Tez-tez soruşulan suallar

Transkript

1 Tez-tez soruşulan suallar Sual 1. Mən ARDNŞ-yə işə qəbul olmaq üçün nə etməliyəm? Cavab: ARDNŞ-nin korporativ veb-saytının karyera bölməsinin işə qəbul bölümünün vakansiyalar hissəsini mütəmadi olaraq izləməli, ixtisas və peşənizə uyğun vakansiyalar olduqda vakansiyanın tələbləri ilə tanış olduqdan sonra müraciət et düyməsi vasitəsi ilə müraciət etməli və işə qəbul müsabiqəsində iştirak etməlisiniz. də bilərsiniz. İşə qəbul qaydaları haqqında daha ətraflı məlumatı karyera bölməsinin İşə qəbul prosesi bölümündən əldə edə bilərsiniz Sual 2 Mən ARDNŞ-yə işə qəbul olmaq üçün CV-mi (ərizə, anket və s.) necə göndərə bilərəm? Cavab: ARDNŞ-də işə qəbul yalnız saytın karyera bölməsindən elektron müraciət formasını doldurmaqla həyata keçirilir. ARDNŞ-yə işə qəbul üçün elektron poçt ( ), faks, teleqram, telefonoqram və digər vasitələr ilə təqdim edilən müraciətlər və yazılı ərizələr müsabiqədə iştirak üçün əsas götürülmür. Sual 3 Vakansiya (boş iş yeri) elan olunmadan ARDNŞ-yə işə qəbul üçün necə müraciət edə bilərəm? Cavab: Müraciət etmək üçün mütləq sizin peşə və ya ixtisasınıza uyğun vakansiya (boş iş yeri) saytının karyera bölməsinin işə qəbul bölümünün vakansiyalar hissəsində elan olunmalıdır. Vakansiya olmadan müraciət mexanizmi ARDNŞ-də tətbiq edilmir. Sual 4 Mənim peşə/ixtisasımla bağlı ARDNŞ-də mövcud vakansiyalar (boş iş yerləri) haqqında məlumatı necə əldə əldə edə bilərəm? Cavab: Vakansiyalar haqqında məlumatı saytının Karyera bölməsinin işə qəbul bölümünün vakansiyalar hissəsindən və ya İki Sahil qəzetindən əldə edə bilərsiniz. Sual 5 ARDNŞ-nin veb-səhifəsində karyera bölməsinin vakansiyalar bölümü boşdur, bu nə ilə əlaqədardır? Cavab: ARDNŞ-də vakansiyalar müvafiq təqvim planına əsasən müəyyən müddətdən bir elan olunur. Təqvimlə karyera bölməsinin işə qəbul bölümünün Vakansiyalar hissəsində tanış ola bilərsiniz. Təqvimə əsasən yalnız elan periodundan kənar dövrlərdə karyera bölməsinin vakansiyalar hissəsi boş olur. Sual 6 ARDNŞ-nin veb-səhifəsində öz ixtisasıma uyğun vakansiya tapa bilmirəm. Nə etməliyəm? Cavab: ARDNŞ-də yaranan bütün mövcud vakansiyalar şirkətin korporativ veb-saytının müvafiq bölməsində yerləşdirilir. Sizin ixtisasınıza uyğun vakansiyanın siyahıda olmaması ARDNŞ-də cari vaxtda həmin ixtisas

2 üzrə vakant yerin olmaması ilə deməkdir. Saytımızın karyera bölməsinin Vakansiyalar hissəsini mütəmadi izləyin. Sual 7 Mənim işləmək istədiyim rayonda vakansiya olacaqmı? Cavab: ARDNŞ-də açılan bütün mövcud vakansiyalar şirkətin korporativ veb-saytının müvafiq bölməsində yerləşdirilir. Saytımızın karyera bölməsinin işə qəbul bölümünün Vakansiyalar hissəsində yerləşdirilmiş İş axtarışı mexanizmi vasitəsilə işləmək istədiyiniz rayon adı üzrə axtarış apararaq müraciət edə bilərsiniz. Sual 8. Mən yenidən ARDNŞ-yə işə bərpa olunmaq üçün nə etməliyəm? Cavab: Sizin ARDNŞ-də əmək münasibətlərinizə xitam verilibsə, ARDNŞ-da yenidən işlə təmin olunmaq üçün şirkətin korporativ veb səhifəsinin Karyera bölüməsinin İşə qəbul bölməsini və İki Sahil qəzetini mütəmadi izləməli, peşə və ixtisasınıza uyğun vakansiyalar olduqda elektron müraciət formasını doldurmaqla