Valeriy Kirioglo İvanna Köksal Olga Unguränu

Transkript

1 iir Valeriy Kirioglo İvanna Köksal Olga Unguränu Basım

2 Şiir Valeriy Kirioglo Şiirleri rus dilindä yazan avtor. Pietçi, jurnalist, gagauz yazıcıların birliin azası. Tipardan çıktı beş şiir kiyadı. Olga Unguränu Şiirlerä resimleri çizän avtor. Hazırladı kendi resim sergilerini Gagauziyada hem aşırıda. Resimci, Gagauziyanın resim galereyasının öndercisi. İvanna Köksal - Rus dilindän gagauzçaya şiirleri çevirän avtor. Filolog, TV spiker -prodüser, yy. Gagauziyanın Halk Topluşun Deputatı.

3 1 MATEMATİKA Bobası İlüşaya deer.- Tut, Te, oolum, iki armut, Üürenersin sän saymaa, Bir armut ver kardaşına, Onun da gelsin payına, Kaç armut kaldı sana? Cuvaplêêr İlüşa bobaya: - Kalacek iki bendä. - Nasıl kalacek iki, Kardaşına verärsän birini? Yok, bobam, kendim iyecäm, Kardaşıma bän vermeyecäm.

4 RENKLİ ZAMAN Daalıkta kirpiylän bir keret Karşılaşêr tilki şiret. Of, kuvetlän bir baardı! Tilkinin dili yandı. 2

5 3 Kaz sesli ga-ga yaptı Genadan uyku kaçtı, Gena düşündü: bu kaz etli, Yakışıklı, ama diil terbi edili.

6 4 Bir kapu evä küser Gün - gündän o hep aalêêr Bütün küüyä gıcırdêr Ev sä erindä durêr.

7 Joranın var bir zoru Hiç çözämeer soruşu İş sa pak bir sakızda Ani o çiineer derstä. 5

8 6 EDİ Dünnedä var bir sayı O pek ii hem mayıllı Hepsi onu üürendi Kaç gün aftada?.. /Edi/

9 Boyalar göktän aktı Bir kuşak peydalandı Kara boya çıkmadı Kaç renk orada kaldı?../edi 7

10 8 DAA ORKESTRASI İlkyaz yaprakları parkta fışırdêêr Daayın orkestrası konţert verer Gerçek yıldızlardan seslär geler O bülbüllän pupuk bilä ötüşer. Var katılannarın arasında Cıvırliga solosunnan çırtmada. Genç kemençecilerin programında - Çekirgä kır muzıkasınnan orada. Şaşılacek incä sestä, daullarda, Aaçkakandan yok taa ii burada. Yapraklar fışırdamêêr parkta boşuna, Açan daa orkestrası musaafirdä.

11 Eni yılda kirpi deer çamcaaza: İinelerini bana baaşla. Beni hepsicii sevsin, Alma sırtıma ko saplasın. Uşaklar sevinsinnär, Yortuyu benimnän yapsınnar, Ver, çamcaaz, iinelerni Tilki iyämesin beni. Cuvap eder çam kirpiyä: Te ne bän deyecäm sana: Bırda iş diil iinelerdä - Yok iilik kirpi sendä. 9

12 10 HARDALLI EKMEK Peti Borinin sıkılıını biler O vakıt, açan bu kayganda kayer, Hardallı ekmek hazırlêêr, Da isteyipta yaklaşêr. Biz seninnän dostuz -deer. Bori, dalamaa isteer, Hızlı ekmektän tutunêr, Aazına tıkıştırêr. Da te, Suratı birdän diişti, Çukundura benzedi. Bu bela ondan oldu, Deyni ekmek hardalotlu

13 11 Molik söleer ooluna: Ananı sän, bak, seslä, Erken şindi taa uçmaa Küçüksün biraz bu işä. Serbest ozaman uçmaa, Açan Daşa yatêr uyumaa Zerä var nasıl tutsun Kanatlarını koparsın. Ool verer cuvap bölä: Anam, bän büüdüm, Daşan önündä uçtum O bana auç düüdü, gördüm.

