DÖVLƏT ORQANLARI TƏRƏFİNDƏN HƏYATA KEÇİRİLƏN XİDMƏTLƏRİN ELEKTRON REYESTRİ İNFORMASİYA SİSTEMİNDƏN İSTİFADƏ ÜZRƏ METODİKİ TÖVSİYƏLƏR

Transkript

1 DÖVLƏT ORQANLARI TƏRƏFİNDƏN HƏYATA KEÇİRİLƏN XİDMƏTLƏRİN ELEKTRON REYESTRİ İNFORMASİYA SİSTEMİNDƏN İSTİFADƏ ÜZRƏ METODİKİ TÖVSİYƏLƏR

2 Mündəricat Giriş Ümumi müddəalar Elektron Reyestrin informasiya sisteminə daxil olma... 7 Şəkil 1. Asan İmza ilə giriş... 7 Şəkil 2. Elektron imza ilə giriş... 7 Şəkil 3. Möhür vurma səlahiyyəti olan Elektron imza (Asan İmza) sahibi tərəfindən sistemdən istifadə edəcək məsul şəxs(lər)in qeydiyyatının aparılması... 8 Şəkil 4. Asan İmza ilə daxil olduqda telefon və İD nömrəsinin əlavə edilməsi... 8 Şəkil 5. Asan imza ilə daxil olduqda bildirişin təsdiqlənməsi zamanı gözləmə səhifəsi 9 Şəkil 6. Elektron imza ilə daxil olduqda Elektron imza sertifikatının seçilərək təsdiqlənməsi... 9 Şəkil 7. Elektron imza kartının nömrəsinin (PİN kodunun) daxil edilərək təsdiqlənməsi Şəkil 8. Möhür vurma səlahiyyəti olan şəxs tərəfindən sistemdən istifadə edəcək məsul şəxs(lər)in əlavə edilməsi Şəkil 9. Asan imza ilə daxil olan məsul şəxs(lər)in əlavə edilməsi Şəkil 10. Elektron imza ilə daxil olan məsul şəxs(lər)in əlavə edilməsi Şəkil 11. Məsul şəxs(lər)ə sistemdən istifadəyə səlahiyyətin verilməsi və ya onun xitam edilməsi Şəkil 12. Ümumi məlumat mübadiləsinin (yazışmanın) aparılması üçün onlayn əlaqə vasitəsi Elektron Reyestrə xidmətlər barədə məlumatların daxil edilməsi Şəkil 13. Dövlət orqanları tərəfindən həyata keçirilən xidmətlərin qeydiyyatı Şəkil 14. Yeni xidmətin əlavə edilməsi Şəkil 15. Dövlət orqanı Şəkil 16. Xidmətin adı Şəkil 17. Xidmətin aid olduğu təsnifat Şəkil 18. Xidmətin növü Şəkil 20. Xidmətin məzmunu Şəkil 21. Xidməti həyata keçirən dövlət orqanının struktur bölməsinin adı

3 Şəkil 22. Xidmətin icrasında iştirak edən dövlət orqanının və (və ya) onun struktur bölməsinin adı Şəkil 23. Xidmətin hüquqi əsası Şəkil 24. Xidmətin həyata keçirilmə formaları Şəkil 25. Xidmətin həyata keçirilməsi və nəticəsi proseduru barədə məlumatlandırma forması Şəkil 26. Xidmətin həyata keçirilməsi üçün tələb olunan sənədlər və onların təqdimedilmə forması Şəkil 27. Xidmətin həyata keçirilməsi üçün doldurulması tələb olunan müvafiq sənədlərin (ərizə, blank və s.) nümunələri Şəkil 28. Xidmətin həyata keçirilməsinin nəticəsi Şəkil 29. Xidmət istifadəçisi barədə məlumat Şəkil 30. Xidmətin həyata keçirilmə müddəti, ödənişin məbləği, ödənilmə üsulları Şəkil 31. Xidmətin göstərilməsi üçün tələb olunan minimal vaxt Şəkil 32. Xidmətin həyata keçirilməsi üçün müraciətlərin qəbulunun vaxtı və müddəti Şəkil 33. Xidmətin göstərilmə yeri Şəkil 34. Xidmətin elektron ünvanı Şəkil 35. Xidmətin həyata keçirilməsinin dayandırılması və ya ondan imtina edilməsinin hüquqi əsasları Şəkil 36. Xidmətin həyata keçirilməsi üçün inzibati prosedurlar Şəkil 37. Müraciət (şikayət) forması Şəkil 38. Xidmətlərdən istifadə zamanı yaranan mübahisələrin məhkəməyəqədər (məhkəmədənkənar) həlli imkanları barədə məlumatlar Şəkil 39. Xidmətin həyata keçirilməsində istifadə edilən informasiya sistemi və ehtiyatları Şəkil 40. Xidmətin həyata keçirilməsində istifadə edilən fərdi məlumatların informasiya sistemləri Şəkil 41. Xidmətin elektronlaşma səviyyəsi Şəkil 42. Elektron xidmətin avtomatlaşdırılma səviyyəsi Şəkil 43. Xidmətlərdən istifadə edilməsi barədə statistik məlumatlar Şəkil 44. Xidmətdə dəyişikliklər edilməsinin və xidmətin ləğv olunmasının hüquqi əsası və tarixi Şəkil 45. Xidmətə dair məlumatların dəqiqləşdirilməsi və yekun olaraq təsdiqlənməsi Şəkil 46. Hər bir xidmət barədə ayrıca məlumat mübadiləsinin (yazışmanın) aparılması üçün onlayn əlaqə vasitəsi

4 4. Elektron Reyestrə xidmət göstərən dövlət orqanı barədə məlumatların daxil edilməsi.. 35 Şəkil 47. Dövlət orqanı barədə məlumat Şəkil 49. Təsnifat/Qurum adı Şəkil 50. Qurum/Bölmə adı Şəkil 51. VÖEN (vergi ödəyicisiinin eyniləşdirmə nömrəsi) Şəkil 52. Ünvan (poçt və yerləşdiyi ünvan) Şəkil 53. Telefon nömrəsi Şəkil 54. Faks nömrəsi Şəkil 55. E-poçt ünvanı Şəkil 56. Rəsmi internet informasiya ehtiyatının ünvanı Şəkil 57. İş qrafiki və orqan tərəfindən zəruri hesab edilən digər məlumatlar Şəkil 58. Xidmət göstərən dövlət orqanının ödəmə rekvizitləri Elektron Reyestrdə dəyişikliklərin edilməsi və ya oradan məlumatların çıxarılması üçün bildirişin göndərilməsi Şəkil 59. Elektron Reyestrdə dəyişikliklərin edilməsi və ya oradan məlumatların çıxarılması üçün bildirişin göndərilməsi Şəkil 60. Anketlərdə olan hər bir məlumat üzrə yeni mətnin daxil edilməsi