müraciət etməlisiniz. Nəzərinizə çatdırırıq ki, əmək münasibətlərinizə xitam verilən zaman şirkətlə razılaşma protokoluna əsasən sizə müvafiq kompensasiya ödənilibsə namizədliyinizə baxmamaq hüququnu ARDNŞ özündə saxlayır. Sual 9 İşə qəbul ilə bağlı Test/Peşə Sınaq İmtahanı/Müsahibələrin keçirilmə ünvanı, tarixi və vaxtı haqqında məlumatı hardan əldə edə bilərəm? Cavab: İşə qəbulla bağlı Test/Peşə Sınaq İmtahanı/Müsahibələrin ünvanı, tarixi və vaxtı haqqında məlumat müraciətlərin ilkin seçimindən (müraciət formasında təqdim edilən məlumatların vakansiyanın tələblərinə uyğunluğunun yoxlanılması) keçmiş namizədin elektron poçt ünvanına və mobil telefonuna (sms) müvafiq bildirişlər şəklində imtahan vaxtından 3 (üç) gün əvvəl göndərilir. Eyni zamanda müsabiqə mərhələlərinin nəticələrini veb-saytının karyera bölməsinin Vakansiyalar bölümünün müsabiqə nəticələri hissəsindən FİN və şifrənizi daxil etməklə öyrənə bilərsiniz. Sual 10 Müsabiqədən kənar işə qəbul həyata keçirilən peşələr üzrə necə müraciət edə bilərəm? Cavab: Xüsusi peşə və ixtisas biliklərinin tələb olunmayan bəzi peşələr (xadimə, dalandar, gözətçi və s.) üzrə işçilərin işə qəbulu mövcud qanunvericiliyə uyğun olaraq bilavasitə ARDNŞ-nin müəssisə və təşkilatları (müəssisə və təşkilatların ünvanı) tərəfindən həyata keçirilir. Siyahıda göstərilən peşələr üzrə vakansiyalar haqqında məlumatı vakansiyanın yarandığı ARDNŞ-nin müəssisə və təşkilatlarının Kadrlar şöbələrindən əldə edə bilərsiniz. Sual 11 Mən ARDNŞ-yə işə qəbul ilə bağlı ərizə ilə müraciət etmişəm, cavabını necə öyrənmək olar? Cavab: Azərbaycan Respublikasının vətəndaşların ərizə və şikayətlərinə baxılması qaydaları haqqında müvafiq qanunvericiliyinə uyğun olaraq sizin ərizənizə ARDNŞ-ə daxil olduğu tarixdən ən geci 30 təqvim günü ərzində cavab veriləcəkdir.

3 Sual 12 Mən vakansiya üzrə elektron müraciət formasını doldurmuşam. Bilmək istəyirəm ki, test imtahan və müsahibə nə vaxt keçiriləcək? Cavab: Yalnız elektron müraciət formasında özünüz haqqında (təhsiliniz, iş təcrübəniz və s.) uyğun gəldiyi halda müsabiqənin növbəti mərhələsinə buraxılırsıız. Müsabiqənin növbəti mərhələləri barədə bildirişlər isə EMF-də (elektron müraciət forması) qeyd etdiyiniz elektron poçt ünvanınıza və mobil telefon nömrənizə (sms) göndərilir. Sual 13 Elektron müraciət formasını doldurarkən texniki problemlərlə üzləşirəm. Nə etməliyəm? Cavab: Elektron müraciət formasını doldurmazdan əvvəl system tələbləri ilə saytının Karyera bölməsinin Vakansiyalar bölümündən tanış ola bilərsiniz. Eyni zamanda bildiririk ki, müraciət formasını doldurarkən Google Chrome və ya Mozilla Firefox veb-brauzerindən istifadə etmək məsləhət görülür. Müraciət formasını doldurmaq üçün Şirkətin korporativ veb-səhifəsinin ( karyera bölməsinin İşə qəbul bölümünün Vakansiyalar hissəsinə daxil olaraq vakansiyanı seçib Müraciət et düyməsinin üzərinə basmaq lazımdır. Müraciət forması 30 dəqiqə ərzində doldurularaq təsdiqlənməlidir. Sistem müraciət formasını yadda saxlamadan avtomatik bağlayacaqdır. Sual 14 Vakansiyaya müraciət edərkən elektron müraciət formasında ünvanımı və ya hər hansı başqa məlumatı səhv qeyd etmişəm. Necə düzəliş edə bilərəm? Cavab: