Sentyabr 2013 HƏYAT TƏRZİ HESABAT

Transkript

1 Sentyabr HƏYAT TƏRZİ HESABAT

2 Araşdırma haqqında F i n d y o u r w a y t o s u c c e s s 2 Bu araşdırma layihəsi 17 iyun 30 iyul -ci il tarixində Business Insight International Research GROUP tərəfindən 4348 respondentlə, o cümlədən, Bakı (1706) və Regionlarda (2642) şəhər mərkəzlərindəki ev təsərrüfatları ilə Kəmiyyət Araşdırma metodunun Telefonla Klassik Anket sorğusu və Üz-Üzə sorğu üsulundan istifadə edilərək həyata keçirilmişdir. Sorğuda iştirak etmiş təsadüfi yolla (random sampling) seçilmişdir. Sorğu ev təsərrüfatında ana olan (müsahibə vermək iqtidarında olmayanlar istisna olmaqla) ən sonuncu doğum tarixi qeyd olunanlar arasında keçirilmişdir. Sorğuda iştirak edənlər əsasən şəhər ərazilərində yaşayanlardır. Ailələrin orta ölçüsü 4,3 nəfər təşkil etmişdir. Sorğuda iştirak edənlərin əksəriyyəti dövlət, özəl sektorda işləyənlər və özünüməşğullar olmuşdur (58%). Business Insight şirkəti layihəni ICC/ESOMAR-ın Marketinq və Sosial Araşdırma Təcrübəsi üzrə Məcəlləsində öz əksini tapan peşəkar və etik standartlara, əlavə olaraq Keyfiyyət Menecment Sisteminin ISO 9001:2000 Standartının və Marketinq Araşdırmaları Keyfiyyət Sisteminin Standartının tələblərinə və qaydalarına müvafiq olaraq həyata keçirmişdir. Gəncə 188 Yevlax 99 Mingəçevir 99 Şəmkir 90 Tovuz 96 Qazax 100 Tərtər 96 Ucar 96 Göyçay 93 Şəki 103 Zaqatala 98 Kürdəmir 85 Bakı 1706 Quba 97 Xaçmaz 109 Şirvan 107 Şamaxı 107 Ağsu 86 Qəbələ 101 İsmayıllı 95 Hacıqabul 81 Salyan 97 Neftçala 98 Lənkəran 121 Masallı 100 Cəlilabad 102 Biləsuvar 98

3 Respondentlərin demoqrafik göstəriciləri Respondentlərin təhsil səviyyəsi (%) Respondentlərin ailə vəziyyət (%) 3 Ali təhsil, 17.0 Orta texniki, 27.4 Orta Təhsil, 55.6 Evli, 90.7 Boşanmış, 5.5 Dul, 3.7 Respondentlərin məşğulluq göstəriciləri (%) Xeyr, 60.7 İş olandan olana, 3.6 Bəli, 35.6 Sorğuya cəlb olunan anaların cəmi 35.6 faizi hazırda işlədiyini qeyd edib. 61% analardan bəziləri işləyəcəkləri halda uşaqlarına vaxt ayıra bilməyəcəklərindən və ictimai həyatlarının məhdudlaşdırıldığından çəkindiklərini qeyd ediblər.

