ADA Universitetində təhsil alan tələbələrin təhsil. haqqının maliyyələşdirilməsi üçün Təhsil krediti

Transkript

1 ADA Universitetində təhsil alan tələbələrin təhsil haqqının maliyyələşdirilməsi üçün Təhsil krediti

2 Ərizəçi (Borcalan) Universitetdə bakalavr və magistr pilləsində təhsilini başlayan və ya təhsilini davam etdirən (cari tarixə minimum 2.5 GPA göstəricisi olan) tələbələr. Kreditin verilməsi tarixinə tələbənin 18 yaşı tamam olmadıqda, Borcalan qismində tələbənin birinci dərəcəli (ata, ana, qardaş, bacı, baba, nənə) və ya digər yaxın (əmi, dayı, bibi, xala) qohumları çıxış edə bilər. Tələbənin iş yeri olmadıqda və ya aylıq gəlirləri kreditin verilməsi üçün kifayət etmədikdə, tələbənin qeyd edilən birinci dərəcəli və digər yaxın qohumu Borcalan, tələbə isə 2-ci Zamin qismində çıxış edir

3 Kreditin məbləği və valyutası Kredit hər müraciətdə yalnız bir semestr üçün verilir. Kreditin məbləği semestr üçün tələbənin ödəməli olduğu təhsil haqqının maksimum 50%-dək hissəsini təşkil edə bilər. Bir semestr üçün: min maks AZN Bir tələbənin bütün təhsili müddətində: min maks AZN

4 İlkin ödəniş şərtləri Borcalan semestr üçün təhsil haqqının ən azı 50% hissəsini ödəyir. Bu məbləğ Bankda Borcalanın adına açılan hesaba mədaxil edilir. Universitet tərəfindən tələbəyə maliyyə dəstəyi təqdim edildikdə, ödənilməli olan təhsil haqqının ən azı 50% hissəsi məbləğində Borcalan ilkin ödəniş etməlidir. Borcalan növbəti semestrda yeni kredit müraciətinin baxılması üçün növbəti semestr üzrə tələb olunan ilkin ödəniş məbləğini Bankda onun adına açılmış və faiz məbləği hesablanmayan hesaba aylıq hissələrlə (ilkin ödəniş / 6 ay) mədaxil etməlidir. Əks halda, Bank növbəti semestrda Borcalana kredit verməkdən imtina hüququnu özündə saxlayır. Borcalan növbəti semestr üçün ilkin ödəniş məbləğini hesaba mədaxil etdiyi halda, hər hansı digər səbəbdən Bank ona növbəti dəfə kredit verməkdən imtina edərsə, toplanmış vəsait sahibinə qaytarılır. Bank növbəti dəfə kredit təqdim etdikdə isə, toplanmış vəsait kredit məbləği ilə birgə Universitetin hesabına köçürülür. Kredit üzrə hər hansı gecikmələr yarandıqda, Bank növbəti semestr üçün toplanan ilkin ödəniş vəsaitindən ödənişi gecikdirilən məbləği akseptsiz qaydada silmək hüququna malikdir

5 Universitet tərəfindən maliyyə dəstəyi Universitetin maliyyə dəstəyi proqramı çərçivəsində tələbəyə ödənişdən tam azad olunduğu semestrlər dövründə kredit verilmir. Universitetin maliyyə dəstəyi proqramı çərçivəsində tələbə ödənişdən qismən azad olunduğu semestrlər dövründə Bank təhsil haqqının tələbə tərəfindən ödəniləcək hissəsinin maksimum 50%-i məbləğində kredit ayırır. Maliyyə dəstəyi barədə məlumat Universitet tərəfindən Banka təqdim edilən müvafiq arayışda əks edilir (ətraflı sənədlər bölməsində)

6 Kreditin faiz dərəcəsi Bank təhsilin maliyyələşdirilməsi işlərini Korporativ Sosial Məsuliyyət siyasətinin tərkib hissəsi hesab edərək güzəştli faiz dərəcələri tətbiq edir. Kredit ilk semestr üçün verildikdə, tələbə TQDK və digər qəbul imtahanı üzrə maksimal faktiki qəbul göstəricisindən ən azı 90% toplayıbsa, digər semestr üçün verildikdə, tələbə cari tarixə ən azı 3.6 GPA göstəricisinə malikdirsə: Kredit yuxarıdakı şərtlərə uyğun olmayan tələbələrin təhsil haqqının ödənişi üçün verildikdə: Təhsil müddətində 5% illik, təhsil müddəti bitdikdən (və ya təhsil dondurulduqdan, təhsildən imtina edildikdən, Universitetdən qovulduqdan) sonra isə 10% illik Təhsil müddətində 7.5% illik, təhsil müddəti bitdikdən (və ya təhsil dondurulduqdan, təhsildən imtina edildikdən, Universitetdən qovulduqdan) sonra isə 15% illik