Vakansiyalar üzrə doldurduğunuz müraciət formasında hər hansı dəyişiklik etmək texniki cəhətdən mümkün deyildir. Sənədlərin vakansiyanın tələblərinə uyğunluğunun yoxlanılması zamanı hər hansı çatışmayan məlumatın olduğu aşkarlanarsa Sizinlə müraciət formanızda qeyd etdiyiniz əlaqə nömrələri vasitəsi ilə əlaqə saxlanılıb dəqiqləşdirmələr aparıla bilər. Sual 15 Test imtahanina dəvət olunmuşdum. Lakin müəyyən səbəblərdən iştirak edə bilmədim. Başqa vaxtda yenidən imtahan vermək mümkündürmü? Cavab: Təşkilati məsələlər baxımından test imtahanının başqa vaxta keçirilməsi mümkün deyil. Sual 16 Müsahibəyə dəvət olunmuşdum. Lakin müəyyən səbəblərdən iştirak edə bilmədim. Başqa vaxtda yenidən imtahan vermək mümkündürmü? Cavab: Təşkilati məsələlər baxımından müsahibənin başqa vaxta keçirilməsi və ya yenidən təşkil olunması mümkün deyil. Sual 17 İmtahana (test, müsahibə) gecikdiyim üçün buraxılmadım.. Nə etməliyəm? Cavab: ARDNŞ-də mövcud işə qəbul üzrə mövcud qaydalarına əsasən hər hansı vakansiya üzrə dəvət olunduğunuz imtahanda iştirak etmədiyiniz halda həmin vakansiya üzrə namizədliyiniz ləğv olunur. Yenidən başqa vakansiya üzrə müsabiqədə iştirak edə bilərsiniz.

4 Sual 18 Bir vakansiya üzrə müsahibədə və ya peşə sınaq imtahanında iştirak edib uğursuz nəticə göstərdim. Növbəti elan periodunda yenidən həmin vakansiya üzrə müraciət edə bilərəmmi? Cavab: ARDNŞ-də mövcud işə qəbul qaydalarına əsasən namizədin eyniadlı, növlü, dərəcəli və daha yuxarı dərəcəli vakansiya üzrə müraciət etmək hüququ yalnız sonuncu uğursuz müsahibə və ya peşə sınaq imtahanı tarixindən 3 ay keçdikdən sonra yaranır. Sual 19 Müraciət etdiyim vakansiya üzrə iş təcrübəm olmadığı üçün sənədlərimin uyğun olmadığı cavabını almışam. Nə edim? Cavab: Növbəti dəfə müraciət edərkən iş təcrübəsi tələb olunmayan vakansiyalara müraciət etməlisiniz. Vakansiya ilə əlaqədar təcrübə və digər tələblər barədə məlumatlar müvafiq vakansiyanın təsviri formasında göstərilir. İş təcrübəsi tələb olunmayan vakansiyaları saytımızın karyera bölməsinin işə qəbul bölümünün Vakansiyalar hissəsində yerləşdirilmiş iş axtarışı müxanizmi vasitəsilə tapa bilərsiniz. Sual 21 Vakansiya üzrə müsahibədən keçməmişəm. Müsahibədə kimlərin uğur qazandıqları barədə məlumat ala bilərəmmi? Cavab: Xeyr. Müsahibə mərhələsinin nəticələri barədə məlumatlar yalnız namizədin şəxsən özünə təqdim edilə bilər. Sual 22 Hazırda əyani ali təhsil alıram. ARDNŞ-də işə qəbul ola bilərəmmi? Cavab: Azərbaycan Respublikasının Əmək qanunvericiliyinə görə, əyani təhsil alan şəxslər tam ştatlı əsasda əmək fəaliyyəti ilə məşğul ola bilməzlər. Yalnız əyani təhsil şöbəsində dərs qrafiki müvafiq vakansiya üzrə iş qrafiki ilə ziddiyyət təşkil etməyən namizədlər müsabiqəyə buraxıla bilərlər. Sual 23 Müsabiqə nəticələri ilə razı deyiləm. Məhz hansı suallara düzgün cavab verməmişəm? Məsələnin araşdırılması üçün necə müraciət edə bilərəm? Cavab: Müsabiqənin hər hansı mərhələsi barədə sualınız/narazılığınız yaranarsa, müsabiqənin başa çatdığı tarixdən 1 (bir) ay müddətində ARDNŞ-nin İnsan Resursları Departamentinin rəisinin adına ərizə yazmaqla tanış ola bilərsiniz. ARDNŞ-da mövcud işə qəbul qaydalarına əsasən