HAILEYBURY ASTANA БАҒАЛАУ, ТЕСТІЛЕУ, ҮЙ ЖҰМЫСТАРЫ САЯСАТЫ Жалпы ережелер Мектепте үй жұмысы оқу процесінің ажырамас бөлігі болып есептеледі. Үй жұмысы өтілген материалды түсіну, бекіту, жаңа сабақтарға дайындалу үшін қажет. Оқушылардың үлгерімі әртүрлі тәсілдермен бағаланады: үй жұмысы, сыныптағы тесттер және арнайы емтихандар; сынып жұмыстары, арнайы жиналыстар /мысалы: негізгі топ, бөлім басшыларымен/ және мұғаліммен арнайы сұхбаттар. Мақсаты: Ақпарат жинау, үлгерімді қадағалау және оқу барысында көмектесу; Балалардың үлгерімін Мемлекеттік стандарт бойынша бағалау; Балалардың жетістіктерін мойындау, және мақсаттар қою; Оқыту бағдарламаларын дайындау, оқу процесін жетілдіру; Ата-аналарға оқушылардың жетістіктері мен үлгерімдері туралы ақпарат беру. Үй жұмысы Мақсаттар 1-6 сыныптар аралығында мұғалімдер үй жұмыстарының бірізді жүйелі түрде орындалу мақсатын қояды. Әр үй жұмысының соңында оқушылар үй жұмысының басталу және аяқталу уақыттарын жазып отырады. Егер үй жұмысы 1 рет орындалмаса, онда оқушылар жұмсаған уақыттың жалпы санын жазады. Бұл әдіс мұғалімдерге үй жұмысы көлемінің сайма-сайлығын бағалауға мүмкіндік береді. Ата-аналардан балаға ыңғайлы жағдай жасап, үй жұмысын орындау үшін жеткілікті уақыт бөлу талап етіледі. Бас кітапхана үй жұмысын орындауға тиісті жағдай жасай отырып, дүйсенбібейсенбі күндері 17.00-ден жұмыс жасайды. Күнделіктер Барлық оқушылар үй жұмысы тапсырмаларын, орындалу уақытын күнделіктің сәйкес бетіне жазып отырады. Күнделіктерді жүйелі түрде сынып жетекшілері/ аға ұстаздары тексеріп отырады, сондай-ақ атаана мен мұғалімдердің арасындағы құрал болып табылады. Сонымен қатар күнделікке сары, көк және алқызыл түсті карточкалар қойылып отырады, сондықтан ата-аналарға тексеріп отыру ұсынылады. Егер бала үй жұмысын дұрыс орындамаса немесе мүлдем орындалмаған жағдайда мұғалімдер ата-аналарға ескертіп, күнделікке жазып отырады. Үй жұмыстары жүйелі түрде орындалмай жүрсе негізгі буынның басшысымен кеңескеннен кейін мұғалімдер үйге жеке хат жіберіп немесе ата-анамен кездесуді белгілей алады.