5 Giriş Dövlət orqanları tərəfindən həyata keçirilən xidmətlərin Elektron Reyestri (bundan sonra - Elektron Reyestr) dövlət orqanları tərəfindən həyata keçirilən xidmətlər (bundan sonra xidmətlər) haqqında məlumatların vahid mənbədə toplanması və sistemləşdirilməsi, xidmətlərin göstərilməsində təkrarlığın aradan qaldırılması və yeni növ xidmətlərin yaradılması yolu ilə bu sahədə idarəetmənin çevikliyinin təmin edilməsi, xidmətlər üzrə təhlil və proqnozlaşdırma imkanlarının artırılması məqsədi ilə "Dövlət orqanları tərəfindən həyata keçirilən xidmətlərin Elektron Reyestrinin yaradılması ilə bağlı tədbirlər haqqında" Azərbaycan Respublikası Prezidentinin 2014-cü il 11 sentyabr tarixli 262 nömrəli Fərmanına əsasən yaradılmışdır. Həmin Fərmanın 4.2-ci bəndinin icrasını təmin etmək üçün Azərbaycan Respublikası Nazirlər Kabinetinin 2015-ci il 9 fevral tarixli 32 nömrəli qərarı ilə Dövlət orqanları tərəfindən həyata keçirilən xidmətlərin Elektron Reyestrinin aparılması Qaydaları (bundan sonra - Qaydalar) təsdiq edilmişdir. Qaydalara əsasən Elektron Reyestrin formalaşdırılmasını, aparılmasını, istifadəsini, mühafizəsini və bu istiqamətdə əlaqələndirməni təmin edən səlahiyyətli orqan Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyidir (bundan sonra Reyestrin operatoru). Elektron Reyestrin aparılması üçün xidmət göstərən dövlət orqanları ilə qarşılıqlı informasiya mübadiləsi informasiya sisteminin istifadəçi interfeysi vasitəsilə təmin edilir. Qaydaların 4.3-cü bəndinə əsasən Elektron Reyestrin elektron anketlərinin doldurulması Reyestrin operatorunun metodiki tövsiyələrinə uyğun həyata keçirilir. 1. Ümumi müddəalar 1.1. Dövlət orqanının məsul şəxsi xidmətlər barədə məlumatları müəyyən edərək Elektron Reyestrin elektron anketlərinə (bundan sonra - anket) doldurmalı və elektron imza ilə təsdiq etməlidir. Məsul şəxslər Elektron Reyestrə daxil edilmiş məlumatların tamlığını və düzgünlüyünü mütəmadi yoxlamalıdır Qaydaların ci yarımbəndinə əsasən dövlət xidmətinə verilən anlayışa (dövlət xidməti - dövlət orqanları tərəfindən səlahiyyətlərinin icrası zamanı göstərilən və müvafiq hüquqi nəticənin yaranmasına səbəb olan hərəkətlərin həyata keçirilməsi) uyğun gəlməyən xidmətlər Elektron Reyestrə daxil edilmir Xidmətin həyata keçirilməsi və nəticəsi proseduru barədə hər hansı bir məlumatın verilməsi ayrıca xidmət kimi Elektron Reyestrə daxil edilmir. Xidmətin həyata keçirilməsi və nəticəsi proseduru barədə məlumatlandırma hər bir xidmət üzrə Elektron Reyestrin müvafiq anketinə daxil edilir Hər hansı bir xidmətin həyata keçirilməsi və nəticəsi proseduru barədə məlumatlandırma ilə əlaqədar olmayan, dövlət orqanının səlahiyyətinin icrası ilə bağlı olan və müvafiq hüquqi nəticənin yaranmasına səbəb olan məlumatın verilməsi İnformativ xidmət adlı əsas xidmətin alt xidməti kimi Elektron Reyestrə daxil edilə bilər Dövlət orqanının işə qəbul olunma ilə əlaqədar xidməti Vakant olan vəzifələr (yerlər) ilə bağlı işə qəbulun həyata keçirilməsi adlı əsas xidmət kimi Elektron Reyestrə daxil edilə bilər. 5

6 1.6. Anketlərə daxil edilən məlumatlar lakonik formada, normaların ziddiyyətli təfsirini istisna edən sadə və aydın dildə, Azərbaycan ədəbi dilinin və hüquq terminologiyasının rəsmiişgüzar üslubuna əməl etməklə tərtib edilir Anketlərə daxil edilən məlumatların terminologiyası aydın anlaşılan sözlərdən və söz birləşmələrindən istifadə etməklə formalaşdırılmalıdır. Terminlər bir mənada işlədilməli və vahid formaya malik olmalıdır. İstifadə edilən terminlərin və onların tərifinin dəqiqləşdirilməsi zərurəti olduqda onların mənasını izah edən qeyd (hissə, bənd) yerləşdirilə bilər Anketlərə daxil edilən məlumatın mətnində aşağıdakıların ifadə edilməsinə yol verilmir: loru dili, Azərbaycan dilinin dialektləri və danışıq nitqinin ekspressiv formaları; eyni mənada müxtəlif anlayışlar (terminlər); Azərbaycan dilində eynimənalı sözlər və terminlər olduqda başqa dillərdən alınma sözlər; anlaşılmaz söz birləşmələri, ümumiləşdirilmiş düşüncələr, çağırışlar, bədii müqayisələr, epitetlər, metaforalar; abreviaturalar (məlum olanlar və mətndə açıqlanması verilənlər istisna olmaqla) Anketlərə daxil edilən məlumatlarda hüquqi aktın müddəalarında qeyd edilən hallar istisna olmaqla qeyri-müəyyən ifadələrdən istifadə olunmamalıdır: Məsələn: orqan edə bilər, bir qayda olaraq, müstəsna hallarda yol verilir, orqan öz səlahiyyətləri daxilində, zərurət olduqda Dövlət orqanlarının anketlərə daxil edilən adları onların əsasnamələrinə (nizamnamələrinə), yaradılması, adlandırılması və adlarının dəyişdirilməsi haqqında hüquqi aktlara tam uyğun olaraq göstərilməlidir. Anketlərdə dövlət orqanlarının adları tam və adlarında köməkçi sözlərdən başqa bütün sözlərin və onların tərkibinə daxil olan xüsusi isimlərin baş hərfi böyük yazılmalıdır: Məsələn: Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi, Azərbaycan Respublikasının Ədliyyə Nazirliyi və s Anketlərdə dövlət orqanlarının struktur bölmələrinin və onların tərkibindəki ayrı-ayrı struktur vahidlərinin adının baş hərfi böyük, digər hərfləri kiçik yazılmalıdır: Məsələn: Azərbaycan Respublikası Dövlət Statistika Komitəsinin Aparatının Əmək statistikası şöbəsi, Azərbaycan Respublikasının Ədliyyə Nazirliyi Bakı şəhəri Yasamal rayon qeydiyyat şöbəsi Anketlərdə rayon (şəhər) icra hakimiyyəti orqanlarının adlarında bütün sözlərin baş hərfi böyük yazılmalıdır: Məsələn: Bakı Şəhər İcra Hakimiyyəti, Binəqədi Rayon İcra Hakimiyyəti və s Anketlərdə başlanğıc hərflərindən yaradılmış mürəkkəb ixtisar adlardan mümkün qədər az istifadə olunmalıdır: Məsələn: Daxili İşlər Nazirliyi - DİN Anketlərdə hər abzas tire (-) işarəsi ilə başlamalı, abzasın birinci hərfi böyük hərflə yazılmalı, durğu işarələrinin istifadəsinə diqqət yetirilməli, sətirlər və hərflər arasında artıq boşluqlar buraxılmamalıdır Anketlərdə nömrələr ərəb rəqəmləri ilə yazılmalı, nömrə anlayışı işarəsi və ya nömrə (nömrəli) sözü ilə ifadə olunmalıdır. 6

7 2. Elektron Reyestrin informasiya sisteminə daxil olma 2.1. Elektron Reyestrə xidmətlər haqqında müvafiq məlumatlar Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin elektron informasiya sisteminə girməklə daxil edilir. Elektron informasiya sistemindən istifadə etmək üçün internet ünvanına daxil olaraq aşağıdakı şəkillərdə əks olunmuş autentifikasiya vasitələrinin birindən istifadə etməklə sistemə daxil olmaq mümkündür. Elektron informasiya sisteminə ilk dəfə giriş Möhür vurma səlahiyyəti olan Elektron imza (Asan İmza) sahibi tərəfindən həyata keçirilir. Şəkil 1. Asan İmza ilə giriş Şəkil 2. Elektron imza ilə giriş 7

8 2.2. Möhür vurma səlahiyyəti olan Elektron imza (Asan İmza) sahibi tərəfindən sistemdən istifadə edəcək məsul şəxs(lər)in qeydiyyatının aparılması üçün Sistemlə işləyəcək məsul əməkdaşların qeydiyyatı bölməsi seçilir. Şəkil 3. Möhür vurma səlahiyyəti olan Elektron imza (Asan İmza) sahibi tərəfindən sistemdən istifadə edəcək məsul şəxs(lər)in qeydiyyatının aparılması 2.3. Elektron informasiya sisteminə Asan İmza ilə daxil olmaq üçün imza istifadəçisinin telefon nömrəsi və İD nömrəsi (Asan İmza Sertifikatının aktivləşdirilməsi üçün nömrə) müvafiq sahələrə əlavə edilir. Şəkil 4. Asan İmza ilə daxil olduqda telefon və İD nömrəsinin əlavə edilməsi 8