nəticələrlə yalnız ARDNŞ-nin İnsan Resursları Departamentinin inzibati binasında tanış ola bilərsiniz. Nəzərinizə çatdırmaq istəyirik ki, müsabiqənin nəticələrinin nüsxələri namizədlərə/vətəndaşlara verilmir. Sual 24 Müraciət etdiyim vakansiya üzrə işə qəbul müsabiqədəsində iştirak etdim, lakin uğur qazana bilmədim. Növbəti dəfə müraciət etdiyim digər vakansiya üzrə müsahibəyə buraxılsam eyni sənədləri yenidən təqdim etməliyəm? Əvvəlki vakansiya üzrə təqdim etdiyim sənədlər bu vakansiya şamil edilirmi? Cavab: Hər bir vakansiya üçün lazımi sənədlər ayrılıqda təqdim edilməlidir. Əvvəlki müraciətiniz üzrə sənədləriniz digər vakansiyalara şamil edilmir.

5 Sual 25 İştirak etdiyim vakansiya üzrə müsahibə nəticələrinə görə ARDNŞ-nin Kadr Ehtiyat Bazasına daxil edilmişəm. Artıq işə qəbul olunmuş sayılırammı? Kadr Ehtiyat Bazasına daxil edilmək nə deməkdir? Cavab: ARDNŞ-da mövcud işə qəbul qaydalarına əsasən müsahibədə işə qəbul olunması tövsiyyə olunmuş namizədərə nisbətən qiymətləndirilmədə daha az bal toplamış, lakin müvafiq keçid balını toplamaqla müsbət rəy almış namizəd(lər) ARDNŞ-nin Kadr Ehtiyat Bazasına daxil edilirlər. Şirkət üzrə 1 müddətində eyniadlı (eynişərtli, dərəcəli) vakansiya yaranarsa həmin namizədlərə müsabiqədən kənar iş təklif olunur. 1 il müddətində eyniadlı (şərtli, dərəcəli) vakansiya yaranmadığı təqdirdə vətəndaşın namizədliyi elektron poçt ünvanına ( ) və mobil telefon nömrəsinə (SMS) müvafiq bildirişlər göndərilməklə Kadr Ehtiyat Bazasından çıxarılır. Sual 26 İşə qəbul prosesində istifadə olunan imtahanın sualları əvvəlcədən namizədlərə təqdim olunurmu? Suallar hansı məzmunda olur? Cavab: ARDNŞ-də işə qəbul müsabiqəsinn test imtahanı mərhələsində istifadə olunan test tapşırıqlarının nümunələri ilə saytımızın Karyera bölməsiin İşə qəbul bölümünün Vakansiyalar hissəsində Namizədə dəstək düyməsini seçməklə tanış ola bilərsiniz. Sual 27 Müraciət etdiyim vakansiya üzrə test imtahanından keçmişəm. Növbəti mərhələyə nə vaxt çağrılacağam? Cavab: İşə qəbul müsabiqəsinin növbəti mərhələsi olan fərdi müsahibə (peşə sınaq imtahanı) müvafiq vakansiya üzrə test imtahanı nəticələrinin məlum olması tarixindən 7 10 iş günü ərzində təşkil olunur. Eyni zamanda nəzərinizə çatdırırq ki, istehsalat zərurəti ilə əlaqədar olaraq göstərilən müddət dəyişə bilər. Sual 28 Bakıda mövcud olan bir vakansiya üzrə müsabiqənin birinci mərhələsindən uğurla keçmişəm. Lakin Bakıda deyil Gəncədə işləmək istəyirəm. Ümumilikdə müsahibədən və ya peşə sınaq imtahanından (test imtahanından) uğurla keçsəm iş yerimi Gəncəyə dəyişmək olarmı? Cavab: Azərbaycan Respublikası Dövlət Neft Şirkətində işə qəbul müsabiqəsi hər bir vakansiya üçün ayrılıqda təşkil olunur. Hər bir vakansiya üzrə müsahibə nəticələri yalnız həmin vakansiyaya aid edilir və başqa vakansiyaya şamil edilməsi mümkün deyil. Sual 29 Müraciət etdiyim bir neçə vakansiya üzrə test/psi/ müsahibə tarixi eyni gündə və saatda təyin olunmuşdur. Nə etməliyəm? Cavab: Müraciət etdiyiniz vakansiyaların imtahan tarixləri üst-üstə düşərsə o zaman həmin vakansiyalardan yalnız birini seçib imtahanda iştirak edə bilərsiniz. Sual 30 FİN nömrə nədir? FİN kodu necə əldə etmək olar?