Мектепке дейінгі кезең және 1-сынып Стандартты тапсырмалар балалардың жасына сәйкес келмейтіндіктен берілмейді. Тек ағылшын тілдерінде 1-сыныпта өткен сабақтарды қайталап, жаңа сөздерді білу мақсатында үй жұмысы аптасына 1-2 рет беріледі. Тілді жете білмейтін балаларға да үйге шағын тапсырмалар беріледі. Ата-аналарға күнде балаларымен ойнап, кітаптар оқу ұсынылады. Осы буынның мұғалімдері балалардың бос уақытын тиімді пайдаланып, кітап оқуға қызығушылықтарын оятуда әрдайым көмектесуге дайын. Сонымен қатар 1-сыныптың балаларына үйде жаттаған сөздерін тексеруге арналған апталық тестер жүргізіліп отырады. Дүйсенбі күні мұғалім жаттауға 10-15 сөз беріп қояды, жұма күні сұралады. 2-сынып 2-сынып оқушыларына үй тапсырмалары әр аптаға жазғы семестрдің басында келесі оқу жылына дайындалуға көмектесу мақсатында беріліп қояды. Ол тапсырмалар - ағылшын тілі және математикадан берілетін шағын тапсырмалар. Олар міндетті емес, бірақ сынып жұмысына негізделе отырып, әр оқушының қабілеттерінің шамасына қарай орындалады. Үй тапсырмалары жұма күні беріліп, келесі бейсенбіде жиналып алынады. Әр апта сайын балаларға жаңа сөздерді жаттау және үйде кітап оқуға тапсырма беріледі. 1-сыныптардағыдай, тілді жете білмейтін балаларға үйге тапсырмалар беріледі. Негізгі буын 2 (KS-2) Балалар KS-2 деңгейіне өткеннен кейін, олар үйде оқуға, орындауға бейімделу, үйрену үшін шағын стандартты тапсырмалар алып отырады. Осы әдетті KS-2 деңгейін бітіріп, KS-3 деңгейіне өтуде де дамыту маңызды. KS-2 деңгейінде жаңа сөздерді дүйсенбіде ұсынып, жұма күні тестілейді. Сондықтан балалар күнделікті жаттығып, үйде кітап оқулары керек. 3-4-сыныптарда стандартты үй жұмыстарын орындау аптасына 1-2 сағатты алады. 5-6- сыныптарда осы уақыт күніне 1 сағат уақытына дейін созылады /әр сабаққа 30 минуттан/. Негізгі буын 3 (KS-3) KS-3 оқушылары үй жұмыстарын күнделікті кешке 3 пән бойынша орындайды. 7-8-сыныптарда үй жұмыстарын орындау уақыты 90 минуттай /әр пәнге 30 минут/ 9-сыныпта бұл уақыт 2 сағатқа дейін көбейеді /әр пәнге 40 минуттан/. Балаларға жиі күрделендірілген тапсырмалар беріледі. Оны ұсынылған уақытқа дейін үй жұмысын аяқтаған балалар орындайды. Үй тапсырмалары келесі күнге не келесі сабақтың басталар алдында беріледі. Негізгі буын 4 (KS-4) KS-4 оқушылары 3 пән бойынша күнделікті кешке 2 сағат көлемінде орындайды /әр пәнге 40 минут/ Балаларға жиі күрделендірілген тапсырмалар беріледі. Оны ұсынылған уақытқа дейін үй жұмысын аяқтаған балалар орындайды. Үй тапсырмалары келесі күнге не келесі сабақтың басталар алдында беріледі.
KS-4 оқушылары IGCSE емтиханына дайындалады, үй жұмыстары емтиханға дайындықтың негізгі бөлігі болып табылады. Қажеттілік туындағанда өтілген материалдарды бекіту немесе өздеріне қиын болған тапсырмаларды орындап, жаттығу мақсатында көп уақытын үй жұмыстарын жеке орындау үшін олардың дайын болуы қажет. Үй жұмыстарын орындауға 2 сағаттан артық уақыты кететін оқушылардың аға оқытушысына барулары қажет. Демалыстар Демалыстар келесі оқу жылына дайындалу және демалу үшін оқытудың маңызды бөліктерінің бірі болып табылады. KS-4 деңгейінен төменгі деңгейлерге демалыстарда үй жұмыстары берілмейді немесе академиялық жұмыс бойынша Директордың