P R O C E S V E R B A L

P R O C E S V E R B A L Nga mbledhja III e Kuvendit të Komunës, mbajtur më 26.02.2014, duke filluar në orën 10,15 në sallën e Kuvendit të Komunës së Prizrenit. Në mbledhje ishin të pranishëm 38 anëtarë, prej gjithsej 41 kuvendarëve. Të pranishëm ishin edhe përfaqësuesit e shoqërisë civile, OSBE-ja, Zyra e EULEX-it, KFOR-it, dhe përfaqësues të medieve. Mbledhjen e hapi dhe e kryesoi kryesuesi i KK të Prizrenit, Nijazi Kryeziu. Kryesuesi: Konstatoj se në sallë janë të pranishëm 36, pasi që ekziston kuorumi për vendosje të plotfuqishme, po fillojmë me rendin e ditës. Besoj materialet i keni marr të gjithë me kohë, ka pas disa probleme të disa kuvendarëve që nuk i kanë pranua në emailat e tyre, po ata të cilët kanë probleme, duhet me shkua në zyrën e IT, dhe besoj që për pak minuta zgjidhet ky problem. Ata të cilët e kanë marrë rendin e ditës me kohë, do të thotë si pikë të parë të rendit të ditës kemi: Shqyrtimin e procesverbaleve nga mbledhja e datës 24.12.2013 dhe të datës 22.01.2014. Atëherë hap debat për procesverbalet nëse ka dikush ndonjë rekomandim apo vërejtje. Po urdhëroni. Drita Millaku (LW): Te pika e parë e rendit të ditës është shqyrtuar procesverbali nga mbledhja e fundit. Jam e mendimit që duhet të jetë pika e parë e rendit të ditës, shqyrtimi i procesverbalit, por duhet të jetë betimi i asamblistëve të rinj të Kuvendit, do më thënë zëvendësuesit. Arsyeja pse edhe anëtarëve të rinj duhet mundësohet votimi lidhur me procesverbal, edhe pse nuk kanë marrë pjesë në mbledhjet e kaluara. Kryesuesi: Faleminderit. Dikush tjetër? 1

Fadil Kryeziu (NQPP): Më lejoni t ju përshëndes të gjithëve. E para që po më duket është krejt procedurë normale e rregullt që rendi i ditës të vehet në votim në Kuvend, para se të shkohet të procedohet më tutje, është rregull, nuk është një gjë tjetër, kështu që... Kryesuesi: Faleminderit i nderuar Kryeziu e kemi pikën e tretë shqyrtimi dhe miratimi i rendit të ditës. Arsyeja pse është miratimi dhe shqyrtimi i rendi i ditës, është pasi që të jepet betimi i dy anëtarëve të Kuvendit, që ti mundësohet edhe atyre votimi. Prandaj e ke te pika e tretë e rendit të ditës. Faleminderit. Dikush tjetër? Artan Abrashi (VV): Faleminderit kryesues. Nuk e di se si ka qenë praktika deri më tash po në pikën e parë këtu te shqyrtimi i procesverbaleve nga mbledhjet e kaluara nuk kemi as kopje fizike që mund ti shohim ato rrjedhimisht se si shkon kjo punë unë nuk e di, mirë kishte qenë me na informua pak. Kryesuesi: Po materialet të gjitha përcillen me emailit kështu janë përcjellë në kuvendin e kaluar. Po thash disa kanë pas probleme me emailit edhe nuk i kanë pranua materialet, është do më thënë një vërejtje me vend. Përndryshe në seancat tjera të gjitha materialet do të shkojnë përmes emailit dhe të gjithë do ti marrin materialet përmes postës elektronike. Kjo ka ndodh edhe në Kuvendin e kaluar, kështu do të vazhdojmë edhe ne. Në mbledhjet e ardhshme të gjithë do ti kemi materialet me kohë. A ka dikush tjetër? Z. Hodaj. Haziz Hodaj (LDK): Pika e rendit të ditës për dhënien e betimit të anëtarëve të Kuvendit, sepse pasi që edhe procesverbali votohet, aprovohet nga anëtarët e Kuvendit, fillimisht do duhej të jepej betimi nga anëtarët e Kuvendit, dhe pastaj të procedohet me pika tjera të rendit të ditës. Kryesuesi: Dikush tjetër rreth procesverbaleve? Mirë meqë nuk ka atëherë po e jap edhe arsyetimin pse pika e parë shqyrtimi i procesverbaleve është nga mbledhjet e kaluara. Këta të dy të cilët do ta japin betimin sot nuk kanë qenë pjesë e dy seancave. Prandaj edhe nuk e shohim të arsyeshme që ata duhet me votua për këto dy pika. Kështu që shqyrtimi dhe miratimi i rendit të ditës është në pikën e tretë. Haziz këta ende nuk janë kuvendarë, deri sa nuk e japin betimin nuk janë kuvendarë. Faleminderit. Dikush tjetër? 2