9 2.4. Elektron informasiya sisteminə Asan İmza ilə daxil olduqda gözləmə səhifəsi açılır və bu zaman imza sahibinin telefon nömrəsinə gələn bildirişə telefon kartının PIN kodu qeyd olunaraq təsdiq edildikdə istifadəçi Elektron informasiya sisteminə daxil olur. Şəkil 5. Asan imza ilə daxil olduqda bildirişin təsdiqlənməsi zamanı gözləmə səhifəsi 2.5. Elektron informasiya sisteminə Elektron imza ilə daxil olduqda açılan pəncərədən uyğun Elektron imza sertifikatı seçilərək OK bölməsi sıxılmaqla təsdiqlənir. Bundan sonra açılan pəncərədə Elektron imza kartının nömrəsi (PİN kodu) daxil edilərək Login bölməsi sıxılmaqla təsdiqlənir. Şəkil 6. Elektron imza ilə daxil olduqda Elektron imza sertifikatının seçilərək təsdiqlənməsi 9

10 Şəkil 7. Elektron imza kartının nömrəsinin (PİN kodunun) daxil edilərək təsdiqlənməsi 2.6. Möhür vurma səlahiyyəti olan Elektron imza (Asan İmza) sahibi məsul şəxs(lər)in sistemdən istifadə edə bilməsi üçün Yeni istifadəçi bölməsini sıxmaqla məsul şəxs(lər)i Elektron informasiya sisteminə daxil edir. Şəkil 8. Möhür vurma səlahiyyəti olan şəxs tərəfindən sistemdən istifadə edəcək məsul şəxs(lər)in əlavə edilməsi 2.7. Möhür vurma səlahiyyəti olan şəxs tərəfindən Asan İmzası olan məsul şəxs(lər)in telefon nömrəsi və fərdi identifikasiya nömrəsi (FİN - vətəndaşın şəxsiyyət vəsiqəsinin aşağı sağ küncündə yerləşən, son simvol nəzərə alınmadan əvvəlki 7 simvoldan ibarət kod), Elektron imzası olan məsul şəxs(lər)in isə fərdi identifikasiya nömrəsi və Elektron imza kartının nömrəsi müvafiq sahələrə daxil edilir və Yoxla bölməsi sıxılır (məlumatlar düzgün daxil edildikdə sistem tərəfindən məsul 10

11 şəxs(lər)in fərdi məlumatları və şəkli avtomatlaşdırılmış qaydada görünür), həmçinin məsul şəxs(lər)ə sistemdən istifadə etməsi üçün müvafiq səlahiyyətlər (Redaktə etmək, Silmək, Təsdiq etmək, Yeni yazı daxil etmək və s.) verilərək təsdiqlənir. Şəkil 9. Asan imza ilə daxil olan məsul şəxs(lər)in əlavə edilməsi Şəkil 10. Elektron imza ilə daxil olan məsul şəxs(lər)in əlavə edilməsi 2.8. Möhür vurma səlahiyyəti olan şəxs aşağıdakı şəkildə qeyd edilən bölmələri sıxmaqla məsul şəxs(lər)ə Elektron informasiya sistemindən istifadəyə dair səlahiyyət verir və ya onun xitam edir. 11

12 Şəkil 11. Məsul şəxs(lər)ə sistemdən istifadəyə səlahiyyətin verilməsi və ya onun xitam edilməsi 2.9. İnformasiya sistemindən istifadə ilə bağlı ümumi məlumat mübadiləsi və sualların cavablandırılması onlayn əlaqə vasitəsi ilə həyata keçirilir. Bu zaman suallar aidiyyəti üzrə (hüquqi, texniki və ya elektronlaşdırmaya aid məsələlər) müvafiq bölmələr seçilərək verilir. Şəkil 12. Ümumi məlumat mübadiləsinin (yazışmanın) aparılması üçün onlayn əlaqə vasitəsi 12

13 3. Elektron Reyestrə xidmətlər barədə məlumatların daxil edilməsi 3.1. İnternet ünvanına daxil olduqdan sonra xidmətlər haqqında məlumatların Elektron Reyestrə yerləşdirilməsi üçün aşağıdakı şəkildə əks olunmuş Xidmətlərin qeydiyyatı bölməsi seçilir. Şəkil 13. Dövlət orqanları tərəfindən həyata keçirilən xidmətlərin qeydiyyatı 3.2. Açılmış yeni səhifədə Yeni xidmət bölməsi seçilərək xidmətlər barədə məlumatlar aidiyyəti üzrə anketlərə daxil edilir. Şəkil 14. Yeni xidmətin əlavə edilməsi 13

14 3.3. Dövlət orqanı - bu anketdə informasiya sisteminə daxil olan hər bir dövlət orqanı barədə məlumat avtomatlaşdırılmış qaydada sistem tərəfindən müəyyən ediləcək. - Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi; - Azərbaycan Respublikasının Ədliyyə Nazirliyi. Şəkil 15. Dövlət orqanı 3.4. Xidmətin adı - bu anketdə qanunvericiliyə uyğun olaraq həyata keçirilən xidmətin tam adı göstərilməlidir. - Nikahın qeydiyyatı; - Tütün məmulatlarının satışına xüsusi razılıq (lisenziya) verilməsi. Şəkil 16. Xidmətin adı 3.5. Xidmətin aid olduğu təsnifat bu anketdə xidmətlər aid olduğu və aşağıda qeyd edilən sahələr üzrə təsnifləşdirilir: Hüquq və inzibati idarəetmə üzrə sahələr: - Vətəndaşlıq, qeydiyyat və miqrasiya; 14

15 - Dövlət tənzimlənməsi və nəzarəti; - Asayişin və hüquqların mühafizəsi; - Ədalət mühakiməsi, cinayət və icra (cəzaların icrası); - Notariat fəaliyyəti; - Dövlət qulluğu; - Arxiv işi; - Hüquqi xidmətlər Təhlükəsizlik və müdafiə üzrə sahələr: - Milli təhlükəsizlik; - Müdafiə; - Fövqəladə hallar Sosial sahələr: - Sosial müdafiə və sosial təminat (sığorta); - Əmək və məşğulluq; - Səhiyyə və tibb; - Ailə, qadın və uşaq; - İdman və bədən tərbiyəsi; - Mənzil və kommunal təsərrüfatı İqtisadiyyat üzrə sahələr: - İqtisadiyyat (sənaye və texnologiya, istehsalat və ticarət); - Vergilər; - Gömrük; - Maliyyə və kredit; - Statistika; - Nəqliyyat və yol təsərrüfatı; - Kənd təsərrüfatı və aqrar-sənaye; - Sahibkarlıq və biznes fəaliyyəti; - Qiymətli kağızlar; - Rabitə, kommunikasiya və informasiya texnologiyaları; - Daşınmaz əmlak və mülkiyyət; - Şəhərsalma, arxitektura və tikinti Energetika və ekologiya üzrə sahələr: - Energetika; - Ekologiya, ətraf mühitdən istifadə və təbii sərvətlər; - Kartoqrafiya-geodeziya və hidrometeorologiya Elm və mədəniyyət üzrə sahələr: - Elm; - Təhsil; - Standartlaşdırma, metrologiya və patent; - Din; - Mədəniyyət və incəsənət; - KİV və reklam Xarici siyasət və beynəlxalq fəaliyyət üzrə sahələr: - Xarici siyasət və beynəlxalq fəaliyyət Digər (bu sahə yuxarıda qeyd edilən səhələrin heç birinə aid olmayan xidmətlər olduqda seçilir). 15