14 12 YARDIMCIYKA Süpürüp, eri yıkayacam, İmek için sofrayı kuracam. Anamı iştän karşılayacam Ona yalpak bakacam: Sofra hazır! - deyecäm İşini, kefini da soracam. Anam deyecek: Brä-brä-brä Annayamêêrım ne olêr bırda? Anacıım, büüdüm şindän, Bunu işittim okulun başından. İstedi mutlak söleyim sana Yaarına uurayasın sän ona.

15 13 SEVDA Kumcazın hep boyunda Bekledim seni, canım, orda. Kendin yalvardın bana: İsteerim oynayalım bilä. Pek yalpaksın, o üzdän Evimizä çaaraceydım bän. Şokolatalı tatlı sana Getirdim aucumda. Yalandırdın mı acaba? Kaçarak gittim sizä, Ama dädun söledi:- Uyukladı Üülen - uşakların uyku vakıdı. Başımdan dünnä gitti Gözäl laflar kaybeldi Cuvap ettim: Uşak diiliz, Biz artık onunnan sevdalıyız.

16 14 ESAP ÇÖZMESİ Gülüş yılan gibi gider, İvanov kuşku bakêr, Hem yardımcı bulmaa isteer, Hem dersi bilerim deer. Petrov masadan te uzanêr Sansın kaçmaa hazırlanêr Sakız lafları köstekleer Fışırtılı onnar çıkêr. İvanov karıştırêr: Tatlı erinä - inek esaplêr, Tablayı açan açtı: Büük gülüş birdän kalktı. Üreeni tutêr Petrov, Düşüner küsüylän İvanov, Kırmızı, utanmaktan yanêr Taa ii söläydi, ani bişey bilmeer. Geçmedi İvanovun bu yalanı Sanêrız, o bizimnän annadı: Duşman taa az kötü yapêr bizä Nekadar biz kendi- kendimizä.

17 NASAAT 15 Seslä, kurt, nasaat sana Uşaklar isteer vermää: Otu filceezlär iyer, Yaanıyı onnar bilmeer. Kurtçaaz, zarzavat iyärsän Sarmısaklan dost olarsan İlaççıya yardım için Bir zaman gitmäzsin. Biz deyeceyz: meyva sän i, Onnardan düşlär olêr kaavi, Görecän, kurt, ozaman Fil gibi sän olacan.

18 16 BULUTLAR Bulutlar kaba, pamuk gibi Lüzgerin büülü dostu gibi: Bir boyêêr pembä rengä, Bir çevirer altın tenä.

19 17 Lüzgär onnarı koolêêr Simalarını sansın büücü bozêr. Baksan: maavi göktä te palicik Sora görünecek bir ayıcık. Vakıt yaklaştırarkan avşamı Çoban orda toplêêr koyunnarı Sora lüläkalı tombarlaklardan Zıngırdêêr yaamur sedefçiklerdän.

20 18 KARI İŞLERİ Süt Kristinacik içärdi, Sofraya o dökülärdi Sütçääz hızlı yayıldı Masadan erä aktı. Kaçaracık kız gitti Peşkircii tez getirdi, Ama bunnan barabar Daattı her erä partal. Sofrayı silärkana döndü Sütlän çölmeeni döktü. Bobası şamataya geldi- Gördüü olaya pek şaştı. Yalvarêrım çık, boba! Bän yardım ederim anaya! Masa üstünü silerim Karı işlerini yapêrım.

21 19 GEZİ Kimi erlär asfalt kaarlı Kartada materiklär gibi Buz mavimseer sanki deniz Gemi gibi üzer ayaktan iz. Yolda - üç renkli mayak Kırmızı renk - dur hem bak! Hazırlan - söleer sarı,- Geziyä çikmaa hızlı, Açan eşil renk yanacek Git, açık yol olacek

22 20 KIŞ Boran oynar gibi döner Pençereyä kaarları atêr. Kışın dostu korkudêr Sokaktan sıcaa kuuêr. Kedi sobada mırlêêr Ona sıcak, da te çalêr, Ama saurgun vıjlêêr Yısınmaa canı isteer. Şincik boran uslanacek Dışarsı aydınnayacek. Kışın kuması, aalama Seni evimä çaaramam.