Fadil Kryeziu: Z. Gashi, z. Kryesues më fal. Shqyrtimi i propozimit për rendin e ditës që e ke vu në pikën e tretë, është rregull ku do në çdo asamble, në çdo kuvend komunal, që gjithmonë të jetë pikë e parë. Më pas procedohet edhe shqyrtimi i procesverbaleve edhe gjitha ato. Prandaj pavarësisht kësaj që e kanë dhënë apo jo betimin dy kuvendarët e rinj, pjesa tjetër është legjitime e ligjshme, nën betim që munden me shqyrtua me aprovua ose mos me aprovua. Prandaj, unë mendoj që do të ishte mirë që të procedohet, të aprovohet rendi i ditës dhe të hyhet. Sepse ne po hymë në rend të ditës, e pastaj po hymë në pikën e tretë po e votojmë ose jo rendin e ditës. Faleminderit. Kryesuesi: Faleminderit z. Kryeziu. Ne kemi pas konsulta edhe me zyrën ligjore, dhe rendi i ditës është bë në konsultim edhe me ta. Natyrisht kemi pas takim edhe me shefat e grupeve parlamentare edhe s ka qenë kjo vërejtje. Përndryshe meqë është propozim unë e hedh në votim propozimin. Propozimi i parë do të shkon me rendin e ditës ashtu siç e kemi paraparë edhe siç e kemi propozua. Ndërkaq propozimi i dytë do të jetë me këtë propozimin e z. Kryeziu. Kush është për variantin e parë të rendit të ditës? 23. Kundër? 4. Abstenime? 4. Faleminderit, konstatojmë se varianti i parë mbetet për rend dite. Faleminderit. Pika e parë: Shqyrtimi i procesverbaleve nga mbledhjet e kaluara 24.12.2013 dhe të datës 22.01.2014. Meqë diskutimet përfunduan, kush është për? 18. Kundër? 3. Abstenime? 9. 3

Faleminderit, konstatoj se me shumicë votash janë miratuar procesverbalet e mbledhjeve të kaluara 24.12.2013 dhe të datës 22.01.2014. Pika e dytë: Dhënia e betimit e dy anëtarëve zëvendësimet nga radhët e LDK-së. Unë i kisha lutë që ngrihen në këmbë dy kuvendarët e rinj, kemi edhe konfirmimin nga KQZ-ja, gjithçka është në rregull sa i përket procedurave. Unë do ta lexoi para juve, ndërkaq ju pas meje. Unë, (Nexhat Bytyqi dhe Saladin Xhaferi), Betohem se do t i kryej me nder, me besnikëri, pa anim e me ndërgjegje dhe sipas ligjit detyrat dhe do t i ushtroj autorizimet e mia si anëtar i Kuvendit të komunës së Prizrenit, në mënyrë që të sigurohen kushte për jetë të qetë për të gjithë. Faleminderit urime. Pika e tretë: Shqyrtimi dhe miratimi i rendit të ditës të propozuar për këtë mbledhje. Do të thotë e thash edhe pak më parë që ne e kemi pas një konsultim me shefat e grupeve parlamentare për këtë rend të ditës. Nëse dikush nga ju donë ta merr fjalën, atëherë hapim debatin. Mirë, meqë nuk ka, atëherë e hedhim në votim edhe rendin e ditës. Kush është për? Të gjithë. Kundër? S ka. Abstenime? S ka. Faleminderit, në mënyrë unanime miratohet ky: 4