16 Şəkil 17. Xidmətin aid olduğu təsnifat 3.6. Xidmətin növü - bu anketdə xidmətlərin qruplaşdırılması və hər bir xidmət üzrə ətraflı təhlilin aparılması üçün xidmətlər əsas və alt xidmətlərə bölünür. Alt xidmət seçildikdə əsas və alt xidmətin adı qeyd edilir. - ümumvətəndaş pasportunun verilməsi əsas xidmət kimi, ümumvətəndaş pasportunun dəyişdirilməsi, ümumvətəndaş pasportunun 15 yaşı tamam olmamış vətəndaşa verilməsi və s. alt xidmətlər kimi qeyd olunur. Şəkil 18. Xidmətin növü 16

17 Şəkil 19. Alt xidmətin adı 3.7. Xidmətin məzmunu - bu anketdə xidmət və onun tətbiq sahəsi haqqında qısa məlumat qeyd edilir: - Azərbaycan Respublikası vətəndaşına şəxsiyyətini təsdiq edən sənədin verilməsi; - Dövlət orqanları tərəfindən elektron qaydada təqdim edilən informasiya sistemləri, informasiya ehtiyatları və elektron xidmətlərlə bağlı layihələrə (təkliflərə) onların texniki və səmərəliliyi baxımından məqsədəuyğunluğu barədə rəy verilməsi. Şəkil 20. Xidmətin məzmunu 3.8. Xidməti həyata keçirən dövlət orqanının struktur bölməsinin adı - bu anketdə qanunvericiliyə uyğun olaraq xidməti həyata keçirən dövlət orqanının struktur bölməsinin tam adı yazılır. - Elektron xidmətlərin inkişafı və sosial innovasiyalar şöbəsi; - Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Sosial Təminat Xidməti; - Azərbaycan Respublikası Ədliyyə Nazirliyinin rayon, şəhər qeydiyyat şöbələri; 17

18 - Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və bölmələri. Şəkil 21. Xidməti həyata keçirən dövlət orqanının struktur bölməsinin adı 3.9. Xidmətin icrasında iştirak edən dövlət orqanının və (və ya) onun struktur bölməsinin adı - bu anketdə qanunvericiliyə uyğun olaraq xidməti həyata keçirən dövlət orqanı ilə yanaşı digər icraçı dövlət orqanı varsa onun tam adı yazılır. Əgər belə bir orqan yoxdursa Yoxdur yazılır. - Dövlət Miqrasiya Xidmətinin həyata keçirdiyi Müvəqqəti yaşamaq üçün icazənin verilməsi xidməti üzrə - Azərbaycan Respublikasının Milli Təhlükəsizlik Nazirliyi. Şəkil 22. Xidmətin icrasında iştirak edən dövlət orqanının və (və ya) onun struktur bölməsinin adı Xidmətin hüquqi əsası - bu anketdə qanunvericiliyə uyğun olaraq xidmətin göstərilməsini tənzimləyən hüquqi akt(lar)ın (konkret bəndləri göstərməklə) siyahısı qeyd edilir. 18

19 - Azərbaycan Respublikası Prezidentinin 2012-ci il 5 sentyabr tarixli 706 nömrəli Fərmanı ilə təsdiq edilmiş ASAN xidmət mərkəzlərinin fəaliyyətinin təşkili və xidmətlərin göstərilməsi Qaydaları nın 4.4-cü bəndi və ci yarımbəndi; - Pasportlar haqqında Azərbaycan Respublikası Qanununun 5-ci maddəsinin 1-ci hissəsi. Şəkil 23. Xidmətin hüquqi əsası Xidmətin həyata keçirilmə formaları - bu anketdə xidmətin elektron və (və ya) kağız daşıyıcılarda həyata keçirilməsi qeyd edilir. - Elektron; - Kağız daşıyıcılarda; - Elektron və Kağız daşıyıcılarda. Şəkil 24. Xidmətin həyata keçirilmə formaları Xidmətin həyata keçirilməsi və nəticəsi proseduru barədə məlumatlandırma forması - bu anketdə xidmət istifadəçiləri tərəfindən xidmətin həyata keçirilməsi və onun nəticəsi proseduru barədə məlumatın hansı formada alınması qeyd edilir. - Rəsmi internet saytı vasitəsi ilə; 19

20 - SMS vasitəsi ilə; - Telefon vasitəsi ilə; - Elektron poçt ünvanı vasitəsi ilə və s. Şəkil 25. Xidmətin həyata keçirilməsi və nəticəsi proseduru barədə məlumatlandırma forması Xidmətin həyata keçirilməsi üçün tələb olunan sənədlər və onların təqdimedilmə forması - bu anketdə qanunvericiliyə uyğun olaraq xidmətin həyata keçirilməsi üçün dövlət orqanına təqdim edilməli olan sənədlər və onların hansı formada təqdim edilməli olduğu qeyd edilir. - Xidmətin həyata keçirilməsi üçün aşağıdakı sənədlər kağız daşıyıcılarda və ya skan edilərək elektron formada təqdim edilir: - ərizə-anket; - pasportun və ya digər sərhədkeçmə sənədinin surəti (pasportun və ya digər sənədin etibarlılıq müddəti verilməsi nəzərdə tutulan müvəqqəti yaşama icazəsinin müddətinin bitməsi tarixindən azı 3 ay artıq olmalıdır); - doğum haqqında şəhadətnamənin və ya ona bərabər tutulan digər sənədin notariat qaydasında təsdiq olunmuş surəti (pasportu olmayan 18 yaşına çatmayan şəxslər üçün); - müvəqqəti yaşamaq üçün icazənin verilməsinə əsas olan halların mövcudluğunu notariat qaydasında və ya ona bərabər tutulan qaydada təsdiq edən sənəd; - Azərbaycan Respublikasının Nazirlər Kabineti tərəfindən təsdiq edilmiş yoluxucu xəstəliklərin (insanın immunçatışmazlığı virusu infeksiyası, hepatit B və C virusları) daşıyıcısı olmaması haqqında tibbi arayış; - Azərbaycan Respublikasının ərazisində müvəqqəti olma və ya müvəqqəti yaşama hüququ verən sənədin surəti; - iqtisadiyyat, sənaye, müdafiə, elm, mədəniyyət, idman və digər sahələr üzrə yüksək səviyyəli mütəxəssis olan əcnəbiləri və vətəndaşlığı olmayan şəxsləri Azərbaycan Respublikasına dəvət edən idarə, müəssisə və təşkilatın əsaslandırılmış vəsatəti; - 3,5x4,5 sm ölçüdə iki ədəd fotoşəkil; 20

21 - qeydiyyata alınacağı yaşayış sahəsinin sənədi (mülkiyyət hüququnun dövlət qeydiyyatına alınması haqqında daşınmaz əmlakın dövlət reyestrindən çıxarış, order, icarə (kirayə) müqaviləsi və ya Azərbaycan Respublikasının qanunvericiliyində nəzərdə tutulmuş digər sənəd); - əcnəbiyə və ya vətəndaşlığı olmayan şəxsə yaşayış sahəsi verən şəxsin ərizəsi (əcnəbinin və ya vətəndaşlığı olmayan şəxsin mülkiyyətində yaşayış sahəsinin olduğu hallar istisna olmaqla); - əcnəbiyə və ya vətəndaşlığı olmayan şəxsə yaşayış sahəsi verən şəxsin şəxsiyyətini təsdiq edən sənədinin surəti (əcnəbinin və ya vətəndaşlığı olmayan şəxsin mülkiyyətində yaşayış sahəsinin olduğu hallar istisna olmaqla); - dövlət rüsumunun ödənilməsi barədə sənəd (dövlət rüsumunun ödənilməsi barədə sənəd Azərbaycan Respublikasının ərazisində müvəqqəti yaşamaq üçün icazə vəsiqəsi əcnəbilərə və vətəndaşlığı olmayan şəxslərə təqdim edildiyi zaman verilir). Şəkil 26. Xidmətin həyata keçirilməsi üçün tələb olunan sənədlər və onların təqdimedilmə forması Xidmətin həyata keçirilməsi üçün doldurulması tələb olunan müvafiq sənədlərin (ərizə, blank və s.) nümunələri - bu anketdə qanunvericiliyə uyğun olaraq xidmətin həyata keçirilməsi üçün tələb olunan sənədlərin nümunələri qeyd edilir və sistemə yüklənilir. 21