6 Cavab: Fərdi İdentifikasiya Nömrəsi (FİN) vakansiya üzrə elektron müraciət formasını doldurub təsdiqlədikdən sonra sistem tərəfindən sizə avtomatik təqdim edilən, eyni zamanda elektron müraciət formasında qeyd etdiyiniz elektron poçt ünvanınıza göndərilən 7 (yeddi) rəqəmli koddur. Sual 31 Azərbaycan Respublikası Dövlət Neft Şirkətinin bütün işçiləri işə qəbul müsabiqəsinin test imtahanı mərhələsindən azaddırlarmı? Cavab: Xeyr. Azərbaycan Respublikası Dövlət Neft Şirkətinin mövcud işə qəbul qaydalarına əsasən, yalnız rəhbər və mütəxəssis kateqoriyalı vakansiyalar üzrə müraciət etmiş ARDNŞ-nin daimi işçiləri (Azəriqaz İBnin Kadr seçki komissiyası vasitəsilə işə qəbul olunanlar istisna olmaqla) işə qəbul prosesinin test imtahanı mərhələsindən azaddırlar. Sual 32 Eyni vaxtda bir neçə vakansiya üzrə müraciət edə bilərəmmi? Cavab: Peşə və ixtisasınıza uyğun olan bir neçə vakansiya üzrə eyni zamanda müraciət edə bilərsiniz. Nəzərə alın ki, müraciət etdiyiniz vakansiyaların imtahan tarixləri üst-üstə düşərsə o zaman yalnız bir vakansiya seçib imtahanda iştirak edə bilərsiniz. Müraciət etdiyiniz vakansiyaların tarixlərinin üst-üstə düşməsi haqqında məlumat İRD tərəfindən namizədə imtahandan 1 gün əvvəl telefon əlaqəsi zamanı bildirilir. Sual 33 ARDNŞ-da müsabiqə yolu ilə işə qəbul olunduqdan sonra yenidən digər ARDNŞ üzrə vakansiyalar üzrə müraciət etmək olarmı? Cavab: Bəli. Lakin nəzərə alın ki, müsabiqə yolu ilə işə qəbul olunduqdan sonra namizədlərin yenidən digər vakansiyalar üzrə müraciət etmək hüququ onun yalnız sonuncu iş yerində ən azı 1 il işləməsindən sonra yaranır. Sual 35 Mən əməyin ödənilməsi dərəcəmi (ƏÖD) necə artıra bilərəm? Cavab: Növbəti əməyin ödənilməsi dərəcəsinin (ƏÖD) verilməsi yalnız müəssisədə fəaliyyət göstərən müvafiq komissiya (Tarif-İxtisas və ya Attestasiya komissiyası) tərəfindən həyata keçirilir. Sual 36 Tarif-İxtisas komissiyalarının iclaslarının keçirilmə qaydaları necə tənzimlənir? Cavab: Tarif-İxtisas komissiyalarının iclaslarının keçirilmə qaydaları Azərbaycan Respublikası Dövlət Neft Şirkəti Kadrların İdarə Edilməsi Komitəsinin 20 fevral 2012-ci il tarixli 122 nömrəli Qərarı ilə təsdiqlənmiş ARDNŞ-nin struktur bölmələrində işçilərə növbəti əməyin ödənilməsi və ixtisas dərəcələrinin verilməsi haqqında Qaydalar ilə tənzimlənir.