R E N D D I T E 4. Shqyrtimi i propozimvendimit për themelimin dhe emërimin e anëtarëve të Komitetit për Politikë dhe Financa, 5. Shqyrtimi i propozimvendimit për themelimin dhe emërimin e anëtarëve të Komitetit të Komuniteteve, 6. Shqyrtimi i propozimvendimit për themelimin dhe emërimin e Këshillit për Siguri në Bashkësi dhe 7. Të ndryshme. Më lejoni që në emër tuajin edhe të Kuvendit të përshëndes edhe praninë edhe të Kryetarit. Pika katërtë: Shqyrtimi i propozimvendimit për themelimin dhe emërimin e anëtarëve të Komitetit për Politikë dhe Financa. Edhe për këtë pikë kemi bisedua me shefat e grupeve parlamentare, edhe kemi dal me një çelës, ku janë të përfshira të gjitha subjektet politike, konform forcës që kanë në Kuvend. Unë po ua lexoj çelësin, dhe pastaj e hapim debatin. Për Komiteti për Politikë dhe Financa janë propozua: PDK 3 ulëse, LDK 3 ulëse, Kualicioni KDTP, Vakat 1, AAK LDD 1, BD 1, W 1 dhe NDS 1. E hap debatin rreth kësaj pike. Nëse nuk ka, ne i kemi variante, sot mund ti japim edhe emrat e subjekteve, nëse dikush nga ju i ka. Nëse nuk i ka atëherë partitë të cilat i kanë ulëset deri të premten duhet ti sjellin emrat, do të thotë në zyrën për shërbime juridike, ose në zyrën e Kryesuesit. Ata të cilët i kanë emrat mund ti japin edhe sot. Masar Shala. Masar Shala (PDK): Përshëndetje në radhë të parë për kryetarin, kryesuesin dhe gjithë juve. Parti Demokratike si parti bindshëm ma e konsoliduar normalisht që i ka emrat. Dhe ata në KPF-ca e përfaqësojnë: Masat Shala, Shukri Quni dhe Fahrije Bytyqi. Faleminderit. Faleminderit që Shala. Zonja Mustafa. Mybera Mustafa (LDK): I nderuari kryesuesi. LDK-ja e ka çelësin deri të premten ne do ti sjellim, me protokoll me vulë me vendim. 5

Kryesuesi: Faleminderit shumë. Bashkimi Demokratik. Shani Berisha (BD): Të gjithëve ju përshëndes, përshëndes kryesuesin, kryetarin edhe të gjithë të pranishmit. BD-ja për këtë komitet propozon Osman Hajradin. Faleminderit. Kryesuesi: Faleminderit z. Berisha. Z. Rexhaj. Arbër Rexhaj (VV): Përshëndetje për të gjithë. Lëvizja Vetëvendosje për këtë komitet ka përcaktuar Artan Abrashin. Kryesuesi: Faleminderit z. Rexhaj. Dikush tjetër? Po. Bujar Nerjovaj (AAK): Deri të premten edhe AAK-ja do të sjellë emrin e përfaqësuesit, në mungesë të kryetarit. Kryesuesi: Faleminderit z. Nerjovaj. Po doktor urdhëro. Oruć Karadollami (NDS): Pozdravljam sve prisutne, takođe i nas poslanički klub će do petka u pismenoj formi dostavi imena svih komiteta. Hvala. Kryesuesi: Faleminderit. Z. Levent Bus. Levent Bus Zëvendëskryesues: Sayın Meclis Başkanı, Belediye Başkanı, sayın arkadaşlar bizler de hafta içerisinde koalisyon KDTP, VAKAT olarak isimleri hafta sonuna kadar vereceğiz. I nderuar Kryesues, i nderuar Kryetar dhe të nderuar të pranishmit gjithashtu edhe ne koalicioni KDTP dhe VAKAT deri në fund të javës do ti sjellim emrat. Kryesuesi: Faleminderit z. Levent. Mirë me gjithë këto propozime, unë e hedh në votim edhe këtë pikë të rendit të ditës. Kush është për? 29. Kundër? S ka. 6

Abstenime? S ka. Faleminderit, konstatoj se me shumicë votash është miratuar edhe kjo pikë e rendit të ditës, propozimvendimi për themelimin dhe emërimin e anëtarëve të Komitetit për Politikë dhe Financa. Mirë nga të pranishmit 36 sa janë në sallë 26 janë për, kundër dhe abstenime nuk ka. Faleminderit. Pika e pestë: Shqyrtimi i propozimvendimit për themelimin dhe emërimin e anëtarëve të Komitetit të Komuniteteve. Edhe këtu bashkë me shefat e grupeve parlamentare kemi pas diskutim edhe kemi dal me një çelës, për ta propozuar për Kuvendin. Komiteti për Komunitete do ta ketë këtë përbërje: PDK-ja do ti ketë 2 vende, LDK-ja 2, BD-ja 1, AAK-ja 1, VV 1, Vatakti 1, NDS-i 1, KDTP 1, romet 1, ashkali 1, egjiptas 1, serb 1 dhe goran 1. Besoj që e dini të gjithë, ky komitet duhet në përbërje të ketë shumicën nga komitetet, dhe për këtë arsye janë të përfaqësuara të gjitha komunitetet të cilët jetojnë në komunën tonë në Prizren. E hapi debatin edhe për këtë pikë të rendit të ditës. Mirë, meqë nuk paraqitet askush, e hedh në votim edhe pikën e pestë të rendit të ditës. Kush është për? 33. Kundër? S ka. Abstenime? S ka. Mirë atëherë më lejoni të konstatoj se nga 36 të pranishëm 33 janë për këtë pikët të rendit të ditës propozimvendimi për themelimin dhe emërimin e anëtarëve të Komitetit të Komuniteteve. Konstatoj se edhe kjo pikë e rendit të ditës është miratuar. Pika e gjashtë: Shqyrtimi i propozimvendimit për themelimin dhe emërimin e Këshillit për Siguri në Bashkësi. 7