4 Anaların mütləq əksəriyyəti sosial əlaqə yaratmağa meyilli deyillər Sevdiyiniz geyim üslubu hansıdır? (%) 4 Müasir 50,2 Ənənəvi 20,7 Klassik 20,0 Extravaqand 4,5 İdman 3,6 Dini üslubda 0,5 Baza: 4348 Qarışıq 0,4 Xülasə: Araşdırma aşkar etmişdir ki, Azərbaycanda anaların əksəriyyəti, qadınlara xas olan bəzək-düzəyi, geyimi çox sevirlər. Qarşı cinsin xoşuna gəldi və ya gəlmədi, anaların əksəriyyəti dəbdəbəli geyinməyi xoşladıqlarını qeyd ediblər (68%). Sorğuda iştirak edənlərin bu hissəsi hündür daban ayaqqabı, qızıl əşyaları, təmtaraqlı paltar geyinməklə rəqabətə, dəbdəbəyə, cazibədarlığa, diqqət mərkəzində olmağa və qadınlığını nümayiş etdirməyə meyilli olduqlarını göstəriblər. Bu amil onu göstərir ki, Azərbaycanda anaların əksəriyyətində özlərinə inam yüksək səviyyədə olmasa da onlar enerjili qadınlardır. Sorğu Azərbaycanda hər 2 anadan birinin müasir geyim üslubunu xoşladığını aşkar edib. Gündəlik geyimə (ənənəvi) üstünlük verənlər isə cəmi 21% təşkil edir. Nəzərə alsaq ki, idman üslubunu sevən qadınlar sosial əlaqə yaratmağı bacaranlardır, deməli, bizdə idman üslubunu sevdiyini deyənlərin cəmi 3.6% olması onu göstərir ki, Azərbaycanda anaların mütləq əksəriyyəti sosial əlaqə yaratmağa meyilli deyillər, həm də bəzən onları həddindən artıq mühafizəkar və dəyişikliklərə qarşı kimi də xarakterizə etmək mümkündür. Sevilən geyim üslubu üzrə Azərbaycanın xəritəsinə nəzər saldıqda məlum olur ki, Paytaxta yaşayan analar əsasən müasir geyim üslubuna üstünlük versələr də (39%), mühüm bir qrup klassikaya regionlarda yaşayanlardan daha çox önəm verir (30%). Maraqlı məqam ondan ibarətdir ki, digər coğrafi regionlardan fərqli olaraq Quba-Xaçmaz iqtisadi regionu üzrə analar ənənənin daha çox tərəfdarı olduqlarını nümayiş etdiriblər. Adı çəkilən region üzrə anaların 39.2 faizi müasir geyim üslubuna üstünlük versələr də, bundan bir qədər çoxunun (44.2%) ənənəvi geyim üslubuna üstünlük verdiyi məlum olub. O da məlum olur ki, bu regionun anaları əsasən dəbdəbəli geyimin tərəfdarı deyillər (56.7%). Dəbdəbəli geyimin tərəfdarlarına digər regionlara nisbətdə Bakı və Lənkəran-Astara iqtisadi regionunda yaşayan analara daha çox rast gəlmək olur (hər biri 71% olmaqla).