22 Şəkil 27. Xidmətin həyata keçirilməsi üçün doldurulması tələb olunan müvafiq sənədlərin (ərizə, blank və s.) nümunələri Xidmətin həyata keçirilməsinin nəticəsi - bu anketdə qanunvericiliyə uyğun olaraq xidmətin həyata keçirilməsi nəticəsi kimi xidmət üçün müraciət etmiş xidmət istifadəçisinə maddi (hər hansı bir sənəd) və qeyri-maddi (hər hansı hüquq, məlumat və ya izah) nemətlər verilməklə müvafiq hüquqi nəticənin yaranmasına səbəb olan məlumat əks etdirilir. - Şəxsiyyət vəsiqəsi; - Ümumvətəndaş pasportu; - Xidməti pasport; - Tütün məmulatlarının pərakəndə satışına xüsusi razılıq (lisenziya); - Məhkumluq barədə arayış; 22

23 - Qəyyumluqda və himayədə olanlarım əmlakı barədə rəy; - Sənədin notarial qaydada təsdiqlənməsi; - Qiymətli kağızların öhdəliklərdən azad edilməsi barədə girovsaxlayana məlumat verilir; - Doğum haqqında şəhadətnamə; - Nikah haqqında şəhadətnamə; - Yenidənqurma və yenidən planlaşdırma işlərinə icazə sənədi; - Fəaliyyət qabiliyyətli fiziki şəxslər üzərində patronaj təyin edilməsi Sərəncamı; - Təsərrüfat (iqtisadi) fəaliyyətlərinin həyata keçirilməsi ilə əlaqədar dövlət ekoloji ekspertiza rəyi və s. Şəkil 28. Xidmətin həyata keçirilməsinin nəticəsi Xidmət istifadəçisi barədə məlumat - bu anketdə qanunvericiliyə uyğun olaraq xidmət üçün müraciət etmək hüququ olan şəxs (şəxslər) qeyd edilir. - fiziki şəxslər; - hüquqi şəxslər; - dövlət orqanları; - yerli özünüidarəetmə orqanları. Şəkil 29. Xidmət istifadəçisi barədə məlumat 23

24 3.17. Xidmətin həyata keçirilməsi müddəti, ödənişin məbləği, ödənilmə üsulları (rüsum və xidmət haqqları ayrılıqda) və hüquqi əsası - bu anketdə qanunvericiliyə uyğun olaraq xidmətin həyata keçirilməsinin müddəti, həmçinin ödənişli xidmətin məbləği, ödənilmə üsulları (rüsum və xidmət haqqları ayrılıqda) və hüquqi əsası qeyd edilir. Əgər xidmətin göstərilməsi əvəzi olaraq hər hansı ödəniş tələb edilmirsə həmin qrafa boş buraxılır. - 1 iş günü; - 1 ay; - Dərhal; - Xidmətin icra müddəti sorğunun informasiya sistemində emalı müddətinə bərabərdir Xidmət ödənişlidirsə odənişin məbləği, hüquqi əsası və ödənilmə üsulları qeyd edilir: - 5 iş günü 20 manat Dövlət rüsumu haqqında Azərbaycan Respublikası Qanununun ci maddəsi; - 6 ayadək 60 manat Dövlət rüsumu haqqında Azərbaycan Respublikası Qanununun ci maddəsi; - Ödənilmə üsulları: online ödəniş, nağd ödəniş, bank vasitəsilə ödəniş, xüsusi ödəmə terminalları vasitəsi ilə ödəniş və s. Şəkil 30. Xidmətin həyata keçirilmə müddəti, ödənişin məbləği, ödənilmə üsulları Xidmətin göstərilməsi üçün tələb olunan minimal vaxt - bu anketdə bir xidmət istifadəçisinə xidmətin göstərilməsi ilə əlaqədar bütün əməliyyatların ən qısa hansı müddət (vaxt) ərzində başa çatması qeyd edilir dəqiqə; - onlayn (real vaxt rejimində); - 15 dəqiqə; - 30 dəqiqə; - 1 saat; - 1 gün; - 5 gün və s. 24

25 Şəkil 31. Xidmətin göstərilməsi üçün tələb olunan minimal vaxt Xidmətin həyata keçirilməsi üçün müraciətlərin qəbulunun vaxtı və müddəti - bu anketdə xidmət üçün müraciətlərin qəbulu üçün həftənin günləri, saatları və xidmət üçün müraciətin (sənədlərin) qəbul edilməsi üçün maksimum vaxt qeyd edilir. - Müraciət həftənin 1-5-ci günləri, saat 10:00-dan 17:00-dək qəbul edilir (nahar fasiləsi 13:00-14:00). Müraciət 30 dəqiqə ərzində qəbul edilir; - Müraciət həftənin 1-ci və bazar günləri, saat 09:00-dan 12:00-dək qəbul edilir. Müraciət 5 dəqiqə ərzində qəbul edilir; - Müraciət elektron qaydada təqvimin bütün günləri qəbul edilir. Müraciət məlumatları istifadəçi tərəfindən təsdiqləndiyi andan sistemdə qeydiyyata alınır və bu barədə istifadəçinin elektron poçtuna bildiriş göndərilir. Şəkil 32. Xidmətin həyata keçirilməsi üçün müraciətlərin qəbulunun vaxtı və müddəti Xidmətin göstərilmə yeri - bu anketdə xidmətin həyata keçirildiyi yer (orqanın və (və ya) onun struktur bölməsinin yerləşdiyi inzibati bina) qeyd edilir. 25

26 - Azərbaycan Respublikasının Ədliyyə Nazirliyinin Qeydiyyat və notariat baş idarəsinin və notariat kontorlarının inzibati binaları; - Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində olan ASAN xidmət mərkəzlərinin inzibati binaları; - Azərbaycan Respublikası Daxili İşlər Nazirliyinin ərazi və ixtisaslaşdırılmış polis idarələri və şöbələrinin inzibati binaları; - Azərbaycan Respublikasının Satınalmalar üzrə Dövlət Agentliyinin inzibati binası; - Azərbaycan Respublikası rayon və şəhər icra hakimiyyəti orqanlarının rayon tabeliyində olan şəhərlərdə, qəsəbələrdə və kəndlərdə nümayəndəliklərinin inzibati binaları. Şəkil 33. Xidmətin göstərilmə yeri Xidmətin elektron ünvanı - bu anketdə elektron qaydada həyata keçirilən xidmətlərin göstərildiyi internet informasiya ehtiyatının veb ünvanı qeyd edilir. Veb ünvan olmadıqda Yoxdur qeyd edilir

27 Şəkil 34. Xidmətin elektron ünvanı Xidmətin həyata keçirilməsinin dayandırılması və ya ondan imtina edilməsinin hüquqi əsasları - bu anketdə xidmətin qanunvericiliyə əsasən həyata keçirilməsinin və ya ondan imtina edilməsinin hüquqi əsasları qeyd edilir. Bu zaman imtinanın hüquqi əsası qeyd edilməlidir. Qanunvericilikdə imtina əsasları qeyd edilibsə maddəyə istinad edilməlidir. - Azərbaycan Respublikası Nazirlər Kabinetinin 2006-cı il 02 fevral tarixli 32 nömrəli Qərarı ilə təsdiq edilmiş Sosial yardımın alınması üçün müraciət edilməsi, onun təyin olunması, verilməsi və verilməsindən imtina edilməsi Qaydalar ının 3.9-cu bəndinə əsasən aşağıdakı hallarda sosial yardımın təyin olunmasından imtina edilir: - sosial yardımın verilməsinə təsir edəcək hallar barədə zəruri məlumatların verilməməsi, yaxud ailə tərkibi və ailə üzvlərinin gəlirləri barədə düzgün və ya tam olmayan məlumatlar və sənədlər verildikdə. Bu halda Ünvanlı dövlət sosial yardımı haqqında Azərbaycan Respublikası Qanununun 10.2-ci maddəsinə uyğun olaraq həmin ailə 1 il müddətinə sosial yardım almaq hüququnu itirir; - yardım üçün müraciətdən 1 il əvvəl ailə mənzil aldıqda və yaxud respublika üzrə təsdiq edilmiş yaşayış minimumunun 10 mislindən çox məbləğdə təhsil haqqı ödədikdə və yaxud alqı-satqı etdikdə; - ailənin istifadəsində nəqliyyat vasitəsi olduqda (dövlət tərəfindən reabilitasiya məqsədləri üçün verilmiş nəqliyyat vasitələri istisna olunmaqla); - ailənin orta aylıq gəlirinin 50 faizindən çox məbləğdə aylıq kredit öhdəçiliyi olduqda; - ailənin əmək qabiliyyətli, işləməyən üzvü Baş Məşğulluq İdarəsinin yerli orqanı tərəfindən təklif olunmuş iki münasib işdən imtina etdikdə (bu halda ailənin sosial yardım hüququna onun təkrar müraciəti əsasında 1 aydan sonra baxıla bilər). - Sənədlər qanunvericiliyə uyğun təqdim edilmədikdə, sənədlərdə çatışmazlıqlar aşkar edildikdə və s. Şəkil 35. Xidmətin həyata keçirilməsinin dayandırılması və ya ondan imtina edilməsinin hüquqi əsasları 27