Për këtë këshillë, do të thotë kemi një udhëzim administrativ. Urdhëro. Osman Hajdari (BD): Faleminderit kryesues, pse nuk po shkosh me emra për Komitet për Komunitete mi propozuar partitë. Kryesuesi: Sepse nuk i kanë. Hajdari: Po qata që i kanë, munden me i propozua mendoj. Kryesuesi: Mirë po ai le të vjen me propozim me letër pastaj ne e rregullojmë. Urdhëro z. Rexhaj. Arbër Rexhaj: Po më qenë se i more emrat e KPF-ca, mendoj që është në interesin e gjerë pra edhe të qytetarëve të dinë edhe për këta emra. Ata që si kanë emrat, le ta dinë që si kanë, i sjellin në ndërkohë. Po ata që i kanë pra edhe le ti dorëzojnë. Pavarësisht nëse ndonjë subjekt nuk i ka. Pra po mendoj që është në interesin e përgjithshëm që të dihen emrat. Kryesuesi: Mirë, oke atëherë shkojmë me rend, nga PDK-ja. Masar Shala: Nga PKD-ja e kemi Sehare Maliqin edhe Kastriot Krasniqin. Kryesuesi: Faleminderit z. Shala. Nga LDK-ja. Mybera Mustafa: LDK-ja do ti sjellë emrat si për tjetrin komitet. Kryesuesi: Faleminderit zonja Mustafa. BD-ja. Osman Hajdari: Në emër të BD-së si anëtare për Komitetin për Komunitete shkon Lirije Bytyqi. Kryesuesi: Faleminderit. Nga AAK-ja. Bujar Nerjovaj: Deri të premten thamë të gjitha do të vinë në formë të shkruara dhe të vulosura. Kryesuesi: Faleminderit. VV-sje. 8

Arbër Xhaferi: Drita Millaku. Kryesuesi: KDTP Vakat. Levent Bus: Hafta içerisinde. Mbrenda javës. Kryesuesi: NDS-i. Oruc Karadollomi: Clana se ovaj komitet dostavit cemo do petka u pismenoj formi. Kryesuesi: Faleminderit. Duhet me pas parasysh që shumica e thjesht të këtij Komiteti përbëhet nga anëtarë të Kuvendit, ndërkaq pjesa tjetër vinë edhe nga jashtë, do më thënë i propozojnë subjektet e tyre politike. Faleminderit, edhe me këta emra, konstatojmë si i bashkohen edhe këta emra pikës të cilën veç e miratuam pak më parë. Faleminderit. Pika e gjashtë: Shqyrtimi i propozimvendimit për themelimin dhe emërimin e Këshillit për Siguri në Bashkësi. Ky këshillë formohet konform Udhëzimit Administrativ nr. 27/12-03/2012, të cilin e ka nxjerrë Ministria e Punëve të Brendshme për këshillat komunal për siguri në bashkësi. Nëse ka nevojë unë e lexoj atë pjesën se si do të jetë përbërja e këtij këshilli. A e keni në materiale? Mirë megjithatë po e lexoj unë njëherë. Neni 3 thotë themelimin i KKSB-së, çdo komunë themelon KKSB-në. KKSB-ja themelohet me vendim nga komunal i komunës përkatëse. Përbërja e tij do të jetë: Kryetari i Komunës të njëjtën kohë është edhe kryesues i këtij këshilli Komandanti i Stacionit të Policisë në komunën përkatëse, nga një përfaqësues legjitim i secilës bashkësi fetare të komunës përkatëse, nga një përfaqësues të secilit komunitet etnik i komunës përkatëse, kryesuesi i komitetit për komunitete i kuvendit të komunës, zyrtari për barazi gjinore, drejtori i drejtorisë për arsim, kryetari i këshillit të prindërve të arsimit të komunës përkatëse, një përfaqësues i FSK-së, një përfaqësues i secilit këshill lokal për siguri publike, kryesuesi i ekipit veprues për siguri në 9

