulur. Məsələn: Rüfət İsayev Müqaviləni imzalayacaq şəxs: Bu sahəyə müqaviləni imzalayan vəzifəli şəxsin vəzifəsi, adı və soyadı daxil edilir. Əgər müqaviləni rəhbər imzalayacaqsa, bu sahə boş saxlanılır. Məsələn: Direktor Nadir Rəsulov E-poçt ünvanı: Bu sahə əlaqəndirici şəxsin xidməti iş e-poçtunun daxil edilməsi üçün nəzərdə tutulub (bu e-poçt sistem tərəfindən müvafiq bildirişlərin qəbul edilməsi üçün nəzərdə tutulub). Məsələn: isayev.rufat@rabita.az Telefon nömrəsi: Bu sahədə iş telefonu yazılmalıdır (Ancaq rəqəm yığılmalıdı). Məsələn: 994124155556 Şəhər: Bu sahəyə təçkilatın yerləşdiyi şəhərin adı yazılır. Məsələn: Bakı 6
İndeks: Təşkilatın yerləşdiyi ünvana xidmət göstərən Poçt şöbəsinin indeksi qeyd olunur. Məsələn: 1010 Ünvan: Təşkilatın yerləşdiyi ünvan. Məsələn: Droqal dön. 702-ci məh. Məhsulun çatdırılma ünvanı: sertifikatın çatdırılacağı ünvan. Məsələn: Mərkəzi poçt 2 11.2 Möhür haqqında məlumat bölməsinin doldurulması Şəkil 4 Ad: Bu sahəyə imza sahibinin adı şəxsiyyət vəsiqəsində olduğu kimi daxil etmək lazımdır. Məsələn: Azər Soyad: Bu sahəyə imza sahibinin soyadı şəxsiyyət vəsiqəsində olduğu kimi daxil etmək lazımdır. Məsələn: Səfərov Atasının adı: Bu sahəyə imza sahibinin atasının adı şəxsiyyət vəsiqəsində olduğu kimi daxil etmək lazımdır. Məsələn: Aydın oğlu Qeyd: Şəxsiyyət vəsiqəsində atasının adı sahəsində ata adından sonra "qızı" və ya "oğlu" sözləri varsa mütləq qeyd olunmalıdır (əks halda qeyd olunmasın). Doğum tarixi: Bu sahəyə imza sahibinin doğum tarixini şəxsiyyət vəsiqəsində olduğu kimi daxil etmək lazımdır. Məsələn: 01.01.1985 Doğulduğu yer: Bu sahəyə imza sahibinin doğulduğu yer şəxsiyyət vəsiqəsində olduğu kimi daxil etmək lazımdır. Məsələn: Azərbaycan, Bakı Şöbə: Bu sahəyə imza sahıbinin işlədiyi şöbəsinin adi daxil edilir. Daxil ediləcək simvollarin ümumi sayi 14-dan çox olmamalidir. Məsələn: SXM Vəzifə: Bu sahəyə imza sahibinin vəzifəsi daxil edilir. Məsələn: Aparıcı mütəxəssis CA administrator 7
Gizli sual, Cavab: Bu sahə mütləq sahədir. Seçilmiş gizli sual və gizli cavab sizin sertifikatınızla bağlı "157 Zəng Mərkəzi ndən istifadəniz üçün nəzərdə tutulmuşdur. (Kartınız itərkən,bloka salınarkən,və s ).Qeyd edəcəyiniz gizli suala verəcəyiniz cavab ilə " 157 Zəng Mərkəzi"-nin operatoru Sizi daha asan identikləşdirəcəkdir. Məsələn: Sual: Ananızın qızlıq soyadı?, Cavab: Şamiyeva Gizli sual və gizli cavabın qısa və yadda qalan olması məqsədəuyğundur. Sahibkarın hüquqları haqqında məlumat: Bu sahə hüquqi təşkilatın sənəd imzalamaq hüququna malik əməkdaşları üçün nəzərdə tutulub. Əgər imza sahibinin sənəd imzalamaq hüquq varsa, bu sahəyə Sənəd imzalamaq hüququna malikdir mətni daxil edilir. Məsələn: Sənəd imzalamaq hüququna malikdir Möhür haqqında məlumat: Bu sahə hüquqi təşkilatın möhürdən istifadə etmək hüququ olan rəhbərliyi üçün nəzərdə tutulub. Buraya möhürün üzərindəki bütün məlumatlar tam və ardıcılı