28 3.23. Xidmətin həyata keçirilməsi üçün inzibati prosedurlar - bu anketdə xidmətin həyata keçirilməsi zamanı müraciətin baxılması üçün dövlət orqanı tərəfindən həyata keçirilən inzibati prosedurlar qeyd edilir. - Dövlət orqanları elektron xidmətlərin təşkili və təkmilləşdirilməsi, informasiya sistemləri və informasiya ehtiyatlarının formalaşdırılması üçün müvafiq layihələrlə (sənədlərlə) birlikdə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinə müraciət edir; - Kağız daşıyıcıda və ya elektron sənəd (gücləndirilmiş imza ilə təsdiq olunmuş) formasında Dövlət Agentliyinə təqdim edilən layihələrə Dövlət Agentliyi sədrinin əmri əsasında, Dövlət Agentliyinin, aidiyyəti dövlət orqanlarının mütəxəssislərindən və digər müstəqil ekspertlərdən ibarət tərkibdə yaradılan Layihələrə rəylərin verilməsi üzrə işçi qrupu tərəfindən baxılır; - Dövlət Agentliyinə daxil olan layihələrə təqdim edən orqanın fəaliyyət istiqamətləri də nəzərə alınmaqla normativ-hüquqi aktların tələblərinə, texniki və təhlükəsizlik standartlarının tələblərinə uyğunluq, sosial-ictimai əhəmiyyət və iqtisadi faydalılıq, operativlik, modulluluq və miqyaslılıq, sistemlilik, istifadə asanlığı, səmərəlilik, şəffaflıq (sistem daxilində hesabatlılığın təmin edilməsi), inteqrasiya imkanları meyarları üzrə rəy verilir. Təqdim olunmuş layihələrin hazırlanmasında iştirak etmiş ekspertlər layihələrə rəy verilməsi prosesinə cəlb olunmur; - Layihələrdə yerində aradan qaldırılması mümkün olan çatışmazlıqlar (texniki qüsurlar) aşkar olunduqda dərhal dövlət orqanına 5 iş günü ərzində çatışmazlıqların aradan qaldırılması ilə bağlı bildiriş göndərilir. Çatışmazlıqlar aradan qaldırıldıqdan sonra layihələrə ən geci 30 gün müddətində baxılır, imtina üçün əsas оlmadıqda Layihələrə rəylərin hazırlanması üzrə işçi qrupu tərəfindən yekun rəy hazırlanır, Dövlət Agentliyinin rəhbəri tərəfindən imzalanır və aidiyyəti dövlət orqanına təqdim edilir; - Layihələr sosial-iqtisadi səmərəliliyin təmin edilməsi və izafi xərclərin aradan qaldırılması məqsədi ilə həmin dövlət orqanının tələbi olduqda Dövlət Agentliyi ilə birlikdə qanunvericiliyə uyğun olaraq təkrar layihələndirilir. Şəkil 36. Xidmətin həyata keçirilməsi üçün inzibati prosedurlar Xidmətlərdən istifadə zamanı yaranan mübahisələrin məhkəməyəqədər (məhkəmədənkənar) həlli imkanları barədə məlumatlar - bu anketdə xidmətin həyata keçirilməsi zamanı yaranan mübahisələrin məhkəməyəqədər (məhkəmədənkənar) həlli imkanları, yəni istifadəçinin inzibati qaydada şikayət imkanları barədə məlumatlar qeyd edilir. 28

29 Qeyd: - Xidmətlərin göstərilməsi ilə bağlı hüquqlarını və qanunla qorunan maraqlarını müdafiə etmək məqsədi ilə maraqlı şəxs (istifadəçı) inzibati aktdan, inzibati aktın qəbul edilməsindən imtinadan və yaxud inzibati orqanın hərəkət və ya hərəkətsizliyindən yuxarı səlahiyyətli orqana (vəzifəli şəxsə) inzibati qaydada və (və ya) məhkəməyə şikayət edə bilər. - İnzibati şikayətə "İnzibati icraat haqqında" Azərbaycan Respublikası Qanununun 78-ci maddəsinə uyğun olaraq 1 ay müddətində baxılır. - Ərizə və ya şikayət müvafiq olaraq İnzibati icraat haqqında Azərbaycan Respublikası Qanununun 74-cü maddəsinə uyğun olmalıdır. Şikayətə İnzibati icraat haqqında Azərbaycan Respublikası Qanununun 78-ci maddəsində və ya qanunvericilikdə müəyyən olunmuş digər müddətdə baxılır. - Şikayət daxil olduğu gündən 1 ay müddətində baxılır və mahiyyəti üzrə qərar qəbul edilir. 1 ay ərzində verilmiş şikayətə dair qərar qəbul edilmədikdə və ya qəbul edilmiş qərarla razılaşmadıqda, şikayətçi məhkəməyə şikayət verə bilər. İnzibati şikayət yazılı formada tərtib edilir. İnzibati şikayətdə aşağıdakı məlumatlar göstərilməlidir: Şikayətin verildiyi inzibati orqanın adı və ünvanı Şikayəti verən şəxsin soyadı, adı, atasının adı, yaşayış yeri və ya olduğu yer (hüquqi şəxsin adı və hüquqi ünvanı), inzibati icraatda prosessual vəziyyəti Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinə Xxxx şəhəri, X.Xxxxxx küçəsi, ev X, mənzil X-da yaşayan Xxxxxx Xxxx Xxxxxxx oğlu (qızı) tərəfindən Barəsində şikayət verilən inzibati akt və ya hərəkət (hərəkətsizlik) Şikayəti verən şəxsin tələbi və tələbin əsasları Şikayətin tərtib edildiyi tarix Şikayəti verən şəxsin imzası Şikayət Şikayətin məzmununda barəsində şikayət verilən orqanın hər hansı inzibati aktı və ya orqan əməkdaşının hər hansı qeyri-qanuni hərəkət və ya hərəkətsizliyi barədə əsaslandırılmış məlumat qeyd edilir Şikayəti verən şəxsin tələbi və tələbin əsasları barədə qısa məlumat qeyd edilir XX.XX.2015 Şikayəti verən və ya onun etibarnamə əsasında səlahiyyət verdiyi şəxsin imzası qeyd edilir Şəkil 37. Müraciət (şikayət) forması 29