bashkësi, një përfaqësues nga sektori i emergjencave civile komunale, përfaqësi i zyrës komunale për komunitete dhe kthim, një përfaqësues nga OJQ, mediet lokale, komuniteti i biznesit dhe komuniteti i personave me aftësi të kufizuara. Kjo do të është përbërja e këtij Komiteti të cilin do ta udhëheqë kryetari i komunës. E hap debatin edhe për këtë pikë. Z. Kryeziu. Nijazi Kryeziu (PDK): Faleminderit kryesues, i nderuar kryetar, të nderuar. Unë besoj që te neni 2 te përbërja, diku i bie rreshti katërtë nga një përfaqësues legjitim i secilës bashkësi fetare, këtu duhet të ketë debat Kuvendi, sepse duhet të shihet në çfarë shkallë, kush janë ata që janë legjitim si bashkësi fetare. Edhe a kanë të drejtë të gjitha bashkësitë fetare që janë të regjistruara në Republikën e Kosovës dhe si operojnë dhe ushtrojnë misionin e vetë. Sepse mund të ketë ndonjë bashkësi fetare nesër që përjashtimisht për shkak të kësaj që po shkruhet nga një përfaqësues legjitim i secilës bashkësi fetare mund ta gjen vetën jashtë edhe përkundër faktit që kjo është e regjistruar si bashkësi fetare. Do të thotë këtu me sqarua konform udhëzimit administrativ a ka pas diku në Kosovës nëpër kuvende komunale përjashtime për ndonjë bashkësi fetare e cila në fakt operon dhe është e regjistruar me ligjet në fuqi në Republikën e Kosovës. Jo përpos tre konfeksioneve që ne i njohim tradicionalisht. Faleminderit kryesues. Kryesuesi: Faleminderit z. Kryeziu. Dikush tjetër? Zonja Millaku. Drita Millaku: Unë e pata një propozim d.m.th. te kjo pikë, sipas nenit 9 udhëzimi administrativ. Do më thënë detyrat dhe përgjegjësit e kryesuesit të KKSB-së, e që është kryesues Kryetari i komunës, ku e ka për detyrë që ti fton të gjithë komunitetet për paraqitjen e propozimeve dhe pastaj e bënë listën e personave që ai i propozon. Pyetja është, a e ka bërë këtë aktivitet Kryetari i komunës, nëse po, kur, dhe nëpërmjet cilave mjete të informimit, si dhe cilat ishin propozimet të komuniteteve dhe të qytetarëve? Po ashtu në udhëzimin administrativ përmendet se tek obligimi i Kryetarit është dy herë në vit të bëjë raportin mbi punën e KKSB-së para Kuvendit. Pyetja përsëri është, a ekziston ndonjë raport të cilin ne mund ta lexojmë mbi punën e ish KKSB-së, për ta vazhduar me një kontinuitet ku kanë ngecur, dhe në cilat probleme kanë hasur. Ky raport do të na duhej për arsye të përzgjedhjes më të mirë të anëtarëve të KKSB-së. Kryesuesi: Faleminderit zonja Millaku. Dikush tjetër? Z. Abrashi. 10

Artan Abrashi: Gjithashtu edhe unë e pata një pyetje. Është tek neni 2. kur bije fjala tek përzgjedhja e përfaqësuesve nga OJQ-ja, mediet lokale, komuniteti i biznesit etj. Mbi çfarë kritere bëhet kjo përzgjedhje? Në qoftë se marrim parasysh faktin që komuniteti i medieve është i gjerë këtu në Prizren i kemi katër TV, radio, portale informative të tjera. Pastaj kemi një numër të konsiderueshëm të organizatave joqeveritare. Sigurisht atëherë duhet me vlejtë një kriter, që ndoshta mirë kishte qenë me ditë edhe ne këtu si organ legjitim që e formon këtë komision, se cili është ai edhe mbi bazën e çkafit bëhet përzgjedhja e këtyre anëtarëve. Faleminderit. Kryesuesi: Faleminderit. Dikush tjetër? Zonja Mustafa. Mybera Mustafa: Faleminderit kryesues. Edhe unë mendoj që për me mund ne me votua, ne po e dimë nga vinë këta njerëz, po kishte qenë mirë me ditë kush janë këta njerëz, që me mund ne me votua. Ndoshta ju si administratë, këta po shihet kush ka mi propozua, edhe përafërsisht kush kanë me qenë. Mirëpo, janë disa që edhe nuk e dinë kush kanë me qenë. Edhe ne si asamble dojmë me ditë për me mund mi votua. Kryesuesi: Faleminderit. Dikush tjetër? Z. Rexhaj. Arbër Rexhaj: Unë e kam veç me ngrit një shqetësim, në lidhje me formimin e këtij komisioni. Problemi është që para se të vija këtu, unë kontaktova me disa mediume dhe pyeta, pra a e dini që e keni një përfaqësues brenda, dhe fakt ajo çka ndodhi që nuk e dinin bile, bile që do duhej të ishte një përfaqësues brenda, e lere më emrin e tij. Problemi qëndron se, mendoj që sidomos gjatë periudhës së zgjedhjeve në Prizren, pra është parë që mediet janë ndikuar politikisht dhe kanë anuar pra pushteti aktual që është PDK-ja. Kështu që përzgjedhja e këtij përfaqësuesi, pra të na tregohet këtu neve, që ne të kemi mundësi ta dimë se kush është ai, dhe në fakt më pastaj ta votojmë. E njëjta gjë njëjta gjë vlen edhe me përfaqësuesin nga OJQ-të, sepse pra ky pushtet komunal po i zgjedh edhe OJQ-të të cilat janë të anshme, dhe anojnë nga pra pushteti. Si dhe mua po më intereson në veçanti të di edhe për përfaqësuesin nga komuniteti i personave me aftësi të kufizuara, sepse kemi me dhjetëra organizata të tilla. Dhe se kush realisht do të mund që denjësisht edhe ti përfaqësoj ata. Ju faleminderit. Kryesuesi: Faleminderit z. Rexhaj. Unë besoj se shumica e sqarimeve janë në udhëzim administrativ. Kuvendit sot i kërkohet për me nxjerr vendim për themelimin e këtij këshilli. Dhe në udhëzim administrativ 11