орынбасарының рұқсатымен беріледі. Плагиат Оқу барысында сабақтарға дайындық ретінде шағын ғылыми-зерттеу тапсырмалары беріледі. Мақсаты балаларды ғаламтордың көмегімен де табысты зерттеулер жүргізуге үйрету. Емтихан мүшелері мен мұғалімдер балалардың тарапынан плагиаттардың жиілеп кеткенін баса айтуда. Біздің мектебімізде ақпараттарды ғаламтордан көшіру, өзге оқушылардан көшіріп алып, өзінікі ретінде ұсынуға жол берілмейді. Үй жұмыстарының орындалмауы немесе нашар орындалуы Егер үй жұмысы уақытында орындалмаса мұғалім оқушыға келесі күні тапсыруға рұқсат ете алады немесе «артта қалған» оқушылардың қатарына қосуға құқылы. Толық орындалмаған немесе дұрыс орындалмаған үй жұмыстарын немесе тестерін қайта орындау үшін «артта қалған» оқушылармен қосымша жұмыстар сейсенбі және бейсенбі күндері жүргізіледі. Бұл сабақтарды кез келген мұғалім жүргізе алады. Сыныптан тыс жұмыстардың орындалуы факультативтік сабақтарға барғаннан гөрі маңыздырақ. Алқызыл түске уақытында орындалмаған тапсырмалар үшін де, өтілмей қалған тестілер үшін де қол қойылмайды. Сабақты өткізіп алу Мұғалімдер ата-аналарының өтінішімен қалған балаларға тапсырмалар береді. Егер бала өзін нашар сезінсе, орындалуы міндетті емес. Дегенмен егер ата-анасы баланың денсаулығы тапсырмаларды орындауға мүмкіндік береді деп шешсе, орындалғаны жөн. Рұқсатсыз қалған балаларға мұғалімдер тапсырмалар да бермейді, баға да қоймайды. Тексеру Балалардың жұмыстары жиналып алғаннан кейін 48 сағат ішінде немесе келесі сабаққа дейін тексеріледі. Егер үй тапсырмаларында эссе, шығармалар жазу, жобалардың орындалуы секілді көлемді жұмыстар болса, берілген уақыт ұлғайтылады. Жұмыстардың бағалануы Мұғалім жұмыстарды тексергенде тек жұмыстың мақсатына қатысы бар тапсырмалардың қатесін ғана түзетсе болады, себебі өте көп қате шығару баланың психикалық жағдайына әсер етуі мүмкін. Жұмыстарды бағалаудың 4 түрі бар:
Баға және ескертулер: мұғалім оқушының жұмысына түзетулер енгізе отырып, жұмыс істеуі тиіс тұстарын көрсетіп өтетін бағалаудың жиірек қолданылатын түрі. Бұлай бағалау келесі үй жұмыстарының дұрыс орындалуына септігін тигізеді. Зерттеулер нәтижесі бойынша «ескертулер енгізу» әдісі «баға қоюға» қарағанда әлдеқайда тиімдірек әдіс. Сондықтан жұмысқа баға қойылмайды, бірақ мұғалім өз журналына қойып отырса болады. Әдетте баға қорытынды тестілер жүргізілгеннен кейін ғана қойылады. Ауызша бағалау: Мұғалім сабақтан кейін баламен бірге қалып, оның жұмысына ауызша баға берсе болады. Бала негізгі ақпараттарды дәптеріне жазып алады. Құрдастарының бағалауы: Баланың жұмысын басқа оқушы тексереді. Бұл жақсы баға алу үшін түсіне білу сияқты маңызды қасиетті дамытады. Өзін-өзі бағалау: оқушы өзін-өзі бағалайды. Көбіне бұл әдіс балалардың жауаптары бірдей болған кезде қолданылады. Оқушылар мұғалімнен дұрыс емес болған жауаптарын түсіндіріп беруін сұрай алады және шұғыл жауап алып, неліктен қате жібергендерін түсіне алады. Әрине, мұндай жұмыстарға бағалар қойылмайды. Мұғалім балалардан неліктен сол нұсқаны дұрыс деп таңдап алғанын және қалған нұсқаларды неліктен дұрыс емес деп ойлағандарын сұрай алады. Соңында оқушылардың тексерген жұмыстарын да, өздері тексерген жұмыстарын да мұғалім бір тексеріп