5 Ən böyük 3 arzunuz hansılardır? 5 Xülasə: Ailə həyatından son dərəcə məmnunluq, dərin razılıq, sevinc hissi, səadət analarımızın ən böyük arzusudur (55.4%). Moda ilə geyinərək dəbdəbəli binalarda yaşayıb, lüks avtomobil sürmək, zinət əşyalarından istifadə etmək, bahalı mebellər almaq kütləvi ictimai davranış göstəricisi sayıla bilməsə də anaların 43.3 faizi məhz bu tip həyat tərzini arzuladıqlarını bildiriblər. Sorğuda iştirak edən anaların önəmli bir qismi (32.5%) verdikləri cavabla təsdiq etməyə çalışıblar ki, vətəndaş cəmiyyətinə xas olan mühüm bir xüsusiyyət ondan ibarətdir ki, ailələrin əksəriyyəti, yalnız iqtisadi müstəqilliklərinin təmin olunduğu şəraitdə dünyaya övlad gətirə bilərlər. Araşdırma təhlilləri göstərir ki, cəmiyyətdə analarımız gender bərabərliyini hələ də öz üzərlərində hiss edə bilmədiyindən, onlar hesab edirlər ki, sosial bazar onların özlərinə olmasa da, ailə üzvlərinə rəqabətdə iştirak etmək və iş bacarıqlarını göstərmək imkanı yaratmalıdır. Verilən cavablar onunla izah oluna bilər ki, (43.3% dəbdəbəli həyat, 32.5% şəxsi və ya ailə üzvünün yaxşı iş imkanının olması və s.) Azərbaycanın mədəniyyəti yuxarı Güc Distansiyası olan mədəniyyətdir (cəmiyyətdə insanlar arasında qeyri-bərabərliyin səviyyəsini təsvir edən mədəniyyət ölçüsü (Hofstede, G., 1991)). Başqa sözlə analar təbəqə, tutduğu vəzifə və ya zənginliyə görə istər cəmiyyətdə, istərsə də işlədikləri mühitdə başqalarından fərqlənməyə çalışırlar. Hər bir halda bu amilin özü bir psixoloji ehtiyacdır. Ona görə də, sorğuya cəlb olunanlar dolayısı yolla, belə cəmiyyətdə fərqlənməyi dəbdəbəli həyatda və imkanda görürlər. Ailə səadəti və xoşbəxtlik Dəbdəbəli həyat tərzi yaşamaq Şəxsi və ya ailə üzvünün yaxşı iş imkanının olması Müxtəlif məqsədlər üçün xaricə səyahət Sakit, sülh şəraitində həyat / torpaqlarımız geri qaytarılsın Boş vaxtlarında istədiyi hobbi fəaliyyəti ilə məşğul olmaq Tanınmış şəxs olmaq və ya şəxslərlə görüşmək 8,6 3,2 1 0,5 55,4 43,3 32,5 Baza:

6 Məhsul alan zaman sizin üçün ən vacib amillər hansılardır? (%) 6 Munasib qiymət; 36,5 Kommunika siyasının güclü olması (məs. reklam); 5 Məsulun xüsusiyyətlə ri (keyfiyyət, brend imici və s); 58,5 Xülasə: Sorğuya cəlb olunan analar verdikləri cavablarla sübut etməyə çalışıblar ki, onlar məhsul alan zaman məhsulun kommunikasiyasına (məsələn, reklam) o qədər də fikir vermirlər. Əslində bu amil göstərir ki, reklam hər hansı bir məhsulu almağa, xidmətdən istifadə etməyə təsir etməkdə istifadə olunan məlumatlandırma vasitəsi kimi anaları inandıra bilmir. Amma araşdırma təhlillərimiz göstərir ki, məhz ən çox istehlak olunan məhsullar elə ən çox reklam olunan məhsullardır. Bu cür yanaşma onunla izah oluna bilər ki, Azərbaycan mədəniyyəti kollektivistdir, yəni, hər bir fərd özünü hər hansı bir qrupa aid etməyə cəhd göstərir. Ona görə də məhsul seçimində fərdlər KİV reklamlarından daha çox Ağızda-Ağıza reklamların mesajlarına daha çox qulaq asmağa meyillidirlər. Bu davranış insanların məhsullara olan inamsızlığından da əmələ gələ bilər. Ona görə də məhsulun ucuz və keyfiyyətli olması alış zamanı Azərbaycan qadını üçün ən vacib amillərdən biridir (36.5%/58.5%). Azərbaycanın xəritəsi üzrə nəzər saldıqda məlum olur ki, paytaxt və Gəncə-Qazax iqtisadi regionunun sakinləri məhsul alan zaman daha çox onun keyfiyyətini, markanın tanınmış olmasını və s. nəzərə alırlar (Bakı şəhəri 73.1%, Gəncə-Qazax 72.2%). Sorğu nəticələri də təsdiq edir ki, Quba-Xaçmaz və Lənkəran-Astara iqtisadi regionu əsasən ucuz qiymətli məhsullar üçün yaxşı bazarlardır. Görünüən odur ki, bu bölgələrdə İran Respubliksının və Rusiyanın sərhəd bölgələrindən alış-veriş bazara öz təsirini göstərir.

