MHŞT üzrə Çoxtərəfli Qrupun iclasının Protokolundan Çıxarış 43 Bakı şəhəri 15 aprel 2016-cı il İştirak edirdilər: Çoxtərəfli Qrupun sədri Şahmar Mövsümov - ARDNF-nin İcraçı direktoru, MHŞT üzrə Komissiyanın sədri Çoxtərəfli Qrupun üzvləri Zaur Fətizadə Vergilər Nazirliyinin nümayəndəsi Hacıbala Dadaşov Hökumət Komissiyasının nümayəndəsi Anar Hüseynov Hökumət Komissiyasının nümayəndəsi Qubad İbadoğlu QHT Koalisiyasının nümayəndəsi Vaqif Abdullayev Neftçala Əməliyyat şirkətinin nümayəndəsi Sabit Bağırov QHT Koalisiyasının nümayəndəsi Əliməmməd Nuriyev QHT Koalisiyasının nümayəndəsi Rafiq Təmrazov QHT Koalisiyasının nümayəndəsi Azər Mehtiyev QHT Koalisiyasının nümayəndəsi Kamran Məhərrəmov SOCAR şirkətinin nümayəndəsi Mehriban Vəzir QHT Koalisiyasının nümayəndəsi Mirvari Qəhrəmanlı QHT Koalisiyasının nümayəndəsi Digərləri Ülviyyə Mehrəliyeva MHŞT üzrə Katibliyin mütəxəssisi
Amil Həsənov Dövlət Neft Fondunun nümayəndəsi Fariz Əhmədov Moore Stephens şirkətinin nümayəndəsi İclasın gündəliyi: 1) MHŞT üzrə son yeniliklər barədə məlumat 2) 2016-cı il Lima Konfransında yenilənmiş MHŞT Standartının müzakirəsi 3) Növbəti MHŞT Hesabatlılığının (2015, 2016, 2017-ci illər üzrə) Auditor üçün Şərtlər Toplusunun və hesabatlılığın yeni qəbul edilmiş standartlara uyğunlaşdırılmasının müzakirəsi 4) 2014-cü il MHŞT Hesabatı üzrə MSŞA QHT Koalisiyasının rəyinin təqdimat və müzakirəsi 5) Növbəti Qiymətləndirmə və tamhüquqlu üzvlüyün bərpası üçün islahedici tədbirlər üzrə Fəaliyyət Planının icrasının müzakirəsi 6) MHŞT-nin Azərbaycanda tətbiqinin təkmilləşdirilməsi üçün qanunvericiliyə dəyişikliklərə dair Neftçilərin Hüquqlarını Müdafiə Təşkilatı İctimai Birliyi tərəfindən hazırlanmış tövsiyə sənədinin müzakirəsi 7) NRGİ təşkilatı ilə QHT Koalisiyasının birgə hazırladığı MHŞT elektron hesabatlıq internet səhifənin ətrafında müzakirə 8) 2015-ci il Fəaliyyət Hesabatı üzrə müzakirələr 9) ÇQ-nin Davranış Kodeksinin müzakirəsi 10) Digər məsələlər
MHŞT üzrə son yeniliklər barədə məlumatı və 2016-cı il Lima Konfransında yenilənmiş MHŞT Standartının müzakirəsi üzrə qərara alındı: 1. Yenilənmiş Standarta dair təqdimat dinlənilmiş hesab edilsin və nəzərə alınsın. 2. Benefisiar sahibliyin açıqlanması ilə bağlı yol xəritəsinin hazırlanması məqsədilə hüquq məsləhət şirkəti prosesə cəlb edilsin. 3. Peru Standartının Azərbaycan dilinə tərcüməsi işləri sürətləndirilsin. Növbəti MHŞT Hesabatlılığının (2015, 2016, 2017-ci illər üzrə) Auditor üçün Şərtlər Toplusunun və hesabatlılığın yeni qəbul edilmiş standartlara uyğunlaşdırılmasının müzakirəsi üzrə qərara alındı: 1. Audit şirkətinin seçimi növbəti üç il üçün aparılsın lakin müqavilədə və Şərtlər Toplusunda qeyd edilsin ki, Müstəqil Administrator Standart üzrə tələb olunan məlumatların toplanması və hesabatın mətninin strukturlaşdırılması üçün 3 dövrlük (3 hesabat ili əhatə edən) müqavilədə nəzərdə tutulmuş öhdəliklərini lazımınca və ya tam yerinə yetirmədikdə ÇQ təşəbbüsünə əsasən ARDNF-in müqaviləyə birtərəfli qaydada xitam verməyə hüququ var. 2. Auditor üçün Şərtlər Toplusu 22 Aprel 2016-cı ilə qədər yekunlaşdırılsın. İclasda səslənmiş təkliflər də nəzərə alınmaqla Şərtlər Toplusu yeni standarta uyğunlaşdırılsın. 3. MHŞT üzrə şablon hesabat formaları dəyişdirilməsin.