30 Şəkil 38. Xidmətlərdən istifadə zamanı yaranan mübahisələrin məhkəməyəqədər (məhkəmədənkənar) həlli imkanları barədə məlumatlar Xidmətin həyata keçirilməsində istifadə edilən informasiya sistemi və ehtiyatları - bu anketdə xidmətin həyata keçirilməsi zamanı dövlət orqanı tərəfindən istifadə edilən hər hansı bir informasiya sistemi və ehtiyatından istifadə edilirsə həmin sistem barədə siyahıdan məlumat seçilir. Əgər dövlət orqanı tərəfindən istifadə edilən hər hansı bir informasiya sistemi və ehtiyatı yoxdursa Yoxdur yazılır. - Giriş-çıxış və qeydiyyat idarələrarası avtomatlaşdırılmış məlumat axtarış sistemi; - Avtomatlaşdırılmış Vergi İnformasiya Sistemi; - Azərbaycan Respublikası Dövlət Miqrasiya Xidmətinin vahid miqrasiya məlumat sistemi. Şəkil 39. Xidmətin həyata keçirilməsində istifadə edilən informasiya sistemi və ehtiyatları Xidmətin həyata keçirilməsində istifadə edilən fərdi məlumatların informasiya sistemləri - bu anketdə xidmətin həyata keçirilməsi zamanı dövlət orqanı tərəfindən istifadə edilən hər hansı bir fərdi məlumatların informasiya sistemlərindən istifadə edilirsə həmin sistem barədə siyahıdan məlumat seçilir. Əgər dövlət orqanı tərəfindən istifadə edilən hər hansı bir fərdi məlumatların informasiya sistemi yoxdursa Yoxdur yazılır. 30

31 - "Tələbə-məzun" dövlət elektron məlumat sistemi; - Stasionar telefonların abunəçi kartotekası üzrə informasiya sistemi. Şəkil 40. Xidmətin həyata keçirilməsində istifadə edilən fərdi məlumatların informasiya sistemləri Xidmətin elektronlaşma səviyyəsi - bu anketdə aşağıdakılardan birini seçməklə xidmətin elektronlaşma səviyyəsi qeyd edilir: - Elektronlaşdırılmayıb (Burada elektron təqdim edilməyən xidmətlər qeyd edilir). - Qismən elektronlaşdırılıb (Xidmət üzrə müraciətin qəbulu, emalı və nəticənin vətəndaşa çatıdırlması proseslərinin ancaq bir hissəsi informasiya-kommunikasiya texnologiyalarından istifadə edilməklə, tərəflər arasında bilavasitə təmas olmadan, elektron mühitdə həyata keçirilir.); - Tam elektronlaşdırılıb (Xidmət üzrə müraciətin qəbulu, emalı və nəticənin vətəndaşa çatıdırlması informasiya-kommunikasiya texnologiyalarından istifadə edilməklə, tərəflər arasında bilavasitə təmas olmadan, elektron mühitdə həyata keçirilir. ); Şəkil 41. Xidmətin elektronlaşma səviyyəsi 31

32 3.28. Elektron xidmətin avtomatlaşdırılma səviyyəsi - bu anketdə xidmətin avtomatlaşdırılma səviyyəsi qeyd edilir (bu bölmə ancaq tam elektonlaşdırılmış xidmətlər üçün aktivdir): - Avtomatlaşdırılmayıb (Xidmət üzrə müraciətin qəbulu, emalı və nəticənin vətəndaşa çatdırlması prosesləri informasiya sistemləri tərəfindən avtomatik rejimdə həyata keçirilmir) - Qismən avtomatlaşdırılıb (Xidmət üzrə müraciətin qəbulu, emalı və nəticənin vətəndaşa çatdırlması proseslərinin ancaq bir hissəsi informasiya sistemləri tərəfindən avtomatik rejimdə həyata keçirilir); - Tam avtomatlaşdırılıb (Xidmət üzrə müraciətin qəbulu, emalı və nəticənin vətəndaşa çatdırlması informasiya sistemləri tərəfindən tam avtomatik rejimdə həyata keçirilir. Tam avtomatlaşdırılmış elektron xidmət üçün xidmətin göstərilmə vaxtı sorğunun informasiya sistemləri tərəfindən emalı vaxtı ilə müəyyən edilir); Şəkil 42. Elektron xidmətin avtomatlaşdırılma səviyyəsi Xidmətlərdən istifadə edilməsi barədə statistik məlumatlar - bu anketdə xidmətin həyata keçirilməsi barədə rüblük rəsmi statistik məlumatlar yerləşdirilir ci ilin 1-ci rübü ərzində 1550 vətəndaşa nigah haqqında şəhadətnamə verilmişdir; ci ilin 2-ci rübü ərzində 560 əcnəbiyə iş icazəsi verilmişdir; ci ilin 1-ci rübü ərzində 33 yerli özünüidarəetmə orqanının qeydiyyata alınmaq üçün təqdim olunan normativ aktlarına dair rəy hazırlanmışdır. 32

33 Şəkil 43. Xidmətlərdən istifadə edilməsi barədə statistik məlumatlar Xidmətdə dəyişikliklər edilməsinin və xidmətin ləğv olunmasının hüquqi əsası və tarixi - bu anket yalnız Elektron Reyestrə daxil edilmiş məlumatların dəyişdirilməsi və ya çıxarılması zərurəti yarandıqda doldurulur. Bu zaman hüquqi aktın adı, nömrəsi, tarixi və konkret müddəalarına istinad edilir və dəyişikliyin qısa məzmunu qeyd olunur. - Yol hərəkəti haqqında Azərbaycan Respublikasının Qanununda dəyişiklik edilməsi barədə Azərbaycan Respublikasının 2013-cü il 5 aprel tarixli, 595-IVQD nömrəli Qanununun 3- cü hissəsi; - Ölkədən getmək, ölkəyə gəlmək və pasportlar haqqında Azərbaycan Respublikasının Qanununda dəyişikliklər edilməsi barədə Azərbaycan Respublikasının 2013-cü il 19 aprel tarixli, 616-IVQD nömrəli Qanununun 1.2-ci maddəsi; - Azərbaycan Respublikasının Dövlət Torpaq və Xəritəçəkmə Komitəsinin ləğv edilməsi haqqında Azərbaycan Respublikası Prezidentinin 2015-cü il 5 fevral tarixli 453 nömrəli Fərmanının cü bəndləri. Şəkil 44. Xidmətdə dəyişikliklər edilməsinin və xidmətin ləğv olunmasının hüquqi əsası və tarixi 33

34 3.31. Xidmətlər haqqında bütün məlumatlar elektron anketə aidiyyəti üzrə doldurulduqdan sonra məlumatlar üzərində bir daha bütün dəqiqləşdirmələr aparılaraq onların tamlığına və düzgünlüyünə əmin olduqdan sonra məsul şəxs müvafiq bölmədə qeyd etməklə yekun təsdiq bölməsini sıxaraq xidmət barədə məlumatları təsdiq edir. Şəkil 45. Xidmətə dair məlumatların dəqiqləşdirilməsi və yekun olaraq təsdiqlənməsi Hər bir xidmət barədə ayrıca məlumat mübadiləsi və aidiyyəti sualların cavablandırılması həmin xidmətin sağ tərəfində yerləşən bölmənin üstünə sıxmaqla onlayn əlaqə (yazışma) vasitəsi ilə həyata keçirilir. 34

35 Şəkil 46. Hər bir xidmət barədə ayrıca məlumat mübadiləsinin (yazışmanın) aparılması üçün onlayn əlaqə vasitəsi 4. Elektron Reyestrə xidmət göstərən dövlət orqanı barədə məlumatların daxil edilməsi 4.1. Xidmət göstərən dövlət orqanı barədə məlumatlar bölməsində xidməti həyata keçirən orqanın və onun struktur bölməsinin yerləşdiyi ünvanı, poçt ünvanı, xidmət barədə məlumatın, məsləhətlərin əldə edilə biləcəyi telefon və faks nömrələri, rəsmi internet informasiya ehtiyatının veb və elektron poçt ünvanı, iş qrafiki barədə məlumatlar, ödənişli xidmət göstərən dövlət orqanının ödəmə rekvizitləri (hesabları) barədə məlumatlar, həmçinin orqan tərəfindən zəruri hesab edilən digər məlumatlar qeyd edilir. Şəkil 47. Dövlət orqanı barədə məlumat 4.2. Dövlət orqanı barədə məlumatlar bölməsinə daxil olduqdan sonra müvafiq dövlət orqanını və ya onun struktur bölməsini iki dəfə sıxmaqla açılmış pəncərəyə aidiyyəti məlumatlar daxil edilir. Dövlət orqanının yeni struktur bölməsi (Ədliyyə Nazirliyinin rayon, şəhər qeydiyyat şöbələri, Qeydiyyat və notariat baş idarəsi və ya Bakı şəhəri Yasamal rayon qeydiyyat şöbəsi, Vergilər Nazirliyinin Aparatı və ya ərazi vergilər departamenti və s.) daxil edildikdə siçanı struktur bölmənin tabe olduğu qurumun üzərinə gətirib sağ düyməsini sıxmaqla açılmış Yeni bölməsi seçilərək yeni pəncərəyə məlumatlar doldurularaq əlavə edilir. 35