7 7 Ucuz qiymətli mallardan istifadə etməyə çalışırsınızmı? (%) Xeyr, 31.2 Bəli, 68.8 Xülasə: 69% respondentin ucuz qiymətli məhsullardan istifadə etməsini deməsinə baxmayaraq, onların mütləq əksəriyyəti bu psixoloji təzyiqin altında sıxılmaq istəmədiyini biruzə verərək dəbdəbəli həyat və yaxşı iş imkanlarının olmasını arzuladıqlarını bildiriblər. Bundan başqa bir az əvvəl qeyd etdiyimiz kimi Azərbaycanda Güc Distansiyasının səviyyəsinin yuxarı olması əhalinin bahalı mallara, dəbdəbəli həyat tərzinə meyilliyini artırır. Təhlillər göstərir ki, inkişaf etmiş ölkələrdə (qərb ölkələr) istehlakçılar xarici brendlər aldıqda qiymətlərinə xüsusi fikir verdiyi halda, Azərbaycanda bəzi seqment qrupları xarici brendlərin alınmasında qiymətə o qədər də diqqət yetirmirlər. Elə həm bu, həm də ucuz mal alanların əksəriyyətinin (71%) dəbdəbəli həyat səviyyəsini arzulamasını nəzərə alsaq, Azərbaycan bazarı əsasən qadınlara aid xarici brendlər üçün dəyərli potensial bazardır.

8 Fərdi və ictimai ehtiyacların daha yaxşı səviyyədə qarşılanmasını istəyənlər artır 8 Xülasə: Hazırki dövrdə yenilikçilik rəqabətçiliklə birgə istifadə edilən anlayış halına gəlmişdir. Nəzərə almaq lazımdır ki, yenilikçilik həm də fərdi və ictimai ehtiyacların (sağlamlıq, istirahət, iş, nəqliyyat və s.) daha yaxşı bir səviyyədə qarşılanmasını təmin edir. Anaların əksəriyyətinin yeniliyin tərəfdarı olması yeni məhsul və xidmətlərin Azərbaycanda inkişafı üçün çox gözəl fürsətdir. Heç də təsadüfi deyil ki, yeniliyin tərafdarları olanların mütləq əksəriyyəti (86%) dəbdəbəli həyat tərzini sevənlərdir, çünki dəb elə özü də yenilikdir (hər fəsildə yeni kolleksiyalar meydana çıxır). Ənənəyə sadiq olan insanların gündəlik istifadə etdiyi məhsul (geyim, qida məhsulları və s.) və xidmət növləri (əyləncə, restoran və s.) bir-birindən fərqlənmir, yəni, hər gün eyni istifadə tsikli təkrarlanır. Bu da hər biznes növünün bazarda inkişafına əlverişli deyil. Təsadüfi deyil ki, bu məqamda Quba-Xaçmaz regionunun ənənəyə bağlılığı bir daha özünü göstərir. Belə ki, digər regionlara nisbətdə bu regionda ənənəyə üstünlük verənlər daha çoxdur (Ənənəyə üstünlük verənlər: Quba-Xaçmaz 38%; Aran 25.7%; Dağlıq Şirvan 24.5%; Şəki-Zaqatala 20%; Lənkəran-Astara 19.6%; Gəncə-Qazax 16.8%; Bakı-14.4%). Sorğu nəticələrindən anaların 57.5 faizinin əyləncəyə vaxtlarının çatmadığı məlum olur. Onlar buna səbəb kimi əsasən evdar qadın olduqları və vaxtlarını ev işlərinə, uşaqlarının tərbiyəsinə sərf etdikləri ilə izah edirlər. Onu da qeyd edək ki, əyləncəyə vaxt tapmayanların 61 faizi işsiz analardır. 42.5% ana əyləncəyə vaxt sərf etdiyini deyir. Nəticələr də sübut edir ki, həyat səviyyəsi artdıqca əyləncəyə sərf olunan vaxt və paralel olaraq xərc də artır. Bu göstərici əvvəkli illərə nisbətən artan tendensiya ilə davam edir. Bu nəticənin özü də sübut edir ki, Azərbaycan bazarı asudə vaxtların və əyləncələrin keçirilməsi üçün nəzərdə tutulan xidmətlərin (kafe, restoran, attraksion və s.) potensial bazarıdır. Əyləncəyə çox vaxt ayıranların Azərbaycan üzrə xəritəsinə nəzər yetirdikdə məlum olur ki, kənd rayonlarında əyləncəyə vaxt ayıran analar daha azdır. Belə ki, əyləncəyə ən çox vaxt sərf edən analar Bakı şəhərində (50.1%) və Gəncə-Qazax iqtisadi regionunda olduğu halda (52.5%), ən az vaxt sərf edənlər isə Şəki- Zaqatala (68.1%) və Lənkəran-Astara (66.1%) iqtisadi regionlarında qeydə alınıb.