7 Kreditin faiz dərəcəsi (davamı) Təhsil müddəti bitdikdən 12 ay sonra (və ya tələbə təhsilini dondurduqdan, təhsildən imtina etdikdən, Universitetdən qovulduqdan dərhal sonra), Bank illik əsasda kreditin faiz dərəcəsini birtərəfli qaydada dəyişmək hüququna malikdir. Kreditin faiz dərəcəsi Azərbaycan Respublikası Mərkəzi Bankının kreditin verilməsi tarixindən cari tarixədək olan müddətdə yenidən maliyyələşdirmə (uçot) faiz dərəcəsinin artımı qədər dəyişdirilə bilər. Uçot dərəcəsindən asılı olmayaraq, Azərbaycan manatının sərbəst dönərli valyutaya (o cümlədən, ABŞ Dolları və Avro-ya) görə məzənnəsinin hər 10% həcminədək aşağı düşməsi halında Bank birtərəfli qaydada Kredit üzrə faiz dərəcəsini 2%-dək artırmaq hüququna malikdir

8 Komissiya haqqı və gecikməyə görə cərimələr Komissiyalar: Kreditin baxılması üçün: 0.85% (kredit məbləğinin) Vəsaitin köçürülməsi üçün: 0.15% (bütün məbləğin) Gecikməyə görə cərimələr: Kredit üzrə illik faiz dərəcəsindən əlavə olaraq, hər gecikdirilən gün üçün gecikdirilmiş əsas borc məbləğinin 0.5%-i məbləğində cərimə hesablanır

9 Kreditin müddəti Minimum 6 ay maksimum təhsilin bitməsinə qalan müddət + 60 ay. Bu qaydaya əsasən kreditin müddəti bakalavr təhsili üçün maksimum 10 il, magistr təhsili üçün maksimum 7 il təşkil edə bilər. Kreditin müddəti Ərizəçinin istəyinə və bu məhsulun nəzərdə tutulan digər şərtlərinə əsasən müəyyən edilir. Tələbə təhsilini dondurduqda, təhsildən imtina etdikdə və ya Universitetdən qovulduqda kreditin həmin tarixdən sonrakı qüvvədə olma müddəti 60 ay kimi müəyyən olunur

10 Güzəşt dövrü və ödəniş növü Təhsilin müddəti + 3 ay dövrü. Tələbə özü Borcalan qismində çıxış etdikdə, hərbi xidmət dövründə (müvafiq təsdiqləyici sənədlər təqdim edildikdə) əlavə güzəşt müddəti verilə bilər (kreditin ümumi müddəti uzadılmadan). Güzəşt dövrlərində yalnız hesablanmış faiz məbləğləri aylıq əsasda ödənilir. Güzəşt dövrü Borcalanın istəyinə əsasən təqdim edilir. Təhsil müddəti bitdikdən 3 ay, tələbələr təhsilini dondurduqdan, təhsildən imtina etdikdən və ya Universitetdən qovulduqdan dərhal sonra güzəşt müddəti ləğv olunmuş hesab edilir. Güzəşt müddəti olmadıqda və ya bitdikdə, ödənişlər annuitet qaydasına əsasən (aylıq bərabər hissələrlə) həyata keçirilir

11 Borcalana dair tələblər Vətəndaşlığı: Azərbaycan Respublikasının vətəndaşı olan fiziki şəxs Yaşı: minimum 18, maksimum kreditin son ödəniş gününə 60 yaş Son iş yerində stajı: minimum 6 ay Aylıq gəlirləri: minimum 500 AZN Kredit tarixçəsi: Mərkəzi Kredit Reyestrindən çıxarışa əsasən son 3 il ərzində bütün kreditlər üzrə gecikmə günlərinin cəmi maksimum 30 gün ola bilər Ödəmə qabiliyyəti: Mərkəzi Kredit Reyestrindən çıxarışa və digər məlumat mənbələrinə əsasən Borcalanın aylıq borc yükünün (hazırda müraciət etdiyi kredit üzrə gözlənilən ödənişlər daxil) onun gəlirinə nisbəti (BYG əmsalı) maksimum 50% təşkil edə bilər

12 Kreditin verilməsi Öncə Borcalan tərəfindən ilkin ödəniş məbləği, daha sonra isə Bank tərəfindən kredit məbləği Borcalanın hesabına mədaxil edilir. Bundan sonra Bank bütün məbləği Universitetin təqdim etdiyi hesab-faktura əsasında Universitetin təhsil haqlarının ödənişi üçün müəyyən etdiyi son tarixədək Universitetin müvafiq hesabına köçürür (kredit üçün müraciətin müvafiq vaxtda olmaması halları istisna olmaq şərti ilə)