7 Sual 37 Komissiyada biliklər necə yoxlanılır? Cavab: İddiaçının bilikləri bilet vasitəsilə yoxlanılır. Hər ixtisas üzrə 20 bilet olmaqla, sualların biri vəzifə (peşə) təlimatı haqqında, üçü iddiaçının işlədiyi sahə, biri isə sağlamlıq, əməyin mühafizəsi, təhlükəsizlik texnikası və ekologiya haqqında olur. Sual 38 Çalışdığım peşə üzrə sertifikatım varsa, komissiyada iştirak etmədən növbəti ƏÖD-ni ala bilərəm? Cavab: Xeyr. Müvafiq peşə üzrə təhsil sənədinin (sertifikat və s.) olması işçi komissiyada iştirak etmədən ona növbəti ƏÖD-nin verilməsinə əsas vermir. Sual 39 Əgər müəyyən səbəblərdən komissiyanın iclasında iştirak edə bilməsəm növbəti komissiyada necə iştirak edə bilərəm? Cavab: İddiaçı üzrlü səbəbdən iclasda iştirak etmədiyi təqdirdə komissiyanın növbəti iclasında iştirak edə bilər. Üzrsüz səbəbdən iclasda iştirak etməyən iddiaçıların növbəti ƏÖD-nin verilməsi ilə bağlı yenidən müraciətlərinə yalnız iclasın keçirildiyi tarixdən 6 (altı) ay keçdikdən sonra baxıla bilər. Sual 40 Əgər komissiya mənim haqqımda müsbət qərar qəbul etsə, növbəti ƏÖD-nin verilməsi əmri neçə gün müddətində verilməlidir? Cavab: İddiası təmin edilmiş işçinin əmri iclasın keçirildiyi gündən 20 təqvim günündən gec olmayaraq verilməlidir. Əks təqdirdə bu müddət bitdikdən sonra tərtib olunmuş Protokol qüvvədən düşmüş hesab edilir. Sual 41 Mən başqa işə necə keçə bilərəm? Cavab: Müəssisə daxilində başqa işə keçirilmə struktur bölmələrin rəhbərlərinə həvalə edildiyinə görə siz başqa işə keçirilmə ilə bağlı işlədiyiniz müəssisənin rəhbərliyinə və ya ARDNŞ-də ixtisasınız istiqamətində yenidən işə qəbul edilməyiniz ilə bağlı isə mütəmadi olaraq ARDNŞ-nin korporativ internet səhifəsinə ( daxil olaraq müvafiq vakansiyalar haqqında məlumat ala və müraciət edə bilərsiniz. Sual 42 Başqa işə keçirilmə qaydaları necə tənzimlənir?

8 Cavab: Tarif-İxtisas komissiyalarının iclaslarının keçirilmə qaydaları Azərbaycan Respublikası Dövlət Neft Şirkətinin Kadrların İdarə Edilməsi Komitəsinin 20 fevral 2012-ci il tarixli 122 nömrəli Qərarı ilə təsdiqlənmiş ARDNŞ-nin struktur bölmələrində yerdəyişmə haqqında Qaydalar ilə tənzimlənir. Sual 43 Başqa işə keçirmədə kateqoriyanın dəyişilməsinə icazə verilir? Cavab: Başqa işə keçirmədə ali təhsilli və təhsil istiqaməti üzrə fəhlə kateqoriyasında işləyən işçilərin ixtisasına uyğun qulluqçu kateqoriyasına keçirilmə halları istisna olmaqla başqa işə keçirmədə kateqoriyanın (fəhlə kateqoriyasından qulluqçu kateqoriyasına keçmə) dəyişməsinə yol verilmir. Sual 44 Karyeranın İdarə Edilməsi SİSTEMİ nə vaxt başlayır? Cavab: Hər bir struktur bölmə üzrə Karyeranın İdarə Edilməsi sisteminin tətbiqi haqqında kadrlar şöbəsinə, sizin birbaşa rəhbərinizə məlumat verilir və bu haqda elan ARDNŞ-in rəsmi internet səhifəsində qabaqcadan yerləşdirilir Sual 45 Xidməti fəaliyyətin qiymətləndirilməsi zamanı qeydlər bölməsi nə üçün nəzərdə tutulmuşdur? Cavab: Xidməti fəaliyyətin qiymətləndirilməsi zamanı qeydlər bölməsi verdiyiniz hər bir qiyməti əsaslandırmalı və izah etməlidir. Sual 46 KİE vasitəsilə əməyin ödənilməsi dərəcəmi necə artıra bilərəm? Cavab: KİE vasitəsilə əməyin ödənilməsi dərəcənizi artırmaq üçün siz xidməti fəaliyyətin qiymətləndirilməsi zamanı karyeranızı inkişaf etdirmək istəyiniz bildirməli və qiymətləndirmə nəticəsində peşəkarlıq və fərdi göstəricilərindən 60 faizdən yüksək nəticə toplamalısınız. Bundan sonra siz test mərhələsində iştirak iştirak etməli və zəruri balları toplayaraq iddia etdiyiniz vəzifə üzrə ehtiyyat işçi kimi müəyyənləşməlisiniz. Ehtiyyat işçi kimi müəyyənləşdikdən və ştat cədvəlində növbəti əməyin ödənilməsi dərəcəsinin verməsi imkanı olduqda sizin əməyin ödənilməsi dərəcəniz artırılır. Sual 47 Xidməti fəaliyyətin qiymətləndirilməsinin işçi üçün hər hansı bir mənfi nəticələri ola bilərmi?