tregohet se kryesuesi i bënë propozim pastaj, që në këtë rast është Kryetari i komunës, dhe ne nuk mund të dimë kush janë ata për deri sa Kryetari nuk e ka pru listën me propozime. Ndërkaq sa i përket medieve, ata i kanë... Veç pak Artan. Ne e nxjerrim vendimin sot për themelimin e këtij këshilli, ndërkaq kryetari pastaj e propozon listën. Përndryshe, sa i përket medieve dhe OJQ-ve, ata i kanë përfaqësuesit e tyre. E kanë sigurisht organizatën e përbashkët, e kanë edhe mediet, e kanë edhe organizatat në Prizren. Ata vendosin vetë kënd e bien. Faleminderit. Atëherë e hedh në votim edhe këtë pikë të rendit të ditës. Kush është për? 21. Kundër? 10. Abstenime? 2. Faleminderit, nga 36 të pranishëm 21 janë për, 10 kundër dhe 2 abstenojnë. Konstatoj se edhe kjo pikë e rendit të ditës është miratuar, propozimvendimit për themelimin dhe emërimin e Këshillit për Siguri në Bashkësi. Pika e shtatë: Të ndryshme. A ka dikush diçka? Urdhëro z. Berisha. Shani Berisha: Desha për këtë vendim që e votuat, unë isha kundër, sepse ishte sipas meje një themelim virtual. Do më thënë si konstrukt u dha si propozim si vendim, edhe u votua me shumicën e votave. Mirëpo ne s po dimë kush është si pjesë përbërëse e këtij komisioni. Do më thënë për mua ky konsiderohet një vendim virtual. Faleminderit. Kryesuesi: Faleminderit. Ne e kemi konstatua votën tuaj kundër. Ndërkaq sa i përket formës, e ka konstatua edhe jep sqarime edhe udhëzimi administrativ. Faleminderit. Te pika e fundit e rendit të ditës, a ka dikush diçka tek të ndryshmet? Z. Rexhaj, veç mos të flasim për pikat që janë miratua se është mbyllë ajo temë. 12

Arbër Rexhaj: S ka lidhje është në të ndryshme edhe kemi të drejtë me fol. Problemi qëndron do më thënë në atë që ne po e dimë atë çfarë thotë udhëzimi administrativ dhe po e kemi shumë të qartë. Mirëpo nëse kjo qeveri komunale është transparente, pra ashtu siç thirret, e në fakt ne e dimë se çfarë është mirë. Do duhej që paraprakisht të na jepte emrat, edhe ti bënte publikisht. Që jo vetëm ne si përfaqësues të qytetarëve të Prizrenit, por në përgjithësi edhe opinioni publik ti dinte ata emra, kjo ishte e para. Dhe e dyta, mendoj që para së gjithash, është në interesin e përgjithshëm të qytetit të Prizrenit, që ti dimë sidomos këta që i përmendem, sepse përherë kanë anuar politikisht. Pra do duhej që Kryetari të vinte këtu i përgatitur që më pastaj të na jepte emrat për këta të cilët pra edhe do sygjeroj në mënyrë të prerë. Kryesuesi: Faleminderit. Kryetari nuk mundet me ardhur me listë pa pas vendim të Kuvendit. Ne sot e kemi nxjerr vendimin edhe udhëzimi administrativ i ka sqaruar rrugët se qysh vjen kryetari deri te lista. Faleminderit. Z. Kryeziu. Nijazi Kryeziu: Kryesues kërkoj falje, nuk është traditë me e marrë dy herë për një pikë fjalën, po jemi te të ndryshmet. Ideja e themelimit të këtij këshilli, ose marrja e këtij vendimi, është shumë e qartë, nëse VV-ja dhe BD-ja do donë me bo vetëm politik është tjetër muhabet, duhet me lexua jo vetëm udhëzimin, ka të bëjë edhe me ligjin për policinë, ka të bëjë edhe me udhëzimin i cili e përcakton kush është anëtar i këtij këshilli. Këtij Kuvendi i është propozuar sot një draft për me marr vendimin si akt i ndarë për me themelua atë, për me ekzistua. Por ne nuk i emërojmë anëtarët e atij. Vjet ka pas dualizëm z. Rexhaj mundesh me lexua janë dy udhëzime administrative. I pari që e kundërshton qetë të fundit edhe fundit që është, ka pretendua me përmirësua të parin e nuk e ka përmirësua. Po ne nuk e themelojmë, po ne veç marrim vendim për me ekzistua ai këshill, si Kuvend komunal. Është e paracaktuar kush është anëtar i këtij këshilli edhe çfarë kompetenca kanë. Ajo pjesa që e thatë ju, edhe mu amë pëlqeu, sepse edhe unë e shtrova pyetjen te çështja e komuniteteve fetare. Ka pas në mandatin e kaluar shqetësim nga një komunitete fetar që operon në komunën e Prizreni dhe është i licencuar dhe i regjistruar për operim konfencional edhe nuk ka mund me pas qasje për shkak se s është e parashikuar. Edhe është mirë ajo edhe unë po pajtohem me pjesën e fundit të fjalës suaj. Me pas ky Kuvend, kryetari pasi që të themelohet ajo që fillon me funksionuar, një raport të asaj se kush janë, çka janë. Sepse munden me qenë edhe nga komunitetet tjera, që s është i mirë për institucionet e Republikës së Kosovës. Unë pajtohem 13