13 Sığorta tələbi Borcalan PAŞA Həyat Sığorta şirkətində kredit götürülən vaxtı kreditin bütün müddətinə birdəfəlik qaydada və ya 3 illik müddətlərlə ödəniş şərti ilə sığortalanır. Borcalanın ödəyəcəyi sığorta haqqı onun istəyinə əsasən Bank tərəfindən kredit məbləğinin üzərinə əlavə edilə bilər. Ümumi kredit məbləğindən sığorta haqqının məbləği Bank tərəfindən PAŞA Həyat Sığorta şirkətinin hesabına köçürüləcək. Bu halda illik faiz dərəcəsi ümumi kredit məbləğinə (təhsil üçün kredit məbləği + sığorta haqqı cəminə) şamil ediləcək. Sığorta haqqının 3 illik müddətlərlə ödəniş variantı seçildiyi halda, Borcalan növbəti 3 illik ödənişi vaxtında etməzsə, Bank Borcalanın kredit üzrə ödənişlərindən sığorta haqqını akseptsiz qaydada silmək hüququna malikdir. Borcalan tərəfindən Zaminlik tələbi təmin edildikdə (aşağıdakı tələblərə uyğun olan Əsas Zamin olduqda), Borcalan Sığorta tələbindən azad olunur

14 Zaminlik tələbi Kreditin verilməsi üçün bir nəfər Əsas Zamin tələb olunur. Zaminə qarşı tələblər: Əsas Zamin Borcalanın birinci dərəcəli qohumu olmalı deyil. Zaminə qarşı digər tələblər (vətəndaşlıq, qeydiyyat, yaşı, son iş yerində stajı, aylıq gəlirləri, kredit tarixçəsi, cari kredit ödənişlərinin məbləği və s.) Ərizəçiyə olan tələblərlə eynidir. Bir şəxs bu məhsul üzrə ümumilikdə maksimum 4 dəfə zamin ola bilər. Borcalan tərəfindən Sığorta tələbi təmin edildikdə (yuxarıdakı tələblərə uyğun olaraq sığorta olunduqda), Borcalan Əsas Zamin tələbindən azad olunur. Yuxarıda müəyyən edilmiş qaydada tələbə deyil, digər şəxs Borcalan qismində çıxış etdiyi hallarda, Əsas Zaminin olması və ya Borcalanın sığorta olunmasından asılı olmayaraq, tələbə özü 2-ci Zamin qismində çıxış edir

15 Tələb olunan sənədlər Borcalanın və Zamin(lər)in Şəxsiyyət Vəsiqələri Borcalanın və Zaminin aylıq gəlirlərini təsdiq edən iş yerindən arayış formaları. Universitetdən arayış. Arayışda Tələbə haqqında aşağıdakı məlumatlar əks olunmalıdır: daxil olma balı (TQDK və sair imtahanların nəticələri), təhsilin pilləsi (bakalavr / magistr), təhsil aldığı məktəb / istiqamət və ixtisas, təhsilin ümumi müddəti və hazırkı semestr, cari tarixə GPA göstəricisi, imtahanlar üzrə cari tarixə bağlanmış və açıq qalan kəsirlərinin sayı, cari semestr üzrə təhsil haqqının məbləği, Universitet tərəfindən təqdim edilən maliyyə dəstəyinin məbləği, gələcək semestrlər üzrə ödənilməli təhsil haqlarının məbləği və zərurət olduqda digər məlumatlar. Kreditin verilməsi üçün digər şərtlər İlkin ödənişin Borcalanın hesabına mədaxili Universitetdən təhsil haqqının ödənişi üçün hesab-faktura

16 Kreditin baxılması və verilməsi Müraciət edən şəxslərin (Borcalanın və Zaminin) ödəniş qabiliyyəti Bankın daxili qaydalarına əsasən təhlil edilir, müvafiq şərtlərə və tələblərə uyğun gəlmədikdə, Ərizəçiyə kredit verilməsindən imtina edilir. Məhsulun şərtlərinə əsasən Kredit müraciətinə dair yekun qərar Bankın müvafiq Biznes Mərkəzinin rəhbəri tərəfindən qəbul olunur. Kredit müraciətinə bütün tələb olunan sənədlər təqdim edildiyi gündən 3 iş günü ərzində baxılır. Kreditin verilməsi: 1. Qərar müsbət olduqda Bankın Biznes Mərkəzində Kredit və Zaminlik müqavilələri hazırlanır və imzalanır. 2. Borcalan üçün hesab açılır, Borcalan tələb olunan ilkin ödənişi hesaba mədaxil edir. 3. Bank tərəfindən ayrılan kredit məbləği hesaba mədaxil edilir və ümumi vəsait Universitetin müvafiq hesabına köçürülür

17 ƏLAQƏ Tel: ( ) Fax: ( ) Web-site: İş saatı: Bazar ertəsi cümə: saat 9:00-18:00 Şənbə, bazar: istirahət günləri