23 21 SAURGUN Fırın aazı arasından Gecä aydınnanêr yalınnardan Saurgun uuldêêr, güler, İçeri girmää isteer. Hiç bän korkmêêrım ondan, Ko gitsin o kapumdan Çünkü yanımda ana, Onda taa kaavi sevda. Uyuyacam bän, ama yaarın Bekim, saurgun, dinärsin. Başını yorgun iildärsin Kaba döşeklerä yatarsın. Seni evimä çaaramam.

24 22

25 23 KAAR DÄDU Neçin Kaar Dädu küstün? Güneş altında ne sendin? Zor mu şindi beklemää? Nedän atêr seni suuk terä? Küsmä, hiç geri kışı Getirämeycez, - ilkyaz geldi Bir laflan, bil, kaybelmeycän Sade sucaaz olacan. Şen gülüşlän sän kıra Kaçacan, doyuracan suya Sora toprak verecek Bir koyu maavi çiçek. Ozaman da bän onu Anama duuma günü Baaşlayacam, Kaar Dädu, Boşuna tutêrsın küsünü.

26 24 İLK KAAR Her taraf uşak sesi Çok beklenän kaar geldi Kaygannarda şamata Oynêêr uşaklar orada. Biyaz kaar mayıllı! Şennik için yapıldı! Dostluk kışlan o kurêr Güneştä yalabıyêr. Käär Ayaz Dädu küser Uşaklarda yaş görmeer Kim çemrek, kim hep oynêêr Kışın, bir zaman hiç donmêêr.

27 25 KARILARIN GÜNÜNNÄN Uykudan kalktıynan taa Tutundum gözlerimi uumaa İlkyaz pençeredän girer Anama benimnän o geler. Katılêr bizä boba Sora üçümüz bilä Baaşış anama verdik Karıların gününnän kutladık.

28 26 KARILARIN GÜNÜ Kış kaldı şindän geridä, İlkyaz enidän bizdä Cannara yalpak kendi O enikunu geldi. Oynayarak güneş şılêêr, Lüzgercik sä şımarêr, Sıcak öpüş mayıllı, İçindä durêr saklı. Neredä boran döndü Orada raatlık oldu Üülen soluyer - duyerız Yaamurcuk döker- güleriz. Saklanamêê şenniimiz, Gür cıvlêê kuşlarımız, Karıların gününnan kutlamaa Adêêrız sevgili analara.

29 BULUŞ Aklına getir boba Çok kerä sölärdin sän bana Nicä üürenärmişin islää Gezärkana ilk okula. 27 Buldum senin tefterini Sansın tok urdu beni: Bir da on yok orada, Usluluun ancak beştä! Nota beş, söleersin sän En üüsekmiş ozaman Ama büün edi için Üfkelendin bana neçin?

30 28 SENTÄBRİNİN BİRİ Saalıcaklan kuklacıklarım Dün sizä bän taa anaydım Ama geldi günnerim Lääzım okula başlayım. Sözleri düşer tutmaa: Dersleri ii üürenmää, Üürediciyi seslemää,- Çünkü o bizä ana. Gülär üzlerä bakêrım Baarayım neçin sä isteerim: Bän da bırda üürenici, Benim da bu okul, o beşinci!

31 Pençereyä becerekli Ayaz korafları yapıştırdı Ellerim pek uyvaştı Suuk iinelär sapladı. 29 Bän başka türlü yaptım Soludum, uudum, Aucumnan yısıttım Utanmazları aalattım. Pençeredän bän bakêrım Kedi izlerini görerim Filacık orda biyaz Gezer üstündä kuşçaaz. Kaarcaazlar kaba-kaba Uçêr, uçêr, uçêr, Alinkilerin kedilerinä Sansın pek benzeer.

32