9 Gənc anaların daha çox ünsiyyətcil olduğu müşahidə olunur Sizin idealınız (pərəstişkarınız, kumiriniz) varmı? (%) Xeyr, 57.8 Bəli, 42.2 Xülasə: Bir çox ölkələrdə insanların hansısa kumirinin olması normal haldır və bəzən hər hansı bir seqmenti hədəfə almaq üçün, marketoloqlar həmin kumirləri (aktyor və ya ekspert) öz kommunikasiya alətlərində istifadə edirlər. Araşdırma nəticələri göstərir ki, bizdə anaların yarısından çoxunun idealı (kumiri) yoxdur (58%). Bu qrup respondentlər hesab edir ki, kimisə bəyənmək, sənətini, işini izləmək, lazım gəldiyində yaxşı mənada faydalanmaq da olar, amma, öz həyatını yox, başqa xarakteri özündə yaşamaq uyğun həyat tərzi deyil. Buna baxmayaraq nəticələr göstərir ki, Azərbaycan anasının əhəmiyyətli bir hissəsi özündə başqa bir xarakteri də yaşadır (42%). Azərbaycanda kollektivist mədəniyyətin olması ən qabarıq şəkildə paytaxda özünü göstərir. Belə ki, sorğuya cavab verənlər arasında regionlara nisbətdə pərəstişkarı olan analara paytaxtda daha çox rast gəlmək olur (46.2%) Sizin xasiyyətiniz (ünsiyyətcil yoxsa sakit və utancaq). (%) 7,5 Tamamilə sakit və utancaq 17,9 Nisbətən sakit və utancaq 20,9 Neytral 22 Nisbətən ünsiyyətcil, sosial yönümlü 31,7 Tamamilə ünsiyyətcil, sosial yönümlü Demək olar ki, hər iki anadan birinin özünü ünsiyyətcil və sosial yönümlü hesab etməsi göstərir ki, insanlar eyni ağıla, zəkaya, fiziki və mənəvi keyfiyyətlərə malik olmadığı kimi, cəmiyyətdə və həyatda da eyni mövqeyə və imkana malik deyillər. Çarpaz təhlillər göstərir ki, ünsiyyətciləm deyənlər daha gənc analardır. Digər tərəfdən maraqlı məqam ondan ibarətdir ki, anaların orta yaşı artdıqca, utancaqlıq və ünsiyyətcil olmama halı da artır. Elə əvvəlki araşdırmalarımız da sübut edir ki, insanların evlilik həyatına qədəm qoyduqdan sonra, onlarda cəmiyyət içində özünü göstərə bilməmək və ictimai əlaqələrdə çatışmazlıq özünü göstərir. Bu qrup insanlar ictimai əlaqələrdən uzaqlaşır, qrup yığıncaqlarına meyilli olmur, şifahi ünsiyyətə girməkdə çətinliklər yaşayırlar. Utancaqlıq isə insanların normal yaşamasına maneəçilik törədir və karyerada uğur qazanmağa imkan vermir. Ehtimal etmək olar ki, işəgötürənlər də bu amili nəzərə alıb, evli xanımları işə götürməkdə həvəsli davranmırlar.