9 Cavab: Xidməti fəaliyyətin qiymətləndirilməsi nəticəsində əldə olunan məlumatlar işçilərin inkişaf etdirilməsi məqsədini daşıdığından aşağı nəticə toplamış işçilərlə bağlı tənbeh xarakterli tədbirlərin həyata keçirilməsi nəzərdə tutulmur. Sual 48 Xidməti fəaliyyətin qiymətləndirilməsi və karyera seçimləri zamanı hansı vəzifələri seçmək imkanım var? Cavab: Siz yalnız təhsil istiqamətinizə uyğun gələn vəzifələri, staj tələbləri gözlənilməklə seçə bilərsiniz. Sual 49 Müddətli əmək müqaviləsinə xitam necə verilməlidir? Cavab :Müddətli əmək müqaviləsinin müddəti qurtardıqda xitam verilir. Müddətli əmək müqaviləsində göstərilən müddət qurtardıqda əmək münasibətləri davam etdirilərsə və müddət bitdikdən sonrakı bir həftə ərzində tərəflərdən heç biri müqaviləyə xitam verilməsini tələb etmirsə, həmin əmək müqaviləsi əvvəl müəyyən olunmuş müddətə uzadılmış hesab olunur. İşçinin müəyyən üzürlü səbəbdən (xəstələnməsi, ezamiyyətdə, məzuniyyətdə olması, habelə iş yeri və orta əmək haqqı saxlandığı hallarda) iş yerində olmadığı dövrdə müddətli əmək müqaviləsinin müddəti qurtardığı hallarda həmin müqaviləyə işçi işə çıxdıqdan sonra işəgötürənin müəyyən etdiyi gündə, lakin onun işə çıxdığı gündən bir təqvim həftəsi keçməmiş xitam verilə bilər. Sual 50 Əmək kitabçasi itdikdə dublikat necə və kim tərəfindən verilir? Cavab: Əmək kitabçasının itməsi müvafiq orqan tərəfindən təsdiq edildikdən sonra əmək fəaliyyətləri haqqında toplamış arayışlara əsasən axırıncı iş yeri tərəfindən. Sual 51 Əmək məzuniyyəti necə verilməlidir? Cavab: İşçinin birinci iş ili üçün əmək məzuniyyətindən istifadə etmək hüququ əmək müqaviləsinin bağlandığı andan etibarən altı ay işlədikdən sonra əmələ gəlir. İşçiyə altı ay işlədikdən sonra birinci iş ili bitənədək əmək məzuniyyəti ərizəsi əsasında işəgötürənlə razılaşdırıldığı vaxtda verilə bilər.