2014-cü il MHŞT Hesabatı üzrə MSŞA QHT Koalisiyasının rəyinin təqdimat və müzakirəsi üzrə qərara alındı: 1. Auditor Koalisiyanın 2014-cü il MHŞT Hesabatına dair Rəyində qeyd olunmüş tövsiyələrin icrası ilə bağlı arayış hazırlasın və həmin arayış Koalisiya Şurasında müzakirə olunaraq nəticələr barədə ÇQ-yə məlumat verilsin. 2. MHŞT hesabatına Azərqızıl şirkətinin hüquqi varisi olan Ekologiya və Təbii Sərvətlər Nazirliyi haqqında MHŞT Standartında DT-lər barədə tələblərə uyğun olaraq məlumatların daxil edilməsi məsələsi Katiblik tərəfindən araşdırılsın. Növbəti Qiymətləndirmə və tamhüquqlu üzvlüyün bərpası üçün islahedici tədbirlər üzrə Fəaliyyət Planının icrasının müzakirəsi üzrə qərara alındı: QHT Koalisiyasının fəaliyyətində həllini tapmamış çətinliklərlə bağlı arayış ÇQ üzvü Ə.Nuriyev tərəfindən hazırlanaraq Sədrə təqdim edilsin. MHŞT-nin Azərbaycanda tətbiqinin təkmilləşdirilməsi üçün qanunvericiliyə dəyişikliklərə dair Neftçilərin Hüquqlarını Müdafiə Təşkilatı İctimai Birliyi tərəfindən hazırlanmış tövsiyə sənədinin müzakirəsi üzrə qərara alındı: Qubad İbadoğlu ilə MHŞT Azərbaycan Katibliyi birgə digər tətbiq edən ölkələrdə Katibliyin və ÇQ-nin hüquqi statusu barədə araşdırma apararaq növbəti ÇQ iclasında təqdim etsin.
NRGİ təşkilatı ilə QHT Koalisiyasının birgə hazırladığı MHŞT elektron hesabatlıq internet səhifənin ətrafında müzakirəsi üzrə qərara alındı: 2014-cü il üzrə MHŞT Hesabatının təqdimat mərasimində http://azeitireport.org/ internet səhifəsinin təqdimatı keçirilə bilər. 2015-ci il Fəaliyyət Hesabatı üzrə müzakirələri üzrə qərara alındı: ÇQ-nin hər bir tərəfi Fəaliyyət Hesabatının yekunlaşdırılması üçün müvafiq məlumatları Katibliyə göndərsin. ÇQ-nin Davranış Kodeksinin müzakirəsi üzrə qərara alındı: ÇQ üzvü Ə. Nuriyev qeyd etdi ki, ÇQ-nin Davranış Kodeksi daha çox texniki bir sənəddir və ciddi maraqlar toqquşması yaratmır. Sadəcə, Maraqlar toqquşması və vəzifədən sui-istifadənin qarşının alınması na dair bəndə aid BP özü təkliflər irəli sürə bilər. Digər məsələlər texniki önəmlidir. ÇQ-nin Davranış Kodeksinin müzakirəsi üzrə qərara alındı: Şirkətlər qrupu ÇQ-nin layihə Davranış Kodeksini daxildə müzakirə edib qısa müddətdə təqdim etsinlər.