10 Özünə inamı yüksək olan analar, ümumiyyətlə ədalətli və daha optimist olurlar Qərarı asan qəbul edirsiniz? (%) Özünüzdən razılığınız, özgüvəniniz varmı? (%) 10 Xeyr, 40.6 Xeyr, 27.0 Bəli, 59.4 Bəli, 73.0 Xülasə: Analara ünvanlanmış yuxarıdakı 2 sual/dəyişən bir-birinə yaxın olan aspektlərdir. Özünə güvənən adam təbii ki, qərarı asan qəbul edir. Cəmi 27% ana qeyd edir ki, özümə güvənə bilmirəm. Bir ananın qeydi: Qarşıma qoyduğum məqsədə çətinliklə də olsa inamla addımlaya bilirəm. Amma biri nəsə işimi pisləyəcək söz desə, ruhdan düşürəm, özümə olan inamımdan əsər-əlamət qalmır. Anaların verdikləri cavablardan məlum olur ki, lazımi məlumatın olmaması (biliyin kasadlığı), həyat təcrübəsinin azlığı, şəxsi/emosional və sosial/münasibət (ailə, həmyaşıdlar) amilləri anaların özgüvənin az olmasına gətirib çıxara bilir. Araşdırma təhlilləri göstərir ki, özünə inamı yüksək olan analar ümumiyyətlə ədalətli və daha optimist olurlar. Bundan əlavə başqa xarakterdə olmaq istəyi (kumirinin olması), öz həyatını olduğu kimi yox, başqa bir həyat tərzini yaşamaq istəyinin çox olması (dəbdəbəli həyat tərzini yaşamaq istəyi) analarda rəqabətin (bəhsə-bəhsin) güclü olduğunun və özünə inamsızlığın işarətidir. Halbuki, araşdırmalar da sübut edir ki, anaların əksəriyyəti rəqabətdən çox əməkdaşlığa yönələrsə (sosial ünsiyyətə) onlarda özünə inam artacaq və qərarların qəbul edilməsi onlarda daha asan olacaqdır. Azərbaycanın xəritəsi üzrə nəzər yetirdikdə məlum olur ki, qərarı asan qəbul edənlər arasında ən az anaya Aran iqtisadi regionunda rast gəlinir (Qərarı asan qəbul edirsiniz? Aran 50.9%; Şəki-Zaqatala 52.3%; Lənkəran Astara 58.5%; Gəncə-Qazax 60.7%; Bakı 61.7%; Dağlıq Şirvan 66.7%; Quba Xaçmaz 75.4%).