me atë pjesë. Po ne nuk kemi të drejtë me përcaktua se kush është anëtar. Përafërsisht po i sheh që janë anëtarët, qata që janë. Edhe Prizreni nëse ka mundësi tek konfesionet edhe diku tjetër me shtua edhe dikë mirë. Përndryshe ne nuk jemi kompetent. Ne jemi me marrë vendim, ndonjë pagesë financiare, ndonjë gjë tjetër. Nuk mundet me shkua në bazë të udhëzimit pa e pas vendimin prej Kuvendit. Kjo është ideja, çështje administrative është jo politike. Kryesuesi: Faleminderit z. Kryeziu. Po zonja Mustafa. Mybera Mustafa: Pasi është në të ndryshme. Unë mendoj, edhe për atë edhe abstenova. Nëse ka pas dualizma në mes dy udhëzimeve administrative ju keni qenë në pushtet edhe katër vite keni mund me i rregullua ato edhe mi harmonizua. Ne nuk e kontestojmë aspak ligjin, ne e shohim që duhet mu formua ky komision. Po s ka kush që na bind që nëse duhet me ardhur në asamble, ne s kemi të drejtë me i ditë emrat paraprakisht. Nëse ju nuk e keni thënë krejt në fillim, që ndoshta lista ka me ardhur edhe njëherë mu aprovua, ajo është diçka tjetër. A nëse duhet prej kësaj asambleje ne me aprovua diçka, ne ishte dashtë mi pa edhe emrat, unë kështu mendoj. Përndryshe nëse shkruan në ligj, edhe po dika kush ka me qenë, atëherë pse na keni pru neve. Jo këtu po thotë i emëron, e tha kolegu. Mos të hymë në polemikë. Kjo ishte arsyeja, jemi te fol në të ndryshme, se nuk e kisha marr prapë fjalën. Kjo ishte arsyeja që ne nuk pajtohemi me këtë mënyrë. Se s ka logjik. Kryesuesi: Faleminderit. Unë e thash, se po duhet mu kthye prapë. Ne sot e nxjerrim vendimin, aktin, ndërkaq kryetari e propozon listën. Kryetari është transparent, edhe po thotë që do ta sjell listën në Kuvend, edhe besoj që kemi me pa të gjithë. Nuk është diçka që fshihet. Faleminderit. Urdhëro z. Berisha. Shani Berisha: Kryesues, ne nuk patëm nevojë që Kryeziu me na shpjegua neve a dimë mi lexua ligjet. Unë mendova që si vendim BD-ja e përkrahë, se është obligative me ligj, mirëpo emrat nuk duhet me qenë anonim. Për neve janë të paqartë, çoftë prej medieve, prej shoqërisë civile, prej biznesit, kush janë këta emra. Hajde prej policisë po e dimë ne vjen dikush i policisë. Ama si vendim PD-ja është pro kësaj, sepse është shumë në rregull ligjore. Edhe më duket se e ke nis keq qysh në fillim ne i kemi votat, i more votat. Kjo nuk është në rregull a. Faleminderit. 14