10 Əmək məzuniyyəti hər il müvafiq iş ili üçün verilir. İş ili işçinin işə götürüldüyü gündən başlanır və növbəti ilin həmin günü başa çatır. Əgər işçinin iş ili onun əmək məzuniyyətinə çıxmaq üçün müraciət etdiyi vaxtda başlanmayıbsa, onda ona əmək məzuniyyəti yalnız iş ili başlanandan sonra verilə bilər. Bir iş ilinə görə yalnız bir əmək məzuniyyəti verilə bilər. Sual 52 Əmək müqaviləsinin bağlandığı vaxt nəzərə alınmadan işin birinci ili üçün əmək məzuniyyətindən hansı işçilərin istifadə etmək hüququ vardır? Cavab: - qadınların hamiləliyə və doğuşa görə sosial məzuniyyətdən bilavasitə əvvəl, yaxud sonra; - on səkkiz yaşına çatmamış işçilərin; - müddətli hərbi xidmətdən buraxıldıqdan 3 ay keçənədək işə götürülən işçilərin; - əsas iş yerində məzuniyyətə çıxan əvəzçilik üzrə işləyənlərin; - hərbi qulluqçu arvadının (ərinin); - təhsil müəssisələrində oxuyan şəxslərin kurs işlərinin və ya imtahanların verildiyi, diplomun müdafiə edildiyi vaxtda; - əlillərin. Sual 53 Məzuniyyət hüququ verən əmək stajı hesablanarkən aşağıdakı hansı dövrlər nəzərə alınmır? Cavab: - işçinin həqiqi hərbi xidmətdə olduğu dövr - qismən ödənişli sosial məzuniyyətin müddəti - ödənişsiz məzuniyyətin müddəti Sual: Məzuniyyət vaxtı üçün orta əmək haqqının hesablanması qaydası və ödənilməsi necə aparılır? Cavab: 1. Məzuniyyət vaxtı üçün ödənilən orta əmək haqqı onun hansı iş ili üçün verilməsindən asılı olmayaraq məzuniyyətin verildiyi aydan əvvəlki 12 təqvim ayının orta əmək haqqına əsasən müəyyən edilir təqvim ayından az işləyib məzuniyyətə çıxan işçinin orta aylıq əmək haqqı onun faktik işlədiyi tam təqvim aylarına əsasən hesablanır. 3. Məzuniyyət günlərinin əmək haqqını müəyyən etməkdən ötrü məzuniyyətdən əvvəlki 12 təqvim ayının əmək haqqının cəmlənmiş məbləğini 12-yə bölməklə orta aylıq əmək haqqının məbləği tapılır və alınan məbləği ayın təqvim günlərinin orta illik miqdarına 30,4-ə bölmək yolu ilə bir günlük əmək haqqının məbləği müəyyən edilir. Bu qayda ilə müəyyən edilmiş bir günlük əmək haqqının məbləği, məzuniyyətin müddətinin təqvim günlərinin sayına vurulur.

11 Sual 54 Uşaqlı qadınlara hansı əlavə məzuniyyətlər verilir? Cavab: Əsas və əlavə məzuniyyətlərin müddətindən asılı olmayaraq, 14 yaşınadək iki uşağı olan qadınlara 2 təqvim günü, bu yaşda üç və daha çox uşağı olan, həmçinin sağlamlıq imkanları məhdud uşağı olan qadınlara isə 5 təqvim günü müddətində əlavə məzuniyyət verilir. Uşaqlarını təkbaşına böyüdən ataların, həmçinin uşaqları övladlığa götürmüş şəxslərin əlavə məzuniyyət hüququ vardır. Əlavə məzuniyyət hüququ müvafiq təqvim ilinin sonunadək uşaqlardan birinin 14 yaşı tamam olduğu hallarda da saxlanılır. Sual 55 İşləyən qadın uşağa qulluq etməyə görə qismən ödənişli məzuniyyət üçün vaxtında müraciət etməmişdirsə, onda onun əvvəlki dövr üçün müavinıti ödənilə bilərmi? Cavab: Müraciətdən asılı olmayaraq ödənilir. Sual 56 İlk dəfə əmək fəaliyyətinə başlayan işçilərə əmək kitabçası hansı müddətdən sonra açılmalıdır? Cavab: 5 gündən sonra Sual 57 Hansı işçilərə attestasiya keçirilmir? Cavab: vətənin müdafiəsi, azadlığı və ərazi bütövlüyü uğrunda hərbi əməliyyatlarda xəsarət (yaralanma, travma, kontuziya) almış və əlil olmuş işçilər;i Azərbaycanın müstəqilliyinin və ərazi bütövlüyünün müdafiəsi zamanı göstərdiyi şücaətlərə görə dövlət təltiflərinə və fəxri adlarına layiq görülmüş işçilər; - bir vəzifədə (peşədə) beş ildən az müddətdə çalışan məcburi köçkün və qaçqın statusu olan işçilər; - hamilə qadınlar; - uşağının üç yaşınadək sosial məzuniyyətdə olan və həmin məzuniyyət bitdikdən sonra bir ildən az müddətdə müvafiq vəzifədə (peşədə) çalışan qadınlar (uşağını təkbaşına böyüdən kişilər); - yaşı 18-dən az olan işçilər; - bir vəzifədə (peşədə) faktik olaraq bir ildən az müddətdə çalışan işçilər; - eyni vəzifədə (peşədə) azı üç dəfə attestasiya olunaraq tutduğu vəzifəyə uyğun olduğu müəyyən edilmiş işçilər.