36 Şəkil 48. Struktur bölmələrin və onlar barədə məlumatların daxil edilməsi 4.3. Təsnifat/Qurum adı - bu anketdə xidmət göstərən dövlət orqanının və ya onun struktur qurumlarının təsnifat adları qeyd edilir. - Mərkəzi icra hakimiyyəti orqanı; - Yerli icra hakimiyyəti orqanı; - Dövlət orqanı; - Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində olan ASAN xidmət mərkəzləri; - Miqrasiya Xidməti; - Azərbaycan Respublikasının Vergilər Nazirliyinin Aparatı; - Azərbaycan Respublikasının Rabitə və Yüksək Texnologiyalar Nazirliyinin tabeliyində olan İnformasiya Texnologiyalarının İnkişafı Dövlət Fondu; - Azərbaycan Respublikasının Ədliyyə Nazirliyinin rayon, şəhər qeydiyyat şöbələri. 36

37 Şəkil 49. Təsnifat/Qurum adı 4.4. Qurum/Bölmə adı - bu anketdə qanunvericiliyə uyğun olaraq xidmətin həyata keçirən dövlət orqanının və ya onun struktur bölməsinin adı qeyd edilir. - Dövlət Gömrük Komitəsi; - Daxili İşlər Nazirliyi; - 1 saylı Bakı ASAN xidmət mərkəzi - Səyyar xidmətin təşkili şöbəsi; - Bələdiyyələrlə iş mərkəzi; - Qeydiyyat və notariat baş idarəsi; - Bakı şəhəri Yasamal rayon qeydiyyat şöbəsi; - Quba rayon polis şöbəsi və s. Şəkil 50. Qurum/Bölmə adı 4.5. VÖEN (vergi ödəyicisinin eyniləşdirmə nömrəsi - bu anketdə dövlət orqanının struktur bölməsinin (Bərdə regional ASAN xidmət mərkəzinin və s.) VÖEN-i qeyd edilir. Dövlət orqanının aparatına daxil olan struktur bölmələrin VÖEN-i qismində orqanın (Xarici İşlər Nazirliyinin və s.) VÖEN-i qeyd edilir. Əgər struktur bölmənin VÖEN-i yoxdursa Yoxdur yazılır. - VÖEN:

38 Şəkil 51. VÖEN (vergi ödəyicisiinin eyniləşdirmə nömrəsi) 4.6. Ünvan (poçt və yerləşdiyi ünvan) - bu anketdə xidmət göstərən dövlət orqanının struktur bölməsinin inzibati binasının yerləşdiyi ünvanı və poçt ünvanı barədə məlumatlar qeyd edilir. - Bakı şəhəri, Həsən Əliyev küçəsi 36, AZ1078. Şəkil 52. Ünvan (poçt və yerləşdiyi ünvan) 4.7. Telefon nömrəsi - bu anketdə xidmət barədə məlumatın, məsləhətlərin əldə edilə biləcəyi telefon nömrələri qeyd edilir. 38

39 - (012) ; - (012)108. Şəkil 53. Telefon nömrəsi 4.8. Faks nömrəsi - bu anketdə xidmət göstərən dövlət orqanının struktur bölməsinin faks nömrələri qeyd edilir. - (012)

40 Şəkil 54. Faks nömrəsi 4.9. E-poçt ünvanı - bu anketdə xidmət göstərən dövlət orqanının struktur bölməsinin elektron poçt ünvanı qeyd edilir. - asan@asan.gov.az Şəkil 55. E-poçt ünvanı Rəsmi internet informasiya ehtiyatının ünvanı - bu anketdə xidmət göstərən dövlət orqanının və ya olduğu halda onun struktur bölməsinin rəsmi internet informasiya ehtiyatının veb ünvanı qeyd edilir

41 Şəkil 56. Rəsmi internet informasiya ehtiyatının ünvanı İş qrafiki və orqan tərəfindən zəruri hesab edilən digər məlumatlar - bu anketdə xidmət göstərən dövlət orqanının struktur bölməsinin iş qrafiki və xidmət göstərən dövlət orqanını identikləşdirən digər zəruri məlumatlar qeyd edilir. - həftənin 1-5-ci günləri saat 10:00-dan 20:00-dək, şənbə və bazar günləri saat 11:00-dan 17:00-dək; - həftənin 1-5-ci günləri, saat 09:00-dan 18:00-dək (nahar fasiləsi 13:00-14:00). Şəkil 57. İş qrafiki və orqan tərəfindən zəruri hesab edilən digər məlumatlar 41

42 4.12. Xidmət göstərən dövlət orqanının ödəmə rekvizitləri - bu anketdə ödənişli xidmət göstərən dövlət orqanının ödəmə rekvizitləri (hesabları) barədə məlumatlar qeyd edilir. - VÖEN: Bank: XXXXXXXXXX Kod: Bank VÖEN: Müxbir hesab: AZ00XXXX SWIFT: XXXXXXX H/h: AZ000XXX Şəkil 58. Xidmət göstərən dövlət orqanının ödəmə rekvizitləri 5. Elektron Reyestrdə dəyişikliklərin edilməsi və ya oradan məlumatların çıxarılması üçün bildirişin göndərilməsi 5.1. Xidmətlər haqqında məlumatlar Elektron Reyestrə daxil edilib təsdiq edildikdən və reyestr nömrəsi aldıqdan sonra Elektron Reyestrdə olan məlumatlarda dəyişikliklərin edilməsi və ya onların çıxarılması zərurəti yarandıqda xidmət göstərən orqanın məsul şəxs(lər)i Reyestrin operatoruna müraciət edir (bildiriş göndərir) Xidmət göstərən dövlət orqanı yeni xidməti müəyyən edən normativ hüquqi aktın qüvvəyə mindiyi tarixdən 1 (bir) aydan gec olmayaraq Elektron Reyestrin müvafiq anketləri üzrə məlumatları təqdim edir, həmçinin Elektron Reyestrdə dəyişikliklər edilməsi zərurəti yarandıqda və ya oradan çıxarılmalı olan məlumatlar aşkar edildikdə Reyestrin operatorundan bildiriş aldıqdan 7 (yeddi) iş günü ərzində Elektron Reyestrin anketləri üzrə məlumatlarda müvafiq dəyişikliklər edərək onları yenidən göndərir Elektron Reyestrdən məlumatların çıxarılmasına aşağıdakılar əsasdır: xidmətin həyata keçirilməsi əsaslarını ləğv edən normativ hüquqi aktın qüvvəyə minməsi; 42

43 Elektron Reyestrə daxil edilmiş məlumatların normativ hüquqi aktlarda nəzərdə tutulmaması. Şəkil 59. Elektron Reyestrdə dəyişikliklərin edilməsi və ya oradan məlumatların çıxarılması üçün bildirişin göndərilməsi 5.4. Elektron Reyestrdə olan məlumatlarda dəyişikliklərin edilməsi və ya onların çıxarılması zərurəti yarandıqda xidmət göstərən orqanın məsul şəxs(lər)i Reyestrin operatoruna müraciət etdikdə (bildiriş göndərdikdə) anketdə olan hər bir məlumat üzrə yeni mətni açılmış pəncərəyə daxil edir, bir daha məlumatların tam və düzgün olmasını yoxlayır və sonra təsdiq edərək göndərir. Şəkil 60. Anketlərdə olan hər bir məlumat üzrə yeni mətnin daxil edilməsi 43