шығады. Мектепке дейінгі кезеңнің балаларын бағалау процесі басқа кезеңдегілерге қарағанда өзгеше. Олардың жұмыстары барлық пәндер бойынша бақыланып, үздіксіз талдау процесінде болады. Барлық жетістіктері мен орын алған оқиғалар үлгерімі мен әлсіз тұстары жазылып, суреттері басылған портфолиоға жазылады. Құжаттау Мұғалімдер балалардың үй жұмыстарының, тест, емтихан қорытындыларының бағаларын алдағы оқу процесі және есептер үшін жазып отырады. Мониторинг Үй жұмыстарын беру және оларды бағалау ережелерін қатаң сақтауды Департамент Басшылары, басты буын жетекшілері, академиялық жұмыс бойынша директордың Орынбасары қадағалап отырады. Олар жеке мұғалімдерге және Департамент Басшыларына осы процесстерді қалай жетілдіріп отыруға болатындығы туралы кеңестер беріп отырады. Баға «Haileybury Astana» мектебі оқушыларын бағалау Ұлыбритания және шетел мектептерінде қолданылатын стандарттарға сәйкес жүргізіледі. Бағалаудың 2 түрі бар: күнделікті және қорытынды. Күнделікті бағалау алдағы оқу процесін жоспарлау үшін балалардың материалды түсініптүсінбегендігін талдау үшін қойылады. Олар жеке түрде жүргізіледі және балаларға да жеке тапсырмалар беріледі. Күнделікті бағалар ұпайларға әсер етпейді.
Тапсырмалардың тізімі: Баладан бірнәрсені сынытпасына, мұғалімге немесе бүкіл сыныпқа түсіндіріп беруін сұрау; Сабақтың соңында «сұрақ-жауап» форматында сыныптық талқылау жүргізу; Оқушымен мұғалімнің өзінің не көмекшісімен бірге сұхбат жүргізуі; Сынып жұмыстары және жұмыс дәптерлері; Жеке және топтық жұмыстар; Үй тапсырмалары Оқылған мәтіннің азат жолдары бойынша балаларға сұрақ қою не математикалық есептерді шешу алгоритмін түсіндіру. Қорытынды бағалау өткізілген емтихан, тест жұмыстарының нәтижелері және балалар жаттаған, есте сақтап қалған материалдардың көлемін есептеп, баланың деңгейінің, жалпы жағдайдың қандай екенін нақты көрсететін бағалау түрі. Мысалы, сөздерді білу, дұрыс айту не көбейту кестесін жаттауын бағалау. Жоғары сыныптарда тек теория түрінде ғана білу емес, оны іс жүзінде қолдана алу да өте маңызды. Біздің әдістеріміз тек теориялық білімге ғана емес, практикалық білімге де бағытталған. Қорытынды бағалау ұпай, бағаларға әсер етеді. Қорытынды бағалаудың нәтижесі оқу процесін жоспарлауда қолданылады. Бірақ бұл ең негізгісі емес. Балаларды бағалау оқушылардың алдына нақты және сәйкес мақсаттарды қою үшін жүргізіледі. Ол жалпы есепке кіреді. KS-1 және одан жоғары деңгейлерде үлгерімін жақсарту үшін жеке есептерде әр сабақ бойынша әрбір оқушының алдына қойылған мақсат көрсетіледі. Қорытынды бағалар көктемгі және күзгі семестрлердің екінші жартысында қойылады. Бақылау жұмыстары 4-сыныптарда балалардың нәтижелерін мемлекеттік статистикалық деректермен салыстырып, балалардың қабілетін бағалау үшін тестілер жүргізіледі. Мұндай тестілеулер Ұлыбритания мен шетелдегі мыңдаған балалар арасында жүргізіледі. Тестілеудің нәтижелері статистикалық маңызды ақпаратты алуға және мектебіміздің балаларының оқу деңгейлерін басқа мектеп балаларының деңгейімен салыстыруға көмектеседі. Уақыт өте келе балалардың даму қарқынын салыстыруға болады. Сондай-ақ бұл деректер IGCSE емтиханын тапсырғаннан кейінгі алатын бағаны болжау үшін де қолданылады.