Kryesuesi: Faleminderit z. Berisha. Kryetari e ka fjalën. Prof. Dr. Ramadan Muja, Kryetar i komunës: Z. Shani edhe ju të tjerët, mos u sikletisni. Ka qenë e nevojshme të respektohet akti i themelimit, dhe pas aktit të themelimit të gjitha organizatat joqeveritare, bashkësitë fetare, e të gjitha ato që janë të përfshira në udhëzimin administrativ, do të na i dërgojnë emrat. Dhe ju do të informoheni për emrat që do ta formojnë KKSB-në. Nuk ka problem, do të informoheni. Shani Berisha: Unë personalisht nuk po sikletohem, mirëpo do duhej që kur votohet për një vendim, do më thënë si vendim i obligueshëm, do më thënë do duhej me ditë se kush është pjesë e këtij vendimi. Jo definitivisht të nxirret vendimi, të votohet vendimi, e mandej këqyrim për emrat, ne i bëjmë vetë. Kjo është për mua e paqartë. Kryesuesi: Faleminderit z. Berisha. Unë thash edhe më herët që e ka udhëzimi administrativ. Ne kemi me nxjerr një vendim, ku kemi me obligua kryetarin e komunës me themelua këtë këshill. Natyrisht me propozimet që kanë me ardhur prej organizatave, prej medieve, prej policisë, prej institucioneve fetare edhe prej të gjithëve. Unë nuk e di pse po hapet polemikë për një send që është hap i parë, janë edhe disa hapa tjerë. Faleminderit. Urdhëro z. Abrashi. Artan Abrashi: Kështu, sinqerisht unë nuk po e kuptoj kur një organ sikur se Kuvendi, ka të drejtë, ka kompetenca për me themelua një këshillë, po nuk kemi të drejtë të diskutojmë mbi atë se kush do ta përbëj këtë këshill. Edhe a ka mundësi me na tregua më qenë se paska këtu kuvendarë, që kanë përvojë mbi këto çështje. Me na tregu se çka nënkupton akti i themelimit? Dhe pse në këtë nocionin akt themelimi, nuk po bojka pjesë diskutimi për emrat e njerëzve të cilët do ta përbëjnë këtë këshill. Kryesuesi: Faleminderit. Dikush tjetër? Mirë, atëherë e mbyllim edhe këtë debat. Kryetari e kërkon fjalën edhe njëherë. Faleminderit. Kryetari i komunës: I nderuar kryesues, zëvendëskryesues, kuvendarë të nderuar, përfaqësues të OJQ-ve, përfaqësues të mjeteve të informimit, zonja dhe zotërinj. Kam kënaqësinë që qytetarët e komunës së Prizrenit sot ti informoj lidhur me emrat që do ta përbëjnë ekzekutivin e komunës së Prizrenit. 15

Nënkryetar i komunës do të jetë z. Lulzim Kabashi nga koalicioni AAK LDD, Drejtor për Shërbime Publike do të jetë z. Hasan Hasani nga PDK-ja, Drejtor për Urbanizëm dhe Planifikim Hapësinor do jetë z. Nijazi Kryeziu nga PDK-ja, Drejtor për Arsim dhe Shkencë do të jetë z. Nexhat Çoçaj nga PDK-ja, Drejtor për Shëndetësi do të jetë dr. Zyber Rizanaj nga PDK-ja, Drejtor për Inspektorate do të jetë z. Bedri Bytyqi nga PDK-ja, Drejtor për Punë dhe Mirëqenie Sociale do të jetë z. Hazër Shala po ashtu nga PDK-ja, Drejtor për Zhvillim të Turizmit do të jetë z. Mensur Mytyqi nga koalicioni AAK LDD, Drejtor për Emergjencë dhe Siguri do të jetë kandidati nga Vakati emrin do të na sjellin, Drejtor për Bujqësi dhe Zhvillim Rural do të jetë Z. Pal Geci nga koalicioni AAK LDD, Drejtor për Kulturë, Rini dhe Sport do të jetë z. Arhim Ajazi nga partia NDS, Drejtor për Administratë do të jetë z. Ilir Baldedaj nga koalicioni AAK LDD, Drejtor për Ekonomi dhe Financa do të jetë përfaqësuesi nga KDTP, Drejtor për Gjeodezi dhe Kadastër do të jetë po ashtu përfaqësuesi nga KDTP. Partitë politike partnere të koalicionit që nuk i kanë deponua emrat e kandidatëve për drejtorë, ftohen që deri më 07 mars ti dorëzojnë emrat. Ju faleminderit. Kryesuesi: Faleminderit Kryetar, faleminderit të nderuar kuvendarë, shihemi në seancën e radhës. Faleminderit. Përfundoi në orën 11:05. Procesmbajtësi Sehat Krasniqi Kryesuesi i Kuvendit Kujtim Gashi 16