11 Analar ailə büdcəsini müəyyən xərclərdən azad etdiklərini nəzərə ala bilmirlər 11 Kişi Qadın Bərabər Xülasə: Sorğuya cəlb olunanların cavabları göstərir ki, mövcud olan iqtisadi münasibətlər, dolanışıq məsələləri, ailə büdcəsi əsasən kişi tərəfindən tənzimlənir. Analar Azərbaycanda qadınlara nisbətən kişilərin rolunun çox və fərqli xüsusiyyətlərə malik olduğunu səbəb kimi göstərərək, kişiləri ailənin dolanışığını təmin etməli olan əsas subyekt kimi seçiblər. Onlar qeyd edirlər ki, kişinin öhdəsinə düşən böyük məsuliyyətlərdən biri də özünün, ailəsinin, övladlarının maddi təminat məsələsidir (66%). Lakin bu fərq get-gedə azalan tendensiya ilə getdiyi üçün gələcəkdə bu fərq bərabərliklə müşahidə də oluna bilər. Anaların əksəriyyəti hesab edir ki, yalnız evdən xaricdə əmək fəaliyyəti ilə məşğul olan qadın ailə büdcəsinin bir hissəsini təmin edə bilir. Evdar anaların böyük bir qrupu isə əməyin insanın yalnız istehsalatda sərf etdiyi vaxt kimi əmələ gəldiyini qeyd edib, öz əməklərinin dəyərini hesablaya bilmirlər. Halbuki, evdar qadınların əməyinin alternativ xərci hər zaman hesablana bilir və evdar qadınlar ailə büdcəsini müəyyən xərclərdən azad edirlər. Maraqlı məqam odur ki, ailənin dolanışığını təmin etməli olan əsas subyekt kimi kişi seçilsə də (66%), ailə gəlirinin xərclənməsi məsələsində kişinin rolu 39.4 faizə enir. Qrafikdən də görünüdüyü kimi, ailə gəlirinin hara və necə xərcləndiyində bərabərliyin səviyyəsinin ən yüksək olduğu müşahidə edilir (43.4%). Bu da ondan irəli gəlir ki, qadının məhsul/xidmət seçimində rolu böyüyür. Araşdırmalarımız da sübut edir ki, bəzi alış-verişlərdə qadınların rolu kişilərdən daha çoxdur, məsələn, mebel seçimində qadınların rolu (75%) kişilərdən daha çoxdur. Azərbaycanın bölgələri üzrə müqayisəli təhlillər göstərir ki, ailənin dolanışığını təmin etmək baxımından Dağlıq-Şirvan iqtisadi regionu ürzə kişilərin öhdəçiliyi daha çoxdur. Belə ki, digər regionlara nisbətdə bu bölgənin analarının 88.4 faizi ailənin dolanışığını təmin etmək üçün kişi məsuliyyət daşımalıdır dediyi halda, bir nəfər də olsun qadınlar məsuliyyət daşımalıdır cavabını verməyib. Yalnız 11.6% respondent məsuliyyət bərabər şəkildə bölünməlidir cavabını verib.

12 Tədqiqata yanaşma və Ümumi qaydalar 12 ARDI VAR...

13 Tədqiqata yanaşma və Ümumi qaydalar 13 Business Insight öz araşdırmalarını beynəlxalq standartlara və professional etikaya uyğun olaraq həyata keçirir; Business Insight öz araşdırmalarını əldə edilmiş razılığa əsasən həyata keçirir; Business Insight tətbiq etdiyi araşdırma metodu ilə bağlı müştərinin məlumatdırılmasını təmin edir; Qarşılıqlı Hörmət Razılaşmasına na ( Honor Agreement ) əsasən, Business Insight müştərinin tələbi olarsa, tədqiqat prosesinə onun nəzarət etməsinə imkan yaradır; Business Insight öz işini istənilən mərhələdə müştəri qarşısında şəffaf şəkildə təşkil edir; Business Insight araşdırma məlumatlarının təhlili və bu məlumatlara dair şərhlər arasında aydın üstünlük yaradır; Razılaşmada göstərildiyi kimi, Business Insight öz işini büdcə və şərtlərə əsasən təşkil edir; Business Insight bir il ərzində, təmənnasız olaraq özünün həyata keçirmiş olduğu araşdırmalarla bağlı ehtiyac olan hər hansı bir təhlil və ya təhlilləri müştəriyə təqdim etməyi öz öhdəsinə götürür; Business Insight bütün fəaliyyətini ISO 20252/2008 menecment standartına istinadən təşkil edir; Business Insight öz araşdırmalarını ESOMAR və ISO 20252/2008 standartına uyğun olaraq təşkil edir;

14 Tədqiqat üzrə hazırlanmış bu hesabata dair hər hansı bir sualınız olarsa, zəhmət olmasa, aşağıda verilən əlaqə nömrələri vasitəsilə bizimlə əlaqə saxlayın: Tel.: ( ) / / Fax: ( ) office@businessinsight-az.com