şəkildə daxil edilməlidir. Məsələn: Azərbaycan Respublikası Rəbitə və İnformasiya Texnologiyaları Nazirliyi Məlumat Hesablama Mərkəzi 11.3 Şəxsiyyəti təsdiq edən sənəd bölməsinin doldurulma qaydası 3 Şəkil 5 Verilmiş xanalarda Şəxsiyyət vəsiqəsini fin kodu, seriya nömrəsi və vəsiqəni verən orqanın adı şəxsiyyət vəsiqəsində olduğu kimi yazılır (Böyük, kiçik hərfləri və nöqtə vergülləri nəzərə alaraq). Fin kod - vətəndaşın şəxsiyyət vəsiqəsinin aşağı hissəsində yerləşən və sondan (bir rəqəm ötürülməklə) yeddi rəqəm hesab edilir. Məsələn: 1S7QC56 Şəkil 6 8
Nömrə: Bu sahəyə şəxsiyyət vəsiqəsinn nömrəsi daxil edilir. Məsələn: 13324546 Şəkil 7 Vəsiqəni verən orqanın adı: Bu sahəyə şəxsiyyət vəsiqəsinn verən orqanın adı olduğu kimi daxil edilir. Məsələn: Ağdam RPŞ 11.4 Əlaqə vasitəsi bölməsini doldurulması Şəkil 8 4 Şəkil 9 Mobil telefon nömrəsi: Sertifikatla bağlı hər hansı sual yaranarsa əməkdaşlarımızın əlaqə saxlamaları üçün telefon nömrələri. Məsələn: 4565465 Elektron poçt ünvanı: Daxil edəçəyiniz e-poçt ünvanı, sertifikatınızla bağlı sistem tətəfindən Sizə göndəriləcək bildirişlərin alınması və sənədlərin elektron imzalanması üçün nəzərdə tutulmuşdur. Yalnız ərizədə qeyd edilən elektron poçt ünvanı ilə sənədlərin imza edilməsinin mümkün olduğunu vətəndaş mütləq bilməlidir. Başqa e-poçt ünvanı ilə imzalama əməliyyatı həyata keçirə bilməz. Çünki bu ünvan sertifikata daxil edilir. Məsələn: safarov.azer@rabita.az 9
Şəhər: yaşadığı şəhər qeyd olunur. Məsələn: Bakı Ünvan: Vətəndaşın yaşadığı ünvan daxil edilir. Bu ünvan sertifikata daxil edilməklə yanaşı imza sahibinin Pin məktubunun üzərinə də yazılır. Məsələn: Droqal dön. 702-ci məh. İndeks: Yaşadığı ünvana xidmət göstərən Poçt şöbəsinin indeksi qeyd olunur. Məsələn: 1111 İsmarıcı almaq: burada vətəndaşın sertifikatları ilə bağlı Bildirişlərin e-poçtla alacağı qeyd edilir. Məsələn: Elektron poşt ilə Təşkilatın elektron imza kartları alacaq şəxslərinin informasiyaları tam doldurulduqdan sonra Ərizəni yadda saxladıqdan sonra ərizələr Bütün ərizələr bölməsində göstərilir. Burada siz istənilən ərizəni ləğv edərək yenidən əlavə edə bilərsiniz. 11.5 Ərizənin təsdiq edilməsi 5 Şəkil 10 Ərizəni dəyişmək üçün şəxsi kodununu klikləmək lazımdır. Ərizəni silmək üçün Ərizəni silmək düyməsini sıxırıq. Bütün ərizələr əlavə edildikdən sonra, kart oxuyucusunun sayını qeyd edərək "TƏSDİQLƏ " düyməsi sıxıb ərizəni təsdiqləyirik. 12. Sorğunu qəbulu Ərizəni təsdiq etdikdən sonra avtomatik olaraq sistem tərəfindən məlumatların doğruluğu yoxlanılır. Hansı sətirdə səhv olarsa bu barədə məlumat verilir. Məlumatların doğruluğu sistem tərəfindən təsdiq olunduqdan sonra sifariş qəbul olunur və avtomatik sifariş nömrəsi və bildiriş formalaşır. Bildiriş səhifəsində istifadəçiyə sifarişi başa çatdırmaq üçün lazımi məlumatlar verilir. Sertifikatdan istifadə qaydaları ilə http://www.e-imza.az/ saytında tanış ola bilərsiniz. 10